LUKE 10
10
Bisathamjhi khusi dangyaba
1Boni yaohon ha, Gabra gibin subung bisathamjhi khe saikho ba. Ode boni sagang ha bo thangginyaba khrip nolei buthu ha thangda mane subung gini gini khlai hi bo haiha ba. 2Bonsi khe bo thi ba, Mai ra mane bang bi, thikhabo khusi dangyarao bangya. Odebani, boni mai khe ra mane khusi dangyarao khe haiha mane mai ni bubra niha bi lah. 3Thang, nai lah, rasa buthu ni bising ha melmasa lai ang nisi khe haiha du. 4Nisi rang ni bokhoh, juli ar yaphadap da langpha lah; ode lama ha saosi khe bo da khlim lah. 5Nisi asaba ni noh ha hapba ha, sagangthao ha Ebo noh ha shanti dong thing thi lah. 6Oraha shanti ni basa dongkha de, nisini shanti boni basao ha dongsong nang, ode giri kha de nisini shanti nisini basaoha phaiphin nang. 7Nisi braha dongba, bo noh ha ning dongsong lah. Bonsi nisine asaba jima lingma riyaba khe ji lah, ling lah. Bede thikhade khusi dangyaba maiphain mai mani hok dong. Ode nohsong nohphrong da daobai. 8Nolei ha nisi hap ba ha, bonsi nisi khe lamjao re thikhade, bonsi ribalai lai ji lah, ling lah. 9Ode oraha ni limyarao sayarao khe ham ri lah. Ode bonsi khe Madai ni raji nisi niha sampha hi sophai kha thihi bonsi khe thi lah. 10Thikhabo, nisi hapyaba nolei buthu ha bonsi nisi khe lamjaoya kha de, bonsi ni daoglap ni phrang baigo langhi bonsi khe edehe thi lah, 11Nisi ni nolei ni haduri, jini igah ha nangyaba khe, nisi ni basao ha phusa khla du, thikhabo Madai ni raji de nisi niha sophai kha. 12Ang nisi khe thi du, bisarni basain hade, bo nolei ni dukhu rejengdao nang!
Phaphi nogor ni bubain
(Mt. 11.20-24)
13“Korazin, nini bubain risi bi! Bethsaida, nini bubain risi bi! Nisi niha gmang thaosisi khusi dangyaba khe Tura jang Sidon nolei ha se dang ba thikhade, bonsi bosta phin dada, thaphla gejer ha kham hi bonsi khah phinkha mu! 14Thikhabo, bisar ni basain ha de, nisi dukhu jaba thane Tura jang Sidon ni dukhu rejeng dao nang. 15Ode ning Kapernaum, sorgo sosi bakhan ja nang? Githirao dongyaba ha se ning khe dangsing jao ma!”
16“Sere nisi ni grao khe khna du, bo ani grao khe se khna ba; sere nisi khe nangjaoya du, bo ang khe se nangjaoya ba; sere ang khe nangjaoyaba, bo angkhe haihayaba khe se nangjaoya ba”.
Bisathamjhi phaiphin ba
17Bisathamjhi buthu, khaja sisi phaiphin hi bonsi thi ba, Gabra sgo sgain buthu bo nini grao ni khlai hi jini grao khe mani kha.
18Jisu bonsi khe thi ba, Nokhasao ni phrang nokhasao gurjliba lai, Soithan galai phaiba khe ang nu ba! 19Ode khna lah! Jbu ar yung khangkhrai buthu khe gasep phumane ar sotrurao ni raothai khe dephu mane, hukhum nisine ang ri kha. Musi khali habo sao dukhu riphu nang niya. 20Thikhabo, bese gusu buthu nisi ni grao khe mani bani da khaja lah, thikhabo nisi ni bumu khe sorgo ha rebthao bani se nisi khaja lah.
