Matiu 9
9
E Iesu i alangolango pas a barsan ning a palaona i mat
(Mk 2:1-12; Lk 5:17-26)
1E Iesu i kas ana mon, pa i han lakai utumo na ning a ris a puka tasi pa i hanot ting na anuna hanua. 2Pa dingla na tarai la los otnan ning a barsan teteki, a palaona i mat pa i borbor tar ka ana logo ngasna. Ning e Iesu i oroi anunla tortorot, i atai a barsan ning mang, “Natuklik, gong u matmataut, di ka kepsen tar anum na toltol laulau.” 3Dingla na tena asaer tagun a warkurai la warwara artalai tetek la ot mang, “A barsan ne i atong saksakan e God anasa i warwara larning i e God.”
4Pa e Iesu i tasman a nuknukinla, pa i deken la mang, “Sur asa mulo nuknuk laulau? 5Esi na ngas a warwara ning bel i ngangaten sur ar atongi? Ar atongi mang, ‘Di ka kepsen anum na toltol laulaula,’ o, ar atongi mang, ‘Ur kamtur, pa ur han’? 6Ar atongi larne, sur mulor tasmani mang, e God ka saran tar a warkurai tetek a Nat a Barsan, sur ir kepsen a toltol laulaula te lapiu.” Pa i atongi tetek a barsan ning a palaona i mat mang, “Ur kamtur, ur kibas a logo ngasim, pa ur han uting na rumai ngasim.” 7I kamtur, pa i han uting na rumai ngasna. 8Ning a kunum a tarai la oroi a utna ne, la kulkulan kol ono, pa la rakan aleklek pas e God, anasa i saran a rakrakai larne tetek a tarai.
E Iesu i kabah pas e Matiu
(Mk 2:13-17; Lk 5:27-32)
9Ning e Iesu i han miting ia, i oroi pas ning a barsan, a risana e Matiu, i kes ting na rumai a los totokom. E Iesu i atai i mang, “Ur mur iau.” Pa e Matiu i kamtur pa i muri.
10Lamur ning e Iesu taum ana anuna kakak a asaerla, la hangan ting na rumai ane Matiu, a galis a tena los totokom pa tena laulaula la han tetek e Iesu, pa la hangan taum onla. 11Ning a Parisaiola la oroi i, la deken anuna kakak a asaerla mang, “Sur asaning anumulo a tena asaer i hangan taum ana tena los totokomla pa tena laulaula?”
12E Iesu i longori pa i atongi mang, “A dokta bel i hanot sur la ning la langolango. I hanot sur la ka ning la sasam. 13Mulor han, pa mulor asaer sur mulor tastasim ana kamkama warwara ne miting na Buk Tabu, ‘A mang sur a marmaris, pa bel a mang sur a artabar ning di sira tuni.’ Hosea 6:6
Anasa bel a hanot sur ar kabah pas na tena tostos. A hanot sur ar kabah pas a tena laulaula.”
A kabah ana tamai
(Mk 2:18-22; Lk 5:33-39)
14A kakak a asaerla ane Jon la han tetek e Iesu, pa la dekeni mang, “Sur asa ning mila ma na Parisaiola mila tamai, ika anuma kakak a asaerla bel?” 15E Iesu i keles la mang, “Ning ta barsan ir taulai totoh, na halalna lar domos mangmangasa ning a barsan ning kaning ot i kes taum onla? Ika ta pukakiar ir hanot, ning dir ben maskan pas a barsan ning kusun la, pa lar bot tamai.
16“Bel tik ir suk ahat a dia tona kaen taum ana muarna ning i taksilir, sakana a dia tona kaen ir silir a muar a kaen, pa ir taksilir kol. 17Bel tik ir tere a tona wain uting na turai a kotola ning di toli ana palaona inagoi, sakana a kotola lar tapuros pa lar laulau, pa a wain ir tapek. Dir tere a tona wain ot uting na tona koto na wain, sur dia rop diar kes wakak.”
