Gwahatike - 2000 Edition (NT)

<div class="version vid939 iso6393dah" data-vid="939" data-iso6393="dah">
 <div class="book bkLUK">
 <div class="chapter ch16" data-usfm="LUK.16">
 <div class="label">16</div><div class="s">Kame ni&#331; dufay he&#331; gitik te&#331; te&#331; gote siraw mere</div><div class="p"> 1Be, Yesu gob komatmi&#331; yago sopte maya mere mat gaha yinyi&#331;: &#8220;Al kura samu&#331;mi&#331;ya detmi&#331;ya budam kuru&#331; goyen doya&#331; yirde nunye&#331; ye&#331; mete&#331; al kura tiri&#331;. Irkeb al gore det goyen doya&#331; yirde he&#331;yabe doya&#331; almi&#331;de samu&#331;ya detmi&#331; yago goyen yad hibut yirde hinhin. Al bele&#331; gwaha te&#331; hike kene&#331;be ku&#331; doya&#331; almi&#331; hitte tagal unami&#331;. 2Irkeb mere go nurdeb al goke yiri&#331;. Ku&#331; kenkeb, &#8216;Dahade geb ulger mere ugu&#331; po forok ye&#331; ha&#331;? Mete&#331; dahade wor po te&#331; hayen goyen ku&#331; ke&#331;kela asa&#331;de ka&#331; tawa&#331; nune&#331; gab momo&#331; nirayi&#331;. Detne yade hibut yirde hayen kenem gakira tiye&#331; geb,&#8217; inyi&#331;.</div><div class="p"> 3&#8220;Be, gwaha inkeb mete&#331; almi&#331; gobe dufaymi&#331;de po, &#8216;Doya&#331; alne bele&#331; nakira tiye&#331; tiya geb, daha tiye&#331;? Nebe si&#331;are mete&#331; te&#331; te&#331; tare&#331;nem mo&#331;. Irde al hoya&#331; det ka&#331;a&#331; yird yird ni&#331; wor memyak nurde hime,&#8217; yiri&#331;. 4Be, mete&#331; al go dufay he&#331; he&#331;be dufay kura forok yekeb, &#8216;Nebe gwaha gwaha tiye&#331;. Gogab doya&#331; alne bele&#331; nakira tikeb fara&#331; yure&#331; mar gore hoy nirde igi&#331; igi&#331; nirnayi&#331;,&#8217; ye&#331; nuryi&#331;. 5Irdeb doya&#331; almi&#331;de samu&#331; kame ga wol hetek ye&#331; yawarami&#331; mar goyen yu&#331;kure&#331; yu&#331;kure&#331; keya heke wayami&#331;. Irkeb mehe&#331;de wayyi&#331; al goyen, &#8216;Gebe det dahade wor po wol he&#331; untek ha?&#8217; inkeb 6al goreb, &#8216;Olip fimi&#331; 3,200 lita gwahade untek hime,&#8217; inyi&#331;. Irkeb mete&#331; al goreb, &#8216;Ara&#331; po keperde asa&#331;ge ga te&#331; 3,200 lita go mekerdeb 1,600 lita kaya,&#8217; inyi&#331;. 7Irdeb al hoya&#331; kura, &#8216;Gebe det dahade wol he&#331; untek ha?&#8217; inyi&#331;. Irkeb al goreb, &#8216;Nebe wit 3,600 kilogram geb,&#8217; inyi&#331;. Irkeb mete&#331; al goreb, &#8216;Asa&#331;ge ga te&#331; 3,600 kilogram go mekerdeb 2,800 kilogram kaya,&#8217; inyi&#331;. 8Irkeb doya&#331; al goreb mete&#331; almi&#331; bele&#331; kame he&#331; he&#331;mi&#331; ge nurde usi kuru&#331; tiyyi&#331; goyen nuryi&#331;. Irdeb bulu&#331; wor po nuryi&#331; gega, al gore kame daha mat he&#331; ye&#331; dufay hiri&#331; goyen bebak te&#331;be, &#8216;Al gobe dufaymi&#331; ya&#331; be,&#8217; yiri&#331;.