Popularni biblijski stihovi iz མ་ཏི། 9

Podijeli

ཉི་རོ་ཀི་ རོ་ཀ་སློ་མ་བ་ཀ་གསུངས་མ་ལ་ ཐོག་གནམ་མེད་ས་མེད་ཚོ་ཝ༌ལ། དག་པ་ཀབ་ཉི་ ལའི་པ་ཉུང་པུ་ཤ༌ལ། ཨོ་ཉི་ཨ་དེན་གེ་ ཐོག་ག་གཙོ་བོ་ག་ཏཱན་ རོ་ཀ་ཨུང་ག་ནང་ཀ་ལའི་ཨ་ཁཱན་ ལའི་པ་མང་པུ་ཀུན་ཏི་ཨ་ཉི་ སྨོན་ལམ་ཏབ་ཅོ་དག༌ཉི༎

ན་ཧ་བ་ དིན་ཐཱན་ ན་ཤི་མཆོད་པ་ཕུལ་ཁཱན་མང་གི་ཝ་ ན་ཤི་སྙིང་རྗེ་ཨ་ཁཱན་ ཇི་གི་ཤོ་ནང་ཕེན་ཅ་དག་ཉི་ ཤོ་ཁཱན་ཁེ་པ་ ཧང་གི་ཝ་ལ་སྨོ་གོད་ཅོ། ཧང་ཡ་དག་ནེ་ལ་ ཇང་ཤོ་ དྲང་པུ་ཅ་དག་ཉི་ མི་ཁཱན་བ་མང་གི་ཝ་ སྡིག་ཅན་བ་ར་ལེ་ ཨོ་ཕ་གི་ལ་དག༌ཉི༎

རོ་ཀི་ སོ་ངོ་མང་པུ་ཨ་ཉི་ ཛོམ་ཁཱན་ག་གཟིགས་ཅ་ཨ་ཉི་ གནམ་མེད་ས་མེད་ ཕང་པེ་ཨོ་ཕ༌ལ། ཧང་ཡ་དག་ནེ་ལ་ རོག་ཏེ་བ་ ཤི་ཤ་དི་པ་མ་ཁཱན་ ཤི་ཤ་བ་ད་བུ་ཨ་ཉི་ སྡུག་བསྔལ་ཁེ་ཉི་ ཧང་རང་ཨ་ལེ་མར་བཱན་ ཆོ་ཝ་ཅ་གི་ཝ༌ལ།

ཡི་ཤུ་གི་ ཨོ་ཐ་ཆཱས་སྙན་གསེང་ཉི་ གསུངས་མ་ལ་ མ་མར་ཁཱན་སོ་ངོ་བ་ཀི་ དྲུང་འཚོ་མ་ཚཱས་པ། དག་པ་ཀབ་ཉི་ དྲུང་འཚོ་ཤོ་ མར་ཁཱན་བ་ཀ་དེན་གེ་གི༌ལ།

ཡི་ཤུ་ ཁྲོམ་དང་དུང་ ཐམས་ཅན་ག་བྱོན་ཐཱན་ ཆོས་འཛོམས་ཁོན་ ཡེ་ཉི་གནང་མ༌ལ། ཉི་རྒྱལ་སྲིད་ག་ཀོར་གེ་ འཐེན་ལེག་པུ་ བཤད་ཉི་གནང་མ༌ལ། ཉི་མར་ཁཱན་བ་དང་ ན་ཚ་མ་འདྲ་ཝ་ཁེ་ཁཱན་བ་ ཐམས་ཅན་རང་ དྲག་ཉི་གནང་མ༌ལ།