FARFYAR RO MANWAWANSYA 8
8
1aPaulus kako dakmarisen fa Stefanus smuni.
Kandera ḇekur jemaat Yerusalem
8:1b-3
1bRo fafisu ani randak ro kandera ḇeba ḇekur jemaat ro Yerusalem. Sikam sibur sfamok sup Yudea ḇesiper ma Samaria, demir manwawan ansi si ḇekainepen. 2Kawasa ḇekyar sya skanes Stefanus ma sikriri.
3 #
Kis. 22:4-5, 26:9-11 Ḇape Saulus syewar nyan fa fyasasye jemaat ani inja syun-syaye rum ḇe rum ma ismer snon ma bin ḇeḇandi ma ḇyesi fa ssun ro bui.
Filipus ro Samaria
8:4-25
4Kawasa Kristen ḇebur famok ansi simbran ro sup ḇesiper ma sḇaryas Ankankinem Ḇeḇye. 5Ma Filipus ryaḇe mnu oso ro Samaria ma ḇyaryas Wairek faro snonkaku ḇero dia. 6Rofyor kawasa ḇeḇor ansi simnaf Filipus ḇaryas ḇyena ma smam fasasnai kanandor ma aḇyair-aḇyair ifrurna, sikam sesne oser simarisen rosai ḇyaryasna. 7Snar kawasa ḇeḇor rur ḇemaḇak siwoḇer sya, rur ḇemaḇak ansi si sasyarḇo siyiw naba, ma snonkaku sibor ḇepapipen ma ḇeḇemanis ono ifrursi fa siprei. 8Rarirya raryaḇ ḇeba kaku ro mnu ani.
9Snon oso snori Simon fyoro kwar nya mon ro mnu ani ma ifrur kanandor kawasa Samaria, ma dow mankundi ḇe snon ḇeba. 10Snonkaku sya kam kasun ḇeba sisoi ma sikofen: “Snon ine isma papoik ro Allah, sorḇe Papoik Ḇeba.” 11Ma sikam sisoi snar fyoro kwar ifrur fa sikandor kuker fararur mon ḇyesi. 12Ḇape baboine sikyar faro Filipus ḇeḇaryas Ankankinem Ḇeḇye ro Ḇaḇesasoser Allah ma snonsnon Yesus Kristus, ma sor fa sisma masi sren, iḇye snon ma bin. 13Simon mankundi kako dakkyar, ma rofyor isma masi sren kwar, iso wanan Filipus, ma ikandor rofyor myam aḇyair-aḇyair ma fasasnai kanandor ḇeba ḇeḇesya na.
14Rofyor manwawan ḇero Yerusalem simnaf, sup Samaria kawasa ansi sisma wos Allah kwar, inja siwan Petrus ma Yohanes suraḇe Samaria. 15Sura kwar ro dia manwawan ansu suḇenadi, insa kawasa Samaria saksma Rur Ḇesren. 16Snar Rur Ḇesren ya dado faro snon oso ḇaim ro fandu si, snar sisma masi sren monda kuker snonsnon Manseren Yesus. 17Raimnai susawar dofensi, posa sisma Rur Ḇesren.
18Rofyor Simon myam Rur Ḇesren ya dado faro kawasa ansi snar manwawan ansu ya susawar dofen si, inja ḇyuk pipi ono faro su, ma ikofen: 19“Muḇuk ḇe aya kako papoik ani, insa rofyor yaksawar dofen snonkaku ono, sikako saksma Rur Ḇesren.”
20Ḇape Petrus ikofen faroi: “Mboi pipi besi nari sro kuker au, snar woḇoda, fakamaman Allah kwoḇes i kuker pipi. 21Wasma rarwas osoḇa ro mnuk ine, snar snembri inapes ḇa ro ḇarpon Allah. 22Iḇyekada wambror ro ḇarḇor benane ma benadi faro Manseren, insa ḇyuk ampon ro swaruser ḇero snembri; 23snar yamam snembri ḇyepus kwar ma syarmar ma ḇarḇor ḇena newayam au.”
24Simon kyarem: “Iḇyekada mkonadi kuker aya faro Manseren, insa roi ḇeḇor mko kofen kwar nane nkur awer aya.”
25Suḇe saksi ma suḇaryas Manseren wos ḇyedi kwar sukaḇer ḇe Yerusalem ma ro mararan suḇedi suḇaryas Ankankinem Ḇeḇye ro mnu-mnu nabor ro sup Samaria.
Faker oso ḇeraker sup Etiopia kuker Filipus
8:26-40
26Ḇarpur ya malaikat Manseren ḇyesi oso ikofen faro Filipus, doḇo: “Wayor au ma rwaḇe ḇar wambraw waso nyan ḇesabu ro Yerusalem ḇe Gasa.” Nyan ani ḇyeusḇa. Inja Filipus rya. 27Snon Etiopia oso, wairek Kandake, wairek bin ro sup Etiopia faker ḇyedi, ḇebarara mananir ḇemamwark wairek ani nana ḇyena, ryaker sup Etiopia ḇe Yerusalem fa daksun ari. 28Snon ani ro mararan barbur ḇyedi kyain ro kereta ḇyedi ma ḇyewasya syap Nabi Yesaya. 29Ma Rur ya ikofen faro Filipus: “Rwamura fanam kereta ya!” 30Filipus rya fasaw ma imnaf faker ani ḇyewasya syap Nabi Yesaya. Filipus doḇo: “Tuan wafawi roi wawasya nake?”
