Luka Enhandhula
Enhandhula
Mu kitabo kino eky'Amawulire Amalungi nga bwe gaaghandiikibwa Luka, Luka oyo alaga nga Yesu n'Omulokozi eyasuubizibwa Abaisiraeli era Omulokozi w'abantu boonaboona ab'oku nsi. Twagaanamu nga kyaghandiikibwa kiti Yesu yayetebwa Mwoyo wa Musengwa “okukobera abaghafu Amawulire Amalungi.” Twagaanamu okufaayo Yesu kwe yali nakwo ku bantu abaali n'obwetaavu obwa buli nsambo. Era twagaanamu okusangaala, okusingira irala mu nkenga edh'ekitabo ekyo edhiinhama, edhirangirira okwidha kwa Yesu. Era twakwagaana ni mu dhisembayo edhikoba nga Yesu bwe yaniina mu igulu. Omughandiisi mwene ono n'alomboodha okukula n'okusansaana kw'endhikiriza y'Ekikurisito mu kitabo ekyetebwa Ebikolwa eby'Abatume.
Mu kimega ekyokubiri n'ekyomukaaga (bona “Ebirimu nga bwe biiraganwaku”) mulimu ebintu abaghandiisi abandi ab'Amawulire Amalungi bye bataaghandiikaku: ng'olwembo lwa bamalaika, abaayi bwe baaja okubona Yesu nga mughere, Yesu lwe yaba mu isinzizo ng'akaali muto, olufumo lw'Omusamaria omulungi n'olw'omulenzi eyaghata. Mu kitabo kyonakyona omughandiisi ayogera inho ku kusaba, ni ku Mwoyo Mutukuvu, ni ku mirimo egy'abakazi mu kwegeresa kwa Yesu, ni ku nsambo Katonda y'asonighamu abayona.
Ebirimu nga bwe biiraganwaku
Enhandhula 1:1-4
Eby'okuzaalibwa n'eby'obuto bwa Yoanne Omubatiza ni Yesu 1:5—2:52
Okwegeresa kwa Yoanne Omubatiza 3:1-20
Okubatizibwa n'okukemebwa kwa Yesu 3:21—4:13
Okwegeresa kwa Yesu mu bantu ng'ali mu Galilaaya 4:14—9:50
Olugendo lwa Yesu okuva e Galilaaya okutuuka e Yerusalemu 9:51—19:27
Sabbato eyasembayo okumpi ni Yerusalemu, ni munda mwakyo 19:28—23:56
Okuzuukira, okweyoleka, n'okuniina mu igulu okwa Musengwa 24:1-53
Trenutno izabrano:
Luka Enhandhula: Sog
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Baibuli Ekibono kya Katonda © The Bible Society of Uganda, 2014