Mattaayo Af furnaan
Af furnaan
Wora Haaggane Mattaayo chiire, saggi Yeesso ꞌDoorribehi goorat Waakh ayyiche yimiy iyahe iche cheeka. Yeesso ka Waakh wihi tuummane us ꞌdooꞌdiis Ayyinti Raagan ka iayyiche a buuhiche. Wora Haaggan la ki yaafohi Yaꞌhuude Yeesso goya kadesse toro la goya fiddiye kaldach on menye, a ki ꞌdooꞌdi harra tuumman.
Mattaayo buugga saggi mujjumenye ichiire. Inti us kasookhabte a delmaat Yeesso, ichoow saggi liibaattissiye ichoow saggi Seytaan ikaje. Wihi wahaas kasookhuccho a saggi Yeesso ili Gaalilaaya ka hiliiski Wori Haaggan lacheeko isookhabte ichoow saggi us ꞌdooꞌd walah iabche ichoow saggi us ꞌdooꞌd isamaache. Wihi sooraaho, a Yeessohi ili Gaalilaaya kasookahe, ilkerengeetti weene Yeerusaleem irte. Wahanyeyyohi teebatiisti ꞌdaꞌddaboot ka yiyyitah iꞌdi maanta saggi massalaaba liikakaahe ichoow saggi us omoot ikasookahe laka a lachiire.
Wora Haaggan wihi us katirriinsati, a Yeessohi Yeedi Waakh mujjum enenyet abcho. Usu antohi us amurreti Waakh enenyet ikababbakkaahicho a khaba toro wori dakhi Waakh miinsan enenyet a abcha. Kach ka wihi us enenyet abcho a lahaw chan.
1. Wihi usu bur ka enenyet abche. Wahaas la jiroti ꞌdooꞌdi dakhi Waakh kijiro imale ichoow hilicho ichoow kakhuufnaanki icho Waakh kakhuufaane miinsanyahiin (Aritti 5-7).
2. Waansihi abattiti tomon ichoow lammee lasiiche maanti Yeesso icho hil korche (Aritti 10).
3. Mammahohi dakhi goobi Waakh miinsan (Aritti 13).
4. Wihi abatti Yeesso lakaꞌdoono (Aritti 18).
5. Worassi jirota ꞌdubiche ichoow emeetti dakhi Waakh miinsan.
Wihi buugga goya kajiro
Hiiy ichoow delmaat Yeesso Kiriisto 1:1-2:23
Yoohanahi Enenyet Baattissiyo Kiriisto jit ihara 3:1-12
Saggi Yeesso liibaattissiye ichoow saggi Seytaan ikaje 3:13-4:11
Wihi Yeesso boroofenhi Gaalilaaya ka urur iyeele 4:12-18:35
Yeesso boroofenhi Gaalilaaya kataba ilkerengeetti weene Yeerusaleem irta 19:1-20:34
Wihi Yeesso teebati yomboote us ilkerengeetti weene Yeerusaleem kajire yeele 21:1-27:66
Saggi Kamur omoot ikasookahe ichoow saggi us abattitiis ikasoobahe 28:1-20.
Trenutno izabrano:
Mattaayo Af furnaan: rel
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2018, Wycliffe Bible Translators, Inc. All rights reserved.