मत्ती 25
25
दशा कुंवारिया केरा उदाहरण
1फिरी यीशु अपड़ा चैला सिंउ बौलु, जेख्णी मूं मतलब मैहणुरै पुत्रा वापस ऐईंणु, ता स्वर्गेरा राज्य तैन्हां दशा कुंवारिया छोकरिया सैयि भूंणा जै अपड़ि मशालि लै करि दुल्है सिंउ मिलणनी यैई। 2तैन्हांं मझीं पंज लापरवाह जां पंज समझदार थी। 3पंजै लापरवाह कुंवारिये अपड़ि मशाली ता लै लेई पण मशालिया सेईतै ज्यादा तैल ना ल्या। 4पण समझदार कुंवारिये मशालिया सेईतै अपड़ि कुपिया मझ तैल बि लै ल्या। 5जेख्णी दुल्है ऐईंणा मझ अटक भुई, तां सै सारी जांम्हाई दींणा लगी, जां झुलि गैई।
6“अधि राती हल्ला पेया, कि तका, दुल्हा ऐईंता, तैस सिंउ मिलणा चला।” 7तां सै सभ कुंवारी उठिकरि अपड़ि मशाली ठीक कांना लगी। 8जां लापरवाह कुंवारिये समझदार कुंवारिये सिंउ बौलु, अपड़ै तैला मझांं थोड़ा असुनि बि दी दिया, केईनी कि असेड़ि मशाली हिशति अत्ति। 9पण समझदार कुंवारिये जुबाव दिता कि, शायद तुहांनि जां असुनि ऐ तैल पूरा ना भुईया, ऐठणीरै तेईनी असेड़ै तेईनी अच्छु ऐ आ कि तुवे तैल बैचणारै किनि गहि करि अपड़ै तेईनी खरीदी ल्या। 10जां जेख्णी सै खरीदणनि गांहथी थी, तां दुल्हा अईछी रिय्हा, जां जै तियार थी सै तैस सिंउ ब्याहेरै घरा मझ चलि गैई, जां दुवार बंद भौ गियु। 11ऐत किना बाद सै होरी कुंवारी लैरी दींति दूल्हैनि बोलणा लगी, “हे सुवांमि! हे सुवांमि! असेड़ै तेईनी दुवार खोलि देया।” 12तेनी जुबाव दिता, कि आंउ तुहां सिंउ सच बोलता कि आंउ तुहां ना जांणता। 13ऐठणीरै तेईनी हर टैंम तियार रिय्हा, केईनी कि तुवे ना जांणतै कि आंउ दुबारे वापस कोस टैंमा अईछी गंहूँ।
सुन्नैरै सिक्का केरा उदाहरण
(लूका 19:11-27)
14जेख्णी मूं वापस ऐईंणु ता स्वर्गेरा राज्य तैस मैहणु समान भूंणा, जेनि परदैशनी गांहथै टैंमा अपड़ै दास शदाय जां अपड़ि संपति तेन्हांनि दी दित्ती। 15तेनी एकि दासनि पंज सुन्नैरै सिक्कै, होरै दासनि दो, जां त्रियें दासनि अक सुन्नैरा सिक्का दित्ता, मतलब हर-ऐकिनि तेसेरी काब्लियतिरे अनुसार दित्तु, तां परदैशनी चलि ग्या। 16तां जैसनि पंज सुन्नैरै सिक्कै मेऔरै थ्यै, तेनी झट गहि करि तैन्हांं सुन्नैरै सिक्का केरा व्यापार केया, जां पंज सुन्नैरै सिक्कै होरै कमो ल्यै। 17ऐहियें-चारै जैसनि दो मेऔरै थ्यै, तेनी बि दो होरै कमोय। 18पण जैसनि अक मेऔरा थ्या, तेनी गहि करि धरती खंणि, जां अपड़ै मालकेरा दितौरा सुन्नैरा सिक्का छपा दिता।