Jisu ni khajama
(Mt. 11.25-27; 13.16,17)
21Bo bubli ha, Jisu Bese Gathar ni khajathai jang gablai hi thi ba, Abai, Nokhasao ni Gabra! Ringyarao girikyarao ni gejer ha ning huihi dengyaba khe, ansarao niha ning grao phlabani, ang nini ha hamjaoma rila du. O Abai, elei ning jama se ning nangjao du! 22Ani bupha khrip ani yao ha dang ri kha. Saosi bo bupha khe gardi de, basa khe mithiya, basa ar basa sere niha phlama nangjao du, phlajaoyarao garhi de saosi bo mithiya.
23Odehe, Jisu rikphayarao ni gede saganghi thi ba, Nisi nuyaba de nisi ni khophal hambi. 24Bede thikhade, ang nisi khe thi du, nisi nuyaba khe gorasalirao jang rajarao numa nangjao ba, thikhabo bonsi nu phuya. Ar nisi khnayaba khe bonsi khnama nangjao ba, thikhabo bonsi khna phuya.
Samari hamba subung ni daogari
25Dara khe slingriya saosi phai dada, Jisu khe nainai mane sing ba, Gedema, thaoglao ni hayu mai mane ang sumjadi dang ma?
26Jisu bo khe thiphin ba, Madai ni laisi ha sumjadi reb du? Ning bedehe phuri ba?
27Bo subung bo khe thiphin ba, Ning nini khrip khah jang, khrip bese jang, ar khahthai jang nini Gabra Madai khe maya nang lah; ar ning jar khe maya nangba lai, jarni noharirao khe bo maya nang lah.
28Jisu bo khe thiphin ba, Ning thiphinyaba gibi ning. Olei ning dang lah, odese ning hayu mai ma.
29Thikhabo, Dara slingriyaba jar khe gibi khlaima baohi, Ani noharirao la sere kho? thihi sing ba.
30Jisu thiphin ba, Sereba subung saosi, Jerusalem ni phrang Jeriko gede thang ba. Dakhatrao jang goron lai dada, bonsi khrip rihjem khe selang thar ba, ar bo khe thih ma jasi suhi bokhe galang ba. 31Jonthai saosi bo lama ha thang ba. Thikhabo bo khe nuba jang lama bijing gede degao hi thangla kha. 32Odelei ning, Levi jadi saosi bo, oraha sohi ba. Bobo nuba jang lama bijing gede degao hi thangla kha. 33Thikhabo, Samari subung saosi moposol thang hi bo lama ha phaiba ha, bo khe nuba jang hamsi ning khasao ba. 34Bo boni ha thanghi, boni bumai buthu ha thao ar grep bidih khe lukhru hi, hu hi khajeb ba, ar bo jarni gorai ni basao ha bo khe gari ba, ar nohthao ha bo khe langpha hi bo khe naiso ba. 35Odehe, phorong nokha naihi bo baigo lang ma jaba ha, nohthao naisoya ne bo aduli magin khaikho hi ri hi bo khe thi ba, Ebo khe ning hamsisi naiso lah, ang phaiphin khali ha nini khrip khoros khe ang ninthane suphin nang.
36Bo subung gatham ni bising ha dakhat goronyaba ni nohari sere ja nang?
37Bo thiphin ba, Bo khe khasaoyaba ja nang.
Odebani Jisu bo khe thi ba, Ning bo thang lah, ar olei ning dang lah.
Martha jang Mari
38Odehe, Jisu jang boni rikphayarao lama ha thangpha lang hi nolei masi ha hap hiba. Bumu Martha, masainjik saosi bo khe boni noh ha lamjao ba. 39Boni ha bahandao saosi dong ba, boni bumu Mari. Bo Gabrani igah gabasi ha kham hi boni grao khe khna ba. 40Martha naiso nuso khlaimane khusi ha dukhu maibani, bo boni ha phai hi thi ba, Gabra, ani bahandao ang sao jang khusi ha nephaba, bo ani khlai hi musi wainsoya, ang khe juru mane khlai hi bo khe haiha lah.
41Gabra bo khe thiphin ba, Martha, Martha, khusi gabang khe ning baobai bani, ning dukhu maiba se. Nangdao thaoyaba khusi de masi se ning. 42Mari de phantha gibi khe saikho la kha, bo khe boni phrang se ma niya.
