Popularni biblijski stihovi iz Luka 3

Podijeli

Nao wandu wose waghenda wabatizo, Jesu naese kabatizo. Naye ilyi eluo kelomba, mlunguni kukafunguka, na Roho wa Kuela kamselelela ewo na muli sa iringo lya kishalai, na lwaka lukafuma mlunguni, “Uwe ni mwanwangu nikushaile, Niboelo nuwe.”

Johana kawauza wose, “Imi namubatiza kwa meji, ela ukujagha mumoju mubwaa kuniisa imi, hata sifweni kufungula vilatu vake. Iye ujemubatiza kwa Roho wa Kuela na moto.

Onyezeni kwa madeo kuriha kwenyu, na simwaghambe ngoloni, ‘Tio na aba Abrahamu’ kwani namuza, Mlungu wadima kele agha mawe kumupatila Abrahamu wana.

Hata; indakwenyi isoka lyaiko kele kirimba cha mwiti; eri mwiti ugho ghose sighovalagha mavalo ghutemo na kukumbo motoni.”

Selyi iwandiko kele chuo cha tondolo Isaya: “Lwaka lwa mundu mumoju ekemagha kireti: ‘Boeseni ngila kwa undu ghwa Bwana; ghororeni ngila kwa undu ghwake. Kila shambi ijejuzo, na kila lughongo na mghondi ghujekataniso, na ngila igomeke ijeghororo, na ngila ziwase zijetendereso. Na wandu wose wejeona ukizi ghwa Mlungu!’”