LUKE 20
20
Jisu ni hok khe sing ba
(Mt. 21.23-27; Mk. 11.27-33)
1Sainsikhali Madaikhoh ha Jisu subung buthu khe slingri ba, ar hamba graojma khe sainthi saiba ha, Jonthairao ar Dara khe slingriyarao, hojarao jang phai ba, 2ode bo niha thi ba, Jinthane thiri sang, ebo khusi buthu khe dang mane nini ha ebo hok khe sere ri ba?
3Bo bonsi khe thiphin ba, ang bo grao thaisi nisi khe sing nang, ani ha thi lah, 4Johan, baptisma riyaba de sorgoni hukhum jang na subungni hukhum jang dang ba?
5Bonsi sainlai ba, Sumjadi khe jing thima? Sorgo ni phrang jing thikhala, bo ode thikhala nisi Johan ni grao khe maniyaba, thi ba, 6ar marsi ni phrang thikhade, subung githim laiyarao jing khe longthai jang lem ma se, sumjabani thikhala, bonsi Johan khe gorasali se thihi mani ba. 7Odebani, bonsi thiphin ba, Braha ni phrang phai ba, jing mithiya.
8Jisu bonsi khe thi ba, Sumjadi hok jang ebo khusi buthu khe dang ba, ang bo nisi ne sainthiya.
Grep bari ni daogari
(Mt. 21.33-46; Mk. 12.1-12)
9Subung buthu niha ebo daogari grao khebo sainthi ba. Subung saosi grep ni bari slam hi, khusi dangyarao niha nepha dada, budu glao donghi mane, boni noh ni phrang thangla ba. 10Grep ni bathai khao mani bubli sophaiba ha boni phantha khe mai mane, bo jarni leng saosi khe, khusi dangyarao niha haiha ba. Thikhabo, khusi dangyarao leng khe su dada, yao khongja haiphin ha ba. 11Bari ni bubra, gibin leng khe haiphin ha ba, thikhabo khusi dangyarao bo khebo do ba ar boni basao ha lasisi khusi dang hi yao khongja haiphin haba. 12Phin bo leng phintham ni khlai hi haiphin ha ba. Khusi dangyarao bo khebo suhi, sao dukhu riba ar baji ha bo khe lemkhla ba. 13Odehe, barini bubra edehe thi ba, bedehe ang khlaima kho? Ani maya ni basa khe ang haiha nang, bo khe de bonsi man khlai nang. 14Thikhabo, khusi dangyarao bo khe nuba jang, bonsi saosi jang saosi thilai ba, Ebo ning bubra ni basa, don ni phantha jaginyaba se; tha, jing bokhe sthai nang, odehe boni don jini ja la ma se. 15Odehe, bonsi barini bajiha bokhe lemkhla dada, bokhe sthai kha. Barini bubra bonsi khe bonsini basao ha bede khlai ma kho? 16Bo phai hi bari naisoyarao khe, sthai thar nang; ar grep bari khe gibin subung buthu ne ri nang. Ebo khe bonsi khna hi bonsi thi ba, Elei sosi de da ja thing.
17Thikhabo, bonsi khe naipha dada, Jisu sing ba, Ebo rebyaba grao de sumjadi? Haglai thi hi noh dangyarao, longthai khe nangjaoya hi dangkhlaiyaba, bo ning nohgrong ha nangdaothao ja kha. 18Asababo bo longthai ni basao ha galai re, bo glithar ma se; ar bo longthai asaba ni basao ha galai re thikhade, bo bokhe honkhli ma se.
Khajna ribani grao
(Mt. 22.15-22; Mk. 12.13-17)
19Dara slingriyarao ar Jonthairao bo daogari sainthiyaba, bonsi khe badai ba ning thi hi mithi ba, odebani Jisu khe rem ma bao ba, thikhabo, bonsi subung buthu khe khin ba.
20Odebani bonsi hajora smai ba. Bonsi khrip subung lonma gnang thihi slam hi, Jisu khe sing rik hi jang rem mane bonsi khe haiha ba, bo khe remhi bisardar ar Latsap niha yaopha phumane. 21Ebo subung haihayarao Jisu khe thi ba, Slingriyah, jing mithi du, grao gibi khe ning johi slingriba thihi subung gede khase baoyahi marsirao Madai ni baothai khe ning sling ri du thihi jing mithi du. 22Jinthane thi ri sang, Kaisar niha khajna riba la jadu na jaya?