19जां जेख्णी बड़ै धियाड़िया किना बाद तैन्हांं दासा केरै मालिकै अईछी करि तैन्हांं किना हिसाब-किताब मग्गा। 20जैसनि पंज सुन्नैरै सिक्कै मेऔरै थ्यै, तेनी पंज सुन्नैरै सिक्कै होरै अंणि करि बौलु, हे मालिक! तीं मूंनी पंज सुन्नैरै सिक्कै दितोरै थ्यै तका, मीं पंज होरै कमोय। 21तेसेरै मालकै तैस दासा सिंउ बौलु, धन्य आ तु अच्छा जां विश्वासेरै काबिल दास, तु थोड़ी मईयां सम्भालना मझ विश्वासेरै काबिल रिहा; मूं तु बड़िया चीजा केरा अधिकारी बणांणा। आ जां मिंडी खुशी मझ शामिल भौ। 22जां जैसनि दो सुन्नैरै सिक्कै मेऔरै थ्यै, तेनी दो सुन्नैरै सिक्कै होरै अंणि करि बौलु, हे मालिक! तीं मूंनी दो सुन्नैरै सिक्कै दितोरै थ्यै तका, मीं दो होरै कमोय। 23मालिकै तैस दासा सिंउ बौलु, धन्य आ तु केईनी कि तु अच्छा जां विश्वासेरै काबिल दास आ, तु थोड़ी मंईयैं मझ विश्वासेरै काबिल रिय्हा, मूं तु बड़िया चीजा केरा अधिकारी बणांणा आ जां मिंडी खुशी मझ शामिल भौ।
24“फिरी जैसनि अक सुन्नैरा सिक्का मेऔरा थ्या, तेनी अईछी करि बौलु, हे मालिक! मूं तिंडा पता थ्या, कि तु कठोर मैहणु आ, जां होरनियां केरै कंमा किना फायदा मेईंणैरी उम्मीद रखता। 25ऐठणीरै तेईनी आंउ डरि ग्या कि अगर मिंडी वजहि ला तिंडा सुन्नैरा सिक्का गुम भौ ग्या ता ताउ मूंनी सजा दींणी। जां मीं गहि करि तिंडा दितौरा सुन्नैरा सिक्का धरती मझ दबि छडा; तका, ऐ रिय्हा तुवाड़ा सुन्नैरा सिक्का। 26तेसेरै मालकै तेसनी जुबाव दिता, हे दुष्ट, आलसी दास, जेख्णी ताउ पता थ्या कि आंउ एकि ऐतियै मैहणु सैयि आ, जै होरनियां केरै कंमा किना फायदा मेईंणैरी उम्मीद रखता। 27ता ताउ मिंडा पेईंसा सहूकारा किनि जम्हां करि दींणा चेहिंथा थ्या, कि जेख्णी मूं ऐईंणु थियु ता जै मिंडु अपड़ु थियु तैस ब्याजै सेईतै लै लींता। 28फिरी मालकै होरनियां दासा सेईतै बौलु ऐस सुन्नैरै सिक्कै बि ऐस किना लै ल्या जां जैस किनि दश सुन्नैरै सिक्कै अत्तै तेसनी दी देया। 29केईनी कि जैस किनि किछ ज्ञान या समझ आ, तेसनी होरी जादा मेईंणी। पण जैस किनि ज्ञान जां समझ ना, सै तेसैरी थोड़ी समझ बि चलि गांहणी जै तैस किनि आ।” 30ऐस निकम्मै दासा अंधारू मझ सुटा, जेठि रूंणु जां दंत चापणैं भूंणै।
न्यायरी धियाड़ी
31जेख्णी मूं मतलब मैहणुरै पुत्रा दुबारे अपड़ि महिमाय मझ ऐईंणु, ता सारै स्वर्गदूत ऐपु सेईतै अंणने। तेख्णी मूं सारा मैहणुवां केरा न्याय कांनेरै तेईनी अपड़ै महिमा बाऐ सिंघासना पन बेशणु। 32जां सारी जातिया केरै मैहणु मिंडै सांमणै किठै करियूंणै, फिरी जिहीं पुव्हाल भ्रैडा किना बकरिया अलग काता, तिहियें मूं सैक्यै बि योकिया किना अलग करि दींणै। 33फिरी तैस जै धर्मी मैहणु अत्तै सै अपड़ै देहिणै पासै कांने जां जै पापी मैहणु अत्तै तैस सै बांऐ पासै अलग खड़ै कांने।
