Popularni biblijski stihovi iz YOHANES 15

Podijeli

Aya ine anggur knam ma mkoḇe snaw ro aya. Mansei ḇeḇeoser kuker aya nari ayano yaḇe oser kukeri, ikada ḇyuk bon nabor, snar roḇondibur aya mkopok mkofrur royoḇa.

Mkoḇe oser faswef kuker aya, ma ayano nari yaḇe oser faswef kuker mko. Imnis snawya imarem ro mankundiḇa, rofyor ḇyeoser faswef kuker knamyaḇa, rarirya ido nari mko maremba, rofyor mkoḇe oser faswef kuker ayaḇa.

Rofyor mkoḇe oser kuker aya ma farkarkor ayena nkain ro mkosnemna, mkor rosai mko marisen na ro Mami, nari mkosma na.

Mkoi ḇekimfir ayaḇa ḇape ayaiso ḇekimfir mko. Ma yaḇeasas faro mko kwar, insa mkora ma mkoḇuk bon ma bon mkoḇena nako, insa rosai mkor ro Kmaya kuker snonsnon ayedi, Mami ḇyuk na faro mko.

Snonkaku ḇeswar syadi bati ḇyesi isoine, snonkaku ḇeḇuk kankenem ḇyedi faro bati ansi.

Snaw ayena ḇeḇuk bon ḇana kyaruk na mboi snaw ḇeḇuk bon na ifron sren na, insa namarem syadi wer.

Sasoser ayena naiso nane, insa mkoswar yae mko, raris moḇ yaswar mko raya.

Rofyor mkoḇuk bon nabor, Mami isma baba, rarirya mko fasna mkoḇe manfamyan ḇeaya.”

Yesus ikofen wer, “Aya ine anggur knam ḇenapesya ma Mamiso ḇefrur yaf ani.

Mansei ḇeḇeoser kuker ayaḇa, nari ḇyeḇesawen imnis snaw ma nari myas, ḇarpurya snonkakusya siryur na ma sisawen na ro forya fa nananem.

Roi ḇeḇor nane kam yakofen na faro mko, insa raryaḇ ayena naisya ro mkosnemna ma marisen mkoḇena namnis.

Rofyor mkoḇeuser sasoser ayena ido, nari mko kain ro saswar ayena, imnis raris yaḇeuser Mami sasoser ḇyena rarirya yakain ro saswar ḇyedi.

Sasoser ayena naiso nane faro mko: Mkoswar yae mko.”

Rofyor supswan ine i ḇena mkonya, nari iswar mko imnis snonkaku ḇyesi. Ḇape snar supswan ine i ḇena mkonyaḇa, mboi yakimfir mko kwar ro supswan ine, eḇedari supswan ine dayin mko.