Popularni biblijski stihovi iz Matie 7

Podijeli

A nɩ zɛla ‑maa wa yeanyɩ 'nyɛ. A nɩ tɛlɩ sɛ ‑maa a yi ghlɩ. A nɩ bhɔtɔ ‑gbïlii, ‑maa a za wa yi ‑lɛ kälɩ.

Ɛ'ɛ ‑bhö nyɩasɛ, ‑maa ‑ɔ zɛlaa 'mö wa nyɛɛ, ‑ɔ tɛlɩɛ sɛɛ, mɔɔ ghlɩɛ, ‑ɔ ‑wʋä ‑lɛ ngloluë 'wʋ ‑ɔ bhɔtɔɔ, ɔ za wa kälɩɛ ‑lɛ.

‑Sɩbhä a za, wɛlɩ 'la 'wuë n 'bhööä da'a bhïlaa, ‑ɔ ‑pʋniɛ sasɛ 'yukwli, sɛ yɩ gbää ‑ɔ zʋä ‑sɩbhä, ‑mɔ ɔ ‑nyɛ 'wlʋnɩɛ, 'mö n 'kanyɩɛ dɛ'ɛ sʋlʋnɩ. 'Nɛɛnɩnyɔ ‑bhlʋ, ‑lɛ kpayi 'klʋ, ‑lɛ ɔ 'sɩbhää 'ɔ ‑buduu.

Sɛ a yɩbhää wa nɩ 'zʋanyɩɩ, a nɩ 'zʋmö ‑sɩbhä a 'bhɩa. Moyizɩ 'a Gböö mi, Lagɔ 'a 'möbhïlanɩwaa a 'cɩawɛlɩɩ mi, sɛ yɩ gbää, ‑sɩbhä ma‑a da'a.

‑Maa 'yioo ‑wʋ möä ‑mä Lagɔ yɔwʋʋ, wʋ'ʋä 'klʋ 'ghïli, wʋ ngloluëa 'nɩɛ 'mö 'ghïli, wʋ bhlibhle 'mö ɛ 'tɛɛ. Zaa, nɩkpaa ‑wa bhïluä wa'aa ‑zu.

A nɩ ghlɛnɩ ‑mä ngloluë 'tikëyi 'mö! Ɛ'ɛ ‑bhö nyɩasɛ, ‑maa 'yioo ‑wʋ möä ‑mä ‑kosu 'möö, 'klʋ wʋ 'ghïliɛ, wʋ ngloluëa 'mö a 'ghïliɛ zaa nɩkpaa ‑wa bhïluä wa'aa muënɩ.

Zaa, abhʋaa glɩnɩɛ abhlɩ 'kpʋkpʋwaa, a ‑yi'ɛ 'a yuëa ‑li a ‑li a 'nyɛsɛɛ, mɛɛ 'kä zi'e a Dɩba ‑ɔ ‑wʋ ‑mä ghäyɩ 'wʋ, 'n 'ɔ yuëa ‑kɔɔ ‑li a ‑li zɛlaa, mɔɔ 'naa 'kʋänyɩ bhä 'nyɛ ‑a?

Tɩ ‑na 'lilɛ ‑zijle tunɩ, nzɩɩ Lagɔ ‑tɩmöa ‑zijle tunɩ. Ɛ'ɛ ‑bhö nyɩasɛ, ‑maa sɛɛ ‑n tunɩɛ ‑na 'lilɛ ‑zijlee, ‑sɩbhä Lagɔ ‑kamö ‑zijle tunɩmö. Sɛɛ ‑n zʋä ‑na 'bhɩaa, ‑sɩbhä Lagɔ ‑kamöä 'zʋmö.

‑Maa nɩkpɛ ‑mɔmɔɔ, ɔ'ɔɔ ɔbhlɩ 'nɛɛ. ‑Mä bʋsɛ 'mö, ‑mä ɔ 'sɩbhää 'ɔ ‑buduu. 'Nyizakwëa 'käda lɩbhää 'ylɩ ‑bhlʋ 'möö, gbisogbisonyu zumanɩɛ tenyii, 'vuu yiɛ, wʋ 'sɛlɩnɩɛ wʋnyɩ ‑budu 'ylimöö, wʋ 'wuë bhli wʋ bhliɛ, wʋ'ʋä glu tʋʋ. Nɩkpɛ a ‑mɔɔ ‑pʋnɩɛ 'na wɛlɩɩ 'yukwli, sɛ yɩ gbää ‑ɔ 'nɩ 'zʋä ‑sɩbhä, ‑lɛ a ‑ɔɔ'nɛɛnɩnyɔ 'la 'mö ɔ ‑nyɛɛ 'wlʋnɩɛ.»

Zaa, ‑mä ‑na 'ylimö sukïbhë ‑kä ‑mä ‑wʋ, 'n a gbʋ ‑nɩmö plɛnɩɩ, sɛɛ ‑na 'lilɛ a 'ylimö a klekëyi a gbʋ ‑kamö bhä plɛnɩ 'nɩ? ‑Nmö sukïbhëa ‑wʋä 'ylimö 'n a gbʋ 'nɩ plɛnɩmöä, sɛ ‑n 'kä bhä ‑na 'lilɛ 'dɩ 'nyɛ nɩɩ: 'Tua, yi n 'kä ‑na 'ylimö a klekëyi ‑mä ‑sɛ 'nɩ?

Nɩkpa Lagɔ 'nɩɛ tie ‑wa laa wanyɩ Lagɔ a 'möbhïlanɩwaa, a nɩ 'nɛmanuë 'wʋ. Wa ‑kä ‑mä a jijo'wʋ yi, ‑n ‑kʋä 'ylɩmöö, wa 'kä ‑bhɩɛ wïlaa 'nɩ yɔwʋ kälɩ. ‑Zɛglɛgbaa glanɩma wa glɩnɩɛ. 'Wa nʋnʋlii 'mö a 'kää 'wʋ yɩlɩ a 'kʋä ‑tiamö yɩbhlɩnɩ. ‑Kpakaklɔkwa 'wlu wa'a ‑sɛ ‑mä ‑bidlu. Wa'aa 'yɛ ‑zɩ ‑gbäglɛtɛlɩsu 'yli pɛ ‑sɛ.

Su a su, 'bhï a bhï wʋ tlʋä, suzokwë, 'bhïzoku wʋ tlʋä.

‑Maa su a su 'nɩ tlʋ 'bhïzoku, suzokwë 'nɩ tlʋ'ɛ 'bhï a bhï.

Swi 'wuë ‑yɩɩ tlʋä 'bhïï, 'klɛ wa 'kɩɛ 'klɛ wa 'kɩ sia.