E Iesu i alaun pas ning a hane lik, pa i alangolango pas ning a hane
(Mk 5:21-43; Lk 8:40-56)
18Ning e Iesu kaning ot i warwara tetek la, ning a ningnigo i han teteki, pa i kes ana bokona hana sa lanigo tana, pa i atongi mang, “A natuk hane, onokane i mat. Lamut, dar han pa ur suah a kum saot ono, pa ir laun.” 19Pa e Iesu i kamtur pa dia han taum ana nuna kakak a asaerla.
20-21Ning a hane i sasam ana suluk arlar ana ning a bonot pa pisir naur a rau. I nuki mang, ning ir tong ka a mermer ane Iesu, ir langolango. Pa i han tumo lamur ta e Iesu, pa i tuk a ris a tuka saket anunai. 22E Iesu i talingir pa i oroi a hane ning, pa i atai mang, “Natuklik, gong u matmataut, anuma tortorot ka alangolango pas u.” Pa ono otning a hane ning i langolango.
23Ning e Iesu i kas ting na rumai ana ningnigo, i oroi a tarai ning la asangan anunla a bal maris ana minat. La wus a tulalla, pa kunum a tarai otleng la domos. 24I atai mang, “Mulor purum kusuni. A hane lik ne bel i mat, kaning i borbor duman ka.” Pa la malani ka. 25Ning e Iesu ka sune purum sen a taraila, i kas pa i tong a kuna kaklik hane ning, pa i kamtur kakat. 26A warwara ana utna ne i han sarara ting na papar rop ning.
E Iesu i apalpalas pas naur a kut
27Ning e Iesu i han mitingia, naur a barsan, naur a kut, dia muri, dia arkabah rakrakai mang, “Nat e Dewit#9:27 A tarai Juda la sira atong a Mesaia a Nat e Dewit., ur maris miau.” 28Ning i kas ting na rumai, naur a kut dia han teteki, pa i deken diau mang, “I mangasa, mu tortorot ot hok sur ar tolsot pas a utna ne?” Dia kelesi mang, “Ma Leklek.” 29Pa i tong naur a matan diau pa i atai diau mang, “Dir toli tetek mu arlar ana sa mu tortorot onoi.” 30Pa dia tai kakat. Pa e Iesu i sairas rakrakai tar diau mang, “Gong mu atai tar tik ono.” 31Ika dia han pa dia atatai amon o e Iesu ting na papar rop ning.
E Iesu i kepsen a mot kusun a barsan
32Ning naur a kut dia kaning ot dia han amon kusun e Iesu, di ben otnan tar ning a barsan teteki, i ngat, a mot kaning ono. 33E Iesu i kepsen a mot kusuni, pa barsan ning i ngat i bot warwara. Pa kunum a tarai la kulkulan, pa la atongi mang, “Bel ta utna larne di oroi tari te e Israel. I bot ne di oroi.” 34Ika a Parisaiola la atongi mang, “I sira kepsen a motla ana rakrakai ana leklek anuna motla.”
Na tena solla bel la galis
35E Iesu i han ting na tatatnan hanuala pa nanatar a hanuala rop. I sira asaer a taraila ting na nunla na rumai lotula, pa i sira warawai ana Wakak a Warwara ana matanitu ane God, pa i alangolango pas a tarai kusun a urmatana ngas a tinsamanla rop. 36Ning i oroi a kunum a tarai, i maris kol la, anasa i talara a nuknukinla, pa bel ta harnanai tetek la, arlar ana sipsipla ning bel ta tena tai alar anunlai. 37Pa i atongi tana nun a kakak a asaerla mang, “A barim ka makos, pa i galis kol, ika bel al galis a tena sol. 38Mulor nunung a Leklek, esaning a tamana barim, sur ir sune a tena solla uting na nuna barim.”
Trenutno izabrano:
Matiu 9: lbb
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2019, Wycliffe Bible Translators, Inc. All rights reserved.