</div><div class="p">&#8220;Be, gwahade goyen po, alya bereya kidoma bana he&#331; megen ni&#331; mata po te&#331; ha&#331; marbe kame gwaha mat hitek ye&#331; megen ni&#331; samu&#331; yade mete&#331; te&#331; te&#331; goyen ke&#331;kela wor po nurde ha&#331;. Gega Al Kuru&#331;yen mere hulsi yara goyen bana ha&#331; marbe kame he&#331; he&#331;mi&#331; ge gitik ma te&#331; ha&#331;. 9Ni&#331;geb gago dine&#331; hime: de&#331; Al Kuru&#331;yen mere hulsi yara goyen bana ha&#331; marbe megen ni&#331; samu&#331;ti&#331; ya&#331; kenem det kura&#331; amu he&#331; ha&#331; mar goyen yune&#331; ye&#331;ya awalikde hinayi&#331;. Irkeb kame Al Kuru&#331; hitte hurkukeb fara&#331; yurde hinayi&#331; mar goreb gargar dirde hinayi&#331;. 10Ni&#331;geb megen ni&#331; samu&#331; Al Kuru&#331; bele&#331; dunti&#331; goyen mali mali ma irde hinayi&#331;. Al kura det dir&#331;e&#331; mu&#331; tiyye&#331; gega, ke&#331;kela po doya&#331; irde hiye&#331; al gobe det kuru&#331; tiyye&#331; goyen wor gwahade po irye&#331;. Muna&#331; al kura det dir&#331;e&#331; mu&#331; tiyye&#331; goyen ke&#331;kela ma doya&#331; irde mali mali irye&#331; gobe det kuru&#331; tiyye&#331; goyen wor mali mali irde bulu&#331; irye&#331;. 11Ni&#331;geb megen ni&#331; samu&#331; dunti&#331; goyen ke&#331;kela ma doya&#331; yirde hinayi&#331; gobe kame Al Kuru&#331; bele&#331; samu&#331; fudinde igi&#331; goyen dunke daha mat doya&#331; yirnayi&#331;? 12Irde al kurate det ke&#331;kela ma doya&#331; yirde haga yirnayi&#331; gobe daha matbe Al Kuru&#331; bele&#331; tonti&#331; igi&#331; yird yird det dunye&#331;? Epte mo&#331;.</div><div class="p"> 13&#8220;Be, al kura epte ma wawu&#331; u&#331;kure&#331;de po doya&#331; al irawa ni&#331; mete&#331; te&#331; yunye&#331;. Epte mo&#331; wor po. Gwaha tit&#331;e&#331;be doya&#331; al kurabe harhok unye&#331;. Muna&#331; kurabe ama&#331;e&#331; nurd une&#331; ke&#331;kela awalik irde hiye&#331;. Ni&#331;geb gwahade goyen po, epte ma Al Kuru&#331;ya horaya tum&#331;a&#331;de mete&#331; te&#331; yunnayi&#331;,&#8221; yinyi&#331;.</div><div class="p"> 14Be, Farisi mar hora ni&#331; ugu&#331; po nurde hinhan gore Yesu mere tiyyi&#331; go igi&#331; ma nurdeb hinma&#331; faykek irami&#331;. 15Irkeb gaha yinyi&#331;: &#8220;De&#331; gayenbe al dili&#331;debe ne&#331; al huwak usi te&#331; ha&#331; gega, Al Kuru&#331;be biti&#331; bana goyen dene&#331; hi. Ni&#331;geb al bele&#331; dabe det kuru&#331; wor po ye&#331; nurde ha&#331; gobe Al Kuru&#331; dili&#331;debe igi&#331; ma wor po yene&#331; hi.</div><div class="p"> 16&#8220;Be, Moseyen sabaya Al Kuru&#331;yen mere basa&#331; marte saba asa&#331;de kati&#331; gobe tagalke wa&#331; wa&#331; Yon Baptais hitte hiyu&#331;. Gor matbe mere igi&#331; Al Kuru&#331; bele&#331; alya bereyami&#331; doya&#331; yird yird goyen tagalde tukuke nurdeb daha mat Al Kuru&#331; bele&#331; doya&#331; yirde hi goyenter kutewo&#331; wor po ye&#331; nurde al budam kurut ye&#331; ha&#331;. 