23Thikhabo, bonsini girikthai khe Jisu mithi hi bonsi khe thi ba, 24Aduli masi khe anthane phnu ri lah. Ebo sere ni saogari ar sereni bumu?
Kaisar ni bonsi thiphin ba.
25Jisu thi ba, Ode thikhade, Kaisar ni jinis buthu khe Kaisar ne ri lah, ar Madai ni jinis buthu khe Madai ne ri lah.
26Oraha dongyaba subung buthu ni sagang ha musi grao jangbo bonsi bokhe remphuya ar bo thiphinyaba grao khe bonsi gmanghi bonsi phirik phirik thao kha.
Baijaphinba ni grao
(Mt. 22.23-33; Mk. 12.18-27)
27Subung thibani yaohon ha baijaphin nang niya thihi thiyaba Saddukairao Jisu niha phai hi thi ba, 28“Slingriyah, basa-bisik maiya hi subung thih re thikhade, bo subung ni buphlung, boni noh brajik khe noh jama nang ma, odehe bo githi subung ni khlaihi bonsi basa bisik mai phu nang thihi Moses ebo dara khe reb lang ba. 29Dei, duha khaphlung sni dong. Radaothaoyaba noh ja hi ansa maiya hi thih kha. 30Ar boni buphlung giniyaba, boni noh brajik khe noh jaba, bobo ansa maiya hi thih kha. 31Ar gathamyaba bo noh jaba, olei ning sni bo noh ja ba, thikhabo ansa maiya hi thih thar kha. 32Boni yaohon ha masainjik bo thih kha. 33Ode thikhala, githirao baijaphin bani basain ha, sereni bihih ja ma? Khaphlung sni bokhe noh ja ba!”
34Jisu bonsi khe thiphin ba, Ebo jug ni miyah masainjik noh ja du, 35thikhabo, bo jug ha dong mane gatha hi subung thihyaba ni phrang baijaphinba ha noh ja nang niya kha. 36Thih bo thih phin nang niya kha, sorgoni deglarao lai bonsi ja nang. 37Githirao baijaphin ma thihi Moses ning ragaosisi phnu ba. Buphrip bejeng khambani grao ha, Gabra ning Ang Abraham ni Madai, Isak ni Madai ar Jakob ni Madai thihi bo khna ri kha. 38Bo de githirao ni Madai niya, gathangrao ni Madai se. Bede thikhade boni khlai hi khrip bo thanghi dong ba.
39Dara khe slingriyarao gejesi thi ba, Slingriya, ning hamsisi khlai hi sling ri kha, 40Gibin grao khe bonsi singraoya kha.
David ni Basa jabani balam ha sing ba
(Mt. 22.41-46; Mk. 12.35-37)
41Thikhabo, Jisu bonsi khe sing ba, Bede khlai hi Krista, David ni sarik se thihi thiphu ba? 42Bede thikhala, bakhan ni rajabthai ha, David jar ning elei thi ba,
Gabra ani Gabra niha
ani yaoda gede kham lah,
43Nini sotrurao khe nini igah ni bakhla ha dengya si de, ning ani yaoda gede kham lah.
44David bo khe Gabra thihi se long ba.
Ode thikhala, bedehe Krista David ni basa ja phu nang?
Dara slingriyaba ni phrang girik mane sibring ba
(Mt. 23.1-36; Mk. 12.38-40)
45Khrip subung boni grao khe khnaba ha Jisu jarni rikphayarao khe thi ba, 46“Dara khe slingriyarao ni bising ha de girik lah. Sola glao thuhi, bonsi daobaima nangjao du; bikhoh ha ar mel ha ar jilaiba ha, bonsi khamthan hamba ha kham ma nangjao du. 47Bonsi banjikrao ni don khe khao ji re, ar budu glao Madai bi re! Bangdao hi bonsi saja mai ji nang.”
