Halia - 2020 WBT (NT) Non Drama

<div class="version vid955 iso6393hla" data-vid="955" data-iso6393="hla">
 <div class="book bkLUK">
 <div class="chapter ch17" data-usfm="LUK.17">
 <div class="label">17</div><div class="s">A markato a omi</div><div class="r">(Matiu 18:6-7,21-22, Mak 9:42)</div><div class="p"> 1Be Iesu e poeiena turu katunun tsitsilo i tanen, &#8220;Mamanaka a omi e roron las rena u katuun bate kato homir, kaba a nomi pan e butu noua romana tara katuun te las mena a katuun tara tou hiamus! 2Kaba tega kato homieia ta katuun ta t&#246;a tara galapien teka te hamana uaier i tar ba pien te kato homina, e niga balana tegi kits menai ta hatu pan i totongolona a katuun teka batena harukue ria i loul! 3Alimiou go tara kap haniga naiam a peisa milimiou.</div><div class="p">&#8220;Sanena tega kato homia a hahatoulana i tam&#246;l&#246;, al&#246; go ranga hapiou meien. Na tega palis ba naien a markato a omi i torinen, ba l&#246; te hapolasa ba nem a markato a omi i tanen. 4Te kato homi nen i tam&#246;l&#246; tara tohit a p&#246;ata turu t&#246;a u lan, ba nonei te la uanama i tam&#246;l&#246; tara tohit has a p&#246;ata bate poeiena, &#8216;Alia e palis ba negu a markato a omi i tar,&#8217; ba l&#246; te hapolasa hasem a markato a omi te katoeien.&#8221;</div><div class="s">A markato turu nihamana</div><div class="p"> 5Bu Aposol e poeier tara Tsunono, &#8220;Al&#246; go kato hapane iema u nihamana i tamulam.&#8221; 6Ba Tsunono e ranga palisina me poeiena, &#8220;A ngalin mastet e tetenei koruna, kaba e habutena a kaan leba te pan sok&#246;na. U nihamana e markato has uana iesana. Noahasina te tetenei koruna u nihamana i tamilimiou, alimiou e tatei ranga noa has mia turu ruei teka bate poeiemiou, &#8216;Al&#246; go takalapama batena taleba pouts moua i tasi,&#8217; ba nonei te kukute hase nou u ranga i tamilimiou!&#8221;</div><div class="s">A markato tara tsonun kui</div><div class="p"> 7Be Iesu e ranga lenina me poeiena, &#8220;Sanena ta t&#246;a i tamilimiou ega ka mei ta tsonun kui bate tara kap nena a kui tsi u sipsip, ba tara p&#246;ata tega la uamen i han, ga l&#246; e tatei mar ranga has uaiem teka, &#8216;Mi nou sok&#246; tala&#8217;? 8E m&#246;a koru! Al&#246; e tatei poeiem i tanen, &#8216;Al&#246; go nas bema a kannou i tar, bate hapousem u labalaban nas bal&#246; te s&#246;ate muma a kannou i tar bate mi hahalosom, balia te nou bugu. Ba l&#246; te t&#246;an nou moto mou.&#8217; 9A tsunono e haniga hase nou a tsonun kui tega kukute tuun menaien u ranga i tanen? E m&#246;a. 10Na e markato has uana iesana i tamilimiou. P&#246;ata te hakape mia limiou a manka ti ranga merai limiou tego katoeiam limiou, alimiou goma ngilemi tegi hapan merai limiou. Taraha? Alimiou u kato talaseiam a toukui ti hop&#246; kap merai limiou.&#8221;</div><div class="s">E Iesu e kato haniga poutsir a maloto a katuun a toba</div><div class="p"> 11P&#246;ata te la uu e Iesu i Jerusalem, nonei e silaia tara maroro i gusuna man provins i Samaria na i Galili. 12-13Nonei e tukuia tara t&#246;a han, ba maloto a katuun a toba e sabie ren. Nori i tuol ia i lehana me kur, &#8220;O Iesu! Tsunono! Al&#246; go taatagi ramou lam!&#8221; 14Be Iesu e tara ranen me poeiena i taren, &#8220;La mula, ba limiou tena hatara namiou a peisa milimiou turu pris.&#8221; Ba p&#246;ata ti la noaien i maroro, ba peisaren e gogosona!</div><div class="p"> 15Kaba a t&#246;a i taren e tara sabi te gogoso uaien me habirits poutsina me ranga hapanina te hatsunono menaien e Sunahan. 