Halia - 2020 WBT (NT) Non Drama

<div class="version vid955 iso6393hla" data-vid="955" data-iso6393="hla">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">E Iesu i kout naia tere Pailat a gamman</div><div class="r">(Matiu 27:1-2,11-14, Mak 15:1-5, Jon 18:28-38)</div><div class="p"> 1Ba u katuun hoboto e taker me la menari e Iesu i matana e Pailat. 2Ba nori e tanian kout ner e Iesu me poeier, &#8220;Alam u tari a katuun teka e kato hatuturi u katuun i tamulam turu hihatuts i tanen. Nonei e ranga hapiouni tego hala menai lam a takis tere Sisa. Na nonei e roron ng&#246;e nei a peisanen e Mesaia, a king.&#8221; 3Be Pailat e rangate nen, &#8220;Al&#246; a King turu Jiu?&#8221; Be Iesu e ranga palisina, &#8220;Al&#246; peisa has te rangam.&#8221; 4Be Pailat e poeiena turu pris pan na turu katuun u parpara ti gono, &#8220;Alia ema sabiegi ta ka ta omi tegi hahuna sile ii a katuun teka.&#8221; 5Ba nori e ranga hatagala korur me poeier, &#8220;Nonei e roron hatutsir u katuun turu han hoboto i Judia me kato hataktakei ranen. Nonei e taniama i Galili batemi han&#246;an t&#246;a na teka.&#8221;</div><div class="s">E Iesu i kout naia tere Herot a king</div><div class="p"> 6P&#246;ata te hengoeia e Pailat a ka teka me rangatana, &#8220;A katuun teka a toun Galili?&#8221; 7Ba nori e hatanganar, be Pailat e t&#246;an hala mena nei e Iesu tere Herot te ka hasia i Jerusalem nonei tara p&#246;ata. Taraha? E Herot e tara kapiin a provins i Galili. 8Na nonei e sasaala koru te tara menaien e Iesu. Nonei e hengo nen na e solon ngil hasi tego tara menaien. Nonei e ngilin tari tega kato menai e Iesu tu mirakol. 9Be Herot e rangate nei e Iesu a man harangata a man parpara, kaba e Iesu ema palise ii tu t&#246;a tu harangata i tanen. 10Ba u pris pan na u tson hihatuts tara Lo e la hasusuku ruma me kout hatagala koru naier e Iesu. 11Be Herot na u soldia i tanen e hahakos ner e Iesu me maman ranga naren. Ba nori e hasei rien u hasob&#246;n king me hala pouts mena rien tere Pailat. 12E Pailat na e Herot i hiapalpal mam, kaba nonei turu lan teka nori i hiakaka haniga pouts.</div><div class="s">E Pailat e rangein e Iesu ga mate</div><div class="r">(Matiu 27:15-26, Mak 15:6-15, Jon 18:39&#8211;19:16)</div><div class="p"> 13-14Be Pailat e ng&#246; g&#246;gono rena u pris pan na u tsunono nu katuun me poeiena i taren, &#8220;Alimiou mi piou namia a katuun teka i tar bate pei miou nonei e kato hatutu u hakats turu katuun. Kaba lia e katoe gula u kout i tanen i matamilimiou, na lia ema sabie gulei ta ka ta omi i tanen te kout memien limiou. 15Na e Herot has ema sabie namei ta ka ta omi i tanen. Taraha? Nonei e hala pouts mena meien i tamulam. Hengoiam, a katuun teka ema katoe ii ta ka ta omi tega mate sileien. 16Bara, alia e halahus nagoen bate hapurese gen.&#8221; (17Turu mamana u hiningal tara p&#246;ata tara Kannouna turu Paska, e Pailat e roron hapurese beraien a t&#246;a tson te kaia tara karabus.)</div><div class="p"> 18Kaba u katuun i ku hoboto me poeier, &#8220;Atung hamateiam a katuun teka, bate hapurese mena mumei e Barabas i tamulam!&#8221; 19(E Barabas i haka mei tara karabus te hatakei menaien a hiatatung tara gamman iahana taun i Jerusalem, na nonei e atung hamate hasi a katuun.) 