मत्ती 20
20
बगीचेरै मजूरा केरी कहानी
1“स्वर्गेरा राज्य इस उदाहरणा सैयि आ; कि अक जमीनदार मैहणु अपड़ै अंगूरेरै बगीचै मझ मजूरा कंमा पन अंणनैरै तेईनी भियागै-पिचारी निकोत्था। 2जां तेनी मजूरानि अक चांदिरा सिक्का धियाड़ी शुणाय जां तेनी सैक्यै कम कांनानि अंगूरा केरै बगीचैनि भेईजि दित्तै। 3फिरी भियगा नउवै बजै जेख्णी सै बजारा चलौरा थ्या, ता तेनी तैठि किछ मजूर बेकार बेठोरै लधै, 4जां तेनी तैन्हांं सिंउ बौलु, तुवे बि मिंडै अंगूरा केरै बगीचै मझ गहि करि कम करा, जां जै धियाड़ी भुई सै मूं तुहांनि दी दींणी। ऐ शुणि करि सै बि कम कांना चलि ग्यै। 5फिरी तेनी दुबारे लगभग बारैह बजै जां त्रियें बजै बि घरा किना भेईर गहि करि ऐहियें-चारै कियु। 6जां सै सन्हैरै पंजै बजै करीब फिरी घरै किना भेईर निकोत्था, तेनी तैठि किछ होरै मजूर किठै भोरै तकाय, तेनी तैन्हां किना पुच्छु, तुवे पूरी धियाड़ी बेकार मझ ऐठि केईनी खड़ै बेठोरै भूंतै? 7तैन्हैं तैस सिंउ बौलु, ऐठणीरै तेईनी कि असुवंनि कुनि बि कम ना दित्ता। तेनी तैन्हां सिंउ बौलु, तुवे बि मिंडै अंन्गूरा केरै बगीचै मझ गहा जां कम करा।”
8संन्हैरै टैंमा बगीचेरै मालकै अपड़ै मुणशि सिंउ बौलु, मजूरा शदा, कंमा पन बाद मझ ऐईंणारनी जां पेहिलै ऐईंणारा सभनियांं मजूरानि धियाड़ी दी दै। 9फिरी जेख्णी सै मजूर यै, जैन्हैं पंजै बजै अईछी करि अक घंटा कम क्यौरा थ्या, तेन्हांनि पूरी धियाड़ी दी दित्ती। 10मजूर जै भियगा पेहिलै यौउरै थ्यै तैन्हैं सोचौरू थियु कि असुनि जादी धियाड़ी मेईंणी पण तेन्हांनि बि तैन्हैं बराबर धियाड़ी दित्ती। 11जां जेख्णी तेन्हांनि धियाड़ी मेयि ता सै जमीनदारा सिंउ शिकायत करि बोलणा लगै, 12कि ऐन्हैं मजूरै जै लैट यौउरै थ्यै, अकै घंटा कम केया, तां बि तीं ऐन्हांनि तैन्हांं बराबर धियाड़ी दित्ती जां जैन्हैं पूरी धियाड़ी कम कियु जां गर्मी सेहन केयि तेन्हैरू कितु? 13तां बगीचेरै मालिकै तैन्हांं मझांं ऐकिनि जुबाव दिता कि, हे मित्र! आंउ ताउ सिंउ कौ अन्याय काता! क्या मीं तुहांनि अक धियाड़ी कम कांनेरी त्योतियै धियाड़ी ना दित्ती ज्योति शुणाउरी थी। 14जै तिंडि धियाड़ी आ तैस लै, जां चलि गा, मिंडी मर्जी आ कि ज्योति मीं ताउनि धियाड़ी दित्ती त्योतियै धियाड़ी ऐन्हांनि बि दियुं। 15क्या मीं ठीक ना कियु कि आंउ अपड़ै पेईंसै सिंउ जै चाहूं सै करूं? क्या तु मिंडै भलै भूंणेरै कारण मूं बुरी नजरी सिंउ तकांता? 16ऐहियें-चारै बड़ै सारै जै पेहिलै अत्तै, सै पिचालीं भूंणै, जै पिछलै अत्तै, सै पेहिलै भूंणै।
अपड़ि मोउतिरै बारै यीशुरी त्रीं भविष्यवाणी
(मरकुस. 10:32-34; लूका 18:31-34)
