Popularni biblijski stihovi iz Lukas 21

Podijeli

Matimomomo hei mekokaekei pe Pueꞌ Ala, hingkeꞌna himpolohoꞌkei ka lekiꞌ-lekiꞌna komaporiꞌ to hingkiꞌ mewali, hei hingkeꞌna ibiaꞌkei metotiꞌi mehinaro pe Anaꞌ Manusiaꞌ niparesaꞌ.”

“Matimomokei anioꞌkei wewoꞌ hante posusaꞌ hei anioꞌkei maꞌinu to melolanu, ba mampekiri kotuwuꞌmi i duniaꞌ koꞌukoana lembeꞌkei, horiana hawaꞌkei timomo i ando pehupaꞌNa to hangkaꞌ-hangkaꞌ

Ane ingkei tontona mepoꞌohi hei sabaraꞌ, ingkei hingkiꞌ pahua kosalamaꞌa.”

Alaꞌ Aku hingkiꞌ mampaꞌanikei pehoniꞌmi to mononto alana hawaꞌi robiaꞌ poniꞌmi mohoniꞌ hapo to itiꞌikei.

Laniꞌ hante duniaꞌ hingkiꞌ moholi, angkana pohawaꞌKu tontona uwaꞌ wute nantolou-louna.”

“I ando, i wula hei i betueꞌ, hingkiꞌ uwaꞌ tandaꞌ-tandaꞌ to mepohele. Lekiꞌ-lekiꞌna toaꞌ i duniaꞌ, hingkiꞌ motehuꞌ hei wulihi pangkiꞌ balumba tahiꞌ hante pahori pewoona tahiꞌ. Alaꞌ komotehuꞌra pangkiꞌ lekiꞌ-lekiꞌna to mewali i humanele duniaꞌ, uwaꞌhi toaꞌ to hingkiꞌ molimpu, alaꞌ to makuasaꞌ i raoha hingkiꞌ mokawewoꞌ. I tempo tiꞌo, toaꞌ hingkiꞌ pangkiꞌ Anaꞌ Manusiaꞌ mehupaꞌ noputuꞌ kini hante kuasaꞌ to manobaꞌ.

Alaꞌ nokomi petuntumi pe Aku, hingkiꞌ nokabiriꞌkei lekiꞌ-lekiꞌna toaꞌ.

I umbolu hingkiꞌ uwaꞌ luanoko to makaja, hakiꞌ hante kobiloraha. Hei hingkiꞌ mewali woꞌo tandaꞌ i laniꞌ to mekototehuꞌi.

Ane pahorikei kareba tomagaru hante mpoponiꞌ, inioꞌkei motehuꞌ, alaꞌ lekiꞌ-lekiꞌna tiꞌo hangangaa mewali dulu, angkana hawaꞌi mopalaiha koꞌukoanamo duniaꞌ.” Katoꞌo, nopololiumo hi Yesu lolitaNe notiꞌi, “I tempo tiꞌo, toharoboꞌ hingkiꞌ moponiꞌ moꞌewa roboꞌ ntaniꞌna hante kodatua to haꞌanu hingkiꞌ moꞌewa kodatua to haꞌanuna.

“I ando, i wula hei i betueꞌ, hingkiꞌ uwaꞌ tandaꞌ-tandaꞌ to mepohele. Lekiꞌ-lekiꞌna toaꞌ i duniaꞌ, hingkiꞌ motehuꞌ hei wulihi pangkiꞌ balumba tahiꞌ hante pahori pewoona tahiꞌ. Alaꞌ komotehuꞌra pangkiꞌ lekiꞌ-lekiꞌna to mewali i humanele duniaꞌ, uwaꞌhi toaꞌ to hingkiꞌ molimpu, alaꞌ to makuasaꞌ i raoha hingkiꞌ mokawewoꞌ.

Katoꞌo, nopololiumo hi Yesu lolitaNe notiꞌi, “I tempo tiꞌo, toharoboꞌ hingkiꞌ moponiꞌ moꞌewa roboꞌ ntaniꞌna hante kodatua to haꞌanu hingkiꞌ moꞌewa kodatua to haꞌanuna.

Notiꞌi hi Yesu, “Majaga-jagakei, hingkeꞌna hawaꞌkei nipowewoꞌ, alaꞌ woriꞌ toaꞌ hingkiꞌ hupaꞌ hei mantiꞌi koꞌioramo mpuꞌu Datu Topohompoꞌ hei ando pebutusi dodungkumo. Angkana inioꞌkei ipoꞌohi.