34फिरी मूं मतलब राजै अपड़ै देहिणै पासेरै मैहणुवंनी बोलणु, हे मिंडै पिताऐरै धन्य मैहणुवो! ऐईछा, तैस राज्यरै वारिस भौ गहा जै संसारेरी शुरूवाति किना तुवाड़ै तेईनी तियार क्यौरा थ्या। 35केईनी कि आंउ जेख्णी भ्रुख्णां थ्या, ता तुहैं मूंनी खाणुनि दित्तु, आंउ त्रिशौरा थ्या ता मूंनी पांणी पिवाउ, आंउ परदेशी थ्या, ता अपड़ै घरै रखा; 36जेख्णी आंउ नग्गा थ्या, ता मूंनी लिकड़ै लुवाय आंउ बिमार थ्या, ता मिंडा पता लिया, आंउ जैल्ही मझ थ्या, तुवे मूं सिंउ मिलणा यै।
37तां धर्मियां तेसनी उत्तर दींणा, कि हे प्रभु! असै केख्णी तु भ्रुख्णां तका, जां केख्णी खलाउ? या त्रिशणा तका करि पांणी पिवाउ। 38असै केख्णी तु परदेशी तका, जां अपड़ै घरा मझ रखा, या नग्गा तका, जां लिकड़ै लुवाय? 39असै केख्णी तु बिमार या जैल्ही मझ तका, जां ताउ किनि मिलणा यै?
40तां मूं मतलब राजै तेन्हांनि जुबाव दींणा, आंउ तुहां सिंउ सच बोलता, कि तुवे जै मिंडै ऐन्हां विश्वासी भाईया मझ कोसक्यै सिंउ बि ऐहीं कियु ता समझा सै मूं सिंउ कियु। 41तां फिरी तैस अपड़ै बाऐं बेठोरै मैहणुवां सिंउ बोलणु, “हे श्रापित मैहणुवो! मिंडै सांमणै किना चलि गहा, जां जै आग परमेश्वरै शैताननी जां तेसेरै दुष्ट दूता केरै तेईनी तियार क्यौरी आ तैस अनन्त आगी मझ गहि करि पैयि गहा।” 42ऐहै तुवाड़ी सजा आ केईनी कि जेख्णी आंउ भ्रुख्णां थ्या, जां तुहैं मूंनी खांणुनी ना दित्तु, आंउ त्रिशणा थ्या जां तुहैं मूंनी पांणी न पिवाउ। 43आंउ परदेशी थ्या, ता आंउ अपड़ै घरै ना रखा, आंउ नग्गा थ्या, जां तुहैं मूंनी लिकड़ै ना लुवाय, बिमार जां जैल्ही मझ थ्या, ता तुहैं मिंडा पता ना लिया।
44तां तैन्हांं उत्तर दींणा, कि “हे प्रभु! असै केख्णी तु भ्रुख्णां, त्रिशणा, परदेशी या नग्गा, या बिमार, या जैल्ही मझ तका, जां तिंडि सेवा ना की?” 45तां मूं तेन्हांनि जुबाव दींणा, आंउ तुहां सिंउ सच बोलता, कि तुहैं जै मिंडै ऐन्हां हल्का भाईया मझ कोस सिंउ बि ऐहीं कियु ता समझा सै मूं सिंउ कियु। 46जां अधर्मियनि अनन्त दंड मेईंणा पण धर्मी मैहणुवंनी अनन्त जीवन मेईंणा।
Trenutno izabrano:
मत्ती 25: CDJNT
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.