31Kyarem: “Yafawi rariso rofyor oso fyarkin aya ḇa?” Raimnai dor Filipus fa dek ma kyainusi. 32#Yes. 53:7-8Mnuk ḇyewasya ani ryok radine:
“Raris domba oso suni ḇemoḇ skarakruk ro ya;
ma imnis domba mkun ḇeḇeawer ro ḇarpon snon ḇekapnik bur ḇyesi,
rarirya ipok ḇyas sḇari ḇa.
33Ro ḇaḇemanfyan ḇyena kandera ya deki;
manseiso nari ḇefarfyar ḇarpur ḇyedi?
Snar nyawa ḇyedi sunibur supswan.”
34Inja faker ani ifuken Filipus: “Yafuken au manseiso nabiya ikofen ḇesyan ya? Ikofen mankundike roḇa snon oso ḇeso?” 35Inja Filipus dawos randak kuker mnuk ani ma ḇyaryas Ankankinem Ḇeḇye ro Yesus faroi. 36Skombran pdef mararan skoḇedi isof ro moḇ ḇeḇewar oso. Raimnai faker ani ikofen: “Mamkada war ya iso iya; rosai ḇedwarek aya fa yasma masi sren?” [37Filipus kyarem: “Rofyor tuan wakyar kuker snembri ḇesiper, ido.” Faker ani kyarem: “Mboi yakyar, Yesus Kristus Rumkun Allah.”]
38Inja snon Etiopia ani iwan fa kereta ani imnai, ma sudoḇe war ya ma Filipus ḇyuk masi sren faroi. 39Rofyor susasyar bur war ya kwar Rur Manseren dun Filipus ma faker ani myami werḇa. Imbran pdef mararan ḇyedi kuker raryaḇ. 40Ḇape Filipus kada isya ro Asdod. Imbranuk sup aniḇo ḇyaryas Ankankinem Ḇeḇye ro mnu nakam isof ryama ro Kaisarea.
Trenutno izabrano:
FARFYAR RO MANWAWANSYA 8: LAIBHW
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
FARFYAR RO MANWAWANSYA 8
8
1aPaulus kako dakmarisen fa Stefanus smuni.
Kandera ḇekur jemaat Yerusalem
8:1b-3
1bRo fafisu ani randak ro kandera ḇeba ḇekur jemaat ro Yerusalem. Sikam sibur sfamok sup Yudea ḇesiper ma Samaria, demir manwawan ansi si ḇekainepen. 2Kawasa ḇekyar sya skanes Stefanus ma sikriri.
3 #
Kis. 22:4-5, 26:9-11 Ḇape Saulus syewar nyan fa fyasasye jemaat ani inja syun-syaye rum ḇe rum ma ismer snon ma bin ḇeḇandi ma ḇyesi fa ssun ro bui.
Filipus ro Samaria
8:4-25
4Kawasa Kristen ḇebur famok ansi simbran ro sup ḇesiper ma sḇaryas Ankankinem Ḇeḇye. 5Ma Filipus ryaḇe mnu oso ro Samaria ma ḇyaryas Wairek faro snonkaku ḇero dia. 6Rofyor kawasa ḇeḇor ansi simnaf Filipus ḇaryas ḇyena ma smam fasasnai kanandor ma aḇyair-aḇyair ifrurna, sikam sesne oser simarisen rosai ḇyaryasna. 7Snar kawasa ḇeḇor rur ḇemaḇak siwoḇer sya, rur ḇemaḇak ansi si sasyarḇo siyiw naba, ma snonkaku sibor ḇepapipen ma ḇeḇemanis ono ifrursi fa siprei. 8Rarirya raryaḇ ḇeba kaku ro mnu ani.
9Snon oso snori Simon fyoro kwar nya mon ro mnu ani ma ifrur kanandor kawasa Samaria, ma dow mankundi ḇe snon ḇeba. 10Snonkaku sya kam kasun ḇeba sisoi ma sikofen: “Snon ine isma papoik ro Allah, sorḇe Papoik Ḇeba.” 11Ma sikam sisoi snar fyoro kwar ifrur fa sikandor kuker fararur mon ḇyesi. 12Ḇape baboine sikyar faro Filipus ḇeḇaryas Ankankinem Ḇeḇye ro Ḇaḇesasoser Allah ma snonsnon Yesus Kristus, ma sor fa sisma masi sren, iḇye snon ma bin. 13Simon mankundi kako dakkyar, ma rofyor isma masi sren kwar, iso wanan Filipus, ma ikandor rofyor myam aḇyair-aḇyair ma fasasnai kanandor ḇeba ḇeḇesya na.
