ทิน เต่ย โต้ว 7

โนยา เปียะ ฑั้ง

1 เฒี้ยว ก๊อง บั๋ว โนยา, “เม่ย เหธา เม่ย เญย เหยียด เปย๊า ฮมวั้ง ต่อย อ๋อย หฒุ เปียะ ฑั้ง อ๊ะ. เยียม น้าย จ๋า ลู่ง เดี๊ย เยีย ปวัด ขูง เม่ย กั้น ฮนั้ง โหฒว ตุ๊ หอบ เยีย เญย เฮญี้ยว. 2ตะฟ่าน ไม้ ม่าย หวุย เญย แซง-คู้, อ๋อย หฒุ ต้อ เหยียด หญู่ง เสี่ย ต๋อย, เสี่ย เต้า โก๊ว เสี่ย เต้า เญ์ย, เปียะ ฑั้ง. ม่าย หวุย เญย แซง-คู้ อ๋อย หฒุ ต้อ เหยียด หญู่ง เหยียด ต๋อย, เหยียด เต้า โก๊ว เหยียด เต้า เญ์ย. 3เยียม ด๊าม-ลู่ง เญย เหนาะ เหยียด หญู่ง อ๋อย หฒุ ต้อ เสี่ย ต๋อย, เหยียด ต๋อย ม่าย นอม ก๋อง ม่าย นอม เญ์ย. อ๋อย หฒุ ฮนั้ง น้าย นอ เสีย ธ้วด เหนาะ เหธา แซง-คู้ เญย แหม่ง เหว่ย ปุน เยียม ลู่ง เดี๊ย โต่ว ป๊วน. 4เยียม น้าย มี่ง เสี่ย ฮนอย ฮนั้ง, เยีย อ๋อย ปุน ลู่ง ตุ้ย บยู่ง เฝย เหฒียบ ฮนอย เฝย เหฒียบ ม์วน. เยีย หย่า อ๋อย เฒาะ เยีย เหฒย ต้าย เยียม เดา-เป้ย ม่าย แหม่ง เญย หญู่งๆ กะน้าย เหมียด เหฑ่ง.”

5โนยา ฯฒฯ เอย เจี๊ยน เฒี้ยว พ้าย เญย หว่า โหฒว เหฒียง เหฑ่ง.

6บยู่ง-ซุ้ย-อิ๋ม เหยียม ลู่ง เดี๊ย วั้ว หฒั่น, โนยา ตุ๊ หลัวะ แป๊ะ หฮญัง. 7นิ่น เหธา นิ่น เญย เอ๊า-เจว๊ย ตอน-บวั์ง เปียะ ฑั้ง มี่ง เปย๋า ดุ๊ด บยู่ง-ซุ้ย-อิ๋ม เหยียม.#มัดทาย 24:38-39; ลูกา 17:27 8ม่าย หวุย ไฟ ไม้ ม่าย หวุย เญย แซง-คู้ เหธา เหนาะ เหธา ญอง เดา-เป้ย เญย กะน้าย 9เหยียด ต๋อย เหยียด ต๋อย เญย, ม่าย เต้า โก๊ว ม่าย เต้า เญ์ย, ต้าย เหธา โนยา เปียะ ฑั้ง เอย ทิน-ฮู่ง พ้าย เญย หว่า. 10เจี๋ย ลิ์ว เสี่ย ฮนอย, บยู่ง-ซุ้ย-อิ๋ม เหยียม ลู่ง เดี๊ย อ๊ะ.

11โนยา ปวั๊ง หลัวะ แป๊ะ หฮญัง วั้ว หฮญัง, เหญ่ย หฮลา เหฒียบ เธี้ยด วั้ว ฮนอย, เดา-เดี๊ย เญย ววม-ฒี้ง เบ๋ว ธ้วด, ลู่ง เญย แก้ง เหยียด ฒู้ง ฆอย,#2 ปีเต 3:6 12ตุ้ย ต้ม บยู่ง เหฌี่ย เฝย เหฒียบ ฮนอย เฝย เหฒียบ ม์วน.

