Genesis 1
1
Garrayyu Gunhu'yu bokmara bukmak nhä malanha warrpam
1:1—2:4 (God made everything)
1Ŋäthilinydja ŋurruthaŋalanydja walŋu yukurrana nhinana ŋayipi-waŋgany Gunhu' God Waŋarr, ŋunhi yaka muka yana wäŋa dhuwalanydja munathany'tja maḻŋ'thurruna. Bala yana ŋayi bokmarana Gunhu'yu dhuwalana wäŋa, munatha'na ga gapuna ga djiwarr'nha. 2Ŋunhi ŋayi ŋurruthaŋalanydja dhuwala munathany'tja wäŋa maḻŋ'thurruna buyuwuyu muka yana, ŋula nhämiriw muka, gapuyuŋga yana yukurrana ŋapa-ŋäkirrmaraŋala, ga munha'yurruna yukurrana djingaryurrunanydja, warrpam munhayu monyguŋala gapunhanydja ŋunhiyi, yurru watanydja ŋunhiyi Gunhu'wuna nhanŋuwaynha walŋamirrina Birrimbirr yukurrana mali'-maliyurruna ŋuliwitjarra ŋapakurrunydja gapukurru.
3Bala ŋuliŋuruyinydja Gunhu' waŋanana, “Ma' djarraṯawun'thiyana,” bitjarra. Bala yuwalkthi djarraṯawun'thinanydja wäŋa dhuwalanydja. 4Gunhu'yu nhäŋala ŋunhiyi djarraṯawun', bala ḻatju' ḻakaraŋalana, bala yana ŋayi ganaŋ'maraŋalana djarraṯawun'nhanydja beŋuru bukumunhaŋurunydja. 5Bala ŋayi yäku nherrara djarraṯawun'tja waluwuynha, ga munhanydja ŋayi yäku nherrara munhakuna. Ga ŋunhiyinydja ŋurruŋuna munha.
6Gaḻmunhanydja djuḻkthurrunana, bala djaḏaw'yurrunanydja goḏarr'nha, bala Gunhu' waŋana bitjarrana, “Garrwarnydja yurru dhärra yukurra, balanyara bitjan bala'pala, bala yurru gapunydja guḻk-guḻkthunmirrina märrma'lilina,” bitjarra. Bala yuwalkthi garrwarnydja maḻŋ'thurrunana. 7Gunhu'yu djäma bitjarrayi bala'palakuŋala, bala ŋayi guḻk-guḻkthurrunana gapunhanydja, märrma'kuŋalana, bala gurrunhara gapunydja ḏuwaṯnha garrwarnha walŋu, ga wiripunydja gapu dhipala bäyma munatha'lili. 8Bala ŋayi Gunhu'yu yäkunydja nherrara bala'palanydja gäraknha. Ga ŋunhiyinydja bitjarrayi wiripuŋuyuna munhayu.
9Ga munha djuḻkthurruna, bala djaḏaw'yurruna goḏarr'nha, bala Gunhu' waŋana bitjarrana, “Dhuwala gapu ŋunhi yukurra bäni dhuwala munathaŋuranydja yurru guḻk-guḻkthunmirrina, yuwupthunna waŋganylilina, märr yukurra yurru wäŋa ŋarakanydja dhärra baṉḏany' yana,” bitjarra. Bala yuwalkthi ŋunhi maḻŋ'thurrunanydja munathany'tja wäŋa, ga gapu ŋunhi giṯthurruna waŋganylilina. 10Bala Gunhu'yu yäku nherrara ŋarakanydja wäŋa munatha'na, ga giṯthunaranydja gapu ŋayi yäku nherrara moṉuknha. Bala ŋayi goŋmirriyinana nhäŋalanydja ŋunhiyi nhanukuŋuway djämawuynydja, bala ḻatju' ḻakaraŋalana.