20E Pailat e ngilin hapuresi e Iesu, ba nonei e ranga lel merena u katuun. 21Kaba nori i ku hapan noa lasi, &#8220;Nila namia tara kuruse! Nila namia tara kuruse!&#8221; 22Ba e Pailat e ranga hatopisana i taren, &#8220;A saha ka a omi te katoeien? Alia ema sabie gulei ta ka ta omi tega katoeien ba nonei te mate sile nen! Alia e halahus negoen bate hapurese gouen.&#8221;</div><div class="p"> 23Kaba nori i ku hapan koru noa has tegi nila menai e Iesu tara kuruse. Ba u ranga i taren e palisena u hakats tere Pailat. 24Be Pailat e t&#246;a kukutiena u ngil i taren me kitsena u ranga tega mate uu e Iesu. 25Ba nonei e hapureseiena a katuun ti ngileien, a katuun teka i haka mei tara karabus te habutu menaien a hiatatung na te hihipuli uaien. Be Pailat e hala mena nei e Iesu i taren egina kato menaien ti ngil uaien.</div><div class="s">E Iesu i nila naia tara kuruse</div><div class="r">(Matiu 27:32-44, Mak 15:21-32, Jon 19:17-27)</div><div class="p"> 26P&#246;ata ti la meien e Iesu, ba nori e sabier a t&#246;a katuun a solonen e Saimon, a toun Sairini. Nonei e hagou tukuia i Jerusalem. Ba nori e pile naren me has&#246;ate rien a kuruse tere Iesu, ba nonei e kukutena i murina e Iesu. 27Ba u katuun u parpara e kukutier e Iesu. A palair u touhaliou ti kaia i gusuren i taatagi koru me taber. 28Be Iesu e habirits uana i taren me poeiena, &#8220;Touhaliou ri Jerusalem, ma tabe sile milia. Tabe sileiam a peisa milimiou na galapien i tamilimiou. 29Taraha? A p&#246;ata e la nama te pei ria romana, &#8216;A touhaliou u kuba ti mamala pose ii ta pien na touhaliou tima hasuse ii ta pien, nori egi sasaala!&#8217; 30Nonei tara p&#246;ata u katuun e poeier romana tara pokus pan, &#8216;Kono kap ramoulam,&#8217; na tara pokus a tetenei, &#8216;Hu kap ramoulam bate hamous ramoulam!&#8217; 31Te markato mena rien lia teka, alia te heregi u ruei u pelpeli, gime te markato uaren romana turu katuun te hereri u ruei u lango?&#8221;</div><div class="p"> 32A huol a katuun a omi i lu has merai tegina kato hamate gono meraien e Iesu. 33Tara p&#246;ata ti tukuien tara makum ti ng&#246;e ii U Lak&#246;, ba nori e nila naria e Iesu tara kuruse, na huol katuun a omi i nila has raia tara huol a kuruse i rehinen, a t&#246;a tara pal matou na tai tara pal keruka. 34Be Iesu e singo uana tere Sunahan me poeiena, &#8220;O Tamar, al&#246; go luban a markato a omi i taren. Nori ema atei sileri a ka te katoe ren.&#8221; Ba u soldia e satu siler u hasob&#246; i tanen, me molamola naren. 35U katuun ti tuol ia i susuku i tara uu i tanen, kaba pal kapan turu Jiu i hahakos naien me poeier, &#8220;Nonei e taguhir a palai. Bara, tego Mesaia uen te hop&#246; kapiin e Sunahan, ga nonei ega taguhu talei a peisanen!&#8221; 36-37Na u soldia has i hahakos naien. Ba nori e la hasusuku uaruma i tanen me torohanan haue rien u uain u melil me poeier, &#8220;Tego King uu l&#246; turu Jiu, bara, taguhu talei a peisam&#246;l&#246;!&#8221;</div><div class="p"> 38A man ranga ti nila naia i bakuna kuruse i tanen, Nonei a King turu Jiu teka. 39A t&#246;a katuun a omi te kuteia i rehinen e ranga homia tere Iesu me poeiena, &#8220;Al&#246; e Mesaia? Bara, taguhu talei a peisam&#246;l&#246; na lam has!