Popularni biblijski stihovi iz Jone 15

Podijeli

Nau na ṉa faene, kamulua ṉa tharee do ki: wane na kai to ani nau, ma ni nau ani nia, wane eri kai fuṉu ana foee do oro ki: uria ni nau e ai faisi kamulua musi talaana ili lana ta si do.

Muki to ani nau, ma ni nau ani kamulua. Talafana tharee do eri e ai si tala fuṉu ana foee do ki, mada se ai si ṉado ana faene; alafana lau boo ni kamulua musi fuṉu ana foee do ki, mada se ai musi to ani nau.

Mada sa muki to ṉado ani nau, ma bae laku kai to ṉado ani kamulua, muki gania ta si ta na muki thathamia, ma keki ilia ifamulua.

Kamulua e ai musi fili nau, nau na ku fili kamulua, ku alu kamulua, fasi muki lae, muki fuṉu ana foee do ki, bia fasi foee do kamulua eki kai to ṉado: fasi atona bana ta si do na muki gania ana ṉa Maka ana thataku, nia kai falea iamulua.

E ai ta wane ana liothau la ne baita ka tatha asi do nei, na ta wane kai falea maṉona uria toa ne ado bida.

Atona bana ta tharee do na ni ani nau ma ka ai si fuṉu ana foee do ki, nia kai ṉalia faisi nau: ma atona bana ta tharee do na ka fuṉu ana foee do ki, nia fuloa, fasi kai fuṉu ana foee do oro ka tatha.

Si ṉata fifi nau nai nia, Muki liothau kwailiu ani kamulua, talafana lau boo ni nau ku liothau iamulua.

Si do na kai faainotoa Maka nau nai nia, na muki fuṉu ana foee do oro ki; fasi ni kamulua toa nau kwai tole kamulua.

Nau na ṉa faene mamana, ma Maka nau na ṉa wane ni ra ana oolee faene eri.

Mada sa ta wane e ai si to ṉado ani nau, kera naṉa ani nia ’uria ta tharee do, kai dele bonaa; ma kera ofuda, keki u anida i la era, ma kai akofida.

Si do eki ku soree isamulua, fasi seethathala la nau kai to ani kamulua, ma muki fuṉu ana seethathala la.

Mada sa mulu ade sulia si ṉata fifi nau ki, muki to ṉado ana liothau la nau; ’uria lau boo ni nau ku ade sulia si ṉata fifi Maka nau ki, ma kwai to ṉado ana liothau la nia.

Si do eki ku faaroṉo kamulua, muki liothau kwailiu ani kamulua.

Mada sa ni kamulua do fanua nei iano ki, do fanua nei iano kai liothau asi do nia ki i talaana: sui uria ni kamulua do fanua nei iano ki e ai, ma nau ku fili kamulua faisia fanua nei iano, uria si kula eri fanua nei iano kai riki kamulua ka taa.