Popularni biblijski stihovi iz मत्ती 13

Podijeli

पण कुछ मैहणु उपजाऊ जमीनि पन बाउरू बीया सैयि अत्तै, सें परमेश्वरैरा वचन शुणि करि मनि लींतै जां सै ऐत पन विश्वास बि कातै। सै परमेश्वरेरी ईच्छाय पन चलतै। सै तेंन्हां खरी बुटिया सैही अत्तै जैन्हैरी पैदावार तीह गुणा, शठ गुणा, जां शाउ गुणा जादा भूंती।”

किछ मैहणु ऐतियै अत्तै जैन्हैरी बराबरी असै झिल्है बाई जमीनि सिंउ करि सकतै, ऐ सै मैहणु अत्तै, जैन्हैं परमेश्वरैरा वचन शुणा, सै बड़ी सारिया चीजा केरा लालच करि-करि अमीर भूंणैरी ईच्छा कातै। ऐठणीरै तेईनी सै सिर्फ ऐन्हां चीजा केरी चिंता कातै; ऐहीं-चारै सै परमेश्वरेरै वचना मझ अड़चन पेईदा कातै जां तैन्हां परमेश्वरेरी ईच्छाय पन ना चलियूंतु।

जै कौ परमेश्वरैरा वचन शुणि करि ना समझता, तेसेरै मंना मझ जै किछ बाउरू आ, शैतान तुरंत अईछी करि तैस चोरी करि लै गांहथा। ऐ सैहै बी आ जै बत्तेरै किनारै बाउरू थियु।

जां कुछ मैहणु ऐतियै अत्तै जैन्हैरी बराबरी तैस बीआ सेईतै करि सकतै जै घोड़ूली जमींनि पन पियु। जै परमेश्वरैरा वचन शुणि करि झट खुशी सिंउ मनि लींतै। पण वचन तेंन्हैरै दिला तेईनी ना पुजता, सैक्यै थोड़े टैंमेरै तेईनी विश्वास कातै। सै तैन्हां बुटिया सैयि अत्तै जैन्हैरी सीरै डुघी ना भूँतीं; जां जेख्णी कोई हौरा तैन्हां वचनेंरे कारण सतांता, ता सै मैहणु दुखी भौ करि झटपट परमेश्वरेरै वचना पन विश्वास कांना छडि दींतै।

स्वर्गेरा राज्य एकि खजानै सैयि आ, जै कोसक्यै मैहणुनी मैआ जां फिरी सै तैठिऐ दबि छडा। सै यौउता खुश भुआ कि तेनी जै किछ तैस किनि थियु, गहि करि बैचि छडु जां सै पट्टि खरीदी लैई।

पण कुछ बी अच्छी जमींनि पन गियु जां अच्छी फसल पेईदा भुई। बी ज्योतु बाउरू थियु तैस किना फसल तीह गुणा, शठ गुणा शाउ गुणा जादा भुई।

फसल बढतै टैंमा मूं बढणारानी बोलणु कि पेहिलै जंगली बीया बटौआ जां फुकणैरे तेईनी तेन्हैरै दठै बंन्ही ल्या, तेठां किना बाद किणक किट्ठी करा।