Kannada - Old Version BSI (NT) Drama

The New Testament in Siddi Language © The Word for the World International and Siddi Translation Samithi, Mundgod, Uttara Kannada, 2024. 

ದೊನ್ ದಿಸ್ ಹೊಲ್ಲ್ಯಾ ಮಾನಾ ಗಾಲಿಲಿಯಾ ಮನ್ತಲ್ಯಾ ಜಾಗ್ಯಾತ್ಲ್ಯಾ ಕಾನಾ ಮನ್ತಲ್ಯಾ ಗಾಂವಾತ್ ಎಕ್ ಲಗಿನ್ ಹೊತ್ತೆ ಜೆಜುಚಿ ಬಾಯ್ ಥೈ ಹೊತ್ತಿ. ಜೆಜುಕ್, ಅನಿ ತ್ಯೆಚ್ಯಾ ಶಿಸಾಕ್ನಿಬಿ ತ್ಯಾ ಲಗ್ನಾಕ್ ಬಲ್ವಲ್ಲೆ ಹೊತ್ತೆ.
ವಾಯ್ನ್ ಸರಲ್ಲ್ಯಾ ತನ್ನಾ ಜೆಜುಚ್ಯಾ ಬಾಯ್ನ್ ಜೆಜುಕ್,“ತೆಂಚ್ಯಾಕ್ಲಿ ಸಗ್ಳಿ ವಾಯ್ನ್ ಸರ್ಲಿ” ಮನುನ್ ಸಾಂಗ್ಲಿನ್.
ತನ್ನಾ ಜೆಜುನ್, “ಹೆ ಬಾಯ್, ಮಿಯಾ ಕಾಯ್ ಕರುಚೆ? ಮನುನ್ ತಿಯಾ ಮನುಲೆ? ಮಾಜೊ ನೆಮಸಲ್ಲೊ ಎಳ್ ಅಜುನ್ ಯೆವ್ಕ್ ನಾ”
ತನ್ನಾ ಜೆಜುಚ್ಯಾ ಬಾಯ್ನ್ ಆಳಾಕ್ನಿ, “ತೊ ಕಾಯ್ ಸಾಂಗ್ತಾ ತೆ ತುಮಿ ಕರಾ” ಮನುನ್ ಸಾಂಗ್ಲಿನ್.
ಜುದೆವ್ ಲೊಕಾಂಚ್ಯಾ ಖಾಯ್ದ್ಯಾಂಚ್ಯಾ ಸಾರ್ಕೆ ಹಾತ್-ಪಾಯ್ ಧುವ್ನ್ ಪವಿತ್ರ್ ಕರುನ್ ಘೆವ್ಕ್ ಮನುನ್ ಪಾನಿ ಭರುನ್ ಥವ್ತಲೆ, ಸಾ, ಮೊಟೆ ಗುಂಡ್ಯಾಂಚೆ ಢೊನೆ ಅಯ್ಸಿ ತೆ ಎಕ್ಸೆ ವಿಸ್ ಲಿಟರ್ ಪಾನಿ ಮಾವ್ತಾ. ಜೆಜುನ್ ಆಳಾಕ್ನಿ, “ತ್ಯಾ ಢೊನ್ಯಾತ್ನಿ ಪಾನಿ ವೊತುನ್ ಭರಾ” ಮಟ್ಲ್ಯಾನ್ ತೆನಿ ತ್ಯಾ ಢೊನ್ಯಾತ್ನಿ ಉಲ್ಲೊಬಿ ಜಾಗೊ ಥೈ ನಸ್ತಾನಾ ಖಳ್ಕಳಿತ್ ಪಾನಿ ಭರ್‍ಲ್ಯಾನಿ. ಮಾನಾ ತೆನಿ ತೆಂಕಾ, “ಅತ್ತಾ ತ್ಯಾತುರ್‍ಲೆ ಉಲ್ಲೆ ಪಾನಿ ಕಾಡಾ, ಅನಿ ಜೆವ್ನಾಚಿ ಯವಸ್ತಾ ಕರ್‍ತಲ್ಯಾ ಮಾನ್ಸಾಕ್ಡೆ ಘೆವ್ನ್ ಜಾವಾ”, ತೆನಿ ತೆ ಪಾನಿ ಜೆವ್ನಾಚಿ ಯವಸ್ತಾ ಕರ್‍ತಲ್ಯಾ ಮಾನ್ಸಾಕ್ಡೆ ನ್ಹೆಲ್ಯಾನಿ. ತೆ ಪಾನಿ ವಾಯ್ನ್ ಹೊಲ್ಲೆ ತ್ಯಾ ಮಾನ್ಸಾನ್ ತೆ ಚಾಟುನ್ ಬಗಟ್ಲ್ಯಾನ್, ಹೆ ವಾಯ್ನ್ ಖೈತ್ನಾ ಯೆಲ್ಲೆ ಮನುನ್ ತ್ಯಾ ಮಾನ್ಸಾಕ್ ಗೊತ್ತ್ ನತ್ತೆ .ಖರೆ ತೆ ಪಾನಿ ಕಾಡಲ್ಲ್ಯಾ ಆಳಾಕ್ನಿ ಗೊತ್ತ್ ಹೊತ್ತೆ, ತೆಚೆಸಾಟ್ನಿ ತೆನಿ ನ್ಹವ್ರ್ಯಾಕ್ ಬಲ್ವುಲ್ಯಾನ್. ಅನಿ “ಸಗ್ಳಿ ಲೊಕಾ ಅದ್ದಿ ಬರೊ ವಾಯ್ನ್ ವಾಟ್ತ್ಯಾತ್, ಪಾವ್ನ್ಯಾನಿ ಪಿವ್ನ್ ಖುಶಿ ಹೊಲ್ಲ್ಯಾ ಮಾನಾ, ಸಾದ್ರನಾಚೊ ವಾಯ್ನ್ ವಾಟ್ತ್ಯಾತ್, ಖರೆ ತಿಯಾ ಅಜುನ್‍ಬಿ ಬರೊ ವಾಯ್ನ್ ಥವ್ಲೆ” ಮಟ್ಲ್ಯಾನ್.
ಜೆಜುನ್ ಗಾಲಿಲಿಯಾತ್ಲ್ಯಾ ಕಾನಾ ಮನ್ತಲ್ಯಾ ಶಾರಾತ್ ಪಯ್ಲೆಚೆ ಅಜಾಪ್ ಕರ್ಲ್ಯಾನ್, ಥೈ ತೆನಿ ಅಪ್ನಾಚಿ ಮಹಿಮಾ ದಾಕ್ವುನ್ ದಿಲ್ಯಾನ್, ಅನಿ ತೆಚಿ ಶಿಸಾ ತೆಚ್ಯಾ ವರ್ತಿ ತೆಕಾ ವಿಶ್ವಾಸ್ ಕರ್ಲ್ಯಾನಿ.
ಹೆ ಹೊಲ್ಲ್ಯಾ ಮಾನಾ ಜೆಜು ತೆಚಿ ಬಾಯ್, ಭಾವಾ, ಅನಿ ಶಿಸಾ ಕಫರ್‍ನವ್ ಮನ್ತಲ್ಯಾ ಗಾಂವಾಕ್ ಗೆಲೊ, ಅನಿ ಎಕ್ ಉಲ್ಲಿ ದಿಸಾ ಥೈಚ್ ರ್‍ಹಾಲ್ಯಾನಿ.


