JOHN 7
7
Jisu jang jarni buphlungthu
1Boni yaohon ha, Jisu Galili raji ha thang ba. Judarao bokhe sthai mane bao bani khlai hi, bo Judai rajiha thangma nangjaoya. 2Bo bubli ha Judarao ni Khepsa ni Mel sampha kha, 3odehe, boni buphlungthu boni ha, Nini rikphayaraobo ning khusi dangyaba buthu khe nuphu mane ebo hathan khe haiger hi, Judai rajiha thang lah. 4Bumu gnang jama khe nangjao hi asababo khaohi khusi dangya. Ebo khusi buthu khe ning dang kha de, habsao ni sagang ha ning phnu ri lah, thihi bonsi thi ba. 5(Boni buphlung thubo bokhe lonya).
6Jisu bonsi niha, Ani bubli sophaiya kho, thikhabo nisi ni bubli de nalai bo sophai sai kha. 7Habsao nisi khe jajaoya jaya, thikhabo ang khe de jajaoya ja re, bede thikhala bonsi ni dang gajai buthu khe ang thiphla bani. 8Mel ha nisi thang lah. Ang de ebo mel ha thang nang niya, bede thikhade ani bubli sophaiya kho, thihi bo thi ba. 9Ebo grao khe thibani yaohon ha, bo Galili raji ha ning dong la kha.
Jisu Khepsa ni Mel mani ba
10Boni buphlungthu mel ha thang bani yaohon ha, bobo oraha phirik phirik mithi jaoyahi thang ba. 11Mel ha Judarao bokhe smai hi, Bo la braha dong? thi hi sing ba.
12Subung bojom jayarao boni balam ha grao singlai ba. Sereba Bo hamba subung se thihi grao thi ba, sereba de, Niya, bo subung buthu khe hamyayaba lama ha langpha ba se thihi thi ba. 13Thikhabo, Judarao khe khin bani khlai hi boni balam ha saosi nebo grao thiphla raoya.
14Mel jisaiba ha Jisu Madaikhoh ha thanghi sling riba. 15Judarao hamsi ning gmang ba, Ebo subung la slingyahi, bede elei gyan mai ba? thihi thi ba.
16Jisu bonsi khe thiphin ba, Ang slingriyaba grao jarni niya, ang khe haihayaba ni se. 17Sere Madai ni nangjaoma khe dang ma nangjao re, ang slingriyaba grao khe Madai ni phrang baigoyaba na ang jarni nangjaoba lai thiba thihi tharmai nang. 18Sere jarni nangjaoma lai grao thi re, bo jarni muima khe se smai ba. Sere jarni haihayaba ni muima khe smaiyaba de lonma gnang se, boha musibo gajai giri. 19Moses nisi ne Dara riya na somo? Nisi la saosi bo Dara khe maniya. Snadi jabani ang khe sthaima bao ba?
20Subung buthu thiphin ba, Ning de sgain madai se. Sere ning khe sthaima bao ba?
21Jisu bonsi khe thiphin ba, Ang masi khusi dangba ha, nisi khrip bo gmang ba. 22Moses buju rasoma ni hukhum nisi ne riba, (bo Moses ni gede baigoyaba niyahi phagararao ni gede baigoyaba se). Odehe, Lenggo Basain habo nisi buju raso re. 23Moses ni Dara khe mani mane Lenggo Basain ha buju raso re thikhade, snadi jabani Lenggo Basain ha ang ham ribani khlai hi ani basao ha nisi thamsi baigo ba? 24Baji ha nujaoba lai niyahi gibi jang bisar khlai lah.
Jisu Messia ja phu du?
25Jerusalem ni gejesi subung, Ebo subung malai sthai ma baoyaba niya? 26Nai lah! Khrip ni sagang ha grao jo du, saosi nebo bokhe aphoti khlaiya! Hojarao ebo khe Messia se thihi bonsi tharmai la kha thi? 27Ebo subung braha ni phrang phaiba jing mithi du; Krista de phaiba ha la braha ni phrang bo phai ba, saosi bo mithi nang niya, thihi bonsi thi ba.
