Logooli - 2008 KENBS (NT) Drama

<div class="version vid2888 iso6393rag" data-vid="2888" data-iso6393="rag">
 <div class="book bkLUK">
 <div class="chapter ch6" data-usfm="LUK.6">
 <div class="label">6</div><div class="s">Liteeva kigira Lisabato</div><div class="r">(Mat. 12:1-8; Mar. 2:23-28)</div><div class="p"> 1Lidiku lilala lie Lisabato Yeso yaali navitiraa mu milimi jovoro. Aviigi veve vatanga kutavula viangala vio voro nivavivuunga mu makono gaavo nivalia. 2Avalala ku Avafarisayo vavateeva, &#8220;Kigira ki mukoraa gataduukanaa kokolwa ku lidiku lie Lisabato?&#8221;</div><div class="p"> 3Yeso yavativulira, &#8220;Munyi simwasoma kuli Daudi yakola harara navache veve lwa vaali ninzara? 4Yingira munyumba ya Nyasaye, navugura mugadi mutakatifu, nalia, kandi nahaana ku avache veve. Kolondekana ni Lilaga, avasaalisi venyine nivo avaari nivavugilirwa kulia migadi yijo.&#8221;</div><div class="p"> 5Kunangwa Yeso yavavolera, &#8220;Mwana wa Adamu aveeye Mwami wi Lisabato.&#8221;</div><div class="s">Yeso yahonyia mundu waali niyang'era mukono</div><div class="r">(Mat. 12:9-14; Mar. 3:1-6)</div><div class="p"> 6Lidiku liridi lie Lisabato, Yeso yingira mu lisinagogi niyigiza. Yaali ho mundu wumukono gwigwe mulungi gwaali nigwang'era. 7Avigizi vi Lilaga valala na Avafarisayo vahenza valore Yeso niiva yaali anyala gohonyia mundu ku lidiku lie Lisabato, kunangwa vanyoore kivuni chu kumuyaara. 8Navuzwa Yeso yamanya zing'anagani ziavo, navolera mundu zana oyo, &#8220;Hamba usingiri imbiri yinu.&#8221; Mundu oyo yazia nasingira yo. 9Maku Yeso yavavolera, &#8220;Muteeva, Lilaga lietu likovooleraa kokole ki ku lidiku lie Lisabato? Kokonya anoho kusaliriza? Kohonyia livamwoyo liu mundu anoho kulidiviza?&#8221; 10Lwa yamala kuvahenza vosi avaari ho, yavolera mundu wang'era mukono oyo, &#8220;Nyira mukono gugwo.&#8221; Naye yakola ndio, nu mukono gwahona kandi.</div><div class="p"> 11Vizura uvutima vonene ligali nivavolerana aveene icha vanyara kokora ku Yeso.</div><div class="s">Yeso yatovola avatumwa likomi na vaviri</div><div class="r">(Mat. 10:1-4; Mar. 3:13-19)</div><div class="p"> 12Lidiku lilala Yeso yazia mu kiguru kusaala, kandi yagona yo nasaalaa ku Nyasaye uvudiku vwosi. 13Lwa vwacha, yalanga aviigi veve kandi yatovola likomi na vaviri, avayaalanga avatumwa. 14Simoni wa Yeso yagulika Petero Andereya amwavo weve, Yakobo na Yohana, Filipo na Baturumayo, 15Matayo na Tomasi, Yakobo muyaayi wa Alfayo na Simoni uwalangwa Muzelote#6:15 Muzelote: Liveeye kovora, uwayaanza kivala chiche., 16Yuda mwana wa Yakobo na Yuda Esikarioti wamanya naagwa muzaami.</div><div class="s">Yeso yigiza avandu kandi yahonyia avalwaye</div><div class="r">(Mat. 4:23-25)</div><div class="p"> 17Lwa Yeso yaali niyakamara ku sulunguta kutura ku kiguru, harara na aviigi, yasingira mu kereremo harara ni kiduma kenene cha aviigi veve. Kiduma kenene cha avandu chaali ho kutura muzimbega, ziosi zie Ivuyuda na Jerusalemi kandi kutura mu madaala manene gukunyanza aga Tiro na Sidoni. 