ಜುದೆವಾಂಚೊ ಪಾಸ್ಕಾಚೊ ಸನ್ ತೊಂಡಾರ್ ಯೆಲ್ಲೊ, ತಸೆ ಮನುನ್ ಜೆಜು ವೈರ್ ಜೆರುಜಲೆಮಾಕ್ ಗೆಲೊ. ಥೈ ದೆವಾಚ್ಯಾ ಗುಡಿತ್ ಲೊಕಾ, ಗೊರಾ, ಬಕ್ರಿ, ಅನಿ ಪಾರಿವಾಳಾ ಇಕ್ತಲೆ ತೆನಿ ಬಗಟ್ಲ್ಯಾನ್, ಅನಿ ಮೆಜಾ ವರ್ತಿ ಬಸುನ್ ಪೈಶ್ಯಾಂಚಿ ಅದ್ಲಾ-ಬದ್ಲಿ ಕರ್‍ತಲೊ ಯಾವಾರ್ ಕರ್‍ತಲಿ ಲೊಕಾಬಿ ಅಪ್ನಾಚ್ಯಾ ಜಾಗ್ಯಾ ವೈನಿ ಬಸಲ್ಲಿ ಹೊತ್ತಿ. ತನ್ನಾ ಜೆಜುನ್ ಬಾರಿಕ್- ಬಾರಿಕ್ ದೊರಿಯಾನಿ ಎಕ್ ಬಾರ್‍ಕೊಲ್ ಕರ್ಲ್ಯಾನ್, ಅನಿ ಸಗ್ಳ್ಯಾ ಜನಾವರಾಕ್ನಿ, ಬಕ್ರ್ಯಾಕ್ನಿ, ಗೊರಾಕ್ನಿ ಭಾಯ್ರ್ ಹಂಬಡ್ಲ್ಯಾನ್, ಪೈಸ್ಯಾಂಚೊ ಯಾವಾರ್ ಕರ್‍ತಲ್ಯಾಂಚಿ ಮೆಜಾ ಪಾಡ್ವುನ್ ಘಾಟ್ಲ್ಯಾನ್ ಅನಿ ತೆಂಚೆ ಪೈಸೆ ಮಾಳ್ಬರ್ ಕರ್ಲ್ಯಾನ್. ಅನಿ ಪಾರಿವಾಳಾ ಇಕ್ತಲ್ಯಾಕ್ನಿ, ತೆಂಕಾ ಹಿತ್ನಾ ಭಾಯ್ರ್ ಕಾಡಾ! ಮಾಜ್ಯಾ ಬಾಬಾಚೆ ಘರ್ ಬಾಜಾರ್ ಭರ್‍ತಲೊ ಜಾಗೊ ಕರುನ್ ಥವ್ನಕಾಶಿ! ಮನುನ್ ಸಾಂಗಟ್ಲ್ಯಾನ್.
ತ್ಯೆಚ್ಯಾ ಶಿಸಾಕ್ನಿ ಪವಿತ್ರ್ ಪುಸ್ತಕ್, “ಮಾಜ್ಯಾ ದೆವಾ ತುಜ್ಯಾ ಘರಾಸಾಟ್ನಿ ಮನುನ್ ಹೊತ್ತಿ ಮಾಜಿ ಉರ್ಬಾ ಎಕ್ ಆಗಿ ಸರ್ಕೆ ಮಾಜ್ಯಾ ಭುತ್ತುರ್ ಜಳುಲಾ” ಮನ್ತಲ್ಯಾ ಗೊಸ್ಟಿಯಾಂಚಿ ಯಾದ್ ಯೆಲಿ.
ಜುದೆವಾಂಚ್ಯಾ ಅದಿಕಾರ್‍ಯಾನಿ ತೆಚ್ಯಾಕ್ಡೆ ಯೆವ್ನ್ ತಿಯಾ ಕಸ್ಲೆ ಕಾಮ್ ಕರುನ್ ದಾಕ್ವುಕ್ ಹೊತಾ ತೆಚ್ಯಾ ವೈನಾ ತುಕಾ ಅದಿಕಾರ್ ಹಾಯ್ ಮನುನ್ ಸಾಬಿತ್ ಹೊತಾ. ಮನುನ್ ಇಚಾರ್‍ಲ್ಯಾನಿ.
