Popularni biblijski stihovi iz Evvan 15

Podijeli

Mon leäm vijnnmuõrr, tij leäʹped ååuʹs. Tõt, kååʹtt pââšš muʹst da ǩeäʹst mon põõžžam, tõt pohtt jiânnai šââddaid. Muutää tij jeäʹped vueiʹt tuejjeed ni mâiʹd.

Põõššâd tij muʹst, tâʹl mon põõžžam teeʹst. Ko åʹhss ij põõžž vijnnmuõrâst, tõt ij vueiʹt kueʹdded šââddaid. Seämma tij še jeäʹped pââʹst šõddeed šââdd, jõs jeäʹped põõžž muʹst.

Ko tij põõššveʹted muʹst, tâʹl muu säännan pâʹšše teeʹst, da tij vuäǯǯveʹted muʹst puk, mâiʹd juʹn raukkveʹted.

Tij jeäʹped vaʹlljääm muu, pâi mon vaʹlljeem tiʹjjid. Pakkum tiʹjjid mõõnnâd da šõddeed šââdd, kååʹtt pââšš. Tâʹl Eʹčč oudd tiʹjjid puk, mõõn suʹst muu nõõmâst äännveʹted.

Tõn šoorab räʹǩsvuõđ ij ni ǩii vueiʹt čuäʹjted, ko tõn što son oudd jiõggâs naʹzvaanees peäʹlest.

Son kärss muʹst meädda puk oouʹsid, koin jiâ šõõdd šââdd, leša puuʹttast oouʹsid, kook liâ šââddaid tiudd, što tõk pooutče veâl jeäʹnab.

Mon pääkkam tiʹjjid räʹǩsted kueiʹmm kueiʹmed nuʹt, mäʹhtt mon še leäm räʹǩstam tiʹjjid.

Ko tij puʹhttveʹted jiânâs šââdd da šõddveʹted muu mättʼtõspäärnžen, Eččam vuäǯǯ tõʹst ciist.

«Mon leäm tuõđi vijnnmuõrr, da Eččam lij muõrršõddeeja.

Kååʹtt ij muʹst põõžž, suu suõʹppjet meädda mâʹte ååuʹs, da nuʹt son kåškk; kåʹšǩǩoouʹsid noorât da suõʹppjet toʹlle, da tåk tõk pueʹlle.

Leäm mainstam nääiʹt, što vuäǯǯčem rämmšed tij diõtt da tij še vuäǯǯčid rämmšed tiuddsest.

Tij ko jäkktõõllveʹted muu päkkmuužžään, tij põõššveʹted muu räʹǩsvuõđstan, nuʹt mäʹhtt mon leäm jäkktõõllâm Eččan päkkmuužžid da põõžžam suu räʹǩsvuõđstes.

Nääiʹt mon pääkkam tiʹjjid: räʹǩsteʹǩed kueiʹmm kueiʹmed.»

Ko tij kuulčid maaiʹlme, maaiʹlm räʹǩsteʹčči tiʹjjid mâʹte jiijjâs. Leša tij jeäʹped kuul maaiʹlme, pâi mon vaʹlljeem tiʹjjid tõn kõõskâst. Tõn diõtt maaiʹlm vâjjad tiʹjjid.