Trenutno izabrano:
LUKE 10: DIMASBSI
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
LUKE 10
10
Bisathamjhi khusi dangyaba
1Boni yaohon ha, Gabra gibin subung bisathamjhi khe saikho ba. Ode boni sagang ha bo thangginyaba khrip nolei buthu ha thangda mane subung gini gini khlai hi bo haiha ba. 2Bonsi khe bo thi ba, Mai ra mane bang bi, thikhabo khusi dangyarao bangya. Odebani, boni mai khe ra mane khusi dangyarao khe haiha mane mai ni bubra niha bi lah. 3Thang, nai lah, rasa buthu ni bising ha melmasa lai ang nisi khe haiha du. 4Nisi rang ni bokhoh, juli ar yaphadap da langpha lah; ode lama ha saosi khe bo da khlim lah. 5Nisi asaba ni noh ha hapba ha, sagangthao ha Ebo noh ha shanti dong thing thi lah. 6Oraha shanti ni basa dongkha de, nisini shanti boni basao ha dongsong nang, ode giri kha de nisini shanti nisini basaoha phaiphin nang. 7Nisi braha dongba, bo noh ha ning dongsong lah. Bonsi nisine asaba jima lingma riyaba khe ji lah, ling lah. Bede thikhade khusi dangyaba maiphain mai mani hok dong. Ode nohsong nohphrong da daobai. 8Nolei ha nisi hap ba ha, bonsi nisi khe lamjao re thikhade, bonsi ribalai lai ji lah, ling lah. 9Ode oraha ni limyarao sayarao khe ham ri lah. Ode bonsi khe Madai ni raji nisi niha sampha hi sophai kha thihi bonsi khe thi lah. 10Thikhabo, nisi hapyaba nolei buthu ha bonsi nisi khe lamjaoya kha de, bonsi ni daoglap ni phrang baigo langhi bonsi khe edehe thi lah, 11Nisi ni nolei ni haduri, jini igah ha nangyaba khe, nisi ni basao ha phusa khla du, thikhabo Madai ni raji de nisi niha sophai kha. 12Ang nisi khe thi du, bisarni basain hade, bo nolei ni dukhu rejengdao nang!
Phaphi nogor ni bubain
(Mt. 11.20-24)
13“Korazin, nini bubain risi bi! Bethsaida, nini bubain risi bi! Nisi niha gmang thaosisi khusi dangyaba khe Tura jang Sidon nolei ha se dang ba thikhade, bonsi bosta phin dada, thaphla gejer ha kham hi bonsi khah phinkha mu! 14Thikhabo, bisar ni basain ha de, nisi dukhu jaba thane Tura jang Sidon ni dukhu rejeng dao nang. 15Ode ning Kapernaum, sorgo sosi bakhan ja nang? Githirao dongyaba ha se ning khe dangsing jao ma!”
16“Sere nisi ni grao khe khna du, bo ani grao khe se khna ba; sere nisi khe nangjaoya du, bo ang khe se nangjaoya ba; sere ang khe nangjaoyaba, bo angkhe haihayaba khe se nangjaoya ba”.
Bisathamjhi phaiphin ba
17Bisathamjhi buthu, khaja sisi phaiphin hi bonsi thi ba, Gabra sgo sgain buthu bo nini grao ni khlai hi jini grao khe mani kha.
18Jisu bonsi khe thi ba, Nokhasao ni phrang nokhasao gurjliba lai, Soithan galai phaiba khe ang nu ba! 19Ode khna lah! Jbu ar yung khangkhrai buthu khe gasep phumane ar sotrurao ni raothai khe dephu mane, hukhum nisine ang ri kha. Musi khali habo sao dukhu riphu nang niya. 20Thikhabo, bese gusu buthu nisi ni grao khe mani bani da khaja lah, thikhabo nisi ni bumu khe sorgo ha rebthao bani se nisi khaja lah.
