Popularni biblijski stihovi iz GENESIS 1

Podijeli

Ma tha God ka una eri, Kulu thauwai nia imole sulia nuukulua i talaakulua, riki lana kai ’uri kulu: ma keki inoto fafia gwa i’a na i amali ki, ma fafia thaaro i mamatalea ki, ma fafia katele ki, ma fafia fanua na i iano ka sui bana, ma fafia do eki sui bana na keka aṉo ifafona fanua na i iano. Mania tha God e thauwai nia imole sulia nuuna italaana, sulia nuuna tha God e thauwai nia neri; e thauwanidaroa wane ma kini.

Ma tha God e alua lea la ka to fafidaroa, ma tha God ka una eri isadaroa, Kwalafamaroa keki oro faamau ka lae alaa, ma muki fuṉu i fanua na i iano, muki alua kai roo suli kamulua: muki inoto fafia gwa i’a eki la amali, ma fafia thaaro i mamatalea ki, ma fafia do maruki eki sui boo na keki isu ifafona fanua na i iano.

Ana thafali lana si do ki tha God e thauwai nia thalo lo ma fanua ne i iano.

Ma fanua ne i iano kera faafunuia ka gwa’u; ma maerodo ka to bana i maana matakwa ne kukuruu: ma Spirit tha God ka isuisu i maana amali.

Ma tha God ka una eri, Kai laa: ma sui lalaa la ka laa bana.

Ma tha God e rikia si do ki sui bana ne thauwanida, ma rikia fasi, ka lea faamau. Ma fanua ka rodo, sui ka dani; ona fa boṉi neri.

Ma tha God e rikia lalaa la eri ka lea: ma tha God e alua lalaa la eri ka to eeta faisia maerodo.

Ma tha God ka una eri, Rikia fasi, Nau ku falea naa kaala lolo na kai fuṉu ana foee do ki ifamaroa na ka to i maana fanua na i iano ni sui bana, ma ’ai eki sui bana na ka fuṉu ana foee do ki migee do ki ni lala; faṉa fani kamaroa moki ania neri.

Ma tha God e alaṉia thatana lalaa la eri ana Fa Thato, ma maerodo eri e alaṉia ana Fa Rodo. Ma fanua ka rodo, sui ka dani, etana fa boṉi neri.

Ma tha God ka una eri, Si kula ne rerebaa faamau kai to bana imaalutana kafo eki, kai alua tei kafo kai to eeta faisia oretana kafo.

Ma ni nau ku falea naa kaala lolo katha ki ifana do maruki eki sui boo na keka isu i fanua na i iano, ma ifana thaaro eki sui boo i mamatalea, ma ifana do eki sui bana na keka aṉo ifafona fanua na i iano, faṉa kera ni bonaa neri: ma to lana e una eri bonaa.

Ma tha God ka una eri, Laafa ki kai to bana asi kula eri ne rerebaa faamau, na ṉa thalo lo, kai adea fa thato ki kai to eeta faisia fa rodo ki: ma do eki ifana baala si do ki, ma si maṉa ki, ma fa boṉi ki, ma fa ṉali ki

Ma tha God ka una eri, Theegano kai fuṉu asi lolo, kaala lolo na kai fuṉu ana foee do ki, ma’ai ki na kai fuṉu ana foee do ki kali fo ni laala, ne eeta kwailiu fafia theegano: ma to lana e una eri bonaa.

Ma tha God e thauwai nia si kula eri ne rerebaa faamau, ka adea kafo eki na ka to ifara si kula eri kai to eeta faisia kafo eki na ka to ifafona si kula eri: ma to lana e una eri bonaa.

Ma theegano eri e funu asi lolo, ma kaala lolo ne fuṉu ana foee do ki ne eeta kwailiu, ma ’ai eki ne fuṉu ana foee do ki migee do ki ni laala ne eeta kwailiu: ma tha God e rikia ka lea bana.

Ma tha God ka thauwai nia ro laafa babaita ka baita ki; laafa eri ne baita ka tatha fasi kai ana afa thato, ma laafa eri ne baita si tatha fasi kai ana afa rodo: e thauwai nia fa bubulu lo ki lau boo.

Ma tha God ka una eri, Kafo eki na ka to ifara thalo lo kai figu ana tee si kula, ma fanua raraṉea kai to fatai bana: ma to lana e una eri bonaa. Ma tha God e alaṉia thatana fanua raraṉea eri ana Theegano; ma figu lana kafo nia ka alaṉia ana Amali eki: ma tha God e rikia ka lea bana.

Ma tha God e alua lea la ka to fafida, ka una eri, Kwalafamulua keki oro faamau ka lae alaa, ma keki fuṉu i la kafo eki la amali eki, ma thaaro eki keki oro faamau ka lae alaa i la fanua na i iano.

Ma tha God ka una eri, Fanua na i iano kai fuṉu ana do oro maruki‐ki na keki eeta kwailiu, katele ki, ma do keki aṉo, ma do keki isu, na keki eeta kwailiu i fanua na i iano: ma to lada e una eri bonaa.

Ma tha God ka una eri, Kafo eki kai fuṉu ana do oro maruki‐ki na keki isu; ma thaaro ki keki lofo iaa faisia fanua na i iano i maana si kula eri ne rerebaa, na thalo lo neri.

Ma tha God e thauwai nia do kera isu na keka eeta kwailiu i fanua na i iano, ma katele ki na keka eeta kwailiu, ma do eki sui bana na kera aṉo, na keka eeta kwailiu fafia fanua ne i iano: ma tha God e rikia do eki ka lea bana.