Popularni biblijski stihovi iz Matiu 10

Podijeli

“Maingáꞌ-ingáꞌkou, láwiꞌ Kuhuoꞌkou lao i oloꞌraꞌ tauna to kadake. Hangaa-ngaa mapándekou, hai hangaa-ngaa maꞌálusuꞌkou i poántimi.

Heáná to mokábáhá peundeꞌána haduduána ánti peuláꞌna i Kódóꞌ, kehapiꞌ rapapate, ia miꞌi to ina molámbiꞌ katueꞌ to maroꞌa to tiꞌara mokahópóꞌá. Agáiáná heáná to mampeuláꞌi peundeꞌána haduduána, tiꞌara ina molámbiꞌ katueꞌ to maroꞌa to tiꞌara mokahópóꞌá.

Ineeꞌkou mampokalááꞌ tauna to mampoinaoheꞌ mopapatekou, láwiꞌ wátámi peá to peisá rapapate, agáiáná tiꞌaraheꞌ makuasaꞌ mopapate tánuánáꞌmi. To hangaa-ngaa nipokalááꞌ ia miꞌi Pueꞌ Ala, láwiꞌ Ia to makuasaꞌ mohuku wátámi hai tánuánáꞌmi i lalu naraka duuꞌna i rue-ruena.

Heáná to tiꞌara timama mantódihá kapári ánti peuláꞌna i Kódóꞌ, tiꞌara hintotoꞌ mewaliꞌ topeuláꞌKuꞌ.

Heáná to mopangákuꞌ i lindoꞌraꞌ tauna peuláꞌna i Kódóꞌ, ia woꞌo ina Kupangákuꞌ i UmáNgkuꞌ to ara i surugáꞌ. Agáiáná heáná to mosápuákaꞌAꞌ i lindoꞌraꞌ tauna, ia woꞌo ina Kusápuáka i lindoꞌna UmáNgkuꞌ to ara i surugáꞌ.”

Nipakauriꞌheꞌ tauna to maduꞌa, nipatueꞌ tauna to mate, nipakauriꞌ tauna to ketánggáꞌ, nipopesuwuꞌ setáꞌ to mampesuaꞌi tauna. Kuweꞌimokou mbero kuasaꞌ mobábehi upu-upuna iti, mewaliꞌ hangaa-ngaa nibábehi woꞌo mbero-mbero.

Mewaliꞌ, ineeꞌkou malááꞌ i tauna to moewaꞌkou. Melumbuꞌ pekádipurána Pueꞌ Ala i kómu haneꞌi pokádipuráNa dena to handaꞌ.

“Ineeꞌ nihárungá kamaiNgkuꞌ deꞌe bona mopahintuwuꞌAꞌ tauna to i duniáꞌ. Tiꞌara! Ngkáliꞌna riꞌi kamaiNgkuꞌ deꞌe bona moántiAꞌ posisalaꞌ i oloꞌraꞌ tauna.