18Vosi vaali ni vazi kuhulira Yeso kandi kohonywa zinguzu ziavo. Yahonyia yavo vosi avanyangizangwa na mademoni. 19Avandu vosi vageriza kumudiira, kigira zinguru ziatulaa muye nizivahonyia vosi.</div><div class="s">Uvuyanzi novovereri</div><div class="r">(Mat. 5:1-12)</div><div class="p"> 20Yeso yahenza aviigi veve navoora</div><div class="q">&#8220;Muveeye nu vugasu munyi avaveeye avadaka;</div><div class="q2">kigira Uvwami vwa Nyasaye nu vwinyu!</div><div class="q"> 21&#8220;Muveeye nu vugasu avaveeye ninzara kalunu;</div><div class="q2">kigira mulakutizwa!&#8221;</div><div class="q">Muveeye nuvugasu avaliranga kalunu;</div><div class="q2">kigira mulakaseke!</div><div class="p"> 22&#8220;Muveeye nu vugasu munyi lwa vandu vamuduu nyira niiva musuraa nukumunyega, nukumwononyira lieta Mwana wa Adamu. 23Ing'inga yene yeyo, munyi musangare nukukina nuvuyanzi kigira, heenzi ligali madanyi ginyu gaveeye manene mwigulu Kigira nindio avaguuga vaavo vakolera avaporofeti.</div><div class="q"> 24&#8220;Navuzwa O, vayaye, kilaamo keveeye ku munyi avatugi,</div><div class="q2">kigira mumali konyoora liehozeliza lienyu!</div><div class="q"> 25&#8220;O, vayaye, kilaamo keveeye ku munyi avamuveeye ninziguta kalunu;</div><div class="q2">kigira lwinyima mulava ninzara!</div><div class="q">O, vayaye, kilaamo keveeye ku munyi avasekaa;</div><div class="q2">kigira inyima mulasioma nu kulira!</div><div class="p"> 26&#8220;O, vayaye, kilaamo keveeye ku munyi lwa avandu vosi vamwizominya, kigira nindio avaguuga vaavo vavoola vindu vilala viere ku avaporofeti vo vovehi!</div><div class="s">Liyaanza avasigu</div><div class="r">(Mat. 5:38-48; 7:12)</div><div class="p"> 27&#8220;Navuzwa mbolera munyi ava mumbulirizaa; muyanze avasigu vinyu, muvakolere amalahi yavo avamudunyira. 28Mugasizi yavo avamulamaa kandi; Mugasizi yavo avamunyegaa. 29Mundu woosi ukwaala luhi ku lusaya lwu mukono mulungi, umugirung'anyiri lusaya lundi kandi. Mundu naakunyaga likoti liilio mulekere kali lishati liilio kandi. 30Ukusava umuhe, na mundu naakunyaga vindu vivio, utamuvaanza mba. 31Mukolere avandi kuli mwenya yavo vamukolere.</div><div class="p"> 32&#8220;Niiva muyanzaa avayaanzaa munyi venyine, mulanyola madanyi ki? Kigira kali avoni vayaanza yavo avavayaanzaa. 33Kandi nimukora vulahi ku yavo avamukolera vulahi venyine, mulanyola madanyi ki? Kigira kali avoni vakora ndio. 34Kandi nimuva nimwegobiza yavo vuzwa avamusuuvira valatunga, mulanyola madanyi ki? Kigira kali avoni vegobizaa avoni vandi vaduuki kwilanyirwa kuli viazana. 35Navuzwa muyanze avasigu vinyu kandi muvakolere amalahi mwegobize vugira kusuuvira kwiranyirwa, na madanyi ginyu galava manene, namulava avana va Nyasaye, Oveeye igulu. Kigira aveeye mulahi ku yavo avatali nilisandiza na avadamanu. 