Trenutno izabrano:
LUKE 20: DIMASBSI
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
LUKE 20
20
Jisu ni hok khe sing ba
(Mt. 21.23-27; Mk. 11.27-33)
1Sainsikhali Madaikhoh ha Jisu subung buthu khe slingri ba, ar hamba graojma khe sainthi saiba ha, Jonthairao ar Dara khe slingriyarao, hojarao jang phai ba, 2ode bo niha thi ba, Jinthane thiri sang, ebo khusi buthu khe dang mane nini ha ebo hok khe sere ri ba?
3Bo bonsi khe thiphin ba, ang bo grao thaisi nisi khe sing nang, ani ha thi lah, 4Johan, baptisma riyaba de sorgoni hukhum jang na subungni hukhum jang dang ba?
5Bonsi sainlai ba, Sumjadi khe jing thima? Sorgo ni phrang jing thikhala, bo ode thikhala nisi Johan ni grao khe maniyaba, thi ba, 6ar marsi ni phrang thikhade, subung githim laiyarao jing khe longthai jang lem ma se, sumjabani thikhala, bonsi Johan khe gorasali se thihi mani ba. 7Odebani, bonsi thiphin ba, Braha ni phrang phai ba, jing mithiya.
8Jisu bonsi khe thi ba, Sumjadi hok jang ebo khusi buthu khe dang ba, ang bo nisi ne sainthiya.
Grep bari ni daogari
(Mt. 21.33-46; Mk. 12.1-12)
9Subung buthu niha ebo daogari grao khebo sainthi ba. Subung saosi grep ni bari slam hi, khusi dangyarao niha nepha dada, budu glao donghi mane, boni noh ni phrang thangla ba. 10Grep ni bathai khao mani bubli sophaiba ha boni phantha khe mai mane, bo jarni leng saosi khe, khusi dangyarao niha haiha ba. Thikhabo, khusi dangyarao leng khe su dada, yao khongja haiphin ha ba. 11Bari ni bubra, gibin leng khe haiphin ha ba, thikhabo khusi dangyarao bo khebo do ba ar boni basao ha lasisi khusi dang hi yao khongja haiphin haba. 12Phin bo leng phintham ni khlai hi haiphin ha ba. Khusi dangyarao bo khebo suhi, sao dukhu riba ar baji ha bo khe lemkhla ba. 13Odehe, barini bubra edehe thi ba, bedehe ang khlaima kho? Ani maya ni basa khe ang haiha nang, bo khe de bonsi man khlai nang. 14Thikhabo, khusi dangyarao bo khe nuba jang, bonsi saosi jang saosi thilai ba, Ebo ning bubra ni basa, don ni phantha jaginyaba se; tha, jing bokhe sthai nang, odehe boni don jini ja la ma se. 15Odehe, bonsi barini bajiha bokhe lemkhla dada, bokhe sthai kha. Barini bubra bonsi khe bonsini basao ha bede khlai ma kho? 16Bo phai hi bari naisoyarao khe, sthai thar nang; ar grep bari khe gibin subung buthu ne ri nang. Ebo khe bonsi khna hi bonsi thi ba, Elei sosi de da ja thing.
17Thikhabo, bonsi khe naipha dada, Jisu sing ba, Ebo rebyaba grao de sumjadi? Haglai thi hi noh dangyarao, longthai khe nangjaoya hi dangkhlaiyaba, bo ning nohgrong ha nangdaothao ja kha. 18Asababo bo longthai ni basao ha galai re, bo glithar ma se; ar bo longthai asaba ni basao ha galai re thikhade, bo bokhe honkhli ma se.
Khajna ribani grao
(Mt. 22.15-22; Mk. 12.13-17)
19Dara slingriyarao ar Jonthairao bo daogari sainthiyaba, bonsi khe badai ba ning thi hi mithi ba, odebani Jisu khe rem ma bao ba, thikhabo, bonsi subung buthu khe khin ba.
