Mateo 10
10
Kwitwa nu kutumwa kwa alondeshi
(Mk 3:13-19; Lk 6:12-16)
1Nga awita alondeshi yaakwe ikumi na yaili, ayapa amaka uku fiwa ifiyiifu, yafwiinge nu kuposha indwaala shooshi ni mbombo shooshi 2Nga mashiina ya mitume yao ikumi na yaili aya: uwantangulo Simoni wino yataangi Petlo, na Andelea unina waakwe, Yakobo umwaana wi Sebedeo na Yoane unina waakwe; 3Filipo na Batolomeo, Toma na Mateo kalifya wikodi, Yakobo umwaana Alfeo na Tadeo. 4Simoni mKananeo na Yuda Iskaliote, nawe uwino wanfimiile.
5Ikumi na yaili yao Yesu wayatumile, waati: “Un-nsila ya aantu yakulukuwa mutachiya, naanti uunsi wooshi uwa aSamalia mutingila-mo. 6Leelo mutane muleme isila yakuya uku fweele sha ng'anda ya Islaeli shino shalowa. 7Na muno mulupita musuunda, umuti: ‘Uweene-wa-mwiyulu wapalamila.’ 8Muposhe alwaale, mututulule afwi, muswefye aya ntana, wingini ifiwa; mwapiwa uwila, mufiime uku wiila.
9“Mutachiseenda isahabu naanti impia, naanti amapeesa ummikowa yiino. 10Naanti kwende wa sila naanti inkaanjo shiyili, naanti ifwaalo, naanti intuwa, kuno chiine umboofi apiwe ichakulya chaakwe. 11Nu nsi wooshi naka kooshi muno mwaya, musite untu umwi mwenemo uwa kapaanga, mwikale ukwaakwe fika na lino mulupita. 12Neemwe pano mulwiingila un-ng'anda, yalauliini. 13Nga yang'anda ayakapanga, ukuwelela kwiino kuwa kuno yali, ngi yasi yakapaanga, ukuwelela kwiino kumuwelele. 14Na weesi wino atamupokeelile nanti ukupulika amaswi yiino, pano mulufuma unng'a nda yiyo, naanti un-nzi uo, mukuma ni nkuungu ya ku muulu yino. 15Umweenemo, ndumuneena, chilwangupala insi ya Sodoma ni Gomola, italunwamilwa wa nsi uo apa wanda wa uputushi wa milaandu.
16“Lolini, namutuma wa fweele apa miinzi; ichino muwe na maano wa soka, mufyaalike wa mkuunda.
17“Muchenjele unjaantu, kuno yalumutwaala um-mateengo, num-mang'anda yao iyi Leesa, yalumuuma. 18Neemwe mulutwalwa apa alâsi na yeene uku nndaandu waane, ukuwa usyuta kuno yali nu ku ayakuluukwa. 19Leelo ndi pano yamutwaala, mutamwelengula fino mwaufwaanga; kuno liyo kweene mulupiiwa ifyakuti mufwaange. 20Kuno aashi mweemwe mulufwaanga, leelo Mweeso wi So wino alufwaanga wino ali muno muli. 21Nu ntu alufiima unniina kuti aumoolwe; ni isi alufima umwaana, na ayaana yalukatukila afyaashi yao nu kuyumoola. 22Neemwe mulutuwiwa na aantu yooshi umwishiina lyane; leelo wino waacha wateeka umweeso nu kulemasya kufika ni chisila, uwino alufyuuka. 23Leelo pano yamuwiinga un-nsi u, mwitukile uku wuniina; kuno umweenemo ndumuneena, mutaluyimala imii yooshi iya Islaeli, kufika na lino uMwana-ntu alwisa.
24“Unndondeshi atalusile kasambilisha waakwe, naanti unsha atalusile umweene waakwe. 25Chingawa unndondeshi ndi wawa wi kasambilisha waakwe, nunsha ukuwa wa mweene waakwe. Ngi yiita unkola ng'anda Beelzebuli, Cheene! yatalulusha kuli yano yali un-ng'anda umwaakwe. 26Ichino mutayoopa; kuno kuusi chimwi chikuwe, chino chitalukululwa, naanti ichifise, chino chitaluwula ukumanyika. 27Chino namuneena pa luku, chilaandini apa mwengelela; na chino yamupwepwesa, lisuundini apa ng'anda apiyulu. 28Mutachoopa yano yalumoola umwiili, yapootwa ukumoola umweeso; leelo moope wino angumola umwiili nu mweeso poonga un-chilinkwe cha moto. 29Cheene! utuuni tuwili tutakukalwa uku hela yoonga? Leelo naanti konga kataangi kapone naanti apaansi, angi So wino atamanyile. 30Leelo mwemwi, ni nyele sha ku mitwe ino yiinoshasoloziwa shooshi. 31Ichino mutachoopa, mweemwi mulusile utuuni naanti twafula. 32Ichino untu weeshi uwacha wantaka apa yaantu, neene nduntaka apa maaso yi Taata uwa mwiyulu. 33Leelo weeshi wino wankaana apa yaantu, neene ndunkaana apa maaso yi Taata uwa mwiyulu.
34“Mutamwelengula fino ngishilu leeta ukuweleshaana kuno ukuushi, awe! Ntiisiile leeta ukuweleshaana, leelo ulupaanga. 35Kuno nigishilulu tuwanya untu nisi, nu mwaana kachi na nyina; nu nkwi na nyina-fyaala. 36Na asiluweembu yaakwe ayalye a ng'anda umwaakwe. 37Wino wakuunda isi naanti nyina ukuluta neene, ataiine neene. Na wino wakuunda umwaana wa chooshi naanti kachi ukuluta neene, ataine neene. 38Na weeshi wino ataseeshile unsalaba waakwe andoondele, ataiine neene. 39Wino wafyusha upuma waakwe, aluulofya; na wino walofya upuma waakwe ukwishiina lyaane, aluulola.
40“Wino wamupokelela mweemwe, ampokelile neene, na wino wampokelela neene, watampokelela wino wantumile. 41Wino wapokelela kalausha kuno ikalausha, alupokelela unnambu wi kalausha; na wino wapokelela uwa chuumi, kuno uwa chuumi, alupokelela unnambu wa untu wa chumi. 42Nu ntu weeshi wino waacha wanwesha umwi pali ya anoono naanti ulwaako lwa maasi yano yasuuka, kuno unndondeshi waane, mwenemo ndumuneena, ataluula unndambu waakwe naanti uche.”
Trenutno izabrano:
Mateo 10: FNT1988
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
New Testament in Fipa © United Bible Societies, 1988. Bible Society of Tanzania.
Mateo 10
10
Kwitwa nu kutumwa kwa alondeshi
(Mk 3:13-19; Lk 6:12-16)
1Nga awita alondeshi yaakwe ikumi na yaili, ayapa amaka uku fiwa ifiyiifu, yafwiinge nu kuposha indwaala shooshi ni mbombo shooshi 2Nga mashiina ya mitume yao ikumi na yaili aya: uwantangulo Simoni wino yataangi Petlo, na Andelea unina waakwe, Yakobo umwaana wi Sebedeo na Yoane unina waakwe; 3Filipo na Batolomeo, Toma na Mateo kalifya wikodi, Yakobo umwaana Alfeo na Tadeo. 4Simoni mKananeo na Yuda Iskaliote, nawe uwino wanfimiile.
5Ikumi na yaili yao Yesu wayatumile, waati: “Un-nsila ya aantu yakulukuwa mutachiya, naanti uunsi wooshi uwa aSamalia mutingila-mo. 6Leelo mutane muleme isila yakuya uku fweele sha ng'anda ya Islaeli shino shalowa. 7Na muno mulupita musuunda, umuti: ‘Uweene-wa-mwiyulu wapalamila.’ 8Muposhe alwaale, mututulule afwi, muswefye aya ntana, wingini ifiwa; mwapiwa uwila, mufiime uku wiila.
9“Mutachiseenda isahabu naanti impia, naanti amapeesa ummikowa yiino. 10Naanti kwende wa sila naanti inkaanjo shiyili, naanti ifwaalo, naanti intuwa, kuno chiine umboofi apiwe ichakulya chaakwe. 11Nu nsi wooshi naka kooshi muno mwaya, musite untu umwi mwenemo uwa kapaanga, mwikale ukwaakwe fika na lino mulupita. 12Neemwe pano mulwiingila un-ng'anda, yalauliini. 13Nga yang'anda ayakapanga, ukuwelela kwiino kuwa kuno yali, ngi yasi yakapaanga, ukuwelela kwiino kumuwelele. 14Na weesi wino atamupokeelile nanti ukupulika amaswi yiino, pano mulufuma unng'a nda yiyo, naanti un-nzi uo, mukuma ni nkuungu ya ku muulu yino. 15Umweenemo, ndumuneena, chilwangupala insi ya Sodoma ni Gomola, italunwamilwa wa nsi uo apa wanda wa uputushi wa milaandu.