17यीशु यरूशलेम शहरा मझ गांहथै टैंमा अपड़ै बाराह चैला एकान्त मझ लै ग्या, जां बत्तै मझ चलतै-चलतै तेन्हांनि बोलणा लगा, 18“तका, असै यरूशलेम शहरानि गांहथै अत्तै; जां मैहणुरा पुत्र मतलब आंउ प्रधानयाजका जां यहूदी शास्त्रिया केरै हत्था पकड़वाई गांहणा, जां तैन्हांं आंउ मोउतिरै लायक ठैहरांणा। 19जां आंउ होरनियां जातिया केरै हवालै कांना जां तैन्हांं मिंडा मजाक बंणाणा, मूं पनि कोड़ै मांने, जां क्रूसा पन चाढ़ना, फिरी त्रियें रौजै दुबारे मूं मौरा मझां जींति गांहणु।”
एकि मयिरी अपड़ै बच्चेरै तेईनी विंनति
(मरकुस. 10:35-45)
20जेख्णी जब्दीरै पुत्रा केरी मयि अपड़ै पुत्रा सिंउ तैस किनि अईछी करि प्रणाम कियु, जां तैस किना किछ मगणा लगी। 21तां यीशु तैस किना पुच्छु, “तु कितु चांहथी आ?” तेनी यीशु सिंउ बौलु, “मूनी वचन दै कि मिंडै ऐ दोईयो पुत्र तिंडै राज्य मझ अक तिंडै दाऐं ता अक तिंडै बाऐं बेशिया।”
22यीशु जुबाव दित्ता, “तुवे ना जांणतै कि तुवे कितु मगतै अत्तै? क्या तुवे सै दुख सैहलै जै आंउ सहन कांननी गांहथा आ?” तैन्हैं तैस सिंउ बौलु, “हाँ! सहन करि सकतै।” 23यीशु तैन्हांं सिंउ बौलु, “तुवे मूं सैयि दुख ता सेहन करि लैलै, पण अपड़ै दाऐं जां बाऐं कोसक्यै बिशानेरा मिंडा कम ना, पण ऐ जगा तैन्हां मैहणुवां केरै तेईनी आ, जेन्हैरै तेईनी मिंडै पिता परमेश्वरै तियार क्यौरी आ।” 24जां ऐ शुणि करि सै दशो खास चैलै तैन्हांं दोईयो भाईया पन गुस्सै भुवै। 25यीशु सै ऐपु किनि शदा करि तेन्हांनि बौलु, “तुवे जांणतै अत्तै कि जै होरनियां जातिया केरै हाकिम संमझियूंते, सै तैन्हांं पन दबाव बारी करि राज कातै; जां जै तेन्हैरै खास मैहणु अत्तै सै तैन्हांं पन हक जतांतै।” 26पण तुहां मझ ऐतियु ना भुईया, जै कौ तुहां मझ बड़ा बंणना चांहथा, सै तुवाड़ा सेवक बंणिया। 27जां जै तुहां मझ प्रधान भूंणा चहिया सै तुवाड़ा दास बंणिया। 28जिहीं कि मैहणुरा पुत्र मतलब आंउ ऐठणीरै तेईनी ना या कि तुहां किना आंउ अपड़ि सेवा कराउं पण ऐठणीरै तेईनी या कि तुवाड़ी सेवा करूं जां बड़ा सारा मैहणुवां पापा किना छडांणेरै तेईनी अपड़ै प्रांण दियुं।
दुवां कांणा मैहणुवंनी टीरा केरा दान
29जेख्णी सै यरीहो नगरा किना निकूंथै थ्यै, तां अक बड़ी भीड़ तैस पिचालीं चलि। 30जां दो कांणै जै सिड़किरै किनारै बेठोरै थ्यै, ऐ शुणि करि कि यीशु तेदि बत्तै गांहथा, ता हक्कै दी करि बोलणा लगै, कि “हे प्रभु! दाऊदेरै वंशज! असु पन दया कर।” 31मैहणुवें सैक्यै झिड़खाय, कि चुप बेशा, पण सैक्यै होरै जौरै चिन्डै दी करि बोलणा लगै, “हे प्रभु! दाऊदेरै वंशज! असु पन दया कर।” 32तां यीशु खड़ै भौ करि, सै शदाय, जां बौलु, “तुवे कितु चांहथै अत्तै कि आंउ तुवाड़ै तेईनी कितु करूं?” 33तैन्हैं यीशु सिंउ बौलु, “हे प्रभु! असै चांहथै अत्तै कि असेड़ै टीरै ठीक भौ गहिया।” 34यीशु दया करि-करि तेन्हैरै टीरै छुत्तै, जां सै इकदम तकांणा लगै, जां तैस पिचालीं चलि पियै।
Trenutno izabrano:
मत्ती 20: CDJNT
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.
