Popularni biblijski stihovi iz TIRHKOHTE 1

Podeli

Nimahsela, Thlarau Thianghlim chu in chunga a lo thlen hunah thiltihtheihna in la nei ang; tichuan, Jerusalem khuaah te, Judai leh Samari ram khaw tinah te, kâwlkil thleng pawhin ka thuhretute in ni ang,” a ti a.

Tin, ani chuan an hnênah, “Pain a hun leh a ni, ama thû thûa awma a ruat chu, nangni lo hriat tûr a ni lo ve.

Tin, an awm khâwm a pâwl ve a, “Jerusalem khua kalsan suh u, Pa thil tiam ka sawi in hriat kha lo nghâk rawh u,” a ti tlat a. “Johana khân tuiin a baptis ṭhîn a; nimahsela, ni rei lo têan Thlarau Thianghlimin baptisma in chang ang,” a ti a.

A tuar hnuin tirhkohte hnênah fiahna rintlak tam tak hmangin nungin a inlâr a, ni sawmli zet an hnênah a inlâr a, Pathian ram thu a sawi ṭhîn.

Tin, chûng thu chu a sawi zawhin an hmuh reng chungin vâna hruai chhohvin a awm a; tin, chhûmin an hmuh phâk lohvah a hruai bo ta a.

Tin, a chhoh laia vân lam an en reng laiin mi pahnih, puan vâr sinin an kiangah an lo ding a; chu mite chuan, “Galili rama mite u, engati nge vân lam ena in din reng? He Isua, in hnên ata vâna hruai chhohva a awm hi, vâna a chho in hmu ang bawk hian amah ngei hi a lo kal leh ang,” an ti a.