Yohane NYA TSƆƆMI
NYA TSƆƆMI
Yohane Sane Kpakpa a tsɔɔ kaa Yesu ji Mawu Munyu nɛ ngɛ kɛ yaa neneene ɔ nɛ. Munyu ɔ “ba plɛ pee adesa, nɛ e kɛ wɔ hi si.” Womi ɔ nitsɛ tsɔɔ kaa Yohane ngma sane kpakpa nɛ ɔ, konɛ nihi nɛ maa kane ɔ, a he ye kaa Yesu ji Mawu Bi ɔ nɛ a wo si kaa e ma ba kpɔ je ɔ; nɛ ke a he Yesu ye ɔ, a ma he a yi wami (20.31).
Sisije ɔ, womi ɔ tsɔɔ nya kpiti kaa Yesu ji Mawu Munyu ɔ nɛ ngɛ kɛ yaa neneene ɔ nɛ. Lɔ ɔ se ɔ, e tsɔɔ okadi komɛ nɛ Yesu pee kɛ tsɔɔ kaa lɛ ji kpɔlɔ kɛ Mawu Bi ɔ nɛ a wo si ke e ma ba kpɔ je ɔ nɛ. Jehanɛ ɔ, okadihi nɛ e to ni ɔmɛ ɔ, e tsɔɔ nya. Womi ɔ tsɔɔ kaa ni komɛ he Yesu ye, nɛ a nyɛɛ e se; se ni komɛ te si ngɔ si lɛ, nɛ a he we lɛ yi. Yi 13-17 ɔ tsɔɔ suɔmi agbo nɛ Yesu je kpo tsɔɔ e se nyɛɛli ɔmɛ jamɛ a nyɔ ɔ mi nɛ a nu lɛ ɔ, kɛ he wami womi munyuhi nɛ e tu mɛ loko a sɛu lɛ. Womi ɔ nyagbe ɔ tsɔɔ kaa a nu Yesu, nɛ a kojo lɛ; a sɛu lɛ, nɛ e gbo; se e kpale kɛ ba wami mi ekohu, nɛ e je e he si tsɔɔ e se nyɛɛli ɔmɛ si abɔ.
A kɛ yo nɛ ngɛ ajuama bɔe nɛ a nu lɛ ɔ he sane ɔ (8.1-11) wo kla mi, ejakaa e be blema womi kpohi fuu, kɛ ní nɛmɛ nɛ a tsɔɔ sisi ɔ ekomɛ a mi. Nɛ ní nɛmɛ a mi nɛ e ngɛ ɔ pohu, he kpahi a kɛ wo.
Yohane ma nɔ mi veveeve kaa Kristo nɔ a gu ngɔ neneene wami ngɔ ha je ɔ. Nihi nɛ ngɔɔ nɔ kaa Yesu ji blɔ ɔ, anɔkuale ɔ, kɛ wami ɔ, mɛ a naa kikɛmɛ a nɔke nɔ́ nɛ ɔ. Yohane ngɔɔ je mi si himi mi níhi kɛ toɔ nɔ́ he kɛ tsɔɔ mumi mi níhi a nya saminya. Ní nɛ ɔmɛ ekomɛ ji nyu, abolo, la, to hyɛlɔ kɛ e tohi, kɛ wai tso kɛ e yiblii.
Bɔ nɛ a dla womi ɔ mi ha
Sisije munyu 1.1-18
Yohane nɔ sɔlelɔ ɔ, kɛ Yesu kekleekle kaseli ɔmɛ 1.19-51
Yesu ní tsumi 2.1—12.50
Nyagbe be ɔ ngɛ Yerusalem 13.1—19.42
Nyɔmtsɛ ɔ si temi, kɛ e he kpo jemi 20.1-31
Nyagbe munyu: Nyɔmtsɛ ɔ je e he kpo ngɛ Galilea 21.1-25
Trenutno izabrano:
Yohane NYA TSƆƆMI: Dangme
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Bible in Dangme © Bible Society of Ghana, 2018.