11Ga biyapul ŋayi Gunhu' waŋana bitjarra, “Ŋunhalanydja yurru munathaŋuranydja ŋuthan yukurra birrka'mirrina borum dharpa ga mulmu, ŋatha dhika nhäna malanha.” Bala yuwalkthi ŋunhi maḻŋ'thurrunanydja. 12Birrka'mirrina dharpanydja yukurrana maḻŋ'thurrunana, borum dharpa, ŋatha ga birrka'mirrina nhäna malanha mulmu. Bala ŋayi Gunhu'yu nhäŋalanydja goŋmirriyinana ŋunhiyi nhanukuŋuway djämawuynydja, bala ḻatju' ḻakaraŋalana. 13Ga ŋunhiyinydja bitjarrayi wiripuŋuyuna munhayu.
14-15Ga djuḻkthurruna munhanydja, bala djaḏaw'yurruna goḏarr'nha, bala ŋayi Gunhu' waŋana bitjarra. “Djarraṯawun'tja yukurra yurru dhärra garrwarnydja, märrma' bathalanydja maṉḏanha, barrkuwatj maṉḏa yurru yulŋunydja, ganaŋ'marama yurru waluwuynha munhakuŋurunydja. Dhiyaŋu djarraṯawun'thunydja maṉḏaŋuyu yurru djarraṯawun'kuma dhuwala munatha'na, räkukuma yukurra, ga bitjandhiyi maṉḏa yurru yukurra ḻakaramanydja wiripuŋuyamana walunydja ga dhuŋgarranhanydja ga walu borummirriyinyarawu”, bitjarra ŋayi Gunhu' waŋananydja. Bala yana yuwalkthi maḻŋ'thurrunanydja. 16Yo, Gunhu'yu bitjarrayinydja bokmara märrma' yindinydja djarraṯawun' maṉḏanha. Ŋayi djäma walunydja walu-ŋupanarawu nhinanharawu, ga ŋaḻindinydja ŋayi djäma munha-ŋupanarawu nhinanharawu, ga biyapul ŋayi djäma ganyuny'tja malanha guḻkuny'tja walŋu; 17nherraranydja ŋayi ŋunhiyi garrwarlilina malanha, märr walala yukurra yurru djarraṯawun'kuma lili munatha' wäŋa, 18yana räkukunharawu walu-ŋupanarawu ga munha-ŋupanarawu, bitjan ganaŋ'marama waluwuynhanydja munhaŋuru. Bala ŋayi Gunhu'yu goŋmirriyinana nhäŋalanydja ŋunhiyi nhanukuŋuway djämawuynydja, bala ḻatju' ḻakaraŋalana ŋayi. 19Ga ŋunhiyinydja bitjarrayi wiripuŋuyuna munhayu.
20Ga munhanydja djuḻkthurruna, bala djaḏaw'yurruna goḏarr'nha, bala ŋayi Gunhu' waŋana bitjarra, “Guḻku'na yurru yukurra guyanydja malanha ŋorra gapuŋuranydja ŋunhalayi, ga wäyin yurru yukurra buṯthunna ŋula gärakkurrunydja,” bitjarra. Bala yuwalkthi ŋunhi maḻŋ'thurrunanydja balanyarayinydja malanha. 21Gunhu'yu bitjarrayi bokmara wakinmirrinhanydja walŋu guyanha, ga yumurrku'nha malaŋunha, wiripuŋunha ga wiripuŋunha nhänha malaŋunha ŋunhi nhina yukurra gapuŋura; ga biyapul wäyinnha ŋayi bokmarayi wiripuŋunha ga wiripuŋunha malaŋunha buṯthunaramirrinha. Bala ŋayi goŋmirriyinana nhäŋalanydja ŋunhiyi nhanukuŋuway djämawuynydja, bala ḻatju' ḻakaraŋalana.
22Bala ŋayi Gunhu' waŋana dhäruktja, bitjarra goŋmirriyaŋalana dhikana ŋayi walalanha, “Nhuma nhä malanha ŋunhi nhuma yukurra nhina gapuŋura, nhumanydja yurru biyapulnha mala-guḻku'yirri walŋu, dhaŋaŋdhirrina yurru biyapulnha walŋu gapuŋuranydja. Ga nhuma wäyin buṯthunaramirri malanha yurru bitjandhiyi liŋgu mala-wunharamirri, guḻku'yirrina yurru biyapulnha mala,” bitjarra ŋayi Gunhu' waŋananydja. 23Ga ŋunhiyinydja bitjarrayi wiripuŋuyuna munhayu.