16Ba nonei e tuhop&#246; nena i mouna e Iesu me haniga uana i tanen. A katuun teka a toun Samaria. 17Be Iesu e rangatana, &#8220;Alia e kato haniga pouts regula a maloto a katuun. Ga ime te ka ria a tosie? 18E m&#246;a ta taina ta katuun tega kopisima batemi soloseiena e Sunahan, a t&#246;a puku lasi teka a katununa tara tana han?&#8221; 19Be Iesu e poeiena i tanen, &#8220;Takei, bal&#246; te lam. A nihamana i tam&#246;l&#246; te kato haniga poutse lalou l&#246;.&#8221;</div><div class="s">A Nipepeito tere Sunahan e butu nama romana</div><div class="r">(Matiu 24:23-28,37-41)</div><div class="p"> 20A palair u Parasi i rangati e Iesu a p&#246;ata tega butuma romana a Nipepeito tere Sunahan. Be Iesu e ranga palis ranen me poeiena, &#8220;A Nipepeito tere Sunahan ema tatei mar butu uana mei romana tegi tara menaien. 21E m&#246;a ta t&#246;a tega poeiou romana, &#8216;Tara, a Nipepeito tere Sunahan teka&#8217; tsi, &#8216;Nonei ili!&#8217; E m&#246;a. A nipepeito tere Sunahan e kana i torimilimiou.&#8221; 22Be Iesu e poeiena turu katunun tsitsilo, &#8220;E ka menou a p&#246;ata i murimuri te ngilin tara koru namoia limiou alia turu t&#246;a u lan, alia tu butun Katunuma, kaba alimiou ema tare moi lia. 23U katuun e poeier romana i tamilimiou, &#8216;Taraiam, nonei te kanama ili&#8217; tsi, &#8216;Nonei teka!&#8217; Kaba limiou goma tatei kukute ramien. 24P&#246;ata te kulupuna u k&#246;asi, u kanaha e roron alesala uana tara mamana makum i kol&#246;. Na e markato has uana romana iesana tara p&#246;ata te butu pouts guma lia romana, Alia tu butun Katunuma. 25Kaba alia ego sagoho mam bi a kamits a para. Ba u katunura i romana te tori tsuga nariou lia. 26A p&#246;ata te la pouts guma lia romana e markato has uana romana te kato uu a p&#246;ata tere Noa i manasa. 27Tara man lan i mam turu uolo pan, u katuun i nou me uar me hit&#246;lur, me noana turu lan te tasuia e Noa tara tolaala. Ba u uolo pan e la nama me atung hamate hobotont&#246;a rena u katuun. 28Na e markato has uana romana te markato uu a p&#246;ata tere Lot. U katuun i nou me uar, me hiholur me haholur, me lebar a man kui me hatakeier u luma. 29Kaba turu lan te laba naia e Lot a taun i Sodom, bu tula u ahiil e rus here namei a langits i kol&#246; me kato hamate rena u katuun hoboto. 30Na e markato has uana romana teka tara p&#246;ata te butu pouts guma romana lia, Alia tu butun Katunuma.</div><div class="p"> 31&#8220;I murina nonei turu lan teka, ta katuun tega kaia i oluna a luma e goma koul ii bate tasuna batena luena a manka i tanen. Na katuun has te kana romana tara kui i tanen ema tatei kopis uana mei romana i luma i tanen. 32Hakats kopis naiam a ka a omi te butuia tara tahol tere Lot. 33A katuun te peits nena a nit&#246;at&#246;a i tanen ena hatie nen romana. Kaba a katuun te hataia sile nei a nit&#246;at&#246;a i tanen te ngil mena neien lia, nonei ena sabie nen romana. 34Alia e ranga mera goulimiou, nonei tara p&#246;ata i murimuri a huol a katuun te soho gono ria romana tara t&#246;a inana tara bong. A t&#246;a e luba ner romana ba tai te kakana. 35A huol a tahol e kono hoboter romana a kannou. A t&#246;a e luba ner romana ba tai te kakana. 36A huol a tson e kui ria romana i kui. A t&#246;a e luba ner romana ba tai te kakana.&#8221; 37Ba u katunun tsitsilo e rangate ren, &#8220;O Tsunono, ime tena butu noua a manka teka?&#8221; Be Iesu e ranga palisina, &#8220;A makum te kana u tuenrei u mate, nonei a makum te gonogono ria u apena te nounouer a ka a koreme.&#8221; </div>
 </div>
 </div>
</div>

