Popularni biblijski stihovi iz MATIUS 24

Podijeli

Ma snar sasar na, naba syadadi inja saswari ro snonkaku sibor ndoë. Ḇape mansei ḇemku epen isof ḇarpur ya kada nari isma aski.

Ma Ankankinem Ḇeḇye ro Ḇaḇesasoser ine nari ḇye ḇeḇaryas ro supswan ḇesiper fa ḇyesaksi faro er sya kam, raimnai insape awar papupes ya.”

Nari mkomnaf rakrok mbroḇ ma ḇaryas embroḇ. Rariryano mkepen mko, ma mkokarsosen awer; snar roi nane kam nari ndarirya resari, ḇape papupes ya ryama ḇaim.

Snar er nari sikḇawes sisampum er ḇese, ma ḇaḇesasoser sisampum ḇaḇesasoser ḇese na. Nari basbiser isya ma rim ḇeba nmun ro moḇ nabor. Ḇape nakam insape kandera ḇemun randak ḇeyunḇe awar babo ya.

Nanki ma supswan ine nari ndo, ḇape wos Ayedi kada nari ryoḇa.

Snar snonkaku sibor srama sap snori ma sikofen: Aya ine Wairek, ma nari sfarkor ninyan kawasa sibor.

Rofyor ani nari ssḇuk mko fa sewayam ma smun mko ma nari er ḇeḇor kam sayin mko snar snonsnon Ayedi, ma snonkaku sibor nari siwarki ma sḇoḇ yae si ma sayin yae si. Nabi sararer sibor nari sikḇawes fa sfarkor ninyan kawasa sibor.

Yesus kyarem faro si: “Mkepen mko insa snonkaku ono sfarkor ninyan awer mko!

Rarirya mko kako mkofasos, snar Rumkun Snonkaku ryama ro fafisu mkokaraḇa.”

Inja iḇye mkepen mko, snar mkofawiḇa ras rosai Manseren mkoḇedi ryama ya.

Ḇape ras ma fafisu ani snonkaku oso ipok ifawiḇa beri, ma malaikat-malaikat ro boiyaswa kako roḇa, ma Rumkun ya kako roḇa, derer Mami mankundi.”

Snar Wairek-Wairek sararer ma nabi-nabi sararer nari sikḇawes ma nari sifrur aḇyair ḇeba syadi ma aḇyair kanandor, isof sfarkor ninyan snonkaku Allah kyinfir kwar sya kako.

“Snar imnis raris roi ḇeḇesya ro awar Nuh, rarirya kako nari roi ḇeḇesya anna ndarirya kako ro raramuma ro Rumkun Snonkaku ya. Snar imnis raris kawasa ro awar faḇruḇ ya ḇaim, sanan ma sinem, sekawin ma sfakawin si, isof ro ras Nuh syun ro wai ya, ma sifawi royoḇa beri ḇepon ro faḇruḇ ya ryama myun sikam, rarirya kako nari roi ḇerarirya ndama ro fafisu rarama Rumkun Snonkaku ya.