&#8221; 40Kaba taina katuun a omi te kuteia i hapala e raharaha me poeiena, &#8220;Al&#246; ema matoutemi e Sunahan? A nihahuna i tarara e matsk&#246;na. 41Taraha? E palisena a markato a omi ti kati ra. Kaba a katuun teka ema katoe ii ta ka ta omi.&#8221; 42Ba nonei e poeiena, &#8220;O Iesu, hakats kap namoulia tara p&#246;ata tena butun King moa l&#246;!&#8221; 43Be Iesu e poeiena i tanen, &#8220;Alia e ranga hamana megou l&#246;, i romana tuun has, al&#246; ena ka gono memoua lia i Kol&#246;.&#8221;</div><div class="s">A tou mate tere Iesu</div><div class="r">(Matiu 27:45-56, Mak 15:33-41, Jon 19:28-30)</div><div class="p"> 44-45Tara 12 kilok tara s&#246;asa, ba pitala e piri han&#246;ana bu kuhil e kopo kap hoboto nena a han me antunana tara 3 kilok. Ba u labalaba pan te kuteia tara Luman Lotu Pan e takiis katana me katoena a huol a makum. 46Be Iesu e ku hapan koruna, &#8220;O Tamagulia! Alia e hake gia u namnamei i tar i limam&#246;l&#246;!&#8221; Nonei e mar ranga las uu teka bate matena. 47Ba katuun pan turu soldia e tarena a manka teka, ba nonei e soloseiena e Sunahan me poeiena, &#8220;U mana koru, nonei a katuun a niga!&#8221; 48U katuun u para ti gono sil a manka teka i tara kapiin a manka te butu, ba nori e taatagi korur me mukumuku hoboter a lumlumaren me la pouts uaier i han. 49A man hahikapien tere Iesu na man touhaliou ti kukutie men i Galili i tuol halehana me tarer a mamanaka teka.</div><div class="s">E Iesu i kahoein</div><div class="r">(Matiu 27:57-61, Mak 15:42-47, Jon 19:38-42)</div><div class="p"> 50-51A t&#246;a katuun a solonen e Josep a toun Arimatia, a t&#246;a taun turu Jiu. Nonei a katuun a niga, na nonei e hahalosi tega butu uama a Nipepeito tere Sunahan. Nonei a pala turu Kout Pan turu Jiu, kaba nonei ema hanige ii a ka ti hatangana nen na ti katoeien tere Iesu. 52Ba nonei e la silena tena singo menaien u tuenrei tere Iesu tere Pailat. 53Be Pailat e hanigana, be Josep ena lu hakoulena u tuenrei tere Iesu, ba nonei e pitse neien u labalaba u hiaka, me hahonge nen tara kiou ti katoeia turu lapo, a kiou teka e m&#246;a noa ta mate tegi hakeia iahanen. 54Nonei u lanin heroko tara mamanaka, a pal lahi bong hamanasa, na u Lan u G&#246;agono turu Jiu e tania mena te tsiruku uana a pitala. 55Ba touhaliou ti la gono mema e Iesu i Galili e la gono meier e Josep mena tarer a kiou na ime timar hop&#246; menai a tuenreina e Iesu iogana. 56Ba nori e la pouts uaier i han mena hamatsk&#246;er a manka man soka haniga tara tuenreina e Iesu. Ba nori e husa meier u Lan u G&#246;agono, temar ranga uu a Lo turu Jiu.</div>
 </div>
 </div>
</div>

Ba u katuun hoboto e taker me la menari e Iesu i matana e Pailat. Ba nori e tanian kout ner e Iesu me poeier, “Alam u tari a katuun teka e kato hatuturi u katuun i tamulam turu hihatuts i tanen. Nonei e ranga hapiouni tego hala menai lam a takis tere Sisa. Na nonei e roron ngöe nei a peisanen e Mesaia, a king.” Be Pailat e rangate nen, “Alö a King turu Jiu?” Be Iesu e ranga palisina, “Alö peisa has te rangam.” Be Pailat e poeiena turu pris pan na turu katuun u parpara ti gono, “Alia ema sabiegi ta ka ta omi tegi hahuna sile ii a katuun teka.” Ba nori e ranga hatagala korur me poeier, “Nonei e roron hatutsir u katuun turu han hoboto i Judia me kato hataktakei ranen. Nonei e taniama i Galili batemi hanöan töa na teka.”