13ต้ง วั้ว ฮนอย, โนยา เหธา นิ่น เญย ปัว เต้า ตอน, เซม, ฮาม เหธา ยาเฟ้ด เหธา โนยา เญย เอ๊า เหธา นิ่น เญย ปัว เต้า บวั์ง เปียะ ฑั้ง. 14นิ่น บัว ต้อ หญู่งๆ เฮยี่ย ฒ่อย, หญู่งๆ แซง-คู้ เหธา หญู่งๆ ญอง เดา-เป้ย เญย กะน้าย. นิ่น บัว หย่า ต้อ หญู่งๆ เหนาะ, เซ เหยียด ฒู้ง ม่าย ด๊าด เญย กะน้าย, เหยียด หญู่ง หฒิว เหยียด หญู่ง เญย ป๊วน. 15เหยียด ฒู้ง ม่าย แหม่ง เญย กะน้าย, เหยียด หญู่ง ม่าย เหยียด หญู่ง เญย ต๋อย, ต้าย เหธา โนยา เปียะ ฑั้ง. 16ต้าย เปียะ ฑั้ง เญย หญู่งๆ แซง-คู้, ม่าย เต้า โก๊ว ม่าย เต้า เญ์ย, หฒิว ทิน-ฮู่ง พ้าย โนยา เญย หว่า. เฒี้ยว กั้น ฯฒฯ กวน เจี๊ยน ฑั้ง เญย แก้ง.

บยู่ง-ซุ้ย-อิ๋ม เหยียม ลู่ง เดี๊ย

17บยู่ง-ซุ้ย-อิ๋ม เหยียม เจี๊ยน เดา ฝาว เฝย เหฒียบ ฮนอย. ววม ปวั๊ง เจี๊ยน ฝาว, ฑั้ง ฯฒฯ เยียม เดา-เป้ย เบี้ยว เจี๊ยน ฝาว. 18ววม ปวั๊ง เจี๊ยน ฝาว, ฑั้ง เบี้ยว เจี๊ยน ววม-หมิ่น มี่ง. 19ววม ปวั๊ง เจี๊ยน ฝาว เถา เหยียม เหฑ่ง ลู่ง เดี๊ย ฮลัง เจี๋ย เญย บง-นี้ง. 20หธ่อ แอ๋ง เหยียม ฝาว หฒิ บง-นี้ง เหฒียบ ฮม์ เดาะ.

21หญู่งๆ เยียม เดา-เป้ย ม่าย แหม่ง, ไฮ่ ต์ง เญย กะน้าย, เซ เหนาะ เหธา แซง-คู้ เฮยี่ย ฒ่อย, ไฮ่ ญอง เดา เญย กะน้าย เหธา เมี่ยน ม่าน ไต่ เหฑ่ง หมี่ อ๊ะ. 22ตะฟ่าน เยียม เดา-เป้ย ม่าย แหม่ง, ไฮ่ เท้า เฉีย เญย กะน้าย ไต่ เหฑ่ง หมี่ อ๊ะ. 23เยียม เดา-เป้ย ม่าย แหม่ง เญย กะน้าย เหยียด ฒู้ง หฒุ กว๊าด หฒุ เหมียด เหฑ่ง. เลี่ยม เมี่ยน ม่าน, แซง-คู้, ไฮ่ ญอง เดา เญย กะน้าย เหธา เยียม ด๊าม-ลู่ง เญย เหนาะ หฒุ กว๊าด หฒุ เหมียด เหฑ่ง. ขูง เหฒ่ง โนยา แอ๋ง เหธา นิ่น เยียม ฑั้ง กะญั์ว วั้ว เต๋ย ฮนั้ง.

24ววม เหยียม เจี๊ยน ลู่ง เดี๊ย เหยียด แป๊ะ ฮม์ เหฒียบ ฮนอย.

Trenutno izabrano:

ทิน เต่ย โต้ว 7: IuMiTH

Istaknuto

Podijeli

Kopiraj