17Gega Moseyen saba gote mi&#331;be hubu hiti&#331; ye&#331; ma nurnayi&#331;. Na&#331;ki&#331;ya mege&#331;yabe hubu hirirye&#331; gega, Moseyen saba gote mere bilmi&#331; u&#331;kure&#331; mu&#331; kura bana ma kuye&#331;. 18Ni&#331;geb al kura berem takira te&#331; bere hoya&#331; tiyye&#331; al gobe Al Kuru&#331; dili&#331;de leplep mata tiya ye&#331; kinye&#331;. Irde al kura bere u&#331; bele&#331; takira titi&#331; goyen tiyye&#331;be al go wor Al Kuru&#331; dili&#331;de leplep mata tiya ye&#331; kinye&#331;,&#8221; yinyi&#331;.</div><div class="s">Al horam ya&#331;ya Lasarusya</div><div class="p"> 19Be, Moseyen saba goke te&#331;be Yesu bele&#331; maya merere Farisi mar gaha yinyi&#331;: &#8220;Be, al kura goyenbe horaya samu&#331;ya budam wor po geb, uli&#331; um&#331;a igi&#331; bukke&#331;ya digulakya suluk yirke bukke&#331; yara hiti&#331; goyen po yerde gasu&#331;mi&#331; igi&#331;de po he&#331; hugi&#331;e&#331; dulami&#331; igi&#331; igi&#331; po te&#331; hinhin. 20Be, hora mi&#331;ya&#331; al gote yare hurku&#331; hurku&#331; bele&#331; moho&#331;deb al buni&#331;e&#331; kura de&#331;embe Lasarus goyen tuku&#331; gor kerkeb al ku&#331; wa&#331; te&#331; hikeb det ni&#331; ka&#331;a&#331; yirde hinhin. Ye&#331;be usu bele&#331; po epte ma irti&#331; hinhin. 21Be, hora mi&#331;ya&#331; al gore bi&#331;ge nene dik&#331;e&#331; yuku&#331; yimiyni&#331; te&#331; hikeb Lasarus bele&#331;be nemewo&#331; ye&#331; yene&#331; hinhin. Goyenbe kura mu&#331; ma unke nen hinhin. Irkeb kulu bele&#331; mana&#331; wa&#331; uli&#331;de usu bidak goyen melak urde hinhan.</div><div class="p"> 22&#8220;Be, Lasarus go gwahade po he&#331; he&#331;be kamyi&#331;. Kamkeb Al Kuru&#331;yen miyo&#331; bele&#331; wa&#331; tone&#331; te&#331;be Al Kuru&#331;yen gasu&#331; Abraham hinhinde gor tukami&#331;. Be, hit&#331;e&#331; te&#331;be hora mi&#331;ya&#331; al goyen wor kamke te&#331; mete tiyami&#331;. 23Be, al gote tone&#331;be kak alare ku&#331; gorbe uli&#331; misi&#331; kuru&#331; wor po kate&#331; hinhin. Irde gor mat na&#331;kene&#331;be Abrahambe gisaw wor po kinyi&#331;. Lasarusbe Abrahamya hike kinyi&#331;. 24Gwahade kene&#331;be hoy irdeb, &#8216;Asi, kak ala bana ga he&#331; he&#331;be ulne misi&#331; kuru&#331; kate&#331; hime geb, buni&#331;e&#331; nirdeb Lasarus te&#331; kerke kate&#331; hani&#331; faw fe bana kerde tawa&#331; melakne bida iri,&#8217; inyi&#331;. 25Gega Abraham bele&#331; wol he&#331;be, &#8216;Diri&#331;ne, ga nura. Megen hinhanyabe det igi&#331; igi&#331; yade goke po ama&#331; he&#331; hinhan geb, gayenterbe ulge misi&#331; kuru&#331; kate&#331; ha gogo. Muna&#331; Lasarusbe uli&#331; misi&#331; kuru&#331; kate&#331; hinhin geb, wa&#331; garbe gasu&#331; igi&#331;de he&#331; bi&#331; yurum he&#331; hi. 26Goyenbe go po mo&#331;. Geya ne&#331;ya kahaltebe fere&#331; duku&#331; kuru&#331; wor po hi geb, ne&#331; hitere gar mat epte ma ge ha bana go&#331; kutek. Irde ge hare gor mat gar wa&#331; wa&#331; wor epte mo&#331; geb,&#8217; inyi&#331;. 