मत्ती 25
25
दशा कुंवारिया केरा उदाहरण
1फिरी यीशु अपड़ा चैला सिंउ बौलु, जेख्णी मूं मतलब मैहणुरै पुत्रा वापस ऐईंणु, ता स्वर्गेरा राज्य तैन्हां दशा कुंवारिया छोकरिया सैयि भूंणा जै अपड़ि मशालि लै करि दुल्है सिंउ मिलणनी यैई। 2तैन्हांं मझीं पंज लापरवाह जां पंज समझदार थी। 3पंजै लापरवाह कुंवारिये अपड़ि मशाली ता लै लेई पण मशालिया सेईतै ज्यादा तैल ना ल्या। 4पण समझदार कुंवारिये मशालिया सेईतै अपड़ि कुपिया मझ तैल बि लै ल्या। 5जेख्णी दुल्है ऐईंणा मझ अटक भुई, तां सै सारी जांम्हाई दींणा लगी, जां झुलि गैई।
6“अधि राती हल्ला पेया, कि तका, दुल्हा ऐईंता, तैस सिंउ मिलणा चला।” 7तां सै सभ कुंवारी उठिकरि अपड़ि मशाली ठीक कांना लगी। 8जां लापरवाह कुंवारिये समझदार कुंवारिये सिंउ बौलु, अपड़ै तैला मझांं थोड़ा असुनि बि दी दिया, केईनी कि असेड़ि मशाली हिशति अत्ति। 9पण समझदार कुंवारिये जुबाव दिता कि, शायद तुहांनि जां असुनि ऐ तैल पूरा ना भुईया, ऐठणीरै तेईनी असेड़ै तेईनी अच्छु ऐ आ कि तुवे तैल बैचणारै किनि गहि करि अपड़ै तेईनी खरीदी ल्या। 10जां जेख्णी सै खरीदणनि गांहथी थी, तां दुल्हा अईछी रिय्हा, जां जै तियार थी सै तैस सिंउ ब्याहेरै घरा मझ चलि गैई, जां दुवार बंद भौ गियु। 11ऐत किना बाद सै होरी कुंवारी लैरी दींति दूल्हैनि बोलणा लगी, “हे सुवांमि! हे सुवांमि! असेड़ै तेईनी दुवार खोलि देया।” 12तेनी जुबाव दिता, कि आंउ तुहां सिंउ सच बोलता कि आंउ तुहां ना जांणता। 13ऐठणीरै तेईनी हर टैंम तियार रिय्हा, केईनी कि तुवे ना जांणतै कि आंउ दुबारे वापस कोस टैंमा अईछी गंहूँ।
सुन्नैरै सिक्का केरा उदाहरण
(लूका 19:11-27)
14जेख्णी मूं वापस ऐईंणु ता स्वर्गेरा राज्य तैस मैहणु समान भूंणा, जेनि परदैशनी गांहथै टैंमा अपड़ै दास शदाय जां अपड़ि संपति तेन्हांनि दी दित्ती। 15तेनी एकि दासनि पंज सुन्नैरै सिक्कै, होरै दासनि दो, जां त्रियें दासनि अक सुन्नैरा सिक्का दित्ता, मतलब हर-ऐकिनि तेसेरी काब्लियतिरे अनुसार दित्तु, तां परदैशनी चलि ग्या। 16तां जैसनि पंज सुन्नैरै सिक्कै मेऔरै थ्यै, तेनी झट गहि करि तैन्हांं सुन्नैरै सिक्का केरा व्यापार केया, जां पंज सुन्नैरै सिक्कै होरै कमो ल्यै। 17ऐहियें-चारै जैसनि दो मेऔरै थ्यै, तेनी बि दो होरै कमोय। 18पण जैसनि अक मेऔरा थ्या, तेनी गहि करि धरती खंणि, जां अपड़ै मालकेरा दितौरा सुन्नैरा सिक्का छपा दिता।