Pöata te hengoeia e Pailat a ka teka me rangatana, “A katuun teka a toun Galili?” Ba nori e hatanganar, be Pailat e töan hala mena nei e Iesu tere Herot te ka hasia i Jerusalem nonei tara pöata. Taraha? E Herot e tara kapiin a provins i Galili. Na nonei e sasaala koru te tara menaien e Iesu. Nonei e hengo nen na e solon ngil hasi tego tara menaien. Nonei e ngilin tari tega kato menai e Iesu tu mirakol. Be Herot e rangate nei e Iesu a man harangata a man parpara, kaba e Iesu ema palise ii tu töa tu harangata i tanen. Ba u pris pan na u tson hihatuts tara Lo e la hasusuku ruma me kout hatagala koru naier e Iesu. Be Herot na u soldia i tanen e hahakos ner e Iesu me maman ranga naren. Ba nori e hasei rien u hasobön king me hala pouts mena rien tere Pailat. E Pailat na e Herot i hiapalpal mam, kaba nonei turu lan teka nori i hiakaka haniga pouts.


Be Pailat e ngö gögono rena u pris pan na u tsunono nu katuun me poeiena i taren, “Alimiou mi piou namia a katuun teka i tar bate pei miou nonei e kato hatutu u hakats turu katuun. Kaba lia e katoe gula u kout i tanen i matamilimiou, na lia ema sabie gulei ta ka ta omi i tanen te kout memien limiou. Na e Herot has ema sabie namei ta ka ta omi i tanen. Taraha? Nonei e hala pouts mena meien i tamulam. Hengoiam, a katuun teka ema katoe ii ta ka ta omi tega mate sileien. Bara, alia e halahus nagoen bate hapurese gen.” (Turu mamana u hiningal tara pöata tara Kannouna turu Paska, e Pailat e roron hapurese beraien a töa tson te kaia tara karabus.)
Kaba u katuun i ku hoboto me poeier, “Atung hamateiam a katuun teka, bate hapurese mena mumei e Barabas i tamulam!” (E Barabas i haka mei tara karabus te hatakei menaien a hiatatung tara gamman iahana taun i Jerusalem, na nonei e atung hamate hasi a katuun.) E Pailat e ngilin hapuresi e Iesu, ba nonei e ranga lel merena u katuun. Kaba nori i ku hapan noa lasi, “Nila namia tara kuruse! Nila namia tara kuruse!” Ba e Pailat e ranga hatopisana i taren, “A saha ka a omi te katoeien? Alia ema sabie gulei ta ka ta omi tega katoeien ba nonei te mate sile nen! Alia e halahus negoen bate hapurese gouen.”
Kaba nori i ku hapan koru noa has tegi nila menai e Iesu tara kuruse. Ba u ranga i taren e palisena u hakats tere Pailat. Be Pailat e töa kukutiena u ngil i taren me kitsena u ranga tega mate uu e Iesu. Ba nonei e hapureseiena a katuun ti ngileien, a katuun teka i haka mei tara karabus te habutu menaien a hiatatung na te hihipuli uaien. Be Pailat e hala mena nei e Iesu i taren egina kato menaien ti ngil uaien.


Pöata ti la meien e Iesu, ba nori e sabier a töa katuun a solonen e Saimon, a toun Sairini. Nonei e hagou tukuia i Jerusalem. Ba nori e pile naren me hasöate rien a kuruse tere Iesu, ba nonei e kukutena i murina e Iesu. Ba u katuun u parpara e kukutier e Iesu. A palair u touhaliou ti kaia i gusuren i taatagi koru me taber. Be Iesu e habirits uana i taren me poeiena, “Touhaliou ri Jerusalem, ma tabe sile milia. Tabe sileiam a peisa milimiou na galapien i tamilimiou. Taraha? A pöata e la nama te pei ria romana, ‘A touhaliou u kuba ti mamala pose ii ta pien na touhaliou tima hasuse ii ta pien, nori egi sasaala!’ Nonei tara pöata u katuun e poeier romana tara pokus pan, ‘Kono kap ramoulam,’ na tara pokus a tetenei, ‘Hu kap ramoulam bate hamous ramoulam!’ Te markato mena rien lia teka, alia te heregi u ruei u pelpeli, gime te markato uaren romana turu katuun te hereri u ruei u lango?”