27Gwaha inkeb al gore wol he&#331;be, &#8216;Asi, ni&#331;geb bada he&#331; Lasarus te&#331; kerke megen adoner yare kurkuye&#331;. 28Irde kolne yago sipteso&#331;o&#331; gor ha&#331; geb, ku&#331; hayhay yirye&#331;. Mo&#331;go ye&#331; wor uli&#331; misi&#331; kuru&#331; te&#331; te&#331; gasu&#331;de gar wanakkek geb,&#8217; inyi&#331;. 29Irkeb Abraham bele&#331; wol he&#331;be, &#8216;Kolge yago&#331; yaha? Gorbe Moseyen sabaya Al Kuru&#331;yen mere basa&#331; marte saba asa&#331;de kati&#331; ha&#331; gogo geb, goyen ke&#331;kela yene&#331; bebak te&#331; hinayi&#331;,&#8217; inyi&#331;. 30Irkeb al goreb, &#8216;Mo&#331;, asi. Gore po epte mo&#331;. Al kura kamti&#331;de mat sopte huwarde ku&#331; saba yirke gab igi&#331; mata bulu&#331;mi&#331; yubul te&#331; Al Kuru&#331; ni&#331; bi&#331; mulga&#331; henayi&#331;,&#8217; inyi&#331;. 31Gega Abraham bele&#331;be, &#8216;Moseyen sabaya Al Kuru&#331;yen mere basa&#331; marte saba asa&#331;de kati&#331; goyen nurnayi&#331; gega, bi&#331;de mat fudinde ye&#331; ma nurde gama ma irnayi&#331; gobe al kura kamti&#331;de mat huwarde ku&#331; saba yirye&#331; wor epte ma meremi&#331; nurnayi&#331; geb,&#8217; inyi&#331;,&#8221; yiri&#331;.</div>
 </div>
 </div>
</div>

Be, Yesu gob komatmiŋ yago sopte maya mere mat gaha yinyiŋ: “Al kura samuŋmiŋya detmiŋya budam kuruŋ goyen doyaŋ yirde nunyeŋ yeŋ meteŋ al kura tiriŋ. Irkeb al gore det goyen doyaŋ yirde heŋyabe doyaŋ almiŋde samuŋya detmiŋ yago goyen yad hibut yirde hinhin. Al beleŋ gwaha teŋ hike keneŋbe kuŋ doyaŋ almiŋ hitte tagal unamiŋ. Irkeb mere go nurdeb al goke yiriŋ. Kuŋ kenkeb, ‘Dahade geb ulger mere uguŋ po forok yeŋ haŋ? Meteŋ dahade wor po teŋ hayen goyen kuŋ keŋkela asaŋde kaŋ tawaŋ nuneŋ gab momoŋ nirayiŋ. Detne yade hibut yirde hayen kenem gakira tiyeŋ geb,’ inyiŋ.
“Be, gwaha inkeb meteŋ almiŋ gobe dufaymiŋde po, ‘Doyaŋ alne beleŋ nakira tiyeŋ tiya geb, daha tiyeŋ? Nebe siŋare meteŋ teŋ teŋ tareŋnem moŋ. Irde al hoyaŋ det kaŋaŋ yird yird niŋ wor memyak nurde hime,’ yiriŋ. Be, meteŋ al go dufay heŋ heŋbe dufay kura forok yekeb, ‘Nebe gwaha gwaha tiyeŋ. Gogab doyaŋ alne beleŋ nakira tikeb faraŋ yureŋ mar gore hoy nirde igiŋ igiŋ nirnayiŋ,’ yeŋ nuryiŋ. Irdeb doyaŋ almiŋde samuŋ kame ga wol hetek yeŋ yawaramiŋ mar goyen yuŋkureŋ yuŋkureŋ keya heke wayamiŋ. Irkeb meheŋde wayyiŋ al goyen, ‘Gebe det dahade wor po wol heŋ untek ha?’ inkeb al goreb, ‘Olip fimiŋ 3,200 lita gwahade untek hime,’ inyiŋ. Irkeb meteŋ al goreb, ‘Araŋ po keperde asaŋge ga teŋ 3,200 lita go mekerdeb 1,600 lita kaya,’ inyiŋ. Irdeb al hoyaŋ kura, ‘Gebe det dahade wol heŋ untek ha?’ inyiŋ. Irkeb al goreb, ‘Nebe wit 3,600 kilogram geb,’ inyiŋ. Irkeb meteŋ al goreb, ‘Asaŋge ga teŋ 3,600 kilogram go mekerdeb 2,800 kilogram kaya,’ inyiŋ. Irkeb doyaŋ al goreb meteŋ almiŋ beleŋ kame heŋ heŋmiŋ ge nurde usi kuruŋ tiyyiŋ goyen nuryiŋ. Irdeb buluŋ wor po nuryiŋ gega, al gore kame daha mat heŋ yeŋ dufay hiriŋ goyen bebak teŋbe, ‘Al gobe dufaymiŋ yaŋ be,’ yiriŋ.
