Popularni biblijski stihovi iz Gɔ̃mèjèje be Xoma 3

Podijeli

Eye nyɔ̃nùa kpɔ be àtia nyɔ ne woa ɖù, eye e jro ŋùku nya kpɔkpɔ, eye e jè ne bèa do vòvòtoto ènu mè. E sɔ àtia be èkusɛ̃sɛ̃ ɖe ɖù; E na èɖe èsrɔ̃a cã e ɖù.

Lè ègbemèlã kèwo kpata Tɔhonɔ̀ Mawu wɔ̀a dòmèa, èdã nyi èlã kè ɖo àyè gɛdɛ wua. E gblɔ̃ na nyɔ̃nùa be: “Nyàwo ye Mawu gblɔ̃ be: “Mì mu gbà ɖù àbɔmètiawo be èkusɛ̃sɛ̃ ɖekpe òa?”

Mù la do vòklã èwò ku nyɔ̃nù dòmè, àpo jìjimèviwo ku nyɔ̃nù be jìjimèviwo dòmè. Jìjimè kèa la gbã èta na wò eye wò la ɖù àfɔ̀kpoji na ɛ̀.”

Mawu to na nyɔ̃nùa be: “Mù la na wò la kpefũ lè èfufɔfɔ mè eye wò la le èku lè èvijìji be gàmè. Susu wò kpata la nɔ̀ èsrɔ̃ wò ji, vɔ̀a e la nyi àpetɔ ɖo ŋusɛ̃ ɖo ji wò.”

Wò la xa àde gbɔ̀xue wò la kpɔ ènuɖùɖu kaka va na gà kè mè wò la gbìgbɔ̀ trɔ yì ànyigbã mè ɖo e ye mè wo ɖè wò to lè. Ɛ̃ɛ, hũhũ ye wò nyi, eye wò la gbà trɔ yì ànyi ŋua ke mè.”

Mawu gblɔ̃ na Adàm be: “Ɖo wò sè èsrɔ̃ wò be ègbè ye wò ɖù àti kè be èse mù do na wò be mù gbà ɖù òa be èkusɛ̃sɛ̃a, ànyigbã la ɖɔ ku kpɛ̃sɛ̃ ɖo ŋuti wò. E la sɛ̃ŋu na wò ŋutɔ gbɔ̀xue wò la kpɔ ŋùkèkè be ènuɖùɖu.

E gblɔ̃ na ɛ̀ be: “Àmè kɛ gblɔ̃ na wò be wò lè àma-àma ò? Wò ɖù àti kè be èse mù do na wòa be èkusɛ̃sɛ̃ ɖe yèa?”

Ekè Mawu nyà àmè lè àbɔ a mè a, E sɔ Kèrubimwo dà ɖo Edɛ̀n bɔ a be èwèzɛ̃pe. Wo le èwui bìɖà, dàzò ŋàŋlà ɖo àsi lè àgbètia be èmɔ̃ nu.

Ŋusùa ɖo nyikɔ na èsrɔ̃a be Evà kè be gɔ̃mè ye nyi àgbè, ɖo e ye nyi àmè àgbèagbèwo kpata be ènɔ̀.