24Ga munhanydja djuḻkthurruna, bala djaḏaw'yurruna goḏarr'nha, bala ŋayi Gunhu' waŋana bitjarra, “Dhiyalimi munathaŋuranydja yukurra yurru nhina wiripu ga wiripu wäyin malanha, yumurrku' wäyin ga wakinmirri, goŋmirri ga wakinŋu ḏiltjiwuy wäyin,” bitjarra. Bala yuwalkthina ŋunhi bitjarrayi maḻŋ'thurrunanydja. 25Yo, Gunhu'yu bitjarrayi bokmaranydja birrka'mirrinha wäyinnhanydja malaŋunha, yumurrku'nha ga wakinmirrinha. Bala ŋayi Gunhu'yunydja goŋmirriyinana nhäŋalanydja ŋunhiyi nhanukuŋuway djämawuynydja, bala ḻatju' ḻakaraŋalana.
26Ga ŋuliŋurunydja dhurrwaraŋuru ŋayi Gunhu' waŋana bitjarrana, “Ŋilimurru dhiyaŋunydja-wala yurru djäma yolŋunhana ŋi, yurru yolŋunydja yurru malinydja ŋunhi bitjan ŋilimurruway yana. Ŋilimurru yurru nherraṉdja yolŋuwala goŋlili bukmak ŋunhi ŋarrakuŋu bokmanaranydja, guya ga wäyin malanha, buṯthunaramirri ga marrtjinyamirri ga gaḻ'yunaramirri wäyin, bathalamirri ga yumurrku'; bukmaknha yurru dhuwalayi malanha yolŋuwala yana djäkaŋura,” bitjarra ŋayi Gunhu' waŋananydja.
27Bala Godthu djäma yolŋunhana mali bitjan ŋayipi djan'ku yana; ŋayi djämanydja yolŋunha ŋayaŋumirri ga ḻiyamirri yana, märr yurru ŋayi nhina yukurra waŋganyŋura Godkala nhanukalay ŋayi djarr'yunarayu. Yo, djämanydja ŋayi yolŋunha maṉḏanha, ḏarramunha ga miyalknha. 28Bala ŋayi waŋananydja maṉḏakala, goŋmirriyaŋalana manapara bitjarrana, “Nhumalaŋguŋunydja yurru walkur-märranhara yukurra guḻku'na mirithirrina walŋu yo-yuthu; walala yurru yukurra nhumalaŋguŋu mala-wunharamirrina barrkuwatjthirrina wäŋalilina malaŋulili bawala'mirrililina, bala walalana yurru goŋdhu ŋayathama yukurra wäŋanydja dhuwala munathany'tja, ga bitjarrayi ŋarra nherrara goŋlili nhumalaŋgala yolŋu'-yulŋuwalanydja bukmak nhä malanha ŋunhi yukurra marrtji'-marrtji gapukurru ga ŋula munatha'kurru ga gärakkurru buṯthu'-buṯthun.”
29Ga biyapul Gunhu' waŋana maṉḏakala bitjarra, “Ŋarra gurrunhara wiripu ga wiripu borum ga ŋatha nhumalaŋgunydja yolŋu'-yulŋuwunydja ḻukanharawu, 30ga walalanydja yurru wäyindhunydja ḻuka mulmu ga marwat dharpawuy, liŋgu dhuwalayi malanha ŋarra gurrunhara walalaŋgunydja ḻukanharawu, ŋurikiyi yumurrku'wu ga bathalawu wäyingu ga wäyingu buṯthunaramirriwu.” Bala yuwalkthina maḻŋ'thurrunanydja. 31Gunhu'yu nhäŋalanydja yukurrana ŋunhiyi nhä malanha ŋayi djäma, bala ŋayi goŋmirriyinana nhäŋalanydja, bala ḻakaraŋala ḻatju' dhika walŋu, warrpam yana. Ga ŋunhiyinydja bitjarrayi wiripuŋuyuna munhayu.