14Rofyor manwawan ḇero Yerusalem simnaf, sup Samaria kawasa ansi sisma wos Allah kwar, inja siwan Petrus ma Yohanes suraḇe Samaria. 15Sura kwar ro dia manwawan ansu suḇenadi, insa kawasa Samaria saksma Rur Ḇesren. 16Snar Rur Ḇesren ya dado faro snon oso ḇaim ro fandu si, snar sisma masi sren monda kuker snonsnon Manseren Yesus. 17Raimnai susawar dofensi, posa sisma Rur Ḇesren.
18Rofyor Simon myam Rur Ḇesren ya dado faro kawasa ansi snar manwawan ansu ya susawar dofen si, inja ḇyuk pipi ono faro su, ma ikofen: 19“Muḇuk ḇe aya kako papoik ani, insa rofyor yaksawar dofen snonkaku ono, sikako saksma Rur Ḇesren.”
20Ḇape Petrus ikofen faroi: “Mboi pipi besi nari sro kuker au, snar woḇoda, fakamaman Allah kwoḇes i kuker pipi. 21Wasma rarwas osoḇa ro mnuk ine, snar snembri inapes ḇa ro ḇarpon Allah. 22Iḇyekada wambror ro ḇarḇor benane ma benadi faro Manseren, insa ḇyuk ampon ro swaruser ḇero snembri; 23snar yamam snembri ḇyepus kwar ma syarmar ma ḇarḇor ḇena newayam au.”
24Simon kyarem: “Iḇyekada mkonadi kuker aya faro Manseren, insa roi ḇeḇor mko kofen kwar nane nkur awer aya.”
25Suḇe saksi ma suḇaryas Manseren wos ḇyedi kwar sukaḇer ḇe Yerusalem ma ro mararan suḇedi suḇaryas Ankankinem Ḇeḇye ro mnu-mnu nabor ro sup Samaria.
Faker oso ḇeraker sup Etiopia kuker Filipus
8:26-40
26Ḇarpur ya malaikat Manseren ḇyesi oso ikofen faro Filipus, doḇo: “Wayor au ma rwaḇe ḇar wambraw waso nyan ḇesabu ro Yerusalem ḇe Gasa.” Nyan ani ḇyeusḇa. Inja Filipus rya. 27Snon Etiopia oso, wairek Kandake, wairek bin ro sup Etiopia faker ḇyedi, ḇebarara mananir ḇemamwark wairek ani nana ḇyena, ryaker sup Etiopia ḇe Yerusalem fa daksun ari. 28Snon ani ro mararan barbur ḇyedi kyain ro kereta ḇyedi ma ḇyewasya syap Nabi Yesaya. 29Ma Rur ya ikofen faro Filipus: “Rwamura fanam kereta ya!” 30Filipus rya fasaw ma imnaf faker ani ḇyewasya syap Nabi Yesaya. Filipus doḇo: “Tuan wafawi roi wawasya nake?”
31Kyarem: “Yafawi rariso rofyor oso fyarkin aya ḇa?” Raimnai dor Filipus fa dek ma kyainusi. 32#Yes. 53:7-8Mnuk ḇyewasya ani ryok radine:
“Raris domba oso suni ḇemoḇ skarakruk ro ya;
ma imnis domba mkun ḇeḇeawer ro ḇarpon snon ḇekapnik bur ḇyesi,
rarirya ipok ḇyas sḇari ḇa.
33Ro ḇaḇemanfyan ḇyena kandera ya deki;
manseiso nari ḇefarfyar ḇarpur ḇyedi?
Snar nyawa ḇyedi sunibur supswan.”
34Inja faker ani ifuken Filipus: “Yafuken au manseiso nabiya ikofen ḇesyan ya? Ikofen mankundike roḇa snon oso ḇeso?” 35Inja Filipus dawos randak kuker mnuk ani ma ḇyaryas Ankankinem Ḇeḇye ro Yesus faroi. 36Skombran pdef mararan skoḇedi isof ro moḇ ḇeḇewar oso. Raimnai faker ani ikofen: “Mamkada war ya iso iya; rosai ḇedwarek aya fa yasma masi sren?” [37Filipus kyarem: “Rofyor tuan wakyar kuker snembri ḇesiper, ido.” Faker ani kyarem: “Mboi yakyar, Yesus Kristus Rumkun Allah.”]
38Inja snon Etiopia ani iwan fa kereta ani imnai, ma sudoḇe war ya ma Filipus ḇyuk masi sren faroi. 39Rofyor susasyar bur war ya kwar Rur Manseren dun Filipus ma faker ani myami werḇa. Imbran pdef mararan ḇyedi kuker raryaḇ. 40Ḇape Filipus kada isya ro Asdod. Imbranuk sup aniḇo ḇyaryas Ankankinem Ḇeḇye ro mnu nakam isof ryama ro Kaisarea.
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi