ATÜNNAK 11
11
Babilon Tänghän
1Ak htük ung khomdek khan ah chang avan ung ng’thu tumat bäng om sei, täng ciah ng’thu lung gui mang man ci gui. 2Ngami cu hni law lam ah hteit u ne, Babilonia khonglei do ung gawk ne hmun tuk ci gui. 3Ngami cu ami mät ng’thu u ne, “Uk pyang ne akni ah mi ng’shai khai nei” cik ci gui. Cun ah kyasei im ami cawh nak vai ah uk gui la ami m’htak nak vai gui cu gah ci gui. 4Cun kawn ah ngami naw, “Mang gaw k’süm ne khankho ah hang gawk khai ah tänghän mi co khai. Cun ung mi mät naw mi mät mi mingthang sak ne, khomdek khan ung kä ng’phyeek ng’pai ne mi om khai” cik ci gui.
5Cun ah chang gui naw ami cawh ah mang gaw la tänghän cu teng khai ah Bawipa cu kyum lawk ci. 6Ani naw, “Tuhbäi chang avan cu pakhui tumat ah kya u ne, ami ng’thu tumat bäng om sei, shikcha ah bik ci gui. Shin cu ami tün nak ah kyak ci. Ngami naw ami mät ah ng’yak hlü hlü ah bi law hning ci gui! 7Mi yu kyum ne ami ng’thu kä ng’hmat ba khai gui ah mi k’caw pe gui khai” cine pyen ci. 8Cun kawn ah Bawipa naw chang gui cu khomdek khan avan ung püi sak gui sei, mang gaw ami cawh cu kä co ba hlawt ci gui. 9Bawipa naw chang gui ah ami ng’thu cu k’caw pe gui ne, khomdek khan avan ung a püi sak nak gui ah kyasei, cun ah mang gaw cu Babilon ah sui ci gui.
Shem Ah Htangshon Gui
(1Stn 1:17-27; Lk 3:34-36)
10Shin cu Shem ah htangshon gui ah mawng ah kyak ci. Tuiyiin mü nak khawkum goi lüng sei, Shem cu a khawkum 100 ung pamihta ah hta ne, aming cu Apakshad ah sui ci; 11Cun kawn ah khawkum 500 ghing ba ne, ang shawih ah hta ba ci.
12Apakshad cu a khawkum 35 ung Shelah ah hta ci; 13Cun kawn ah khawkum 403 ghing ba ne ang shawih ah hta ba ci.
14Shelah cu a khawkum 30 ung Eber ah hta ci; 15Cun kawn ah a khawkum 403 ghing ba ne ang shawih ah hta ba ci.
16Eber cu a khawkum 34 ung Pelek ah hta ci; 17Cun kawn ah khawkum 430 ghing ba ne ang shawih ah hta ba ci.
18Pelek cu a khawkum 30 ung Reu ah hta ci; 19Cun kawn ah khawkum 209 ghing ba ne ang shawih ah hta ba ci.
20Reu cu a khawkum 32 ung Seruk ah hta ci; 21Cun kawn ah khawkum 207 ghing ba ne ang shawih ah hta ba ci.
22Seruk cu a khawkum 30 ung Nahor ah hta ci; 23Cun kawn ah a khawkum 200 ghing ba ne ang shawih ah hta ba ci.
24Nahor cu a khawkum 29 ung Terah ah hta ci; 25Cun kawn ah khawkum 119 ghing ba ne ang shawih ah hta ba ci.
26Terah cu a khawkum chih kip a law kawn ah Abram, Nahor, la Haran ah hta ci.
Terah Ah Htangshon Gui
27Shin gui cu Terah ah htangshon gui ah kyak ci. Terah cu Abram, Nahor la Haran ah hta ci. Haran cu Lota ah hta ci, 28Haran cu a mät ah ng’tüi nak Babilonia khaw, Urah gawnu ung sik ci. Cun sang ung apa ghing ci. 29Abram naw Sarai chu nak ci, Nahor naw Milakah chu nak ci. Milakah cu Haran ah hta hnumi ah kyak ci. Iskah cu ani ah hta ah kyak ci. 30Sarai cu kä hta ci.
31Terah naw a hta Abram ni, Haran ah hta atu Lota ni, A hta Abram ah chu Sarai ni cu hteh püi gui ci. Ngami cu Babilonia khaw, Ura gawnu nawng shüt u ne, Kanaan khaw ah hteit ci gui. Ngami cu Haran ah gawk ne aca om ci gui. 32Terah cu a khawkum 205 ung Kanaan khaw ah sik ci.
Trenutno izabrano:
ATÜNNAK 11: CBC
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Cho Bible Common Language © Bible Society of Myanmar, 2016.
ATÜNNAK 11
11
Babilon Tänghän
1Ak htük ung khomdek khan ah chang avan ung ng’thu tumat bäng om sei, täng ciah ng’thu lung gui mang man ci gui. 2Ngami cu hni law lam ah hteit u ne, Babilonia khonglei do ung gawk ne hmun tuk ci gui. 3Ngami cu ami mät ng’thu u ne, “Uk pyang ne akni ah mi ng’shai khai nei” cik ci gui. Cun ah kyasei im ami cawh nak vai ah uk gui la ami m’htak nak vai gui cu gah ci gui. 4Cun kawn ah ngami naw, “Mang gaw k’süm ne khankho ah hang gawk khai ah tänghän mi co khai. Cun ung mi mät naw mi mät mi mingthang sak ne, khomdek khan ung kä ng’phyeek ng’pai ne mi om khai” cik ci gui.
5Cun ah chang gui naw ami cawh ah mang gaw la tänghän cu teng khai ah Bawipa cu kyum lawk ci. 6Ani naw, “Tuhbäi chang avan cu pakhui tumat ah kya u ne, ami ng’thu tumat bäng om sei, shikcha ah bik ci gui. Shin cu ami tün nak ah kyak ci. Ngami naw ami mät ah ng’yak hlü hlü ah bi law hning ci gui! 7Mi yu kyum ne ami ng’thu kä ng’hmat ba khai gui ah mi k’caw pe gui khai” cine pyen ci. 8Cun kawn ah Bawipa naw chang gui cu khomdek khan avan ung püi sak gui sei, mang gaw ami cawh cu kä co ba hlawt ci gui. 9Bawipa naw chang gui ah ami ng’thu cu k’caw pe gui ne, khomdek khan avan ung a püi sak nak gui ah kyasei, cun ah mang gaw cu Babilon ah sui ci gui.
Shem Ah Htangshon Gui
(1Stn 1:17-27; Lk 3:34-36)
10Shin cu Shem ah htangshon gui ah mawng ah kyak ci. Tuiyiin mü nak khawkum goi lüng sei, Shem cu a khawkum 100 ung pamihta ah hta ne, aming cu Apakshad ah sui ci; 11Cun kawn ah khawkum 500 ghing ba ne, ang shawih ah hta ba ci.
12Apakshad cu a khawkum 35 ung Shelah ah hta ci; 13Cun kawn ah khawkum 403 ghing ba ne ang shawih ah hta ba ci.
14Shelah cu a khawkum 30 ung Eber ah hta ci; 15Cun kawn ah a khawkum 403 ghing ba ne ang shawih ah hta ba ci.
16Eber cu a khawkum 34 ung Pelek ah hta ci; 17Cun kawn ah khawkum 430 ghing ba ne ang shawih ah hta ba ci.
18Pelek cu a khawkum 30 ung Reu ah hta ci; 19Cun kawn ah khawkum 209 ghing ba ne ang shawih ah hta ba ci.
20Reu cu a khawkum 32 ung Seruk ah hta ci; 21Cun kawn ah khawkum 207 ghing ba ne ang shawih ah hta ba ci.
22Seruk cu a khawkum 30 ung Nahor ah hta ci; 23Cun kawn ah a khawkum 200 ghing ba ne ang shawih ah hta ba ci.
24Nahor cu a khawkum 29 ung Terah ah hta ci; 25Cun kawn ah khawkum 119 ghing ba ne ang shawih ah hta ba ci.
26Terah cu a khawkum chih kip a law kawn ah Abram, Nahor, la Haran ah hta ci.
Terah Ah Htangshon Gui
27Shin gui cu Terah ah htangshon gui ah kyak ci. Terah cu Abram, Nahor la Haran ah hta ci. Haran cu Lota ah hta ci, 28Haran cu a mät ah ng’tüi nak Babilonia khaw, Urah gawnu ung sik ci. Cun sang ung apa ghing ci. 29Abram naw Sarai chu nak ci, Nahor naw Milakah chu nak ci. Milakah cu Haran ah hta hnumi ah kyak ci. Iskah cu ani ah hta ah kyak ci. 30Sarai cu kä hta ci.
31Terah naw a hta Abram ni, Haran ah hta atu Lota ni, A hta Abram ah chu Sarai ni cu hteh püi gui ci. Ngami cu Babilonia khaw, Ura gawnu nawng shüt u ne, Kanaan khaw ah hteit ci gui. Ngami cu Haran ah gawk ne aca om ci gui. 32Terah cu a khawkum 205 ung Kanaan khaw ah sik ci.
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Cho Bible Common Language © Bible Society of Myanmar, 2016.