मत्ती 20
20
बगीचेरै मजूरा केरी कहानी
1“स्वर्गेरा राज्य इस उदाहरणा सैयि आ; कि अक जमीनदार मैहणु अपड़ै अंगूरेरै बगीचै मझ मजूरा कंमा पन अंणनैरै तेईनी भियागै-पिचारी निकोत्था। 2जां तेनी मजूरानि अक चांदिरा सिक्का धियाड़ी शुणाय जां तेनी सैक्यै कम कांनानि अंगूरा केरै बगीचैनि भेईजि दित्तै। 3फिरी भियगा नउवै बजै जेख्णी सै बजारा चलौरा थ्या, ता तेनी तैठि किछ मजूर बेकार बेठोरै लधै, 4जां तेनी तैन्हांं सिंउ बौलु, तुवे बि मिंडै अंगूरा केरै बगीचै मझ गहि करि कम करा, जां जै धियाड़ी भुई सै मूं तुहांनि दी दींणी। ऐ शुणि करि सै बि कम कांना चलि ग्यै। 5फिरी तेनी दुबारे लगभग बारैह बजै जां त्रियें बजै बि घरा किना भेईर गहि करि ऐहियें-चारै कियु। 6जां सै सन्हैरै पंजै बजै करीब फिरी घरै किना भेईर निकोत्था, तेनी तैठि किछ होरै मजूर किठै भोरै तकाय, तेनी तैन्हां किना पुच्छु, तुवे पूरी धियाड़ी बेकार मझ ऐठि केईनी खड़ै बेठोरै भूंतै? 7तैन्हैं तैस सिंउ बौलु, ऐठणीरै तेईनी कि असुवंनि कुनि बि कम ना दित्ता। तेनी तैन्हां सिंउ बौलु, तुवे बि मिंडै अंन्गूरा केरै बगीचै मझ गहा जां कम करा।”
8संन्हैरै टैंमा बगीचेरै मालकै अपड़ै मुणशि सिंउ बौलु, मजूरा शदा, कंमा पन बाद मझ ऐईंणारनी जां पेहिलै ऐईंणारा सभनियांं मजूरानि धियाड़ी दी दै। 9फिरी जेख्णी सै मजूर यै, जैन्हैं पंजै बजै अईछी करि अक घंटा कम क्यौरा थ्या, तेन्हांनि पूरी धियाड़ी दी दित्ती। 10मजूर जै भियगा पेहिलै यौउरै थ्यै तैन्हैं सोचौरू थियु कि असुनि जादी धियाड़ी मेईंणी पण तेन्हांनि बि तैन्हैं बराबर धियाड़ी दित्ती। 11जां जेख्णी तेन्हांनि धियाड़ी मेयि ता सै जमीनदारा सिंउ शिकायत करि बोलणा लगै, 12कि ऐन्हैं मजूरै जै लैट यौउरै थ्यै, अकै घंटा कम केया, तां बि तीं ऐन्हांनि तैन्हांं बराबर धियाड़ी दित्ती जां जैन्हैं पूरी धियाड़ी कम कियु जां गर्मी सेहन केयि तेन्हैरू कितु? 13तां बगीचेरै मालिकै तैन्हांं मझांं ऐकिनि जुबाव दिता कि, हे मित्र! आंउ ताउ सिंउ कौ अन्याय काता! क्या मीं तुहांनि अक धियाड़ी कम कांनेरी त्योतियै धियाड़ी ना दित्ती ज्योति शुणाउरी थी। 14जै तिंडि धियाड़ी आ तैस लै, जां चलि गा, मिंडी मर्जी आ कि ज्योति मीं ताउनि धियाड़ी दित्ती त्योतियै धियाड़ी ऐन्हांनि बि दियुं। 15क्या मीं ठीक ना कियु कि आंउ अपड़ै पेईंसै सिंउ जै चाहूं सै करूं? क्या तु मिंडै भलै भूंणेरै कारण मूं बुरी नजरी सिंउ तकांता? 16ऐहियें-चारै बड़ै सारै जै पेहिलै अत्तै, सै पिचालीं भूंणै, जै पिछलै अत्तै, सै पेहिलै भूंणै।
अपड़ि मोउतिरै बारै यीशुरी त्रीं भविष्यवाणी
(मरकुस. 10:32-34; लूका 18:31-34)