Trenutno izabrano:
Genesis 1: gnnNTOTPO
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 1989, Uniting Church of Australia
Genesis 1
1
Garrayyu Gunhu'yu bokmara bukmak nhä malanha warrpam
1:1—2:4 (God made everything)
1Ŋäthilinydja ŋurruthaŋalanydja walŋu yukurrana nhinana ŋayipi-waŋgany Gunhu' God Waŋarr, ŋunhi yaka muka yana wäŋa dhuwalanydja munathany'tja maḻŋ'thurruna. Bala yana ŋayi bokmarana Gunhu'yu dhuwalana wäŋa, munatha'na ga gapuna ga djiwarr'nha. 2Ŋunhi ŋayi ŋurruthaŋalanydja dhuwala munathany'tja wäŋa maḻŋ'thurruna buyuwuyu muka yana, ŋula nhämiriw muka, gapuyuŋga yana yukurrana ŋapa-ŋäkirrmaraŋala, ga munha'yurruna yukurrana djingaryurrunanydja, warrpam munhayu monyguŋala gapunhanydja ŋunhiyi, yurru watanydja ŋunhiyi Gunhu'wuna nhanŋuwaynha walŋamirrina Birrimbirr yukurrana mali'-maliyurruna ŋuliwitjarra ŋapakurrunydja gapukurru.
3Bala ŋuliŋuruyinydja Gunhu' waŋanana, “Ma' djarraṯawun'thiyana,” bitjarra. Bala yuwalkthi djarraṯawun'thinanydja wäŋa dhuwalanydja. 4Gunhu'yu nhäŋala ŋunhiyi djarraṯawun', bala ḻatju' ḻakaraŋalana, bala yana ŋayi ganaŋ'maraŋalana djarraṯawun'nhanydja beŋuru bukumunhaŋurunydja. 5Bala ŋayi yäku nherrara djarraṯawun'tja waluwuynha, ga munhanydja ŋayi yäku nherrara munhakuna. Ga ŋunhiyinydja ŋurruŋuna munha.
6Gaḻmunhanydja djuḻkthurrunana, bala djaḏaw'yurrunanydja goḏarr'nha, bala Gunhu' waŋana bitjarrana, “Garrwarnydja yurru dhärra yukurra, balanyara bitjan bala'pala, bala yurru gapunydja guḻk-guḻkthunmirrina märrma'lilina,” bitjarra. Bala yuwalkthi garrwarnydja maḻŋ'thurrunana. 7Gunhu'yu djäma bitjarrayi bala'palakuŋala, bala ŋayi guḻk-guḻkthurrunana gapunhanydja, märrma'kuŋalana, bala gurrunhara gapunydja ḏuwaṯnha garrwarnha walŋu, ga wiripunydja gapu dhipala bäyma munatha'lili. 8Bala ŋayi Gunhu'yu yäkunydja nherrara bala'palanydja gäraknha. Ga ŋunhiyinydja bitjarrayi wiripuŋuyuna munhayu.
9Ga munha djuḻkthurruna, bala djaḏaw'yurruna goḏarr'nha, bala Gunhu' waŋana bitjarrana, “Dhuwala gapu ŋunhi yukurra bäni dhuwala munathaŋuranydja yurru guḻk-guḻkthunmirrina, yuwupthunna waŋganylilina, märr yukurra yurru wäŋa ŋarakanydja dhärra baṉḏany' yana,” bitjarra. Bala yuwalkthi ŋunhi maḻŋ'thurrunanydja munathany'tja wäŋa, ga gapu ŋunhi giṯthurruna waŋganylilina. 10Bala Gunhu'yu yäku nherrara ŋarakanydja wäŋa munatha'na, ga giṯthunaranydja gapu ŋayi yäku nherrara moṉuknha. Bala ŋayi goŋmirriyinana nhäŋalanydja ŋunhiyi nhanukuŋuway djämawuynydja, bala ḻatju' ḻakaraŋalana.
