Popularni biblijski stihovi iz Ñwaè' Matïìyoè 5

Podijeli

Yi yu foŋ enɛ àde' ŋwɛ̀ cʉ' lâm, lor ghee kʉpshi àgho ka'. Ŋwɛ̀ à ka' cʉ' lâm, banɛ e be tɛr ba mbe tɛbùr tɛ ndap bo raa nè bèe wɛɛwɛ ce a yu mbe ndàp. Banɛ wee wèe ma'shi tɛ le rraa li raa à bsii bèe, tɛ wowèe a bo yɛ me mfǎ' mmbòŋmboŋ, kù'si yè Ta ce e yu mbe bùu.

Wèe yu rraa enjep ŋgòŋ na. A ka' ba'ri rla' mbe rtùu, àde' bèe a buu efa ryɛ li ka'.

Mbǒŋtu mi yu nè bèe ce yap ntee yi yu rara, njobè' wowèe a be kèe yɛ Nyʉ̀.

Mbǒŋtu mi yu nè bèe ce njè ce yaŋ wowèe, ntee yi ce yuushi wowèe à rgèe buu ce vi yu yɛɛnì, njobè' Nyʉ̀ be kèe gèe tɛ wowèe a yu' rbòŋ.

M ce làa ya nè wèe enɛ, kòŋ nè bèe ce a bàa wèe, loo nè nè bèe ce a ce fa wèe ŋgɛ'

“Mbǒŋtu mi yu nè bèe ce a yu ŋgǎa fùp à yʉ', njobè' kʉʉ Nyʉ̀ yu yap.

Mbǒŋtu mi yu nè bèe ce a ce gèe bèe a ce cu nè cumʉnyaŋ-ŋwɛ̀, njobè' a be kèe too wowèe enɛ boo Nyʉ̀.

Mbǒŋtu mi yu nè bèe ce a ce koosimnse, njobè' a be kèe gèe tɛ nyor wase wowèe.

Mbǒŋtu mi yu nè bèe ce a ce fa wowèe ŋgɛ' njobè' wowèe a ce gèe buu ce vi yu yɛɛnì. Kʉʉ Nyʉ̀ yu yap.

Mbǒŋtu mi yu nè bèe ce a ce koosimnse nè bèe mo', njobè' a be kèe koosimnse nè wowèe.

Mbǒŋtu mi yu nè wèe ce bèe a ka' cɛp wèe, fa ŋgɛ' nè wèe, ker nya' mnde' laa ku' buu bbebep àmbò wèe njo' mɛ̀. Yu'-nè rbòŋ ce lu'shi njobè' wee blà' embe bùu vi yu gòr sê. Wowèe a m ku fa ŋgɛ' nè ŋgǎa ncep ntuu Nyʉ̀ ce a m ba entombì nè wèe nà wa'a.

Mbǒŋtu mi yu nè bèe ce a ce nàa nyor ka', njobè' Nyʉ̀ be kèe fa ŋgòŋ ca nè wowèe.

“Wèe yu mgwaŋ enjep ŋgòŋ na. Ka' yi yu wa'a, mgwaŋ mi ka' cir, àde' a gee ekɛ mi ka' ker lêe? Mi be kèr ba yuu ŋgèe yuu ka', tɛ a cu' tɛ bèe a ce càa ce nyɛ̀ŋshi nè mkùu.

Banɛ wèe ba yɛɛnì sê, àmbò yè Ta embe bùu yu yɛɛnì foŋ nà.

Kù laa ba wɛnɛ, ɛ̀no, tɛ yi ba wa' ghup, laa wɛnɛ, kaka', tɛ yi ba wa' ghup. Wɛ̀ ka' ker laa yuu mo' caa embo nà, banɛ yì anà yi lò ba ese Satàn ce e yu ŋwɛ̌ mbembep.

“Wèe à yu' enɛ a m làa enɛ̂, ‘Ŋwɛ̀ à ka' bʉ' ŋwɛ̀ rlir, banɛ a be bʉ' li foŋ. Ŋwɛ̀ à ka' co' ŋwɛ̀ rsòŋ banɛ a be co' li foŋ.’ M ce làa ya nè wèe enɛ, ŋwɛ̀ fa kʉʉsi yuu bebep nè yuu bebep ka'. Ŋwɛ̀ à ka' lip wɛ̀ nè bo à gè', à beesì gè' mo' nè ye foŋ tɛ e lîp.

Lo rlir mà' li ka' gee wɛ̀ à gee yuu bebep, à so'nì li enje tù, ma'. Yi yu àndèe enɛ à buu ŋgʉ̀' mò' efa wɛ̌ nyòr nè ce enɛ a ma' yò nyor wɛɛwɛ njep mor. Yo bo mà' yi ka' gee wɛ̀ à gee yuu bebep, à tee yi ma'. Yi yu àndèe enɛ à buu ŋgʉ̀' mò' efa wɛ̌ nyòr nè ce enɛ yò nyor wɛɛwɛ du njep mor.