28Madai ni bikhoh ha slingriba ha Jisu jirik khao ba, Nisi ang khe mithi du, braha ni phrang ang phaiba, bo khebo nisi mithi du. Thikhabo, ang jarni khemotha jang phaiya. Ang khe haihayaba de gibiyaba se, bokhe nisi mithiya. 29Ang de bokhe mithi du, boni phrang se ang phai ba, bo ning ang khe haihayaba se. thihi bo thi ba.
30Odehe, bonsi bokhe remma bao ba, thikhabo boni bubli sophaiya bani khlaihi saosi nebo boni basao ha yao dophaya. 31Subungrao ni bising ha gabang bokhe lon ba, Krista phaiba ha ebo subung dangba thane bangdao hi gmang thaosisiyaba sin buthu khe dang ri ma na somo? thihi bonsi thi ba.
Jisu khe rem mane siphaiyarao khe haiha ba
32Boni balam ha subung buthu phirik phirik grao thiba khe khna hi Pharisairao ar Jonthaimarao bokhe rem mane bikhoh naisoyarao khe bonsi haiha ba. 33Jisu thi ba, Khaisa bubli ni khlaihi ang nisi jang dongpha ma, boni yaohon ha ang khe haihayaba niha ang thang la ma. 34Nisi ang khe smai ma, thikhabo nisi ang khe nu nang niya, ang dongyaba hathan habo nisi phai phuya.
35Judarao thi ba, Bo braha thangma bao ba, jing bokhe maiya mani? Greek saraoni bising ha Judarao dongyaba jang thanghi, Greek sarao khe sling ri mane baoba na somo? 36Nisi ang khe smaima, thikhabo nisi ang khe mai nang niya, ang dongyaba hathan habo nisi phai phuiya, bo thiyaba ni ortho de sumjadi ja ma? thihi bonsi thi ba.
Hayu ni dikhong
37Mel ni yaohonthao ni basain, basain dedao thaoyaba ha Jisu song hi, jirik khao hi grao jo ba, Sere dih gangjao re, aniha phaihi ling la thing. 38Sere ang khe lon re, Madai ni Laisi ha thiba lai ning, boni khuh ni phrang hayuni dikhong buthu baigo lang ma se, thihi thi ba. 39Ebo grao boni lonyarao Bese mai mani grao se. Bese de bo bubli sosi ri phaya, Jisu bakhan maiya bani khlai hi.
Subung buthu degaolei ba
40Subung githim laiyarao ni bising ha khrip subung ebo grao buthu khe khna hi, Ebo subung de gorasali se ning, thihi bonsi thi ba.
41Gibin subung, Ebo de Krista se thi ba.
Thikhabo, gibin buthu la, Krista Galili raji ni phrang baigoma niya, thi ba. 42Madai ni grao de Krista de David ni greng ni phrang, David dongyaba nolei, Bethlehem ni phrang se baigo ma thihi thiya? thihi sani ba. 43Odehe, boni khlai hi subung buthu ni bising ha degaolei ba. 44Bonsi ni bising ha khrip subung bokhe remma nangjao ba, thikhabo, saosibo boni basao ha yao suguya.
Judarao ni hojarao lonyaba ni grao
45Naisoyaba siphaiyarao jonthaimarao ar Pharisairao niha phaiphin ba; bonsi, Sumjabani nisi bokhe labuya ba? thihi bonsi khe sing ba.
46Siphaiyarao thiphin ba, Saosi bo elei grao thiphuya!
47Pharisairao bonsi khe thi ba, Nisi khebo bo thokhi kha na? 48Hojarao ar Pharisairao ni bising ha saosi nebo bokhe lonya thihi nisi mithiya? 49Ebo subung buthu, Dara khe mithiyayarao se, bonsi sarithai maiyaba se.
50Bonsi ni bising ha saosi, Nikodem thiyaba, sagang ha Jisu niha phaiyaba, bonsi niha thi ba, 51Jini Dara ha, subung ni khuh ni grao jang jarni dangyaba khusi khe mithi bani sagang ha gajai riphu nang?
52Bonsi thi ba, Ningbo Galili ni subung na? Madai ni laisi ni grao khe hamsi ning smai lah, Galili ni phrang gorasali baigoya thihi ning nu nang. 53Odehe, khrip subungbo jar jarni noh ha thang la kha.