11Ga biyapul ŋayi Gunhu' waŋana bitjarra, “Ŋunhalanydja yurru munathaŋuranydja ŋuthan yukurra birrka'mirrina borum dharpa ga mulmu, ŋatha dhika nhäna malanha.” Bala yuwalkthi ŋunhi maḻŋ'thurrunanydja. 12Birrka'mirrina dharpanydja yukurrana maḻŋ'thurrunana, borum dharpa, ŋatha ga birrka'mirrina nhäna malanha mulmu. Bala ŋayi Gunhu'yu nhäŋalanydja goŋmirriyinana ŋunhiyi nhanukuŋuway djämawuynydja, bala ḻatju' ḻakaraŋalana. 13Ga ŋunhiyinydja bitjarrayi wiripuŋuyuna munhayu.
14-15Ga djuḻkthurruna munhanydja, bala djaḏaw'yurruna goḏarr'nha, bala ŋayi Gunhu' waŋana bitjarra. “Djarraṯawun'tja yukurra yurru dhärra garrwarnydja, märrma' bathalanydja maṉḏanha, barrkuwatj maṉḏa yurru yulŋunydja, ganaŋ'marama yurru waluwuynha munhakuŋurunydja. Dhiyaŋu djarraṯawun'thunydja maṉḏaŋuyu yurru djarraṯawun'kuma dhuwala munatha'na, räkukuma yukurra, ga bitjandhiyi maṉḏa yurru yukurra ḻakaramanydja wiripuŋuyamana walunydja ga dhuŋgarranhanydja ga walu borummirriyinyarawu”, bitjarra ŋayi Gunhu' waŋananydja. Bala yana yuwalkthi maḻŋ'thurrunanydja. 16Yo, Gunhu'yu bitjarrayinydja bokmara märrma' yindinydja djarraṯawun' maṉḏanha. Ŋayi djäma walunydja walu-ŋupanarawu nhinanharawu, ga ŋaḻindinydja ŋayi djäma munha-ŋupanarawu nhinanharawu, ga biyapul ŋayi djäma ganyuny'tja malanha guḻkuny'tja walŋu; 17nherraranydja ŋayi ŋunhiyi garrwarlilina malanha, märr walala yukurra yurru djarraṯawun'kuma lili munatha' wäŋa, 18yana räkukunharawu walu-ŋupanarawu ga munha-ŋupanarawu, bitjan ganaŋ'marama waluwuynhanydja munhaŋuru. Bala ŋayi Gunhu'yu goŋmirriyinana nhäŋalanydja ŋunhiyi nhanukuŋuway djämawuynydja, bala ḻatju' ḻakaraŋalana ŋayi. 19Ga ŋunhiyinydja bitjarrayi wiripuŋuyuna munhayu.
20Ga munhanydja djuḻkthurruna, bala djaḏaw'yurruna goḏarr'nha, bala ŋayi Gunhu' waŋana bitjarra, “Guḻku'na yurru yukurra guyanydja malanha ŋorra gapuŋuranydja ŋunhalayi, ga wäyin yurru yukurra buṯthunna ŋula gärakkurrunydja,” bitjarra. Bala yuwalkthi ŋunhi maḻŋ'thurrunanydja balanyarayinydja malanha. 21Gunhu'yu bitjarrayi bokmara wakinmirrinhanydja walŋu guyanha, ga yumurrku'nha malaŋunha, wiripuŋunha ga wiripuŋunha nhänha malaŋunha ŋunhi nhina yukurra gapuŋura; ga biyapul wäyinnha ŋayi bokmarayi wiripuŋunha ga wiripuŋunha malaŋunha buṯthunaramirrinha. Bala ŋayi goŋmirriyinana nhäŋalanydja ŋunhiyi nhanukuŋuway djämawuynydja, bala ḻatju' ḻakaraŋalana.
22Bala ŋayi Gunhu' waŋana dhäruktja, bitjarra goŋmirriyaŋalana dhikana ŋayi walalanha, “Nhuma nhä malanha ŋunhi nhuma yukurra nhina gapuŋura, nhumanydja yurru biyapulnha mala-guḻku'yirri walŋu, dhaŋaŋdhirrina yurru biyapulnha walŋu gapuŋuranydja. Ga nhuma wäyin buṯthunaramirri malanha yurru bitjandhiyi liŋgu mala-wunharamirri, guḻku'yirrina yurru biyapulnha mala,” bitjarra ŋayi Gunhu' waŋananydja. 23Ga ŋunhiyinydja bitjarrayi wiripuŋuyuna munhayu.