36Muve ni zimbavasi kuli Baba winyu aveeye ni zimbavasi.</div><div class="s">Kukalagira avandu vandi</div><div class="r">(Mat. 7:1-5)</div><div class="p"> 37&#8220;Mutakalagira avandu vandi mba, kunangwa munyi muvuli kukalagirwa na Nyasaye; mutadura avandi, kunangwa munyi muvuli kudurwa na Nyasaye, musamiihi avandi, kunangwa munyi musamiifwi na Nyasaye. 38Muhaane ku avandi, kunangwa munyi muhevwe na Nyasaye. Yee, ligali mulanyola kegero kilahi chi gatiywi nukusung'uswa kuduuka kulisalika kilakaviikwi mu makono ginyu. Kigira kegero cha mutumikiraa kogerera mu avandi nicho cha Nyasaye alitumikira kumugerera.&#8221;</div><div class="p"> 39Yavakuba lugano yilu kandi, &#8220;Mboku sianyala kwimilira mboku wache mba. Niiva alakola ndio, vosi valagwa mu liliina. 40Musomi siavitaa mwigizi weve mba, navuzwa musomi woosi niyakamara kwigizwa alava kuli mwigizi weve.</div><div class="p"> 41&#8220;Unyala kolola ndi lusasu loveeye mu emoni ya amwavo woovo, navuzwa uvuli kolola uluku loveeye mu emoni yooyo umwene? 42Anoho, unyala kovoolera ndi amwavo woovo, &#8216;Amwavo wange, leeta ngutulizi lusasu loveeye mu emoni yooyo,&#8217; lwa ivi mwene utalola uluku loveeye mu emoni yooyo? Mugadi ivi, tuliza kutanga luku loveeye mu emoni yooyo; kunangwa olole vulahi kuli utuliza lusasu loveeye mu emoni ya amwavo woovo. Mugadi ivi, tuliza kutanga musaala goveeye mu emoni yooyo; kunangwa olole vulahi kuli utuliza liindu liveeye mu emoni ya amwavo woovo.</div><div class="s">Musaala gumanyikanaa ku makuyu gagwo</div><div class="r">(Mat. 7:16-20; 12:33-35)</div><div class="p"> 43&#8220;Musaala mulahi sigunyala kwama makuyu madamanu kandi musaala mudamanu sigunyala kwama makuyu malahi mba. 44Kigira vuli musaala gumanyikanaa kolondekana na makuyu gagwo. Kigira avandu sivagulaa makuyu kutura ku musaala gwa amafa; anoho mazabibu sigagulwa kutura ku vigunzanguva? 45Mundu mulahi atulizaa vindu viveeye vilahi ku vulahi vomenyaa mu mwoyo gwigwe; kandi mundu mudamanu atulizaa vindu viveeye vidamanu ivimenyaa mu mwoyo gwigwe kandi, mundu amolomaa kuturana ku agaveeye mu mwoyo gwigwe.</div><div class="s">Avumbaki vi zinyumba vaviri</div><div class="r">(Mat. 7:24-27)</div><div class="p"> 46&#8220;Kigira ki munyi mulangaa inzi, &#8216;Mwami, Mwami,&#8217; navuzwa simukola agamuvoolera mba? 47Mundu ku woosi uzaa ku inzi kandi naahulira amakuva gange, naagakora, ndamumanyia kuli aveeye. 48Uyu aveeye kuli mundu uwumbaka inyumba, naalima musi hasi ligali nukuguviika ku lwanda. Lwa amazi gumugera gizuraa nigakuba mduuta kunyumba yeyo, navuzwa siganyala kogedengeyiza mba, kigira yaali ni yumbakwa vudinyu. 49Navuzwa mundu woosi uhulira amakuva gange kandi navula kokora kindu choosi kugo, mwene oyo aveeye kuli mundu wumbaka inyumba ku muyeke vugira muse. Lwu Mugera gwakuba induta kugwo na nonoho yagwa, kandi ligwa lie inyumba yeyo liali linene ligali!&#8221;</div>
 </div>
 </div>
</div>

