Matiu Miimow opora
Miimow opora
Opor eliwa Matiu siisimok fain Yeesus eena miiwa-pa ikok Mua Maneka uuwowa onam-ikua nain wiar siisimok. Maria eena muukarek nan onoma wuap ikip Yeesus ifakimiwkin umep ikok iikirap ona teeria wia piipuap owow iinan urupok, are nan welawak.
Maa maneka Matiu maek nain feenap. Mua Maneka iiriw opora maep koonowak nain wi iiriw iiriw siisimep-puamik nain Yeesus-ke imenarep opora opami uuw-ikiwemi iiwawun makena arowak. Mua Maneka-ke maek nain feenap, ikoka mua oko sesekamkun orop wi Isrel wia aawep ona pika kemena-pa wia wuinon. Ne mua eena maek nain makena Yeesus. Opora papako Matiu siisimok nain iiriw ekera wi Mua Maneka profet eena maemik nain Yeesus kakeniw naap onak.
Ne maa oko Matiu siisimok nain feenap, Mua Maneka ona pika kemena-pa wiar ikaiwkin ona wia urufam-ikainon. Yeesus uuwowa-pa emeria mua Mua Maneka opora wiar ookiwkin wiena Maneka wiar arep ikok wia urufam-ikainon.
Aria Matiu opora fain makena mua eena siisimok nain me maek. Opora fain wis-ke unuma feenap wuamik, “Opor eliwa Matiu-ke siisimok,” naeya Matiu eena takis aawow mua nain-ke siisimok naimik (9.9-13).
Trenutno izabrano:
Matiu Miimow opora: mhlNT
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 1998, Wycliffe Bible Translators, Inc. All rights reserved.