Popularni biblijski stihovi iz Slene 1

Podeli

Ama gheyɛ ne, katekemave berete yɛ kese Sefəa Shala kadzeghəa gheyɛ. Katenza yɛ kaka negha fete yitea 'ya mbe Zhɛrəzalɛm, te hɛɗia ka Zhəwdɛ le ŋa ka Samari, pa te ŋkwa nya zhigə hɛɗi.»

Ma ke Yɛsə sha hɛ: «Berete va gheyɛ yitea ɗepe vecia shɛ le vəa shɛ we, va nya nza ŋkɛ Shala nde veyi le ghəa ŋkɛ.

Te kwete hɛ, mbe ŋkɛ kazeme ɗafa le hɛ. Ma ke meɗekɛ hɛ: «Mba yɛ keslə mbe Zhɛrəzalɛm, ama neghete mə wəsə nya meɗeyi ŋayɛ Yiteyɛ ɗa kala nya gezete ŋayɛ 'ya kaghate. Va nya nza ŋkɛ le yɛmə menete nda batɛme Zhaŋe ke mbeli, ama te kwete veci ne, katekemave batɛme yɛ le Sefəa Shala.»

Kwetere wəmbəa mte ta ŋkɛ ne, pa ncɛte nda geva ke hɛ. Kwele kwele wəshi nyi menete ŋkɛ yitea ncɛ nda ke hɛ le mpi ŋkɛ zhɛkwa. Hɛ wəfaɗemsə mbe ncɛ nda geva ŋkɛ ke hɛ. Ghena ta Meghea Shala yagezete nda ŋkɛ ke hɛ te vecia shɛ.

Ma kwa gezete ghena shɛ ŋkɛ ne, cape ŋkɛ kadzeme ghweme kanewe newe hɛ. Ma mbe dzeme ŋkɛ ne, pa ləmbə zhiɓəaghe geva kənə, shaŋe hɛ kanewe ɓiyitsa.

Mba hɛ dɛzlɛ dɛzlɛ le ntsə dzeme yitea ghweme kanewe Yɛsə kadzeme, pɛkwe kweci mbeli bake mbe lekwesa kwa tɛawetɛa. Ma ke hɛ sha hɛ: «A zhilia ka Galilɛ, wa raberə ghereŋe ŋayɛ yɛ teke kanewe ŋkwa nya dzeme yitea ghweme wa? Ma Yɛsə nya keslənyɛ nya hwa gheyɛ kadzeme ghweme ne, tsagha shɛ tesawa ŋkɛ pelɛ kala nya nakɛ yɛ kadzeme ŋkɛ.»