Matiu 9
9
E Iesu i alangolango pas a barsan ning a palaona i mat
(Mk 2:1-12; Lk 5:17-26)
1E Iesu i kas ana mon, pa i han lakai utumo na ning a ris a puka tasi pa i hanot ting na anuna hanua. 2Pa dingla na tarai la los otnan ning a barsan teteki, a palaona i mat pa i borbor tar ka ana logo ngasna. Ning e Iesu i oroi anunla tortorot, i atai a barsan ning mang, “Natuklik, gong u matmataut, di ka kepsen tar anum na toltol laulau.” 3Dingla na tena asaer tagun a warkurai la warwara artalai tetek la ot mang, “A barsan ne i atong saksakan e God anasa i warwara larning i e God.”
4Pa e Iesu i tasman a nuknukinla, pa i deken la mang, “Sur asa mulo nuknuk laulau? 5Esi na ngas a warwara ning bel i ngangaten sur ar atongi? Ar atongi mang, ‘Di ka kepsen anum na toltol laulaula,’ o, ar atongi mang, ‘Ur kamtur, pa ur han’? 6Ar atongi larne, sur mulor tasmani mang, e God ka saran tar a warkurai tetek a Nat a Barsan, sur ir kepsen a toltol laulaula te lapiu.” Pa i atongi tetek a barsan ning a palaona i mat mang, “Ur kamtur, ur kibas a logo ngasim, pa ur han uting na rumai ngasim.” 7I kamtur, pa i han uting na rumai ngasna. 8Ning a kunum a tarai la oroi a utna ne, la kulkulan kol ono, pa la rakan aleklek pas e God, anasa i saran a rakrakai larne tetek a tarai.
E Iesu i kabah pas e Matiu
(Mk 2:13-17; Lk 5:27-32)
9Ning e Iesu i han miting ia, i oroi pas ning a barsan, a risana e Matiu, i kes ting na rumai a los totokom. E Iesu i atai i mang, “Ur mur iau.” Pa e Matiu i kamtur pa i muri.
10Lamur ning e Iesu taum ana anuna kakak a asaerla, la hangan ting na rumai ane Matiu, a galis a tena los totokom pa tena laulaula la han tetek e Iesu, pa la hangan taum onla. 11Ning a Parisaiola la oroi i, la deken anuna kakak a asaerla mang, “Sur asaning anumulo a tena asaer i hangan taum ana tena los totokomla pa tena laulaula?”
12E Iesu i longori pa i atongi mang, “A dokta bel i hanot sur la ning la langolango. I hanot sur la ka ning la sasam. 13Mulor han, pa mulor asaer sur mulor tastasim ana kamkama warwara ne miting na Buk Tabu, ‘A mang sur a marmaris, pa bel a mang sur a artabar ning di sira tuni.’ Hosea 6:6
Anasa bel a hanot sur ar kabah pas na tena tostos. A hanot sur ar kabah pas a tena laulaula.”
A kabah ana tamai
(Mk 2:18-22; Lk 5:33-39)
14A kakak a asaerla ane Jon la han tetek e Iesu, pa la dekeni mang, “Sur asa ning mila ma na Parisaiola mila tamai, ika anuma kakak a asaerla bel?” 15E Iesu i keles la mang, “Ning ta barsan ir taulai totoh, na halalna lar domos mangmangasa ning a barsan ning kaning ot i kes taum onla? Ika ta pukakiar ir hanot, ning dir ben maskan pas a barsan ning kusun la, pa lar bot tamai.
16“Bel tik ir suk ahat a dia tona kaen taum ana muarna ning i taksilir, sakana a dia tona kaen ir silir a muar a kaen, pa ir taksilir kol. 17Bel tik ir tere a tona wain uting na turai a kotola ning di toli ana palaona inagoi, sakana a kotola lar tapuros pa lar laulau, pa a wain ir tapek. Dir tere a tona wain ot uting na tona koto na wain, sur dia rop diar kes wakak.”
