Popularni biblijski stihovi iz मत्ती 7

Podijeli

येशू कलाँ, “तुहुरिन्हे ज्या चाही उ तुहुरे परमेश्वरसे माँगो और ऊ तुहुरिन्हे दैदिहीँ। खोजो ते तुहुरे भेटैबो, ढकढकाऊ ते तुहुरिन्के लग खोलजाजाई।

काकरेकी जे माँगत, उहिहे मिलत। जे खोजत, उ भेटाइत। जे ढकढकाई, ओकर लग दवार खोलजाजाई।”

येशू कलाँ “तबेकमारे जे मोरिक बात सुनत, और पालन करत। मै ओकर तुलना एकथो बुद्धिमान मनैयासे करथुँ, जे अपन घरक जग चट्टानमे दारल।

मनै तुहुरिन्से जसिन व्यवहार करिँत् कना तुहुरे चहथो, तुहुरे फेन ओइन्के संग ओस्तेहेँक व्यवहार करो। काकरेकी मोशक नियम कानुन और परमेश्वरके अगमवक्तनके लिखल लेखके सारांश यहे हो।”

काकरेकी सदाकालके जीवनमे पुगैना दवार साँकिर रहत, और डगर कर्रा रहत। और साँकिर डगरमे नेगुइयन गोड्गात मनै किल रथाँ।”

“तुहुरे साँकिर दवार सोज किल परमेश्वरके राजमे जाई सेक्बो। काकरेकी विनाशमे पुगैना दवार चाकर और डगर सहजिल रहत, और यम्नेसे भित्तर जउइयन बहुत्ते रथाँ।

तबेकमारे तुहुरे दुष्ट होके फेन अपन लर्कनहे मजा चिज देहे जन्थो कलेसे, स्वर्गमे रहुइया तुहुरिन्के बाबा उहिन्से मँगुइयनहे आकुर कतरा धेउर मजा चिज दिहीँ।

येशू कलाँ, “दोसुर जहनहे दोष जिन लगाऊ, तब् तुहुरिन्हे फेन दोष नै लगाजाई। काकरेकी तुहुरे दोसुर जहनहे दोष लगैबो कलेसे परमेश्वर तुहुरिन्के न्याय करहीँ। ऊ तुहुरिन्के लग ओस्तेहेँ नियम प्रयोग करहीँ, जसिके तुहुरे दोसुर जहनके लग प्रयोग करथो।”

जे मोरिक यी वचन सुनके फेन पालन नै करत, ओकर तुलना एकथो मूर्ख मनैयासे करजाजाइत, जे अपन घर बालुमे बनाइल।

“तैँ अपन विश्वासी दादू या भैयक किल छुटीछुटी गल्ती देख्थे, पर अपन बर-बर गल्ती भर तैँ नै देख्थे। जब तोरिक अपने बर-बर गल्ती बा कलेसे कसिके तैँ अपन विश्वासी दादू-भैयक छुटीछुटी गल्तीहे सुधारे सेक्बे!

“झूँटा अगमवक्तनसे हौश्यार बैठो। ओइने बवाँसक जसिन हुइताँ। जेने तुहुरिन्के थेन भेँरवक खाल ओहोँरके अइथाँ, ताकि मनै विश्वास करिँत कि ओइने भेँरवा हुइँत। पर जात्तिकमे ओइने मनैनहे हमला करुइया बवाँसा रथाँ। ओइन्के कामसे तुहुरे ओइन्हे चिहिन्जिबो। झर्कत्तीमेसे अंगुर नै फरत और सेहुँरमेसे अञ्जीर नै फरत।

ओस्तेहेँके हर मजा रुख्वा मजा फारा फराइत। पर खराब रुख्वा खराब फारा फराइत।

मजा रुख्वा खराब फारा फराई नै सेकत। ना ते खराब रुख्वा मजा फारा फराई सेकत।

मजा फारा नै फरैना हर रुख्वा काटके और ढलाके आगीमे फेँकाइल हस झूँटा अगमवक्तनहे फेन अस्तेके दण्ड देजाई।”