Popularni biblijski stihovi iz YAPHANG 6

Podijeli

O ha saka-o borokno snamwi Subraiyung bwkha nangjak kha tei abo bono bwkha hamya khlai kha.

Subraiyung, ha saka-o borokrokni hamya-sitrarok bángmani nuk kha, bebak bórokni bwkha-o uansukmarok hamya máng se kupulung wngwi tongo.

Tamo khe Subraiyung Noano khe kaham nuk kha.

Omorok wng kha Noani bosongrok. Noa wng kha borok sói, bo a jorani borokni bisingo mungsa derama kwrwi borok; Noa Kaitor bai kwrwngwi tongo.

Hakhe Subraiyung hai hwnwi sa kha, “Ang snamma borokrokno o ha sakani sokomorwi pái sinai tei mal-matarok, toksa-toktẃiroknobo sokomorwi pái sinai, tamni hwn ba omorokno snamwi cha se cha li ya, ani khá ham li ya.”

Borokrok erwi ha saka-o kupulung wng kha, bórokni bwrwi bwsarok kwbángma achai kha. Kaitorni bwsarok, borokrokni bwsajwksongno naithokjak bai kha tei bórok hamjakma tẃi a bwrwirokno hik song kha. Hakhe Subraiyung hai hwnwi sa kha, “Ani phola borokrok bai máng tong phlai glak, tamni hwn ba bo wng kha bahan bwthẃini, tamo khe bini umor tabukni simi nokha bisi sara-nwichi wng sinai.” A jora-o tei aboni ulo o ha saka-o mang kotorrok tongmani, bórok wng kha borokrokni bwrwi bwsa bai Kaitorni bwsarok gwdalwi wngma bwsarok. Bórok’-no bisi kwbángma swkango phankrak tei mung gwnang borok hwnjaknairok.

Noa abo hai’-no khlai kha, bo bebakno Kaitor dagima tẃi’-no khlai kha.

Hakhe Kaitor Noano hai hwnwi sa kha, “Ang bebak’-no sokomorwi pái sinai hwnwi bwkha-o chong kha, tamni hwn ba bórokni samungni bagwi o ha-o bu lai-tok lai bai pung súk kha; nai di bórokno ang o ha bai baksa’-no sokomor sinai.

Nwng nini sakni bagwi Gophur buphangni rungtor snam di tei aro khotolrok snam di tei bising bai phataro pich silwi ma lepenai

Hakhe Kaitor hano naikhlai naiwi nuk kha, nai di abo hamya bai kupulung wng kha, bebak borokrok’-no ha saka-o tongmung hamya khe máng tong lai kha.

Tei nwng bebak langma gwnangrokno mwthangwi narwkna bagwi bojro-bojro khe rungtoro da di. Abórok chwla masa bwrwi masa khe wngna nangnai.