“Be, gwahade goyen po, alya bereya kidoma bana heŋ megen niŋ mata po teŋ haŋ marbe kame gwaha mat hitek yeŋ megen niŋ samuŋ yade meteŋ teŋ teŋ goyen keŋkela wor po nurde haŋ. Gega Al Kuruŋyen mere hulsi yara goyen bana haŋ marbe kame heŋ heŋmiŋ ge gitik ma teŋ haŋ. Niŋgeb gago dineŋ hime: deŋ Al Kuruŋyen mere hulsi yara goyen bana haŋ marbe megen niŋ samuŋtiŋ yaŋ kenem det kuraŋ amu heŋ haŋ mar goyen yuneŋ yeŋya awalikde hinayiŋ. Irkeb kame Al Kuruŋ hitte hurkukeb faraŋ yurde hinayiŋ mar goreb gargar dirde hinayiŋ. Niŋgeb megen niŋ samuŋ Al Kuruŋ beleŋ duntiŋ goyen mali mali ma irde hinayiŋ. Al kura det dirŋeŋ muŋ tiyyeŋ gega, keŋkela po doyaŋ irde hiyeŋ al gobe det kuruŋ tiyyeŋ goyen wor gwahade po iryeŋ. Munaŋ al kura det dirŋeŋ muŋ tiyyeŋ goyen keŋkela ma doyaŋ irde mali mali iryeŋ gobe det kuruŋ tiyyeŋ goyen wor mali mali irde buluŋ iryeŋ. Niŋgeb megen niŋ samuŋ duntiŋ goyen keŋkela ma doyaŋ yirde hinayiŋ gobe kame Al Kuruŋ beleŋ samuŋ fudinde igiŋ goyen dunke daha mat doyaŋ yirnayiŋ? Irde al kurate det keŋkela ma doyaŋ yirde haga yirnayiŋ gobe daha matbe Al Kuruŋ beleŋ tontiŋ igiŋ yird yird det dunyeŋ? Epte moŋ.
“Be, al kura epte ma wawuŋ uŋkureŋde po doyaŋ al irawa niŋ meteŋ teŋ yunyeŋ. Epte moŋ wor po. Gwaha titŋeŋbe doyaŋ al kurabe harhok unyeŋ. Munaŋ kurabe amaŋeŋ nurd uneŋ keŋkela awalik irde hiyeŋ. Niŋgeb gwahade goyen po, epte ma Al Kuruŋya horaya tumŋaŋde meteŋ teŋ yunnayiŋ,” yinyiŋ.
Be, Farisi mar hora niŋ uguŋ po nurde hinhan gore Yesu mere tiyyiŋ go igiŋ ma nurdeb hinmaŋ faykek iramiŋ. Irkeb gaha yinyiŋ: “Deŋ gayenbe al diliŋdebe neŋ al huwak usi teŋ haŋ gega, Al Kuruŋbe bitiŋ bana goyen deneŋ hi. Niŋgeb al beleŋ dabe det kuruŋ wor po yeŋ nurde haŋ gobe Al Kuruŋ diliŋdebe igiŋ ma wor po yeneŋ hi.
“Be, Moseyen sabaya Al Kuruŋyen mere basaŋ marte saba asaŋde katiŋ gobe tagalke waŋ waŋ Yon Baptais hitte hiyuŋ. Gor matbe mere igiŋ Al Kuruŋ beleŋ alya bereyamiŋ doyaŋ yird yird goyen tagalde tukuke nurdeb daha mat Al Kuruŋ beleŋ doyaŋ yirde hi goyenter kutewoŋ wor po yeŋ nurde al budam kurut yeŋ haŋ. Gega Moseyen saba gote miŋbe hubu hitiŋ yeŋ ma nurnayiŋ. Naŋkiŋya megeŋyabe hubu hiriryeŋ gega, Moseyen saba gote mere bilmiŋ uŋkureŋ muŋ kura bana ma kuyeŋ. Niŋgeb al kura berem takira teŋ bere hoyaŋ tiyyeŋ al gobe Al Kuruŋ diliŋde leplep mata tiya yeŋ kinyeŋ. Irde al kura bere uŋ beleŋ takira titiŋ goyen tiyyeŋbe al go wor Al Kuruŋ diliŋde leplep mata tiya yeŋ kinyeŋ,” yinyiŋ.

