Popularni biblijski stihovi iz Mataio 5

Podijeli

Lamepa awku a’a iau a‐awkunakea maua laru ai pa‐okavai, lamepa una mako ai pa‐okavakeina pakara ai; lamepa pamea ekuna a’a uriria eiai marea laru ai. Nomo pamea evao’evao‐li’inamoki a’a anu paku ai, nomo opara ima oro inamu‐eiane, nomo Mai pani muku ai oro avioiane ane.

Noro pani va’au unu pamea keina. Pai’iri akapu upa mere la‐okavakeina, ou pai’iri vaua‐okavakeiai liapea

Lai urupu a’a‐oro kopai keina, uku oro Eloi inamu‐oiakana.

Oro awku oro navainavaili’ina, kamuri lavere‐li’ina, opara anana eiai, oro kopai keina, uku oro veruku lai aukiakeiakana.

A Nai kurunaina, Nomo mani umu‐ekane, oro awku ivave nakana noro kopai‐ekane, oro awku vai’i‐nakana noro paiekane, oro awku mani‐nakana oro eiai nawki‐awkane

Imunu unu oea‐rokoa a’a‐oro kopai keina, uku pani muku unu eiei oro eiai uakeina.

Airu‐lia a’a‐oro kopai keina, uku Eloi inu mere oro oroiakeiakana.

A’a‐oro vikirina omo namea anu mua eiai oro kopai keina, uku oro paiekava?-?keiakana.

Oro awku mani‐ekavakeia’ane euna opara anana eiai oro kopai keina, uku pani muku unu eiei oro eiai uakeina.

Umu‐lia a’a‐oro awku kopai keina, uku oro umu miakana.

A’a‐oro anara‐nakava’?-?ane, oro mani‐nakava’ane, onai‐nalauane ane, uku Nai eiai, noro kopai keina. Kopaili’ine, ekeli’ine kopai‐mai eiai, uku nomo kavani pani muku ai ovara keina: laikorava a’a‐oro nomo pani paku ai oro orau mani‐ekanave.

Lai kekepa a’a‐oro kopai keina, uku pani va’au oro omoro roikiakana.

Noro pani va’au unu ere aura keina. Ere aura una iara paukiane oiana uakei’i ere aura iara‐eai? ou ere aura ima keiape pei eiai, u kaiakeina, a’a anu are arau ai oiniakeina ane.

Noro opara anana evere’‐ene orau nomo Mai pani muku ai opara anana keina.

Ni voa lia naea, peo naea, lia kurunamoki, naea, peo kurunamoki, voa aila mere lipi anena

Noro viriane euna ei voa kuruakei’inave, Inamu uku inamu eiai, ni’iri uku ni’iri eiai: A Nai kurunaina, Iara a’a iara pa awkavai: a’a ni variri miki mekai vakiane, urukine ni variri keau una paku ai.

Ni namea liane ni inamu miki eiai, inamu miki uakine, ni mere kaiene: ima miki ni eiai ni kape‐aru monou oavakeia ni kape iki Gehena ai kaiakeinavaia. Ni namea liane uku ni eve miki eiai, eve miki eine ni mere kaiene: ima miki ni eiai ni kape‐aru monou oavakeia ni kape iki Gehena ai kaia‐keinavaia.