24Ga munhanydja djuḻkthurruna, bala djaḏaw'yurruna goḏarr'nha, bala ŋayi Gunhu' waŋana bitjarra, “Dhiyalimi munathaŋuranydja yukurra yurru nhina wiripu ga wiripu wäyin malanha, yumurrku' wäyin ga wakinmirri, goŋmirri ga wakinŋu ḏiltjiwuy wäyin,” bitjarra. Bala yuwalkthina ŋunhi bitjarrayi maḻŋ'thurrunanydja. 25Yo, Gunhu'yu bitjarrayi bokmaranydja birrka'mirrinha wäyinnhanydja malaŋunha, yumurrku'nha ga wakinmirrinha. Bala ŋayi Gunhu'yunydja goŋmirriyinana nhäŋalanydja ŋunhiyi nhanukuŋuway djämawuynydja, bala ḻatju' ḻakaraŋalana.
26Ga ŋuliŋurunydja dhurrwaraŋuru ŋayi Gunhu' waŋana bitjarrana, “Ŋilimurru dhiyaŋunydja-wala yurru djäma yolŋunhana ŋi, yurru yolŋunydja yurru malinydja ŋunhi bitjan ŋilimurruway yana. Ŋilimurru yurru nherraṉdja yolŋuwala goŋlili bukmak ŋunhi ŋarrakuŋu bokmanaranydja, guya ga wäyin malanha, buṯthunaramirri ga marrtjinyamirri ga gaḻ'yunaramirri wäyin, bathalamirri ga yumurrku'; bukmaknha yurru dhuwalayi malanha yolŋuwala yana djäkaŋura,” bitjarra ŋayi Gunhu' waŋananydja.
27Bala Godthu djäma yolŋunhana mali bitjan ŋayipi djan'ku yana; ŋayi djämanydja yolŋunha ŋayaŋumirri ga ḻiyamirri yana, märr yurru ŋayi nhina yukurra waŋganyŋura Godkala nhanukalay ŋayi djarr'yunarayu. Yo, djämanydja ŋayi yolŋunha maṉḏanha, ḏarramunha ga miyalknha. 28Bala ŋayi waŋananydja maṉḏakala, goŋmirriyaŋalana manapara bitjarrana, “Nhumalaŋguŋunydja yurru walkur-märranhara yukurra guḻku'na mirithirrina walŋu yo-yuthu; walala yurru yukurra nhumalaŋguŋu mala-wunharamirrina barrkuwatjthirrina wäŋalilina malaŋulili bawala'mirrililina, bala walalana yurru goŋdhu ŋayathama yukurra wäŋanydja dhuwala munathany'tja, ga bitjarrayi ŋarra nherrara goŋlili nhumalaŋgala yolŋu'-yulŋuwalanydja bukmak nhä malanha ŋunhi yukurra marrtji'-marrtji gapukurru ga ŋula munatha'kurru ga gärakkurru buṯthu'-buṯthun.”
29Ga biyapul Gunhu' waŋana maṉḏakala bitjarra, “Ŋarra gurrunhara wiripu ga wiripu borum ga ŋatha nhumalaŋgunydja yolŋu'-yulŋuwunydja ḻukanharawu, 30ga walalanydja yurru wäyindhunydja ḻuka mulmu ga marwat dharpawuy, liŋgu dhuwalayi malanha ŋarra gurrunhara walalaŋgunydja ḻukanharawu, ŋurikiyi yumurrku'wu ga bathalawu wäyingu ga wäyingu buṯthunaramirriwu.” Bala yuwalkthina maḻŋ'thurrunanydja. 31Gunhu'yu nhäŋalanydja yukurrana ŋunhiyi nhä malanha ŋayi djäma, bala ŋayi goŋmirriyinana nhäŋalanydja, bala ḻakaraŋala ḻatju' dhika walŋu, warrpam yana. Ga ŋunhiyinydja bitjarrayi wiripuŋuyuna munhayu.
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 1989, Uniting Church of Australia