19जां जेख्णी बड़ै धियाड़िया किना बाद तैन्हांं दासा केरै मालिकै अईछी करि तैन्हांं किना हिसाब-किताब मग्गा। 20जैसनि पंज सुन्नैरै सिक्कै मेऔरै थ्यै, तेनी पंज सुन्नैरै सिक्कै होरै अंणि करि बौलु, हे मालिक! तीं मूंनी पंज सुन्नैरै सिक्कै दितोरै थ्यै तका, मीं पंज होरै कमोय। 21तेसेरै मालकै तैस दासा सिंउ बौलु, धन्य आ तु अच्छा जां विश्वासेरै काबिल दास, तु थोड़ी मईयां सम्भालना मझ विश्वासेरै काबिल रिहा; मूं तु बड़िया चीजा केरा अधिकारी बणांणा। आ जां मिंडी खुशी मझ शामिल भौ। 22जां जैसनि दो सुन्नैरै सिक्कै मेऔरै थ्यै, तेनी दो सुन्नैरै सिक्कै होरै अंणि करि बौलु, हे मालिक! तीं मूंनी दो सुन्नैरै सिक्कै दितोरै थ्यै तका, मीं दो होरै कमोय। 23मालिकै तैस दासा सिंउ बौलु, धन्य आ तु केईनी कि तु अच्छा जां विश्वासेरै काबिल दास आ, तु थोड़ी मंईयैं मझ विश्वासेरै काबिल रिय्हा, मूं तु बड़िया चीजा केरा अधिकारी बणांणा आ जां मिंडी खुशी मझ शामिल भौ।
24“फिरी जैसनि अक सुन्नैरा सिक्का मेऔरा थ्या, तेनी अईछी करि बौलु, हे मालिक! मूं तिंडा पता थ्या, कि तु कठोर मैहणु आ, जां होरनियां केरै कंमा किना फायदा मेईंणैरी उम्मीद रखता। 25ऐठणीरै तेईनी आंउ डरि ग्या कि अगर मिंडी वजहि ला तिंडा सुन्नैरा सिक्का गुम भौ ग्या ता ताउ मूंनी सजा दींणी। जां मीं गहि करि तिंडा दितौरा सुन्नैरा सिक्का धरती मझ दबि छडा; तका, ऐ रिय्हा तुवाड़ा सुन्नैरा सिक्का। 26तेसेरै मालकै तेसनी जुबाव दिता, हे दुष्ट, आलसी दास, जेख्णी ताउ पता थ्या कि आंउ एकि ऐतियै मैहणु सैयि आ, जै होरनियां केरै कंमा किना फायदा मेईंणैरी उम्मीद रखता। 27ता ताउ मिंडा पेईंसा सहूकारा किनि जम्हां करि दींणा चेहिंथा थ्या, कि जेख्णी मूं ऐईंणु थियु ता जै मिंडु अपड़ु थियु तैस ब्याजै सेईतै लै लींता। 28फिरी मालकै होरनियां दासा सेईतै बौलु ऐस सुन्नैरै सिक्कै बि ऐस किना लै ल्या जां जैस किनि दश सुन्नैरै सिक्कै अत्तै तेसनी दी देया। 29केईनी कि जैस किनि किछ ज्ञान या समझ आ, तेसनी होरी जादा मेईंणी। पण जैस किनि ज्ञान जां समझ ना, सै तेसैरी थोड़ी समझ बि चलि गांहणी जै तैस किनि आ।” 30ऐस निकम्मै दासा अंधारू मझ सुटा, जेठि रूंणु जां दंत चापणैं भूंणै।
न्यायरी धियाड़ी