Jisu ni khajama
(Mt. 11.25-27; 13.16,17)
21Bo bubli ha, Jisu Bese Gathar ni khajathai jang gablai hi thi ba, Abai, Nokhasao ni Gabra! Ringyarao girikyarao ni gejer ha ning huihi dengyaba khe, ansarao niha ning grao phlabani, ang nini ha hamjaoma rila du. O Abai, elei ning jama se ning nangjao du! 22Ani bupha khrip ani yao ha dang ri kha. Saosi bo bupha khe gardi de, basa khe mithiya, basa ar basa sere niha phlama nangjao du, phlajaoyarao garhi de saosi bo mithiya.
23Odehe, Jisu rikphayarao ni gede saganghi thi ba, Nisi nuyaba de nisi ni khophal hambi. 24Bede thikhade, ang nisi khe thi du, nisi nuyaba khe gorasalirao jang rajarao numa nangjao ba, thikhabo bonsi nu phuya. Ar nisi khnayaba khe bonsi khnama nangjao ba, thikhabo bonsi khna phuya.
Samari hamba subung ni daogari
25Dara khe slingriya saosi phai dada, Jisu khe nainai mane sing ba, Gedema, thaoglao ni hayu mai mane ang sumjadi dang ma?
26Jisu bo khe thiphin ba, Madai ni laisi ha sumjadi reb du? Ning bedehe phuri ba?
27Bo subung bo khe thiphin ba, Ning nini khrip khah jang, khrip bese jang, ar khahthai jang nini Gabra Madai khe maya nang lah; ar ning jar khe maya nangba lai, jarni noharirao khe bo maya nang lah.
28Jisu bo khe thiphin ba, Ning thiphinyaba gibi ning. Olei ning dang lah, odese ning hayu mai ma.
29Thikhabo, Dara slingriyaba jar khe gibi khlaima baohi, Ani noharirao la sere kho? thihi sing ba.
30Jisu thiphin ba, Sereba subung saosi, Jerusalem ni phrang Jeriko gede thang ba. Dakhatrao jang goron lai dada, bonsi khrip rihjem khe selang thar ba, ar bo khe thih ma jasi suhi bokhe galang ba. 31Jonthai saosi bo lama ha thang ba. Thikhabo bo khe nuba jang lama bijing gede degao hi thangla kha. 32Odelei ning, Levi jadi saosi bo, oraha sohi ba. Bobo nuba jang lama bijing gede degao hi thangla kha. 33Thikhabo, Samari subung saosi moposol thang hi bo lama ha phaiba ha, bo khe nuba jang hamsi ning khasao ba. 34Bo boni ha thanghi, boni bumai buthu ha thao ar grep bidih khe lukhru hi, hu hi khajeb ba, ar bo jarni gorai ni basao ha bo khe gari ba, ar nohthao ha bo khe langpha hi bo khe naiso ba. 35Odehe, phorong nokha naihi bo baigo lang ma jaba ha, nohthao naisoya ne bo aduli magin khaikho hi ri hi bo khe thi ba, Ebo khe ning hamsisi naiso lah, ang phaiphin khali ha nini khrip khoros khe ang ninthane suphin nang.
36Bo subung gatham ni bising ha dakhat goronyaba ni nohari sere ja nang?
37Bo thiphin ba, Bo khe khasaoyaba ja nang.
Odebani Jisu bo khe thi ba, Ning bo thang lah, ar olei ning dang lah.
Martha jang Mari
38Odehe, Jisu jang boni rikphayarao lama ha thangpha lang hi nolei masi ha hap hiba. Bumu Martha, masainjik saosi bo khe boni noh ha lamjao ba. 39Boni ha bahandao saosi dong ba, boni bumu Mari. Bo Gabrani igah gabasi ha kham hi boni grao khe khna ba. 40Martha naiso nuso khlaimane khusi ha dukhu maibani, bo boni ha phai hi thi ba, Gabra, ani bahandao ang sao jang khusi ha nephaba, bo ani khlai hi musi wainsoya, ang khe juru mane khlai hi bo khe haiha lah.
41Gabra bo khe thiphin ba, Martha, Martha, khusi gabang khe ning baobai bani, ning dukhu maiba se. Nangdao thaoyaba khusi de masi se ning. 42Mari de phantha gibi khe saikho la kha, bo khe boni phrang se ma niya.
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.