17यीशु यरूशलेम शहरा मझ गांहथै टैंमा अपड़ै बाराह चैला एकान्त मझ लै ग्या, जां बत्तै मझ चलतै-चलतै तेन्हांनि बोलणा लगा, 18“तका, असै यरूशलेम शहरानि गांहथै अत्तै; जां मैहणुरा पुत्र मतलब आंउ प्रधानयाजका जां यहूदी शास्त्रिया केरै हत्था पकड़वाई गांहणा, जां तैन्हांं आंउ मोउतिरै लायक ठैहरांणा। 19जां आंउ होरनियां जातिया केरै हवालै कांना जां तैन्हांं मिंडा मजाक बंणाणा, मूं पनि कोड़ै मांने, जां क्रूसा पन चाढ़ना, फिरी त्रियें रौजै दुबारे मूं मौरा मझां जींति गांहणु।”
एकि मयिरी अपड़ै बच्चेरै तेईनी विंनति
(मरकुस. 10:35-45)
20जेख्णी जब्दीरै पुत्रा केरी मयि अपड़ै पुत्रा सिंउ तैस किनि अईछी करि प्रणाम कियु, जां तैस किना किछ मगणा लगी। 21तां यीशु तैस किना पुच्छु, “तु कितु चांहथी आ?” तेनी यीशु सिंउ बौलु, “मूनी वचन दै कि मिंडै ऐ दोईयो पुत्र तिंडै राज्य मझ अक तिंडै दाऐं ता अक तिंडै बाऐं बेशिया।”
22यीशु जुबाव दित्ता, “तुवे ना जांणतै कि तुवे कितु मगतै अत्तै? क्या तुवे सै दुख सैहलै जै आंउ सहन कांननी गांहथा आ?” तैन्हैं तैस सिंउ बौलु, “हाँ! सहन करि सकतै।” 23यीशु तैन्हांं सिंउ बौलु, “तुवे मूं सैयि दुख ता सेहन करि लैलै, पण अपड़ै दाऐं जां बाऐं कोसक्यै बिशानेरा मिंडा कम ना, पण ऐ जगा तैन्हां मैहणुवां केरै तेईनी आ, जेन्हैरै तेईनी मिंडै पिता परमेश्वरै तियार क्यौरी आ।” 24जां ऐ शुणि करि सै दशो खास चैलै तैन्हांं दोईयो भाईया पन गुस्सै भुवै। 25यीशु सै ऐपु किनि शदा करि तेन्हांनि बौलु, “तुवे जांणतै अत्तै कि जै होरनियां जातिया केरै हाकिम संमझियूंते, सै तैन्हांं पन दबाव बारी करि राज कातै; जां जै तेन्हैरै खास मैहणु अत्तै सै तैन्हांं पन हक जतांतै।” 26पण तुहां मझ ऐतियु ना भुईया, जै कौ तुहां मझ बड़ा बंणना चांहथा, सै तुवाड़ा सेवक बंणिया। 27जां जै तुहां मझ प्रधान भूंणा चहिया सै तुवाड़ा दास बंणिया। 28जिहीं कि मैहणुरा पुत्र मतलब आंउ ऐठणीरै तेईनी ना या कि तुहां किना आंउ अपड़ि सेवा कराउं पण ऐठणीरै तेईनी या कि तुवाड़ी सेवा करूं जां बड़ा सारा मैहणुवां पापा किना छडांणेरै तेईनी अपड़ै प्रांण दियुं।
दुवां कांणा मैहणुवंनी टीरा केरा दान
29जेख्णी सै यरीहो नगरा किना निकूंथै थ्यै, तां अक बड़ी भीड़ तैस पिचालीं चलि। 30जां दो कांणै जै सिड़किरै किनारै बेठोरै थ्यै, ऐ शुणि करि कि यीशु तेदि बत्तै गांहथा, ता हक्कै दी करि बोलणा लगै, कि “हे प्रभु! दाऊदेरै वंशज! असु पन दया कर।” 31मैहणुवें सैक्यै झिड़खाय, कि चुप बेशा, पण सैक्यै होरै जौरै चिन्डै दी करि बोलणा लगै, “हे प्रभु! दाऊदेरै वंशज! असु पन दया कर।” 32तां यीशु खड़ै भौ करि, सै शदाय, जां बौलु, “तुवे कितु चांहथै अत्तै कि आंउ तुवाड़ै तेईनी कितु करूं?” 33तैन्हैं यीशु सिंउ बौलु, “हे प्रभु! असै चांहथै अत्तै कि असेड़ै टीरै ठीक भौ गहिया।” 34यीशु दया करि-करि तेन्हैरै टीरै छुत्तै, जां सै इकदम तकांणा लगै, जां तैस पिचालीं चलि पियै।
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.