مقتطفات من الزبور 8

دعاء التسبيح للنبي داود عليه السلام

1اللهُمَّ يا مولانا، ما أعظم إسمَك، بالدِنيا كِلّا!

يلّي جلالَك فوق السّما عَلّا.

2جَعَلْت الرُضَّع والأطفال يسبّحوا إسمَك،

بوجّ خَصمَك،

تَتْسَكِّت أعداءَك وتقوّي حُصنَك.

3لمّا بشوف السماوات يلّي رفَعْتْها،

والقمر والنجوم الّي كَوَّنْتها،

4بْقول لحَالي: مين الإنسان حتّى تفكِّر فيه،

مين هوّ البني آدم حتّى تِهتمّ وتْراعيه!

5يا ربّ، جَعَلْت مَرْتَبْتُه شويّ أدنى من المَلايكة وأقلّ وِقار،

وأَعْطَيتُه مَقام الملوك وأكاليل الغار،

6سخَّرتُه عكلّ مخلوقاتَك، وخلّيتُه بكلّ شي صاحب القرار،

7الغنم والبقر وحيوانات البرّ كِلّا،

8طيور السّما والسّمك وكلّ شي بِعِيش بالبِحار.

9اللهُمَّ يا مولانا، ما أعظَم إسمَك بالدنيا كِلّا!

Trenutno izabrano:

مقتطفات من الزبور 8: LRT

Istaknuto

Podeli

Kopiraj

Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi