Yauhaas 7
7
Yexus Hab Nwg Cov Kwv
1Tomqaab ntawd, Yexus kuj ncig ib qho rua ib qho huv lub xeev Kalilais; Nwg tsi xaav moog nraag lub xeev Yudas, ruaqhov cov numtswv Yudais tau tuavhuv yuav muab Nwg tua povtseg. 2Tub yuav txug lub caij kws cov Yudais ua Kevcai Nyob Tsev Pheebsuab, #Levi 23:34; 2Kev 16:13 3yogle ntawd, Yexus cov kwv txhaj has rua Nwg has tas, “Koj yuav tau tawm ntawm qhov chaw nuav moog rua nraag xeev Yudas, sub cov tuabneeg kws caum Koj qaab txhajle pum tej kws Koj ua. 4Tug tuabneeg kws xaav muaj koob nto npe yeej tsi laam zais txug nwg teg dlejnum. Koj tub yog ua teg dlejnum le nuav ntaag neb, kuj ca lub nplajteb nuav paub txug Koj!” ( 5Txawm yog Yexus cov kwv kag los puab tseem tsi ntseeg Yexus hab.)
6Yexus has rua puab tas, “Tseem tsi tau txug Kuv lub sijhawm. Mej le mas lub sijhawm twg los yeej tau. 7Tuabneeg nplajteb yuav ntxub tsi tau mej, tabsis puab ntxub Kuv, ruaqhov Kuv pheej ua timkhawv has tas tej kws puab ua ntawd yog kev phem xwb. 8Mej cale moog koom puab ua kevcai. Kuv tsi moog,#7:8: Kuv tsi moog; tej phoo ntawv qub kws xuas teg sau, muaj Kuv yuav tsi tau moog. ruaqhov tsi tau txug Kuv lub sijhawm.” 9Yexus has le ntawd taag, tes Nwg txawm rov nyob Nwg huv lub xeev Kalilais.
Yexus Moog Koom Ua Kevcai Nyob Tsev Pheebsuab
10Thaus Yexus cov kwv moog koom ua kevcai taag lawm, Yexus kuj lawv qaab moog hab; tabsis Nwg tsi taabmeeg moog, Nwg moog tuabywv tsi pub kuas leejtwg paub. 11Cov Yudais tej numtswv nrhav Yexus huv qhov chaw kws suavdlawg tuaj ua kevcai ntawd, puab sisnug has tas, “Tug txivneej ntawd nyob qhovtwg?”
12Cov tuabneeg coob-coob ntawd sisntxhi zumzawg has txug Yexus. Muaj ibtxha has tas, “Nwg yog tuabneeg zoo.” Muaj ibtxha has tas, “Tsi yog, Nwg dlaag-ntxag suavdlawg kuas yuamkev xwb.” 13Tabsis tsi muaj leejtwg muaj cuabkaav pav txug Yexus taabmeeg suavdlawg le, ruaqhov puab ntshai cov Yudais tej numtswv.
14Thaus suavdlawg ua kevcai txug tog lawm, Yexus txawm moog pib qhuabqha huv lub Tuamtsev. 15Cov Yudais tej numtswv xaav tsi thoob hab has tas, “Uacaag tug txivneej nuav yuav paub ntau ualuaj le, Nwg tub tsi tau moog kawm ntawv le los sav?”
16Yexus teb tas, “Tej lug kws Kuv qha nuav tsi yog Kuv tej lug, tabsis yog Vaajtswv tug kws khaiv Kuv lug tej lug. 17Tug kws txaussab ua lawvle Vaajtswv lub sab nyam, tug ntawd yuav paub tas tej lug kws Kuv qha nuav yog Vaajtswv kuas Kuv has lossis yog Kuv laam has Kuv xwb. 18Tug tuabneeg kws has le nwg lub sab nyam yog nwg xaav ua kuas luas qhuas nwg xwb. Tabsis tug kws xaav ua kuas tug kws khaiv Nwg lug tau ntsejmuag, Nwg yeej haslug tseeb xwb, Nwg yeej tsi has dlaag ib zag le. 19Mauxes tub yog tug qha Kevcai rua mej ntaag los sav, puas yog? Tabsis mej tsi muaj ib tug coj ua lawvle txuj Kevcai ntawd le. Uacaag mej tseem nrhav kev yuav muab Kuv tua hab?”
20Cov tuabneeg coob-coob ntawd teb tas, “Koj raug ib tug dlaab lawm! Leejtwg tseem yuav nrhav kev yuav muab Koj tua nua?”
21Yexus teb tas, “Kuv nyavnyuas ua txujci tseemceeb ib zag xwb, mej suavdlawg tub xaav tsi thoob lawm. 22Mauxes tau has kuas mej muab mej cov mivnyuas tub ua kevcai txav (qhov tseeb tag, tub tsi yog Mauxes has tabsis yog mej cov yawmkoob ua cov kws chiv uantej) yogle ntawd, mej txhaj muab tej mivnyuas tub ua kevcai txav rua nub Xanpataus. #Levi 12:3; Chiv 17:10 23Yog mej tub muab tej mivnyuas tub ua kevcai txav rua nub Xanpataus sub txhaj tsi ua txhum Mauxes txuj Kevcai, uacaag Kuv khu ib tug txivneej zoo mob rua nub Xanpataus mej tseem yuav npautawg rua Kuv hab? #Yauh 5:9 24Yuav tau tseg tsi xob txavtxim lawvle mej pum saabnrau xwb, tabsis yuavtsum txavtxim lawvle txuj kev ncaajnceeg.”
Nwg Puas Yog Tug Mexiyas?
25Cov tuabneeg kws nyob huv lub nroog Yeluxalees muaj qeeleej has tas, “Tug txivneej nuav tsi yog tug kws cov numtswv nrhav yuav muab tua lov? 26Mej saib maj, Nwg yeej taabmeeg qha suavdlawg, tabsis tsi muaj leejtwg muaj cuabkaav has dlaabtsi tawmtsaam Nwg le! Puas yog puab paub meej tas Nwg yeej yog tug Mexiyas tag? 27Thaus tug Mexiyas lug, mas yeej tsi muaj leejtwg paub tas nwg lug qhovtwg lug le, tabsis tug txivneej nuav peb suavdlawg yeej paub tas Nwg lug qhovtwg lug.”
28Thaus Yexus taabtom qha huv lub Tuamtsev, Nwg has nrov-nrov rua suavdlawg tas, “Yog lawm, mej yeej paub Kuv hab paub tas Kuv lug qhovtwg lug. Tsi yog Kuv laam lug Kuv. Tabsis tug kws khaiv Kuv lug ntawd, Nwg yeej yog tug tseeb. Mej tsi paub Nwg, 29tabsis Kuv paub Nwg, ruaqhov Kuv lug ntawm Nwg lug hab Nwg yog tug khaiv Kuv lug.”
30Puab txawm npaajsab yuav nteg Yexus, tabsis tsi muaj leejtwg kaam nqeg teg le, ruaqhov tsi tau txug Nwg lub sijhawm. 31Tabsis huv cov tuabneeg coob-coob ntawd muaj ntau leej ntseeg Yexus, hab puab has tas, “Thaus tug Mexiyas lug, Nwg yuav ua tau ntau yaam txujci tseemceeb dlua le tug txivneej nuav hab lov?”
Puab Khaiv Tubrog Moog Nteg Yexus
32Cov Falixais nov cov tuabneeg coob-coob ntawd sisntxhi zumzawg txug Yexus, tes cov Falixais hab cov thawj povthawj hlub txawm khaiv ib co tubrog moog nteg Yexus. 33Yexus has tas, “Kuv yuav nrug mej nyob ib nyuas ntu ntxiv, dlhau ntawd, Kuv yuav rov moog cuag tug kws khaiv Kuv lug. 34Mej yuav nrhav Kuv, tabsis mej yuav nrhav tsi tau Kuv, vim qhov chaw kws Kuv yuav moog ntawd, mej moog tsi tau.”
35Cov Yudais tej numtswv sisnug zumzawg has tas, “Nwg yuav moog qhovtwg kws yuav ua rua peb nrhav tsi tau Nwg? Puas yog Nwg yuav moog rua peg cov tuabneeg Kilis tej nroog kws muaj peb cov tuabneeg nyob, hab qha cov tuabneeg Kilis ntawd? 36Nwg has tas peb yuav nrhav Nwg, tabsis peb yuav nrhav tsi tau Nwg, hab qhov kws Nwg yuav moog ntawd, peb moog tsi tau. Nwg has le ntawd, lub ntsab yog lecaag?”
Tug Dlej Kws Cawm Tuabneeg Txujsa
37Nub ua kevcai xaus kws yog nub tseemceeb kawg nkaus, Yexus sawvntsug has nrov-nrov rua suavdlawg tas, “Tug kws nqhes dlej cale lug cuag Kuv, hab tug kws ntseeg Kuv, cale lug haus dlej. #Levi 23:36 38Lawvle Vaajtswv Txujlug has tas, ‘Tug dlej kws cawm tuabneeg txujsa yuav txhawv huv tug ntawd lub sab lug.’ ”#7:38: Yexus cov lug kws nyob huv nqai 37-38 yuav muab txhais has tas “Tug kws nqhes dlej cale lug cuag Kuv, hab tug kws ntseeg Kuv, cale lug haus dlej. 38 Lawvle Vaajtswv txujlug has tas, ‘Tug dlej kws cawm tuabneeg txujsa yuav txhawv huv tug ntawd lub sab lug.’ ” #Exek 47:1; Xekhali 14:8 39Yexus has le nuav, yog has txug Vaaj Ntsujplig, kws yog leejtwg ntseeg Nwg, tug ntawd yuav tau txais. Thaus lub sijhawm ntawd Vaajtswv tseem tsi tau khaiv Vaaj Ntsujplig lug, ruaqhov Vaajtswv tseem tsi tau tsaa Yexus ua tug muaj tshwjchim ci ntsaa-ab.
Kev Sisfaib Ntawm Cov Tuabneeg
40Thaus cov tuabneeg coob-coob ntawd nov Yexus has le ntawd, muaj qeeleej has tas, “Tug txivneej nuav yog tug xwbfwb cev Vaajtswv#7:40: tug xwbfwb cev Vaajtswv lug: saib 1:21. lug tag!”
41Lwmtug has tas, “Nwg yog tug Mexiyas!”
Tabsis muaj qeeleej has tas, “Tug Mexiyas yuav tsi tuaj peg Kalilais tuaj ib zag le! 42Vaajtswv Txujlug has tas, tug Mexiyas yuav yog vaajntxwv Daviv le caajceg, hab Nwg yuav lug yug huv lub nroog Npelehees kws thaus u Daviv nyob.” #2Xamu 7:21; Mikha 5:2 43Yogle ntawd, cov pejxeem txawm muaj kev sisfaib, vim qhov kws puab siscaav has txug Yexus. 44Muaj qeeleej xaav nteg Yexus, tabsis tsi muaj leejtwg kaam nqeg teg le.
Cov Yudais Tej Numtswv Tsi Ntseeg Yexus
45Thaus cov faajxwm rov moog txug, cov thawj povthawj hlub hab cov Falixais nug puab has tas, “Uacaag mej tsi nteg Nwg lug?”
46Cov faajxwm teb tas, “Tsi tau muaj dlua leejtwg kws yuav txawj has npaum tug txivneej nuav has le!”
47Cov Falixais nug puab has tas, “Puas yog Nwg ntxag tau mej yuamkev lawm hab lov? 48Puas tau muaj ib tug ntawm cov numtswv lossis ntawm cov Falixais laam cale ntseeg Nwg lawm nua maj? 49Cov tuabneeg coob-coob ntawm nuav yeej tsi paub Mauxes txuj Kevcai le, yogle ntawd, puab txhaj raug Vaajtswv lulug foom phem!”
50Cov Falixais ntawd muaj ib tug yog Nikaudemaus, yog tug kws tub moog ntsib Yexus ib zag lawm. Nwg has rua puab tas, #Yauh 3:1-2 51“Lawvle peb txuj Kevcai, peb yuav txavtxim tsi tau rua ib tug twg uantej kws peb tsi tau nov nwg peev lug hab taug nwg zaaj seb nwg tau ua dlaabtsi lawm tag.”
52Puab teb tas, “Puas yog koj tuaj peg Kalilais tuaj hab? Koj cale moog tshawb huv Vaajtswv tej Lug, koj txhaj yuav paub tas yeej tsi muaj ib tug xwbfwb cev Vaajtswv lug kws tuaj#7:52: tsi muaj ib tug xwbfwb cev Vaajtswv lug kws tuaj; muaj ib phoo qub has tas tug Xwbfwb cev Vaajtswv lug yeej tsi tuaj. peg Kalilais tuaj le.”
[ 53Tes puab nyag txawm rov moog nyag tsev lawm.
Trenutno izabrano:
Yauhaas 7: HNJ2022
Istaknuto
Podeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2022 United Bible Societies. All rights reserved.
Yauhaas 7
7
Yexus Hab Nwg Cov Kwv
1Tomqaab ntawd, Yexus kuj ncig ib qho rua ib qho huv lub xeev Kalilais; Nwg tsi xaav moog nraag lub xeev Yudas, ruaqhov cov numtswv Yudais tau tuavhuv yuav muab Nwg tua povtseg. 2Tub yuav txug lub caij kws cov Yudais ua Kevcai Nyob Tsev Pheebsuab, #Levi 23:34; 2Kev 16:13 3yogle ntawd, Yexus cov kwv txhaj has rua Nwg has tas, “Koj yuav tau tawm ntawm qhov chaw nuav moog rua nraag xeev Yudas, sub cov tuabneeg kws caum Koj qaab txhajle pum tej kws Koj ua. 4Tug tuabneeg kws xaav muaj koob nto npe yeej tsi laam zais txug nwg teg dlejnum. Koj tub yog ua teg dlejnum le nuav ntaag neb, kuj ca lub nplajteb nuav paub txug Koj!” ( 5Txawm yog Yexus cov kwv kag los puab tseem tsi ntseeg Yexus hab.)
6Yexus has rua puab tas, “Tseem tsi tau txug Kuv lub sijhawm. Mej le mas lub sijhawm twg los yeej tau. 7Tuabneeg nplajteb yuav ntxub tsi tau mej, tabsis puab ntxub Kuv, ruaqhov Kuv pheej ua timkhawv has tas tej kws puab ua ntawd yog kev phem xwb. 8Mej cale moog koom puab ua kevcai. Kuv tsi moog,#7:8: Kuv tsi moog; tej phoo ntawv qub kws xuas teg sau, muaj Kuv yuav tsi tau moog. ruaqhov tsi tau txug Kuv lub sijhawm.” 9Yexus has le ntawd taag, tes Nwg txawm rov nyob Nwg huv lub xeev Kalilais.
Yexus Moog Koom Ua Kevcai Nyob Tsev Pheebsuab
10Thaus Yexus cov kwv moog koom ua kevcai taag lawm, Yexus kuj lawv qaab moog hab; tabsis Nwg tsi taabmeeg moog, Nwg moog tuabywv tsi pub kuas leejtwg paub. 11Cov Yudais tej numtswv nrhav Yexus huv qhov chaw kws suavdlawg tuaj ua kevcai ntawd, puab sisnug has tas, “Tug txivneej ntawd nyob qhovtwg?”
12Cov tuabneeg coob-coob ntawd sisntxhi zumzawg has txug Yexus. Muaj ibtxha has tas, “Nwg yog tuabneeg zoo.” Muaj ibtxha has tas, “Tsi yog, Nwg dlaag-ntxag suavdlawg kuas yuamkev xwb.” 13Tabsis tsi muaj leejtwg muaj cuabkaav pav txug Yexus taabmeeg suavdlawg le, ruaqhov puab ntshai cov Yudais tej numtswv.
14Thaus suavdlawg ua kevcai txug tog lawm, Yexus txawm moog pib qhuabqha huv lub Tuamtsev. 15Cov Yudais tej numtswv xaav tsi thoob hab has tas, “Uacaag tug txivneej nuav yuav paub ntau ualuaj le, Nwg tub tsi tau moog kawm ntawv le los sav?”
16Yexus teb tas, “Tej lug kws Kuv qha nuav tsi yog Kuv tej lug, tabsis yog Vaajtswv tug kws khaiv Kuv lug tej lug. 17Tug kws txaussab ua lawvle Vaajtswv lub sab nyam, tug ntawd yuav paub tas tej lug kws Kuv qha nuav yog Vaajtswv kuas Kuv has lossis yog Kuv laam has Kuv xwb. 18Tug tuabneeg kws has le nwg lub sab nyam yog nwg xaav ua kuas luas qhuas nwg xwb. Tabsis tug kws xaav ua kuas tug kws khaiv Nwg lug tau ntsejmuag, Nwg yeej haslug tseeb xwb, Nwg yeej tsi has dlaag ib zag le. 19Mauxes tub yog tug qha Kevcai rua mej ntaag los sav, puas yog? Tabsis mej tsi muaj ib tug coj ua lawvle txuj Kevcai ntawd le. Uacaag mej tseem nrhav kev yuav muab Kuv tua hab?”