20Odebani bonsi hajora smai ba. Bonsi khrip subung lonma gnang thihi slam hi, Jisu khe sing rik hi jang rem mane bonsi khe haiha ba, bo khe remhi bisardar ar Latsap niha yaopha phumane. 21Ebo subung haihayarao Jisu khe thi ba, Slingriyah, jing mithi du, grao gibi khe ning johi slingriba thihi subung gede khase baoyahi marsirao Madai ni baothai khe ning sling ri du thihi jing mithi du. 22Jinthane thi ri sang, Kaisar niha khajna riba la jadu na jaya?
23Thikhabo, bonsini girikthai khe Jisu mithi hi bonsi khe thi ba, 24Aduli masi khe anthane phnu ri lah. Ebo sere ni saogari ar sereni bumu?
Kaisar ni bonsi thiphin ba.
25Jisu thi ba, Ode thikhade, Kaisar ni jinis buthu khe Kaisar ne ri lah, ar Madai ni jinis buthu khe Madai ne ri lah.
26Oraha dongyaba subung buthu ni sagang ha musi grao jangbo bonsi bokhe remphuya ar bo thiphinyaba grao khe bonsi gmanghi bonsi phirik phirik thao kha.
Baijaphinba ni grao
(Mt. 22.23-33; Mk. 12.18-27)
27Subung thibani yaohon ha baijaphin nang niya thihi thiyaba Saddukairao Jisu niha phai hi thi ba, 28“Slingriyah, basa-bisik maiya hi subung thih re thikhade, bo subung ni buphlung, boni noh brajik khe noh jama nang ma, odehe bo githi subung ni khlaihi bonsi basa bisik mai phu nang thihi Moses ebo dara khe reb lang ba. 29Dei, duha khaphlung sni dong. Radaothaoyaba noh ja hi ansa maiya hi thih kha. 30Ar boni buphlung giniyaba, boni noh brajik khe noh jaba, bobo ansa maiya hi thih kha. 31Ar gathamyaba bo noh jaba, olei ning sni bo noh ja ba, thikhabo ansa maiya hi thih thar kha. 32Boni yaohon ha masainjik bo thih kha. 33Ode thikhala, githirao baijaphin bani basain ha, sereni bihih ja ma? Khaphlung sni bokhe noh ja ba!”
34Jisu bonsi khe thiphin ba, Ebo jug ni miyah masainjik noh ja du, 35thikhabo, bo jug ha dong mane gatha hi subung thihyaba ni phrang baijaphinba ha noh ja nang niya kha. 36Thih bo thih phin nang niya kha, sorgoni deglarao lai bonsi ja nang. 37Githirao baijaphin ma thihi Moses ning ragaosisi phnu ba. Buphrip bejeng khambani grao ha, Gabra ning Ang Abraham ni Madai, Isak ni Madai ar Jakob ni Madai thihi bo khna ri kha. 38Bo de githirao ni Madai niya, gathangrao ni Madai se. Bede thikhade boni khlai hi khrip bo thanghi dong ba.
39Dara khe slingriyarao gejesi thi ba, Slingriya, ning hamsisi khlai hi sling ri kha, 40Gibin grao khe bonsi singraoya kha.
David ni Basa jabani balam ha sing ba
(Mt. 22.41-46; Mk. 12.35-37)
41Thikhabo, Jisu bonsi khe sing ba, Bede khlai hi Krista, David ni sarik se thihi thiphu ba? 42Bede thikhala, bakhan ni rajabthai ha, David jar ning elei thi ba,
Gabra ani Gabra niha
ani yaoda gede kham lah,
43Nini sotrurao khe nini igah ni bakhla ha dengya si de, ning ani yaoda gede kham lah.
44David bo khe Gabra thihi se long ba.
Ode thikhala, bedehe Krista David ni basa ja phu nang?
Dara slingriyaba ni phrang girik mane sibring ba
(Mt. 23.1-36; Mk. 12.38-40)
45Khrip subung boni grao khe khnaba ha Jisu jarni rikphayarao khe thi ba, 46“Dara khe slingriyarao ni bising ha de girik lah. Sola glao thuhi, bonsi daobaima nangjao du; bikhoh ha ar mel ha ar jilaiba ha, bonsi khamthan hamba ha kham ma nangjao du. 47Bonsi banjikrao ni don khe khao ji re, ar budu glao Madai bi re! Bangdao hi bonsi saja mai ji nang.”
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.