16“Lolini, namutuma wa fweele apa miinzi; ichino muwe na maano wa soka, mufyaalike wa mkuunda.
17“Muchenjele unjaantu, kuno yalumutwaala um-mateengo, num-mang'anda yao iyi Leesa, yalumuuma. 18Neemwe mulutwalwa apa alâsi na yeene uku nndaandu waane, ukuwa usyuta kuno yali nu ku ayakuluukwa. 19Leelo ndi pano yamutwaala, mutamwelengula fino mwaufwaanga; kuno liyo kweene mulupiiwa ifyakuti mufwaange. 20Kuno aashi mweemwe mulufwaanga, leelo Mweeso wi So wino alufwaanga wino ali muno muli. 21Nu ntu alufiima unniina kuti aumoolwe; ni isi alufima umwaana, na ayaana yalukatukila afyaashi yao nu kuyumoola. 22Neemwe mulutuwiwa na aantu yooshi umwishiina lyane; leelo wino waacha wateeka umweeso nu kulemasya kufika ni chisila, uwino alufyuuka. 23Leelo pano yamuwiinga un-nsi u, mwitukile uku wuniina; kuno umweenemo ndumuneena, mutaluyimala imii yooshi iya Islaeli, kufika na lino uMwana-ntu alwisa.
24“Unndondeshi atalusile kasambilisha waakwe, naanti unsha atalusile umweene waakwe. 25Chingawa unndondeshi ndi wawa wi kasambilisha waakwe, nunsha ukuwa wa mweene waakwe. Ngi yiita unkola ng'anda Beelzebuli, Cheene! yatalulusha kuli yano yali un-ng'anda umwaakwe. 26Ichino mutayoopa; kuno kuusi chimwi chikuwe, chino chitalukululwa, naanti ichifise, chino chitaluwula ukumanyika. 27Chino namuneena pa luku, chilaandini apa mwengelela; na chino yamupwepwesa, lisuundini apa ng'anda apiyulu. 28Mutachoopa yano yalumoola umwiili, yapootwa ukumoola umweeso; leelo moope wino angumola umwiili nu mweeso poonga un-chilinkwe cha moto. 29Cheene! utuuni tuwili tutakukalwa uku hela yoonga? Leelo naanti konga kataangi kapone naanti apaansi, angi So wino atamanyile. 30Leelo mwemwi, ni nyele sha ku mitwe ino yiinoshasoloziwa shooshi. 31Ichino mutachoopa, mweemwi mulusile utuuni naanti twafula. 32Ichino untu weeshi uwacha wantaka apa yaantu, neene nduntaka apa maaso yi Taata uwa mwiyulu. 33Leelo weeshi wino wankaana apa yaantu, neene ndunkaana apa maaso yi Taata uwa mwiyulu.
34“Mutamwelengula fino ngishilu leeta ukuweleshaana kuno ukuushi, awe! Ntiisiile leeta ukuweleshaana, leelo ulupaanga. 35Kuno nigishilulu tuwanya untu nisi, nu mwaana kachi na nyina; nu nkwi na nyina-fyaala. 36Na asiluweembu yaakwe ayalye a ng'anda umwaakwe. 37Wino wakuunda isi naanti nyina ukuluta neene, ataiine neene. Na wino wakuunda umwaana wa chooshi naanti kachi ukuluta neene, ataine neene. 38Na weeshi wino ataseeshile unsalaba waakwe andoondele, ataiine neene. 39Wino wafyusha upuma waakwe, aluulofya; na wino walofya upuma waakwe ukwishiina lyaane, aluulola.
40“Wino wamupokelela mweemwe, ampokelile neene, na wino wampokelela neene, watampokelela wino wantumile. 41Wino wapokelela kalausha kuno ikalausha, alupokelela unnambu wi kalausha; na wino wapokelela uwa chuumi, kuno uwa chuumi, alupokelela unnambu wa untu wa chumi. 42Nu ntu weeshi wino waacha wanwesha umwi pali ya anoono naanti ulwaako lwa maasi yano yasuuka, kuno unndondeshi waane, mwenemo ndumuneena, ataluula unndambu waakwe naanti uche.”
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
New Testament in Fipa © United Bible Societies, 1988. Bible Society of Tanzania.