Popularni biblijski stihovi iz Deuteronomio 28

Podeli

“Kon tahoron ninyo ang GINOO nga inyong Dios ug tumanon ang tanan niyang mga sugo nga gihatag ko kaninyo niining adlawa, himoon kamo niya nga labaw sa tanang kanasoran sa tibuok kalibotan.

Kon tahoron ninyo siya, maangkon ninyo ang tanang panalangin.

Himoon sa GINOO nga kamo mag-una ug dili maulahi, mousbaw ug dili mokunhod kon tumanon ninyo ang iyang mga sugo nga gihatag ko kaninyo niining adlawa.

Gikan sa iyang tigomanag bahandi nga mao ang langit, paulanan sa GINOO ang inyong yuta sa panahon sa ting-ulan ug panalanginan niya ang tanan ninyong buhaton. Magpahulam kamo sa kanasoran apan kamo dili manghulam kanila.

“Itugyan sa GINOO kaninyo ang inyong mga kaaway. Maghiusa sila pagsulong kaninyo apan managan sila nga magkatibulaag.

“Pun-on sa GINOO nga inyong Dios ang inyong mga kamalig ug panalanginan niya ang tanan ninyong buhaton. Panalanginan kamo niya didto sa yuta nga gihatag niya kaninyo.

“Panalanginan kamo niya sa tanan ninyong buhaton.

“Panalanginan niya ang inyong kalungsoran ug kaumahan.

“Panalanginan kamo sa GINOO ug daghang mga anak, daghang kahayopan ug daghang abot sa yuta.

“Sumala sa gisaad sa GINOO, himoon kamo niya nga iyang balaang katawhan kon tumanon ninyo ang iyang mga sugo.

“Panalanginan niya ang inyong mga abot ug mga pagkaon.

Ug maghingapin ang mga kaayohan nga ihatag niya kaninyo. Makabaton kamog daghang mga anak, mosanay ang inyong kahayopan ug modaghan ang abot sa yuta nga gisaad niya sa inyong katigulangan nga ihatag niya kaninyo.

Ang tanang katawhan sa kalibotan makakita nga iya kamo sa GINOO ug mahadlok sila kaninyo.

Ayaw kamo pagsupil kaniya o pagsimba sa mga diosdios.

“Apan kon dili ninyo tahoron ang GINOO nga inyong Dios ug dili tumanon ang iyang mga sugo nga gihatag ko karon kaninyo, mahiagom kamo niining tanang tunglo