Popularni biblijski stihovi iz Mithumo 1

Podeli

Gasi enu, mu na hakha tshivba gikhati Liphuvbo nya Guage li na gu tshigago gwanu. Mu na khala dzifakazi dzangu gukhugela Jerusalema ni Judheya gwatshavbo, ni Samariya, kala mahegiso nya mafu.”

Uye a di va hakha, khuye: “Kha si lumbi enu guti gikhati ni dzinango Babe a dzi vegisidego khu gudzina gwaye.

Na gu hodza navo, a di va laya va si khugi khu Jerusalema, aholu, va lindrela gutadzisega nya gitumbiso gya Babe, “Gitumbiso mu nga nyipwa na nyi gu ganela khu likana langu: Kholu, Johane bhapatiside khu mati, aholu enu, ndrani nya matshigu madugwana, mu na bhapatiswa khu Liphuvbo nya Guage.”

Hwane nya gu na fude, Jesu a dzi wonegiside ga Vapostoli na gu vbanya, khu mawonegiselo nya guhambanelane, a dzi wonegiside gwawe gipimo nya magumana matshigu, a gu ganela navo khu Mahungu nya Mufumo wa Nungungulu.

Na ganede esi, a di gwela Ndzadzini na va gu mu wona, lipfhi li dita va tshira mahoni gwawe.

Na va gu khedza Ndzadzini, gikhati Jesu a nga bani a gu gwela, va di hidzimela vbafuvbi gwawe vama vavili, na va ambade dzingandzu nya guage, va ta va wudzisa, khavo: “Vama va Galileya, khu ginani mu pfhalago khu gu khedza Ndzadzini? Uye Jesu wa moyo mu mu wonego na gu gwela Ndzadzini, a na wuya gambe kharati nga edzi mu mu wonego na gu gwela khidzo Ndzadzini.”