20Cov tuabneeg coob-coob ntawd teb tas, “Koj raug ib tug dlaab lawm! Leejtwg tseem yuav nrhav kev yuav muab Koj tua nua?”
21Yexus teb tas, “Kuv nyavnyuas ua txujci tseemceeb ib zag xwb, mej suavdlawg tub xaav tsi thoob lawm. 22Mauxes tau has kuas mej muab mej cov mivnyuas tub ua kevcai txav (qhov tseeb tag, tub tsi yog Mauxes has tabsis yog mej cov yawmkoob ua cov kws chiv uantej) yogle ntawd, mej txhaj muab tej mivnyuas tub ua kevcai txav rua nub Xanpataus. #Levi 12:3; Chiv 17:10 23Yog mej tub muab tej mivnyuas tub ua kevcai txav rua nub Xanpataus sub txhaj tsi ua txhum Mauxes txuj Kevcai, uacaag Kuv khu ib tug txivneej zoo mob rua nub Xanpataus mej tseem yuav npautawg rua Kuv hab? #Yauh 5:9 24Yuav tau tseg tsi xob txavtxim lawvle mej pum saabnrau xwb, tabsis yuavtsum txavtxim lawvle txuj kev ncaajnceeg.”
Nwg Puas Yog Tug Mexiyas?
25Cov tuabneeg kws nyob huv lub nroog Yeluxalees muaj qeeleej has tas, “Tug txivneej nuav tsi yog tug kws cov numtswv nrhav yuav muab tua lov? 26Mej saib maj, Nwg yeej taabmeeg qha suavdlawg, tabsis tsi muaj leejtwg muaj cuabkaav has dlaabtsi tawmtsaam Nwg le! Puas yog puab paub meej tas Nwg yeej yog tug Mexiyas tag? 27Thaus tug Mexiyas lug, mas yeej tsi muaj leejtwg paub tas nwg lug qhovtwg lug le, tabsis tug txivneej nuav peb suavdlawg yeej paub tas Nwg lug qhovtwg lug.”
28Thaus Yexus taabtom qha huv lub Tuamtsev, Nwg has nrov-nrov rua suavdlawg tas, “Yog lawm, mej yeej paub Kuv hab paub tas Kuv lug qhovtwg lug. Tsi yog Kuv laam lug Kuv. Tabsis tug kws khaiv Kuv lug ntawd, Nwg yeej yog tug tseeb. Mej tsi paub Nwg, 29tabsis Kuv paub Nwg, ruaqhov Kuv lug ntawm Nwg lug hab Nwg yog tug khaiv Kuv lug.”
30Puab txawm npaajsab yuav nteg Yexus, tabsis tsi muaj leejtwg kaam nqeg teg le, ruaqhov tsi tau txug Nwg lub sijhawm. 31Tabsis huv cov tuabneeg coob-coob ntawd muaj ntau leej ntseeg Yexus, hab puab has tas, “Thaus tug Mexiyas lug, Nwg yuav ua tau ntau yaam txujci tseemceeb dlua le tug txivneej nuav hab lov?”
Puab Khaiv Tubrog Moog Nteg Yexus
32Cov Falixais nov cov tuabneeg coob-coob ntawd sisntxhi zumzawg txug Yexus, tes cov Falixais hab cov thawj povthawj hlub txawm khaiv ib co tubrog moog nteg Yexus. 33Yexus has tas, “Kuv yuav nrug mej nyob ib nyuas ntu ntxiv, dlhau ntawd, Kuv yuav rov moog cuag tug kws khaiv Kuv lug. 34Mej yuav nrhav Kuv, tabsis mej yuav nrhav tsi tau Kuv, vim qhov chaw kws Kuv yuav moog ntawd, mej moog tsi tau.”
35Cov Yudais tej numtswv sisnug zumzawg has tas, “Nwg yuav moog qhovtwg kws yuav ua rua peb nrhav tsi tau Nwg? Puas yog Nwg yuav moog rua peg cov tuabneeg Kilis tej nroog kws muaj peb cov tuabneeg nyob, hab qha cov tuabneeg Kilis ntawd? 36Nwg has tas peb yuav nrhav Nwg, tabsis peb yuav nrhav tsi tau Nwg, hab qhov kws Nwg yuav moog ntawd, peb moog tsi tau. Nwg has le ntawd, lub ntsab yog lecaag?”