31जेख्णी मूं मतलब मैहणुरै पुत्रा दुबारे अपड़ि महिमाय मझ ऐईंणु, ता सारै स्वर्गदूत ऐपु सेईतै अंणने। तेख्णी मूं सारा मैहणुवां केरा न्याय कांनेरै तेईनी अपड़ै महिमा बाऐ सिंघासना पन बेशणु। 32जां सारी जातिया केरै मैहणु मिंडै सांमणै किठै करियूंणै, फिरी जिहीं पुव्हाल भ्रैडा किना बकरिया अलग काता, तिहियें मूं सैक्यै बि योकिया किना अलग करि दींणै। 33फिरी तैस जै धर्मी मैहणु अत्तै सै अपड़ै देहिणै पासै कांने जां जै पापी मैहणु अत्तै तैस सै बांऐ पासै अलग खड़ै कांने।
34फिरी मूं मतलब राजै अपड़ै देहिणै पासेरै मैहणुवंनी बोलणु, हे मिंडै पिताऐरै धन्य मैहणुवो! ऐईछा, तैस राज्यरै वारिस भौ गहा जै संसारेरी शुरूवाति किना तुवाड़ै तेईनी तियार क्यौरा थ्या। 35केईनी कि आंउ जेख्णी भ्रुख्णां थ्या, ता तुहैं मूंनी खाणुनि दित्तु, आंउ त्रिशौरा थ्या ता मूंनी पांणी पिवाउ, आंउ परदेशी थ्या, ता अपड़ै घरै रखा; 36जेख्णी आंउ नग्गा थ्या, ता मूंनी लिकड़ै लुवाय आंउ बिमार थ्या, ता मिंडा पता लिया, आंउ जैल्ही मझ थ्या, तुवे मूं सिंउ मिलणा यै।
37तां धर्मियां तेसनी उत्तर दींणा, कि हे प्रभु! असै केख्णी तु भ्रुख्णां तका, जां केख्णी खलाउ? या त्रिशणा तका करि पांणी पिवाउ। 38असै केख्णी तु परदेशी तका, जां अपड़ै घरा मझ रखा, या नग्गा तका, जां लिकड़ै लुवाय? 39असै केख्णी तु बिमार या जैल्ही मझ तका, जां ताउ किनि मिलणा यै?
40तां मूं मतलब राजै तेन्हांनि जुबाव दींणा, आंउ तुहां सिंउ सच बोलता, कि तुवे जै मिंडै ऐन्हां विश्वासी भाईया मझ कोसक्यै सिंउ बि ऐहीं कियु ता समझा सै मूं सिंउ कियु। 41तां फिरी तैस अपड़ै बाऐं बेठोरै मैहणुवां सिंउ बोलणु, “हे श्रापित मैहणुवो! मिंडै सांमणै किना चलि गहा, जां जै आग परमेश्वरै शैताननी जां तेसेरै दुष्ट दूता केरै तेईनी तियार क्यौरी आ तैस अनन्त आगी मझ गहि करि पैयि गहा।” 42ऐहै तुवाड़ी सजा आ केईनी कि जेख्णी आंउ भ्रुख्णां थ्या, जां तुहैं मूंनी खांणुनी ना दित्तु, आंउ त्रिशणा थ्या जां तुहैं मूंनी पांणी न पिवाउ। 43आंउ परदेशी थ्या, ता आंउ अपड़ै घरै ना रखा, आंउ नग्गा थ्या, जां तुहैं मूंनी लिकड़ै ना लुवाय, बिमार जां जैल्ही मझ थ्या, ता तुहैं मिंडा पता ना लिया।
44तां तैन्हांं उत्तर दींणा, कि “हे प्रभु! असै केख्णी तु भ्रुख्णां, त्रिशणा, परदेशी या नग्गा, या बिमार, या जैल्ही मझ तका, जां तिंडि सेवा ना की?” 45तां मूं तेन्हांनि जुबाव दींणा, आंउ तुहां सिंउ सच बोलता, कि तुहैं जै मिंडै ऐन्हां हल्का भाईया मझ कोस सिंउ बि ऐहीं कियु ता समझा सै मूं सिंउ कियु। 46जां अधर्मियनि अनन्त दंड मेईंणा पण धर्मी मैहणुवंनी अनन्त जीवन मेईंणा।
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.