Popularni biblijski stihovi iz San Juan 6

Podijeli

Ndá ndáchro chꞌin Jesús: ―Janhan mé ti nio̱tja̱ tjajon kjuachón. Ti nkexro tóchjinehe ti janhan, la í tsꞌenhña kjinta, la ko ti nkexro tsitekaon ti janhan, la í tsꞌenhña ìnta̱.

Ti Ncha̱kuén Díos mé tjajon ti kjuachón nkochríxín, a̱ndá ti cuerpo la ninkehó sínkíhya. A̱ndá ti nkehe tétjo̱nka̱ra mé kuènté Ncha̱kuén Díos la tíha mé tjejóchónxin chojni.

Chrókjui̱chꞌehyara ixra̱ kixin chrókꞌuite jehó ti nkehe sintera tjoka tsjeje̱. Náhí. Chrókjuéyára ti nkehe tjeje̱hya kixin chrókꞌuayèxinra ti kjuachón nkochríxín. Ti nkehe tjajon ti Xje̱en Díos kꞌóna chojni mé chrókjontera, kixin Itꞌé chꞌan mé tja̱ko̱xi̱n kixin ti Xje̱en chꞌan mé chónta kjuachaxin.

Mé xi̱kaha tjinkaon ti nkexro ichrꞌán ti janhan kixin kaín ti sin chóxin ti janhan, ti Xje̱en Díos, la ko tsitekaon sin, mé tsꞌáyéhe̱ sin ti kjuachón nkochríxín. A̱ndá janhan si̱ntaxechuán sin ti ña̱o tsjixixín.

Ndá kjuáte̱he chꞌin Jesús, ndáchro: ―Díos mé tjinkaon kixin chrókuitekáonra ti nkexro ichrꞌán chꞌan.

Kaín ti sin kjuajon Tꞌaná la tóchjinehe sin ti janhan. A̱ndá kaín ti sin tóchjinehe ti janhan la tꞌétua̱nhña sin kixin sátsji sin.

*Ndá kjuáte̱he chꞌin Simón Pedro, ndáchro: ―Ìnchéni, ¿xá nkexro íjnko sáchrókjuichréhe̱ni?, kixin ti itan chro̱nka mé tsochóntaxíni ti kjuachón nkochríxín.

Janhan mé ti nio̱tja̱ tjechón kꞌuínkaji̱nxi̱n nkaya nka̱jní. A̱ndá ti nkexro sinie ti nio̱tja̱ i, mé tsꞌejóchón sin nkochríxín. Ti nio̱tja̱ tsjánjua janhan mé nto̱na tíha, la tíha tsjánjua kixin tsochóntaxín kjuachón nkochríxín kaín ti chojni siín chjasintajni.

Kohya nkexro chrókóchjina ti itjén janhan ti chrókjuinki̱tsahya Tꞌaná. A̱ndá ti sin tso̱chjina la mé si̱ntaxechuán sin ti ña̱o tsjixixín.

Kixin ti nio̱tja̱ tjajon Díos, mé ti nkexro kꞌuínkaji̱nxi̱n nka̱jní la chjéhe kjuachón nkochríxín ti chojni chjasintajni.

Janhan mé ti nio̱tja̱ tjajon kjuachón.

A̱ndá chꞌin Jesús kuákja chꞌan ti nio̱tja̱, la chjéhe chꞌan Díos kjuasáya ndá kꞌue̱to̱an chꞌan kixin tsoxika̱ye̱he, tsákja kaín ti sin tjejótja̱xi̱n. La xi̱kaha kja̱xin kꞌóxika̱ye̱he sin ti koche. Ndá kaín sin kjónie sin hasta kókje̱he sin. Ndá ti ó kjuixin kjónie sin la kꞌue̱tue̱hen chꞌin Jesús ti sin kꞌuájiko: ―Tjénájínra kaín to̱tꞌo̱ ti nkehe tsíxehe̱ kixin ninkehó tsꞌitjáñahña.

A̱ndá ti ó kjuacha sin sákjuí sin inꞌó o̱ injon kilómetro, la xrína̱hña kꞌuíkon sin kixin chꞌin Jesús tetji chritaón ti ìnta̱ la tinkákóchjinehe chꞌan ti ntabarco la jehe sin la imá chrákon sin. Kjánchó chꞌin Jesús ndáchro: ―Chrakonhñara kixin janhan ó kjuihá.