Be Iesu e poeiena turu katunun tsitsilo i tanen, “Mamanaka a omi e roron las rena u katuun bate kato homir, kaba a nomi pan e butu noua romana tara katuun te las mena a katuun tara tou hiamus! Kaba tega kato homieia ta katuun ta töa tara galapien teka te hamana uaier i tar ba pien te kato homina, e niga balana tegi kits menai ta hatu pan i totongolona a katuun teka batena harukue ria i loul! Alimiou go tara kap haniga naiam a peisa milimiou.
“Sanena tega kato homia a hahatoulana i tamölö, alö go ranga hapiou meien. Na tega palis ba naien a markato a omi i torinen, ba lö te hapolasa ba nem a markato a omi i tanen. Te kato homi nen i tamölö tara tohit a pöata turu töa u lan, ba nonei te la uanama i tamölö tara tohit has a pöata bate poeiena, ‘Alia e palis ba negu a markato a omi i tar,’ ba lö te hapolasa hasem a markato a omi te katoeien.”

Bu Aposol e poeier tara Tsunono, “Alö go kato hapane iema u nihamana i tamulam.” Ba Tsunono e ranga palisina me poeiena, “A ngalin mastet e tetenei koruna, kaba e habutena a kaan leba te pan soköna. U nihamana e markato has uana iesana. Noahasina te tetenei koruna u nihamana i tamilimiou, alimiou e tatei ranga noa has mia turu ruei teka bate poeiemiou, ‘Alö go takalapama batena taleba pouts moua i tasi,’ ba nonei te kukute hase nou u ranga i tamilimiou!”

Be Iesu e ranga lenina me poeiena, “Sanena ta töa i tamilimiou ega ka mei ta tsonun kui bate tara kap nena a kui tsi u sipsip, ba tara pöata tega la uamen i han, ga lö e tatei mar ranga has uaiem teka, ‘Mi nou sokö tala’? E möa koru! Alö e tatei poeiem i tanen, ‘Alö go nas bema a kannou i tar, bate hapousem u labalaban nas balö te söate muma a kannou i tar bate mi hahalosom, balia te nou bugu. Ba lö te töan nou moto mou.’ A tsunono e haniga hase nou a tsonun kui tega kukute tuun menaien u ranga i tanen? E möa. Na e markato has uana iesana i tamilimiou. Pöata te hakape mia limiou a manka ti ranga merai limiou tego katoeiam limiou, alimiou goma ngilemi tegi hapan merai limiou. Taraha? Alimiou u kato talaseiam a toukui ti hopö kap merai limiou.”

Pöata te la uu e Iesu i Jerusalem, nonei e silaia tara maroro i gusuna man provins i Samaria na i Galili. Nonei e tukuia tara töa han, ba maloto a katuun a toba e sabie ren. Nori i tuol ia i lehana me kur, “O Iesu! Tsunono! Alö go taatagi ramou lam!” Be Iesu e tara ranen me poeiena i taren, “La mula, ba limiou tena hatara namiou a peisa milimiou turu pris.” Ba pöata ti la noaien i maroro, ba peisaren e gogosona!
Kaba a töa i taren e tara sabi te gogoso uaien me habirits poutsina me ranga hapanina te hatsunono menaien e Sunahan. Ba nonei e tuhopö nena i mouna e Iesu me haniga uana i tanen. A katuun teka a toun Samaria. Be Iesu e rangatana, “Alia e kato haniga pouts regula a maloto a katuun. Ga ime te ka ria a tosie? E möa ta taina ta katuun tega kopisima batemi soloseiena e Sunahan, a töa puku lasi teka a katununa tara tana han?” Be Iesu e poeiena i tanen, “Takei, balö te lam. A nihamana i tamölö te kato haniga poutse lalou lö.”


A palair u Parasi i rangati e Iesu a pöata tega butuma romana a Nipepeito tere Sunahan. Be Iesu e ranga palis ranen me poeiena, “A Nipepeito tere Sunahan ema tatei mar butu uana mei romana tegi tara menaien. E möa ta töa tega poeiou romana, ‘Tara, a Nipepeito tere Sunahan teka’ tsi, ‘Nonei ili!’ E möa. A nipepeito tere Sunahan e kana i torimilimiou.” Be Iesu e poeiena turu katunun tsitsilo, “E ka menou a pöata i murimuri te ngilin tara koru namoia limiou alia turu töa u lan, alia tu butun Katunuma, kaba alimiou ema tare moi lia. U katuun e poeier romana i tamilimiou, ‘Taraiam, nonei te kanama ili’ tsi, ‘Nonei teka!’ Kaba limiou goma tatei kukute ramien. Pöata te kulupuna u köasi, u kanaha e roron alesala uana tara mamana makum i kolö. Na e markato has uana romana iesana tara pöata te butu pouts guma lia romana, Alia tu butun Katunuma. Kaba alia ego sagoho mam bi a kamits a para. Ba u katunura i romana te tori tsuga nariou lia. A pöata te la pouts guma lia romana e markato has uana romana te kato uu a pöata tere Noa i manasa. Tara man lan i mam turu uolo pan, u katuun i nou me uar me hitölur, me noana turu lan te tasuia e Noa tara tolaala. Ba u uolo pan e la nama me atung hamate hobotontöa rena u katuun. Na e markato has uana romana te markato uu a pöata tere Lot. U katuun i nou me uar, me hiholur me haholur, me lebar a man kui me hatakeier u luma. Kaba turu lan te laba naia e Lot a taun i Sodom, bu tula u ahiil e rus here namei a langits i kolö me kato hamate rena u katuun hoboto. Na e markato has uana romana teka tara pöata te butu pouts guma romana lia, Alia tu butun Katunuma.
“I murina nonei turu lan teka, ta katuun tega kaia i oluna a luma e goma koul ii bate tasuna batena luena a manka i tanen. Na katuun has te kana romana tara kui i tanen ema tatei kopis uana mei romana i luma i tanen. Hakats kopis naiam a ka a omi te butuia tara tahol tere Lot. A katuun te peits nena a nitöatöa i tanen ena hatie nen romana. Kaba a katuun te hataia sile nei a nitöatöa i tanen te ngil mena neien lia, nonei ena sabie nen romana. Alia e ranga mera goulimiou, nonei tara pöata i murimuri a huol a katuun te soho gono ria romana tara töa inana tara bong. A töa e luba ner romana ba tai te kakana. A huol a tahol e kono hoboter romana a kannou. A töa e luba ner romana ba tai te kakana. A huol a tson e kui ria romana i kui. A töa e luba ner romana ba tai te kakana.” Ba u katunun tsitsilo e rangate ren, “O Tsunono, ime tena butu noua a manka teka?” Be Iesu e ranga palisina, “A makum te kana u tuenrei u mate, nonei a makum te gonogono ria u apena te nounouer a ka a koreme.”

Slušaj Luk 17