Popularni biblijski stihovi iz Luuka 8

Podijeli

Lɨno ɨmbeju ɨjyague pa mmanga ʉnnonu, kyʉ kɨhwananitso kya vaanu ʉwʉ vipʉlɨka ɨLimenyu. Wʉ vapʉliike, vitsingahɨtsa kʉ numbula jyoni nʉ kʉva vaanu avɨɨdɨhɨtsi, ikange vihʉʉpaga iseke nʉ kwɨjʉmɨɨlɨtsa mu vʉpala wooni.

Ɨjyague pa mitwinyo, wʉ vipʉlɨka ɨlimenyu lya Ngʉlʉve, napeene kʉ nongwa jya lʉtʉngʉtsiimo, ʉvʉmosu, nʉ vʉnogwe wa kɨlʉnga tsikʉvabanyilitsa. Ɨlyo likʉvavɨɨka valemwe ʉkʉhʉʉpa iseke.

Ɨjyague pa lʉnalaawe, wʉ vaanu ʉwʉ vipʉlɨka ɨlimenyu lya Ngʉlʉve, vikwʉpɨlɨla kʉ lʉhekelo, napeene navikʉlɨvɨɨka mu numbula. Ava vikwɨdɨka ʉnsɨkɨ nsupi. Lɨno, tsingaviitsile ingelo vikʉlʉleka ʉlwɨdɨko.

Pwʉ ʉYɨɨsʉ akavavʉʉtsa avakongi va mwene akata, “Ʉlwɨdɨko lwinyo lʉlɨ ndaku?” Avakongi vakadega nʉ kʉdwada kʉnʉ vivʉʉtsania viita, “Ʉjʉ vɨ veeni, ʉvɨ angatane nagʉ nkuluguuto na magasi nasyene sikʉmpʉlɨka?”

Ɨjyague mu nzɨla, wʉ vaanu ʉwʉ vipʉlɨka ɨlimenyu lya Ngʉlʉve, napeene ʉSetano ikwitsa ihetsa ɨlimenyu ɨlyo mu numbula tsa veene, pakʉta vɨlekelwe ʉkwɨdɨka, vagela vipona.

Ewo wʉ jɨlɨwo, gooni ʉgwʉ gasihamiike, galamanyikika. Ikange isiinu syoni isyʉ sigubiikwe, silaava pavʉvalasu.

Ʉnʼdala ʉlya wʉ alɨweene ʉkʉta ʉYɨɨsʉ alʉmanyile, akalʉta kʉnʉ itetema. Akasugama pavʉlongolo pa mwene, akambʉʉla pamiiho ga vaanu vooni ɨkyʉ kyambɨɨkile amwabaase, ikange nʉ mwʉ aaponie ngʼaningʼaani. ɄYɨɨsʉ akambʉʉla akata, “Mwalɨvango, ʉNgʉlʉve akʉponiitse kʉ nzɨla jya lwɨdɨko lwako. Bɨhaga nʉ lʉnotsehetso!”

Pwʉ avakongi vakalʉta kwa Yɨɨsʉ, vakansisimula vakata, “Gwe Mbaha! Gwe Mbaha! Twiswa!” ɄYɨɨsʉ akasisimuka, akasitanila ʉnkuluguuto na majɨga, sikalitama, kʉkava mye!