Lidiku lilala lie Lisabato Yeso yaali navitiraa mu milimi jovoro. Aviigi veve vatanga kutavula viangala vio voro nivavivuunga mu makono gaavo nivalia. Avalala ku Avafarisayo vavateeva, “Kigira ki mukoraa gataduukanaa kokolwa ku lidiku lie Lisabato?”
Yeso yavativulira, “Munyi simwasoma kuli Daudi yakola harara navache veve lwa vaali ninzara? Yingira munyumba ya Nyasaye, navugura mugadi mutakatifu, nalia, kandi nahaana ku avache veve. Kolondekana ni Lilaga, avasaalisi venyine nivo avaari nivavugilirwa kulia migadi yijo.”
Kunangwa Yeso yavavolera, “Mwana wa Adamu aveeye Mwami wi Lisabato.”


Lidiku liridi lie Lisabato, Yeso yingira mu lisinagogi niyigiza. Yaali ho mundu wumukono gwigwe mulungi gwaali nigwang'era. Avigizi vi Lilaga valala na Avafarisayo vahenza valore Yeso niiva yaali anyala gohonyia mundu ku lidiku lie Lisabato, kunangwa vanyoore kivuni chu kumuyaara. Navuzwa Yeso yamanya zing'anagani ziavo, navolera mundu zana oyo, “Hamba usingiri imbiri yinu.” Mundu oyo yazia nasingira yo. Maku Yeso yavavolera, “Muteeva, Lilaga lietu likovooleraa kokole ki ku lidiku lie Lisabato? Kokonya anoho kusaliriza? Kohonyia livamwoyo liu mundu anoho kulidiviza?” Lwa yamala kuvahenza vosi avaari ho, yavolera mundu wang'era mukono oyo, “Nyira mukono gugwo.” Naye yakola ndio, nu mukono gwahona kandi.
Vizura uvutima vonene ligali nivavolerana aveene icha vanyara kokora ku Yeso.


Lidiku lilala Yeso yazia mu kiguru kusaala, kandi yagona yo nasaalaa ku Nyasaye uvudiku vwosi. Lwa vwacha, yalanga aviigi veve kandi yatovola likomi na vaviri, avayaalanga avatumwa. Simoni wa Yeso yagulika Petero Andereya amwavo weve, Yakobo na Yohana, Filipo na Baturumayo, Matayo na Tomasi, Yakobo muyaayi wa Alfayo na Simoni uwalangwa Muzelote, Yuda mwana wa Yakobo na Yuda Esikarioti wamanya naagwa muzaami.


Lwa Yeso yaali niyakamara ku sulunguta kutura ku kiguru, harara na aviigi, yasingira mu kereremo harara ni kiduma kenene cha aviigi veve. Kiduma kenene cha avandu chaali ho kutura muzimbega, ziosi zie Ivuyuda na Jerusalemi kandi kutura mu madaala manene gukunyanza aga Tiro na Sidoni. Vosi vaali ni vazi kuhulira Yeso kandi kohonywa zinguzu ziavo. Yahonyia yavo vosi avanyangizangwa na mademoni. Avandu vosi vageriza kumudiira, kigira zinguru ziatulaa muye nizivahonyia vosi.


Yeso yahenza aviigi veve navoora
“Muveeye nu vugasu munyi avaveeye avadaka;
kigira Uvwami vwa Nyasaye nu vwinyu!
“Muveeye nu vugasu avaveeye ninzara kalunu;
kigira mulakutizwa!”
Muveeye nuvugasu avaliranga kalunu;
kigira mulakaseke!
“Muveeye nu vugasu munyi lwa vandu vamuduu nyira niiva musuraa nukumunyega, nukumwononyira lieta Mwana wa Adamu. Ing'inga yene yeyo, munyi musangare nukukina nuvuyanzi kigira, heenzi ligali madanyi ginyu gaveeye manene mwigulu Kigira nindio avaguuga vaavo vakolera avaporofeti.
“Navuzwa O, vayaye, kilaamo keveeye ku munyi avatugi,
kigira mumali konyoora liehozeliza lienyu!
“O, vayaye, kilaamo keveeye ku munyi avamuveeye ninziguta kalunu;
kigira lwinyima mulava ninzara!
O, vayaye, kilaamo keveeye ku munyi avasekaa;
kigira inyima mulasioma nu kulira!
“O, vayaye, kilaamo keveeye ku munyi lwa avandu vosi vamwizominya, kigira nindio avaguuga vaavo vavoola vindu vilala viere ku avaporofeti vo vovehi!