Be, Moseyen saba goke teŋbe Yesu beleŋ maya merere Farisi mar gaha yinyiŋ: “Be, al kura goyenbe horaya samuŋya budam wor po geb, uliŋ umŋa igiŋ bukkeŋya digulakya suluk yirke bukkeŋ yara hitiŋ goyen po yerde gasuŋmiŋ igiŋde po heŋ hugiŋeŋ dulamiŋ igiŋ igiŋ po teŋ hinhin. Be, hora miŋyaŋ al gote yare hurkuŋ hurkuŋ beleŋ mohoŋdeb al buniŋeŋ kura deŋembe Lasarus goyen tukuŋ gor kerkeb al kuŋ waŋ teŋ hikeb det niŋ kaŋaŋ yirde hinhin. Yeŋbe usu beleŋ po epte ma irtiŋ hinhin. Be, hora miŋyaŋ al gore biŋge nene dikŋeŋ yukuŋ yimiyniŋ teŋ hikeb Lasarus beleŋbe nemewoŋ yeŋ yeneŋ hinhin. Goyenbe kura muŋ ma unke nen hinhin. Irkeb kulu beleŋ manaŋ waŋ uliŋde usu bidak goyen melak urde hinhan.
“Be, Lasarus go gwahade po heŋ heŋbe kamyiŋ. Kamkeb Al Kuruŋyen miyoŋ beleŋ waŋ toneŋ teŋbe Al Kuruŋyen gasuŋ Abraham hinhinde gor tukamiŋ. Be, hitŋeŋ teŋbe hora miŋyaŋ al goyen wor kamke teŋ mete tiyamiŋ. Be, al gote toneŋbe kak alare kuŋ gorbe uliŋ misiŋ kuruŋ wor po kateŋ hinhin. Irde gor mat naŋkeneŋbe Abrahambe gisaw wor po kinyiŋ. Lasarusbe Abrahamya hike kinyiŋ. Gwahade keneŋbe hoy irdeb, ‘Asi, kak ala bana ga heŋ heŋbe ulne misiŋ kuruŋ kateŋ hime geb, buniŋeŋ nirdeb Lasarus teŋ kerke kateŋ haniŋ faw fe bana kerde tawaŋ melakne bida iri,’ inyiŋ. Gega Abraham beleŋ wol heŋbe, ‘Diriŋne, ga nura. Megen hinhanyabe det igiŋ igiŋ yade goke po amaŋ heŋ hinhan geb, gayenterbe ulge misiŋ kuruŋ kateŋ ha gogo. Munaŋ Lasarusbe uliŋ misiŋ kuruŋ kateŋ hinhin geb, waŋ garbe gasuŋ igiŋde heŋ biŋ yurum heŋ hi. Goyenbe go po moŋ. Geya neŋya kahaltebe fereŋ dukuŋ kuruŋ wor po hi geb, neŋ hitere gar mat epte ma ge ha bana goŋ kutek. Irde ge hare gor mat gar waŋ waŋ wor epte moŋ geb,’ inyiŋ. Gwaha inkeb al gore wol heŋbe, ‘Asi, niŋgeb bada heŋ Lasarus teŋ kerke megen adoner yare kurkuyeŋ. Irde kolne yago siptesoŋoŋ gor haŋ geb, kuŋ hayhay yiryeŋ. Moŋgo yeŋ wor uliŋ misiŋ kuruŋ teŋ teŋ gasuŋde gar wanakkek geb,’ inyiŋ. Irkeb Abraham beleŋ wol heŋbe, ‘Kolge yagoŋ yaha? Gorbe Moseyen sabaya Al Kuruŋyen mere basaŋ marte saba asaŋde katiŋ haŋ gogo geb, goyen keŋkela yeneŋ bebak teŋ hinayiŋ,’ inyiŋ. Irkeb al goreb, ‘Moŋ, asi. Gore po epte moŋ. Al kura kamtiŋde mat sopte huwarde kuŋ saba yirke gab igiŋ mata buluŋmiŋ yubul teŋ Al Kuruŋ niŋ biŋ mulgaŋ henayiŋ,’ inyiŋ. Gega Abraham beleŋbe, ‘Moseyen sabaya Al Kuruŋyen mere basaŋ marte saba asaŋde katiŋ goyen nurnayiŋ gega, biŋde mat fudinde yeŋ ma nurde gama ma irnayiŋ gobe al kura kamtiŋde mat huwarde kuŋ saba yiryeŋ wor epte ma meremiŋ nurnayiŋ geb,’ inyiŋ,” yiriŋ.

Slušaj Luk 16