A huol a katuun a omi i lu has merai tegina kato hamate gono meraien e Iesu. Tara pöata ti tukuien tara makum ti ngöe ii U Lakö, ba nori e nila naria e Iesu tara kuruse, na huol katuun a omi i nila has raia tara huol a kuruse i rehinen, a töa tara pal matou na tai tara pal keruka. Be Iesu e singo uana tere Sunahan me poeiena, “O Tamar, alö go luban a markato a omi i taren. Nori ema atei sileri a ka te katoe ren.” Ba u soldia e satu siler u hasobö i tanen, me molamola naren. U katuun ti tuol ia i susuku i tara uu i tanen, kaba pal kapan turu Jiu i hahakos naien me poeier, “Nonei e taguhir a palai. Bara, tego Mesaia uen te hopö kapiin e Sunahan, ga nonei ega taguhu talei a peisanen!” Na u soldia has i hahakos naien. Ba nori e la hasusuku uaruma i tanen me torohanan haue rien u uain u melil me poeier, “Tego King uu lö turu Jiu, bara, taguhu talei a peisamölö!”
A man ranga ti nila naia i bakuna kuruse i tanen, NONEI A KING TURU JIU TEKA. A töa katuun a omi te kuteia i rehinen e ranga homia tere Iesu me poeiena, “Alö e Mesaia? Bara, taguhu talei a peisamölö na lam has!” Kaba taina katuun a omi te kuteia i hapala e raharaha me poeiena, “Alö ema matoutemi e Sunahan? A nihahuna i tarara e matsköna. Taraha? E palisena a markato a omi ti kati ra. Kaba a katuun teka ema katoe ii ta ka ta omi.” Ba nonei e poeiena, “O Iesu, hakats kap namoulia tara pöata tena butun King moa lö!” Be Iesu e poeiena i tanen, “Alia e ranga hamana megou lö, i romana tuun has, alö ena ka gono memoua lia i Kolö.”


Tara 12 kilok tara söasa, ba pitala e piri hanöana bu kuhil e kopo kap hoboto nena a han me antunana tara 3 kilok. Ba u labalaba pan te kuteia tara Luman Lotu Pan e takiis katana me katoena a huol a makum. Be Iesu e ku hapan koruna, “O Tamagulia! Alia e hake gia u namnamei i tar i limamölö!” Nonei e mar ranga las uu teka bate matena. Ba katuun pan turu soldia e tarena a manka teka, ba nonei e soloseiena e Sunahan me poeiena, “U mana koru, nonei a katuun a niga!” U katuun u para ti gono sil a manka teka i tara kapiin a manka te butu, ba nori e taatagi korur me mukumuku hoboter a lumlumaren me la pouts uaier i han. A man hahikapien tere Iesu na man touhaliou ti kukutie men i Galili i tuol halehana me tarer a mamanaka teka.


A töa katuun a solonen e Josep a toun Arimatia, a töa taun turu Jiu. Nonei a katuun a niga, na nonei e hahalosi tega butu uama a Nipepeito tere Sunahan. Nonei a pala turu Kout Pan turu Jiu, kaba nonei ema hanige ii a ka ti hatangana nen na ti katoeien tere Iesu. Ba nonei e la silena tena singo menaien u tuenrei tere Iesu tere Pailat. Be Pailat e hanigana, be Josep ena lu hakoulena u tuenrei tere Iesu, ba nonei e pitse neien u labalaba u hiaka, me hahonge nen tara kiou ti katoeia turu lapo, a kiou teka e möa noa ta mate tegi hakeia iahanen. Nonei u lanin heroko tara mamanaka, a pal lahi bong hamanasa, na u Lan u Göagono turu Jiu e tania mena te tsiruku uana a pitala. Ba touhaliou ti la gono mema e Iesu i Galili e la gono meier e Josep mena tarer a kiou na ime timar hopö menai a tuenreina e Iesu iogana. Ba nori e la pouts uaier i han mena hamatsköer a manka man soka haniga tara tuenreina e Iesu. Ba nori e husa meier u Lan u Göagono, temar ranga uu a Lo turu Jiu.

Slušaj Luk 23