ತನ್ನಾ ಜೆಜುನ್, “ಹಿ ದೆವಾಚಿ ಗುಡಿ ಕೊಸ್ಳುನ್ ಘಾಲಾ, ಅನಿ ತಿನುಚ್ ದಿಸಾತ್ನಿ ಮಿಯಾ ತಿ, ಪರ್ತುನ್ ಭಾಂದ್ತಾ” ಮನುನ್ ಜಬಾಬ್ ದಿಲ್ಯಾನ್.
ತನ್ನಾ ತೆನಿ, “ಹಿ ದೆವಾಚಿ ಗುಡಿ ಭಾಂದುಕ್ ಚಾಳಿಸಾಚ್ಯಾ ವರ್ತಿ ಸಾ ವರ್ಸಾಲಾಗಲ್ಲಿ! ಪರ್ತುನ್ ತಿನ್ ದಿಸಾತ್ನಿ ತಿಯಾ ಹಿ ದೆವಾಚಿ ಗುಡಿ ಭಾಂದ್ತೆಯ್ ಕಾಯ್?” ಮನುನ್ ಇಚಾರ್‍ಲ್ಯಾನಿ.
ಖರೆ ಜೆಜು ಖಲ್ಯಾ ಗುಡಿಚೆ ಬೊಲುಲಾಗಲ್ಲೊ ಅಪ್ನಾಚ್ಯಾ ಸ್ವಂತ್ ಆಂಗಾಚ್ಯಾ ವಿಶಯಾತ್ ತೆಚೆಸಾಟ್ನಿ ತೊ ಮರುನ್ ಝಿತ್ತೊ ಹೊವ್ನ್ ಉಟುನ್ ಯೆಲ್ಲ್ಯಾ ತನ್ನಾ ತ್ಯೆಚ್ಯಾ ಶಿಸಾಕ್ನಿ ತ್ಯೆಚ್ಯಾ ಹ್ಯಾ ಗೊಸ್ಟಿಯಾಂಚಿ ಯಾದ್ ಹೊತ್ತಿ, ಅನಿ ತೆನಿ ಪವಿತ್ರ್ ಪುಸ್ತಕಾ ವರ್ತಿ, ಅನಿ ಜೆಜುನ್ ಸಾಂಗಲ್ಲ್ಯಾ ಗೊಸ್ಟಿಯಾಂಚ್ಯಾ ವರ್ತಿ ವಿಶ್ವಾಸ್ ಕರ್ಲ್ಯಾನಿ.

ಪಾಸ್ಕಾಚ್ಯಾ ಸನಾಚ್ಯಾ ಎಳಾರ್ ಜೆರುಜಲೆಮಾತ್ ಹೊತ್ತ್ಯಾ ತನ್ನಾ, ತೆನಿ ಕರಲ್ಲಿ ಅಜಾಪಾ ಬಗುನ್ ಲೈ ಲೊಕಾ ತೆಚೆ ವರ್ತಿ ವಿಶ್ವಾಸ್ ಕರುಕ್ ಲಾಗಲ್ಲಿ. ಖರೆ ಜೆಜುಕ್ ತೆಚ್ಯಾ ವಿಶ್ವಾಸಾಚ್ಯಾ ವರ್ತಿ ಅಪ್ನಾಕ್ ಸೊಡುನ್ ದಿವ್ಕ್ ನಾ ಕಶ್ಯಾಕ್ ಮಟ್ಲ್ಯಾರ್ ತೆಚ್ಯೆ ಸಗ್ಳೆ ಗೊತ್ತ್ ಹೊಲ್ಲೆ. ತೆಂಚ್ಯಾ ವಿಶಯಾತ್ ತೆಕಾ ಕೊನ್ಬಿ ಸಾಂಗುಚೆ ಮನುನ್ ನತ್ತೆ, ಕಶ್ಯಾಕ್ ಮಟ್ಲ್ಯಾರ್ ತೆಂಚ್ಯಾ ಮನಾತ್ನಿ ಕಾಯ್ ಹಾಯ್ ಮನುನ್ ಜೆಜುಕ್ ಗೊತ್ತ್ ಹೊಲ್ಲೆ.

Slušaj ಜುವಾಂವ್ 2