“Navuzwa mbolera munyi ava mumbulirizaa; muyanze avasigu vinyu, muvakolere amalahi yavo avamudunyira. Mugasizi yavo avamulamaa kandi; Mugasizi yavo avamunyegaa. Mundu woosi ukwaala luhi ku lusaya lwu mukono mulungi, umugirung'anyiri lusaya lundi kandi. Mundu naakunyaga likoti liilio mulekere kali lishati liilio kandi. Ukusava umuhe, na mundu naakunyaga vindu vivio, utamuvaanza mba. Mukolere avandi kuli mwenya yavo vamukolere.
“Niiva muyanzaa avayaanzaa munyi venyine, mulanyola madanyi ki? Kigira kali avoni vayaanza yavo avavayaanzaa. Kandi nimukora vulahi ku yavo avamukolera vulahi venyine, mulanyola madanyi ki? Kigira kali avoni vakora ndio. Kandi nimuva nimwegobiza yavo vuzwa avamusuuvira valatunga, mulanyola madanyi ki? Kigira kali avoni vegobizaa avoni vandi vaduuki kwilanyirwa kuli viazana. Navuzwa muyanze avasigu vinyu kandi muvakolere amalahi mwegobize vugira kusuuvira kwiranyirwa, na madanyi ginyu galava manene, namulava avana va Nyasaye, Oveeye igulu. Kigira aveeye mulahi ku yavo avatali nilisandiza na avadamanu. Muve ni zimbavasi kuli Baba winyu aveeye ni zimbavasi.


“Mutakalagira avandu vandi mba, kunangwa munyi muvuli kukalagirwa na Nyasaye; mutadura avandi, kunangwa munyi muvuli kudurwa na Nyasaye, musamiihi avandi, kunangwa munyi musamiifwi na Nyasaye. Muhaane ku avandi, kunangwa munyi muhevwe na Nyasaye. Yee, ligali mulanyola kegero kilahi chi gatiywi nukusung'uswa kuduuka kulisalika kilakaviikwi mu makono ginyu. Kigira kegero cha mutumikiraa kogerera mu avandi nicho cha Nyasaye alitumikira kumugerera.”
Yavakuba lugano yilu kandi, “Mboku sianyala kwimilira mboku wache mba. Niiva alakola ndio, vosi valagwa mu liliina. Musomi siavitaa mwigizi weve mba, navuzwa musomi woosi niyakamara kwigizwa alava kuli mwigizi weve.
“Unyala kolola ndi lusasu loveeye mu emoni ya amwavo woovo, navuzwa uvuli kolola uluku loveeye mu emoni yooyo umwene? Anoho, unyala kovoolera ndi amwavo woovo, ‘Amwavo wange, leeta ngutulizi lusasu loveeye mu emoni yooyo,’ lwa ivi mwene utalola uluku loveeye mu emoni yooyo? Mugadi ivi, tuliza kutanga luku loveeye mu emoni yooyo; kunangwa olole vulahi kuli utuliza lusasu loveeye mu emoni ya amwavo woovo. Mugadi ivi, tuliza kutanga musaala goveeye mu emoni yooyo; kunangwa olole vulahi kuli utuliza liindu liveeye mu emoni ya amwavo woovo.


“Musaala mulahi sigunyala kwama makuyu madamanu kandi musaala mudamanu sigunyala kwama makuyu malahi mba. Kigira vuli musaala gumanyikanaa kolondekana na makuyu gagwo. Kigira avandu sivagulaa makuyu kutura ku musaala gwa amafa; anoho mazabibu sigagulwa kutura ku vigunzanguva? Mundu mulahi atulizaa vindu viveeye vilahi ku vulahi vomenyaa mu mwoyo gwigwe; kandi mundu mudamanu atulizaa vindu viveeye vidamanu ivimenyaa mu mwoyo gwigwe kandi, mundu amolomaa kuturana ku agaveeye mu mwoyo gwigwe.


“Kigira ki munyi mulangaa inzi, ‘Mwami, Mwami,’ navuzwa simukola agamuvoolera mba? Mundu ku woosi uzaa ku inzi kandi naahulira amakuva gange, naagakora, ndamumanyia kuli aveeye. Uyu aveeye kuli mundu uwumbaka inyumba, naalima musi hasi ligali nukuguviika ku lwanda. Lwa amazi gumugera gizuraa nigakuba mduuta kunyumba yeyo, navuzwa siganyala kogedengeyiza mba, kigira yaali ni yumbakwa vudinyu. Navuzwa mundu woosi uhulira amakuva gange kandi navula kokora kindu choosi kugo, mwene oyo aveeye kuli mundu wumbaka inyumba ku muyeke vugira muse. Lwu Mugera gwakuba induta kugwo na nonoho yagwa, kandi ligwa lie inyumba yeyo liali linene ligali!”

Slušaj LUKA 6