Trenutno izabrano:
JOHN 7: DIMASBSI
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
JOHN 7
7
Jisu jang jarni buphlungthu
1Boni yaohon ha, Jisu Galili raji ha thang ba. Judarao bokhe sthai mane bao bani khlai hi, bo Judai rajiha thangma nangjaoya. 2Bo bubli ha Judarao ni Khepsa ni Mel sampha kha, 3odehe, boni buphlungthu boni ha, Nini rikphayaraobo ning khusi dangyaba buthu khe nuphu mane ebo hathan khe haiger hi, Judai rajiha thang lah. 4Bumu gnang jama khe nangjao hi asababo khaohi khusi dangya. Ebo khusi buthu khe ning dang kha de, habsao ni sagang ha ning phnu ri lah, thihi bonsi thi ba. 5(Boni buphlung thubo bokhe lonya).
6Jisu bonsi niha, Ani bubli sophaiya kho, thikhabo nisi ni bubli de nalai bo sophai sai kha. 7Habsao nisi khe jajaoya jaya, thikhabo ang khe de jajaoya ja re, bede thikhala bonsi ni dang gajai buthu khe ang thiphla bani. 8Mel ha nisi thang lah. Ang de ebo mel ha thang nang niya, bede thikhade ani bubli sophaiya kho, thihi bo thi ba. 9Ebo grao khe thibani yaohon ha, bo Galili raji ha ning dong la kha.
Jisu Khepsa ni Mel mani ba
10Boni buphlungthu mel ha thang bani yaohon ha, bobo oraha phirik phirik mithi jaoyahi thang ba. 11Mel ha Judarao bokhe smai hi, Bo la braha dong? thi hi sing ba.
12Subung bojom jayarao boni balam ha grao singlai ba. Sereba Bo hamba subung se thihi grao thi ba, sereba de, Niya, bo subung buthu khe hamyayaba lama ha langpha ba se thihi thi ba. 13Thikhabo, Judarao khe khin bani khlai hi boni balam ha saosi nebo grao thiphla raoya.
14Mel jisaiba ha Jisu Madaikhoh ha thanghi sling riba. 15Judarao hamsi ning gmang ba, Ebo subung la slingyahi, bede elei gyan mai ba? thihi thi ba.
16Jisu bonsi khe thiphin ba, Ang slingriyaba grao jarni niya, ang khe haihayaba ni se. 17Sere Madai ni nangjaoma khe dang ma nangjao re, ang slingriyaba grao khe Madai ni phrang baigoyaba na ang jarni nangjaoba lai thiba thihi tharmai nang. 18Sere jarni nangjaoma lai grao thi re, bo jarni muima khe se smai ba. Sere jarni haihayaba ni muima khe smaiyaba de lonma gnang se, boha musibo gajai giri. 19Moses nisi ne Dara riya na somo? Nisi la saosi bo Dara khe maniya. Snadi jabani ang khe sthaima bao ba?
20Subung buthu thiphin ba, Ning de sgain madai se. Sere ning khe sthaima bao ba?
21Jisu bonsi khe thiphin ba, Ang masi khusi dangba ha, nisi khrip bo gmang ba. 22Moses buju rasoma ni hukhum nisi ne riba, (bo Moses ni gede baigoyaba niyahi phagararao ni gede baigoyaba se). Odehe, Lenggo Basain habo nisi buju raso re. 23Moses ni Dara khe mani mane Lenggo Basain ha buju raso re thikhade, snadi jabani Lenggo Basain ha ang ham ribani khlai hi ani basao ha nisi thamsi baigo ba? 24Baji ha nujaoba lai niyahi gibi jang bisar khlai lah.
Jisu Messia ja phu du?
25Jerusalem ni gejesi subung, Ebo subung malai sthai ma baoyaba niya? 26Nai lah! Khrip ni sagang ha grao jo du, saosi nebo bokhe aphoti khlaiya! Hojarao ebo khe Messia se thihi bonsi tharmai la kha thi? 27Ebo subung braha ni phrang phaiba jing mithi du; Krista de phaiba ha la braha ni phrang bo phai ba, saosi bo mithi nang niya, thihi bonsi thi ba.
