Popularni biblijski stihovi iz Yohanɛɛsɩ 6

Podijeli

Peeɖe Yesu kaɖɩ-wɛ se: «Ma lɛ tɔɔnaɣ ŋgá kahaɣ wezuu yɔ. Weyi ɛkɔŋ mɔn-cɔlɔ yɔ, ñɔɔsɩ ɛɛwɩɣ-ɩ wiɖiyi kaʋ, weyi ɛ́lɛ́ wɛɣnɩ lidaʋ mɔ-yɔɔ yɔ, lɔkɔtʋ ɛɛɖɔkʋʋ-ɩ ɖɔɖɔ kaʋ.

Fezuu Kiɖeɖeu haɣnɩ wezuu. Ɛyʋ ɛɛpɩzɩɣ ɛla pʋyʋ. Tɔm ndʋ́ meheyi-mɩ yɔ, tɩ-yɔɔ kɩtɩŋɩɣna nɛ kɩhaɣ wezuu.

Ɩtaala tʋmɩyɛ tɔɔnaɣ ŋgá kɛwɛɛkɩɣ yɔ kɔ-yɔɔ. Ɛlɛ́, ɩla ŋgá kacakɩ tam nɛ kahaɣ wezuu maatɛŋ yɔ kɔ-yɔɔ. Ɛyʋ Pɩyalʋ kɔŋnɩ-mɩ-kɛ haʋ, mbʋ́ pʋyɔɔ yɔ, Caa Ɛsɔ ñɩɣ ɛ-yɔɔ nesi.»

Ɩɩnaɣ mbʋ́ man-Caa liu wɛɛ yɔ: weyi ɛnaɣ ɛ-Pɩyalʋ ma nɛ ɛwɛnɩ lidaʋ mɔ-yɔɔ yɔ, ehikiɣ wezuu maatɛŋ. Menfeziɣ-i kɛtɛzaɣ kɩyakʋ wiye nɛ sɩm taa.»

Ecosi-wɛ se: «Tʋmɩyɛ nɖɩ́ Ɛsɔ liu wɛɛ se ɩla yɔ lɛ se ɩwɛnɩ lidaʋ weyi ma etiyaa yɔ mɔ-yɔɔ.»

Ɛyáa mbá patɩŋa man-Caa cɛlɩɣ-m yɔ, pɔkɔŋ mɔn-cɔlɔ, maakiziɣ pa-taa nɔɔyʋ kaʋ.

Peeɖe Siimɔɔ Pɩyɛ cosi-i se: «Kɩpaɣlʋ! A-cɔlɔ ɖiwoki? Ñɔ-cɔlɔ tɔm ndʋ́ tɩhaɣ wezuu maatɛŋ yɔ tɩwɛɛ.

Ma lɛ wezuu tɔɔnaɣ ŋgá kalɩnɩ ɛsɔdaa yɔ. Yee nɔɔyʋ ɛtɔɔ-kɛ yɔ, ɛcakɩ wezuu tam. Tɔɔnaɣ ŋgá mɔnkɔŋ haʋ yɔ, ŋ́gá lɛ mon-tomnaɣ. Mahaɣ-kɛ se kedeŋa kpeekpe ɛyáa ehiɣ wezuu.»

Man-Caa weyi etiyi-m yɔ, yee ɛtɔkɔnɩ nɔɔyʋ mɔn-cɔlɔ yɔ, pʋdʋ ɛɛpɩzɩɣ ɛkɔɔ. Weyi ɛkɔŋ mɔn-cɔlɔ yɔ, menfeziɣ-i kɛtɛzaɣ kɩyakʋ wiye nɛ sɩm taa.

Mbʋ́ pʋyɔɔ yɔ, tɔɔnaɣ ŋgá Ɛsɔ haɣ yɔ lɛ ɛyʋ weyi ɛlɩnɩ ɛsɔdaa nɛ ɛhaɣ ɛyáa wezuu yɔ.»

Ma lɛ tɔɔnaɣ ŋgá kahaɣ wezuu yɔ.

Peeɖe ɛkpaɣ tindine nɛ ɛsa Ɛsɔ ɖɩ-yɔɔ nɛ ɛtayɩ-ɖɩ ɛyáa ḿbá. Pʋwayɩ lɛ, ɛla ḿbʋ́ ɖɔɖɔ kpakpasɩ yɔɔ nɛ ɛtayɩ-wɛ nɛ pɔtɔɔ nɛ pe-liu sɩ. Pɔtɔwaa pahaɣ lɛ, Yesu heyi ɛ-tɔmkpɛlɩkɩyaa se: «Ikpeɣli hɔɔlasɩ nzɩ́ sɩkazaa yɔ, nakɛyɛ ɛtaale.»

Pɛɖɛwa ɛzɩ kiloomɛtanaa kagbaanzɩ yaa loɖo yɔ lɛ, panaɣ Yesu ɖɔŋ lɩm yɔɔ nɛ ewoki pɔ-cɔlɔ, ɛlɛ́ sɔɔndʋ kpa-wɛ. Peeɖe eheyi-wɛ se: «Ma Yesu, sɔɔndʋ ɛtaakpa mɩ!»