Popularni biblijski stihovi iz Jon 15

Podijeli

“Iau ut in nanai na wain, ma mot a kum kanokano. Osi ra i laun un iau, ma iau a laun uni, in wu a susut na wino. Ikut ra mot laun gisen gusun iau, ka mot in pam lar pas tu utna.

Mot in laun un iau, ma iau an laun un mot. Ka mot in wu ra ka mot laun un iau, elar nama kano wain ken wu oros ra ken patop unin nanai ino.

Ra mot in laun un iau, ma anung a wasiso in laun un mot, mot in saring iau sur tu utna ra mot nemi, ra din pitari ut torom mot.

Awu sur mot pilok pas iau, iau ut a pilok pas mot. Ra a pitar a pinapam tamot sur mot in nan ma mot in wu a wimot, ma a wimot in kis tukum. Ma o Tita in tabor mot nama sau ra mot sasaring suri nama risang.

Ra taio in pitar ru anun a nilaun sur in mat sur a kum paspasano, anun a marmaris i labo sakit. Katu marmaris anun taio i elar nami.

I ser tau ru a kum kanokano rop nin un iau ra ka det ser wu, ma i ser burup det ra det ser wu, sur det in wu a susut na wino.

Iri anung a warkurai torom mot lena, mot in nem etetalai mot, elar nami ra a nem mot.

“Ra mot in wu a susut na wimot, o Tita in los a minamar, ma a wimot in ese i lena mot anung a kum nat na ususer mulus.

O Iesu i watungi lena, “Iau ut in nanai na wain mulus, ma o Tita i a tene tamtamabat tagun a kinobot na wain.

Ra taio ken laun un iau, i elar nama kano duwai, ra di woro ru i ra numur in marang. Din ubek tomo det, ma din woro det una sungun, sur det in nangon rop tiro iai.

“A watung a kum wasiso ri tamot, sur anung a gasgas in kis un mot, ma anumot a gasgas in bukus una numot a nilaun.

Ra mot in mur anung a kum warkurai, mot in laun una nung a marmaris, elar nam iau, a mur a kum warkurai anun o Tita, ra a laun una nun a marmaris.

Mot in nem etetalai mot. Iri anung a warkurai torom mot.

Ra mot anun a rakrakon bual, a rakrakon bual in nem mot elar nam mot anunu. Ikut mot awu sur anun a rakrakon bual, a sa pilok pas mot gusuni. Iri a kibino ra i nget mot.