Tug Dlej Kws Cawm Tuabneeg Txujsa
37Nub ua kevcai xaus kws yog nub tseemceeb kawg nkaus, Yexus sawvntsug has nrov-nrov rua suavdlawg tas, “Tug kws nqhes dlej cale lug cuag Kuv, hab tug kws ntseeg Kuv, cale lug haus dlej. #Levi 23:36 38Lawvle Vaajtswv Txujlug has tas, ‘Tug dlej kws cawm tuabneeg txujsa yuav txhawv huv tug ntawd lub sab lug.’ ”#7:38: Yexus cov lug kws nyob huv nqai 37-38 yuav muab txhais has tas “Tug kws nqhes dlej cale lug cuag Kuv, hab tug kws ntseeg Kuv, cale lug haus dlej. 38 Lawvle Vaajtswv txujlug has tas, ‘Tug dlej kws cawm tuabneeg txujsa yuav txhawv huv tug ntawd lub sab lug.’ ” #Exek 47:1; Xekhali 14:8 39Yexus has le nuav, yog has txug Vaaj Ntsujplig, kws yog leejtwg ntseeg Nwg, tug ntawd yuav tau txais. Thaus lub sijhawm ntawd Vaajtswv tseem tsi tau khaiv Vaaj Ntsujplig lug, ruaqhov Vaajtswv tseem tsi tau tsaa Yexus ua tug muaj tshwjchim ci ntsaa-ab.
Kev Sisfaib Ntawm Cov Tuabneeg
40Thaus cov tuabneeg coob-coob ntawd nov Yexus has le ntawd, muaj qeeleej has tas, “Tug txivneej nuav yog tug xwbfwb cev Vaajtswv#7:40: tug xwbfwb cev Vaajtswv lug: saib 1:21. lug tag!”
41Lwmtug has tas, “Nwg yog tug Mexiyas!”
Tabsis muaj qeeleej has tas, “Tug Mexiyas yuav tsi tuaj peg Kalilais tuaj ib zag le! 42Vaajtswv Txujlug has tas, tug Mexiyas yuav yog vaajntxwv Daviv le caajceg, hab Nwg yuav lug yug huv lub nroog Npelehees kws thaus u Daviv nyob.” #2Xamu 7:21; Mikha 5:2 43Yogle ntawd, cov pejxeem txawm muaj kev sisfaib, vim qhov kws puab siscaav has txug Yexus. 44Muaj qeeleej xaav nteg Yexus, tabsis tsi muaj leejtwg kaam nqeg teg le.
Cov Yudais Tej Numtswv Tsi Ntseeg Yexus
45Thaus cov faajxwm rov moog txug, cov thawj povthawj hlub hab cov Falixais nug puab has tas, “Uacaag mej tsi nteg Nwg lug?”
46Cov faajxwm teb tas, “Tsi tau muaj dlua leejtwg kws yuav txawj has npaum tug txivneej nuav has le!”
47Cov Falixais nug puab has tas, “Puas yog Nwg ntxag tau mej yuamkev lawm hab lov? 48Puas tau muaj ib tug ntawm cov numtswv lossis ntawm cov Falixais laam cale ntseeg Nwg lawm nua maj? 49Cov tuabneeg coob-coob ntawm nuav yeej tsi paub Mauxes txuj Kevcai le, yogle ntawd, puab txhaj raug Vaajtswv lulug foom phem!”
50Cov Falixais ntawd muaj ib tug yog Nikaudemaus, yog tug kws tub moog ntsib Yexus ib zag lawm. Nwg has rua puab tas, #Yauh 3:1-2 51“Lawvle peb txuj Kevcai, peb yuav txavtxim tsi tau rua ib tug twg uantej kws peb tsi tau nov nwg peev lug hab taug nwg zaaj seb nwg tau ua dlaabtsi lawm tag.”
52Puab teb tas, “Puas yog koj tuaj peg Kalilais tuaj hab? Koj cale moog tshawb huv Vaajtswv tej Lug, koj txhaj yuav paub tas yeej tsi muaj ib tug xwbfwb cev Vaajtswv lug kws tuaj#7:52: tsi muaj ib tug xwbfwb cev Vaajtswv lug kws tuaj; muaj ib phoo qub has tas tug Xwbfwb cev Vaajtswv lug yeej tsi tuaj. peg Kalilais tuaj le.”
[ 53Tes puab nyag txawm rov moog nyag tsev lawm.
Trenutno izabrano:
:
Istaknuto
Podeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2022 United Bible Societies. All rights reserved.