E Iesu i alaun pas ning a hane lik, pa i alangolango pas ning a hane
(Mk 5:21-43; Lk 8:40-56)
18Ning e Iesu kaning ot i warwara tetek la, ning a ningnigo i han teteki, pa i kes ana bokona hana sa lanigo tana, pa i atongi mang, “A natuk hane, onokane i mat. Lamut, dar han pa ur suah a kum saot ono, pa ir laun.” 19Pa e Iesu i kamtur pa dia han taum ana nuna kakak a asaerla.
20-21Ning a hane i sasam ana suluk arlar ana ning a bonot pa pisir naur a rau. I nuki mang, ning ir tong ka a mermer ane Iesu, ir langolango. Pa i han tumo lamur ta e Iesu, pa i tuk a ris a tuka saket anunai. 22E Iesu i talingir pa i oroi a hane ning, pa i atai mang, “Natuklik, gong u matmataut, anuma tortorot ka alangolango pas u.” Pa ono otning a hane ning i langolango.
23Ning e Iesu i kas ting na rumai ana ningnigo, i oroi a tarai ning la asangan anunla a bal maris ana minat. La wus a tulalla, pa kunum a tarai otleng la domos. 24I atai mang, “Mulor purum kusuni. A hane lik ne bel i mat, kaning i borbor duman ka.” Pa la malani ka. 25Ning e Iesu ka sune purum sen a taraila, i kas pa i tong a kuna kaklik hane ning, pa i kamtur kakat. 26A warwara ana utna ne i han sarara ting na papar rop ning.
E Iesu i apalpalas pas naur a kut
27Ning e Iesu i han mitingia, naur a barsan, naur a kut, dia muri, dia arkabah rakrakai mang, “Nat e Dewit#9:27 A tarai Juda la sira atong a Mesaia a Nat e Dewit., ur maris miau.” 28Ning i kas ting na rumai, naur a kut dia han teteki, pa i deken diau mang, “I mangasa, mu tortorot ot hok sur ar tolsot pas a utna ne?” Dia kelesi mang, “Ma Leklek.” 29Pa i tong naur a matan diau pa i atai diau mang, “Dir toli tetek mu arlar ana sa mu tortorot onoi.” 30Pa dia tai kakat. Pa e Iesu i sairas rakrakai tar diau mang, “Gong mu atai tar tik ono.” 31Ika dia han pa dia atatai amon o e Iesu ting na papar rop ning.
E Iesu i kepsen a mot kusun a barsan
32Ning naur a kut dia kaning ot dia han amon kusun e Iesu, di ben otnan tar ning a barsan teteki, i ngat, a mot kaning ono. 33E Iesu i kepsen a mot kusuni, pa barsan ning i ngat i bot warwara. Pa kunum a tarai la kulkulan, pa la atongi mang, “Bel ta utna larne di oroi tari te e Israel. I bot ne di oroi.” 34Ika a Parisaiola la atongi mang, “I sira kepsen a motla ana rakrakai ana leklek anuna motla.”
Na tena solla bel la galis
35E Iesu i han ting na tatatnan hanuala pa nanatar a hanuala rop. I sira asaer a taraila ting na nunla na rumai lotula, pa i sira warawai ana Wakak a Warwara ana matanitu ane God, pa i alangolango pas a tarai kusun a urmatana ngas a tinsamanla rop. 36Ning i oroi a kunum a tarai, i maris kol la, anasa i talara a nuknukinla, pa bel ta harnanai tetek la, arlar ana sipsipla ning bel ta tena tai alar anunlai. 37Pa i atongi tana nun a kakak a asaerla mang, “A barim ka makos, pa i galis kol, ika bel al galis a tena sol. 38Mulor nunung a Leklek, esaning a tamana barim, sur ir sune a tena solla uting na nuna barim.”
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2019, Wycliffe Bible Translators, Inc. All rights reserved.