28Madai ni bikhoh ha slingriba ha Jisu jirik khao ba, Nisi ang khe mithi du, braha ni phrang ang phaiba, bo khebo nisi mithi du. Thikhabo, ang jarni khemotha jang phaiya. Ang khe haihayaba de gibiyaba se, bokhe nisi mithiya. 29Ang de bokhe mithi du, boni phrang se ang phai ba, bo ning ang khe haihayaba se. thihi bo thi ba.
30Odehe, bonsi bokhe remma bao ba, thikhabo boni bubli sophaiya bani khlaihi saosi nebo boni basao ha yao dophaya. 31Subungrao ni bising ha gabang bokhe lon ba, Krista phaiba ha ebo subung dangba thane bangdao hi gmang thaosisiyaba sin buthu khe dang ri ma na somo? thihi bonsi thi ba.
Jisu khe rem mane siphaiyarao khe haiha ba
32Boni balam ha subung buthu phirik phirik grao thiba khe khna hi Pharisairao ar Jonthaimarao bokhe rem mane bikhoh naisoyarao khe bonsi haiha ba. 33Jisu thi ba, Khaisa bubli ni khlaihi ang nisi jang dongpha ma, boni yaohon ha ang khe haihayaba niha ang thang la ma. 34Nisi ang khe smai ma, thikhabo nisi ang khe nu nang niya, ang dongyaba hathan habo nisi phai phuya.
35Judarao thi ba, Bo braha thangma bao ba, jing bokhe maiya mani? Greek saraoni bising ha Judarao dongyaba jang thanghi, Greek sarao khe sling ri mane baoba na somo? 36Nisi ang khe smaima, thikhabo nisi ang khe mai nang niya, ang dongyaba hathan habo nisi phai phuiya, bo thiyaba ni ortho de sumjadi ja ma? thihi bonsi thi ba.
Hayu ni dikhong
37Mel ni yaohonthao ni basain, basain dedao thaoyaba ha Jisu song hi, jirik khao hi grao jo ba, Sere dih gangjao re, aniha phaihi ling la thing. 38Sere ang khe lon re, Madai ni Laisi ha thiba lai ning, boni khuh ni phrang hayuni dikhong buthu baigo lang ma se, thihi thi ba. 39Ebo grao boni lonyarao Bese mai mani grao se. Bese de bo bubli sosi ri phaya, Jisu bakhan maiya bani khlai hi.
Subung buthu degaolei ba
40Subung githim laiyarao ni bising ha khrip subung ebo grao buthu khe khna hi, Ebo subung de gorasali se ning, thihi bonsi thi ba.
41Gibin subung, Ebo de Krista se thi ba.
Thikhabo, gibin buthu la, Krista Galili raji ni phrang baigoma niya, thi ba. 42Madai ni grao de Krista de David ni greng ni phrang, David dongyaba nolei, Bethlehem ni phrang se baigo ma thihi thiya? thihi sani ba. 43Odehe, boni khlai hi subung buthu ni bising ha degaolei ba. 44Bonsi ni bising ha khrip subung bokhe remma nangjao ba, thikhabo, saosibo boni basao ha yao suguya.
Judarao ni hojarao lonyaba ni grao
45Naisoyaba siphaiyarao jonthaimarao ar Pharisairao niha phaiphin ba; bonsi, Sumjabani nisi bokhe labuya ba? thihi bonsi khe sing ba.
46Siphaiyarao thiphin ba, Saosi bo elei grao thiphuya!
47Pharisairao bonsi khe thi ba, Nisi khebo bo thokhi kha na? 48Hojarao ar Pharisairao ni bising ha saosi nebo bokhe lonya thihi nisi mithiya? 49Ebo subung buthu, Dara khe mithiyayarao se, bonsi sarithai maiyaba se.
50Bonsi ni bising ha saosi, Nikodem thiyaba, sagang ha Jisu niha phaiyaba, bonsi niha thi ba, 51Jini Dara ha, subung ni khuh ni grao jang jarni dangyaba khusi khe mithi bani sagang ha gajai riphu nang?
52Bonsi thi ba, Ningbo Galili ni subung na? Madai ni laisi ni grao khe hamsi ning smai lah, Galili ni phrang gorasali baigoya thihi ning nu nang. 53Odehe, khrip subungbo jar jarni noh ha thang la kha.
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.