লূক 9
9
শিচ্চ্যগুনোর্ প্রচারত্-যানা
(মথি ১০:৫-১৫; ১৮:১-১২; মার্ক ৬:৭-২৯)
1ইয়েনর্ পরেদি যীশু সেই বারজন শিচ্চ্যরে ডাগিনে এগত্তর্ গুরিলো আর বেক্ ভান্ন্যেই আত্মা উগুরে খেমতা আর অধিকার্ দান গুরিলো। তে তারারে পীড়ে গম্ গুরিবার্ খেমতায়ো দিলো। 2সে পরেদি তে তারারে গোজেন রেজ্য পৌইদ্যেনে ফগদাং গুরিবাত্তে আর পীড়েল্যেগুনোরে গম্ গুরিবাত্তে পাধেই দিলো।
3যীশু তারারে কলঅ, “তুমি পধত্তে লুদিক্, থৈল্যে, রুটি বা টেঙা কিচ্ছু ন-নেযেয়ো, রুটি বা টেঙা কিচ্ছু ন-নেযেয়ো, এমন কি, দ্বিবেত্ দরে সিলুম্অ নয়। 4যে ঘরত্ তুমি সোমেবা সেই শঅরান্ ন-ছাড়ানা সং সেই ঘরানত্ থেয়ো। 5যুনি মান্জ্যে তমারে মানি ন-লন্ সালে তারা আদামান্ ফেলে যেবার্ অক্তত্ তমা টেঙর্ ধূল্যেগানি ঝাড়ি ফেলঅ, যেন সিয়েন্ তারার্ বিরুদ্ধে সাক্ষ্য ওই থায়।”
6সেক্কে শিচ্চ্যগুনে আদামে আদামে যেইনে গোজেন রেজ্যর্ গম্ হবর্ ফগদাং গরানা আর পীড়ে গম্ গরা ধুরিলাক্। 7যীশু যিয়েনি গোজ্যে সিয়েনি বেক্কানি শুনিনে গালীল শাসনগুরিয়্যে হেরোদে আমক্ অলঅ, কিত্যে কয়েকজন মান্জ্যে কদন্ বাপ্তিস্মদিয়্যে যোহনে মরণত্তুন্ জেই উঠ্যে; 8কেঅ কেঅ কোইয়োন এলিয় দেগা দিয়্যে; আরঅ কেঅ কেঅ কোইয়োন ভালোক্ দিনো আগর্ এক্কো ভাববাদী জেই উঠ্যে।
9হেরোদে কোইয়্যেদে, “মুই দঅ যোহন মাঢাবো কাবি ফেলেয়োং। সালে যিবে পৌইদ্যেনে মুই ইয়েনি শুন্ন্যং, তে কন্না?” হেরোদে যীশুরে চেবাত্তে চেরেস্টা গরা ধুরিলো।
পাচ্ আজার মান্জ্যরে হাবানা
(মথি ১৮:১৩-২১; মার্ক ৬:৩০-৪৪; যোহন ৬:১-১৪)
10যীশু যে শিচ্চ্যগুনোরে পাধেয়্যে তারা ফিরি এলাক্ আর কি কি গোজ্যন্ বেক্কানি তারা যীশুরে কলাক্। সেক্কে যীশু তারারে লোইনে বৈৎসৈদা আদাম কায় এক্কান্ মানুচ্ নেইয়্যে জাগাত্ গেলঅ। 11সেই হবরান্ হবর্ পেইনে বোউত্ মানুচ্ যীশু পিজে পিজে গেলাক্। তে সেই মানুচ্চুনোরে মানি ললঅ আর তারা ইধু গোজেন রেজ্যর্ কধা কলঅ। ইয়েনি বাদেয়ো যিগুনোর্ গম্ অবার্ দরকার এলঅ তে তারারে গম্ গুরিলো।
12যেক্কে বেলান্ ডুবেল্লোই সেক্কে সেই বারজন শিচ্চ্য এইনে যীশুরে কলাক্, যীশু তারারে কলঅ, “আমি যিয়েনত্ আগিই সিয়েন্ এক্কান্ নিরিবিলি জাগা। সেনত্তে এ মানুচ্চুনোরে পাধেই দে যেন তারা কায়কুরে অাদামত্ আর খামার ঘরত্ যেইনে হানা আর থেবার্ জাগা তোগেই নেযেই পারন্।”
13যীশু তারারে কলঅ, “তুমি নিজেই তারারে কিজু হেবাত্তে দুয়ো।”
তারা কলাক্, “মাত্তর্ আমা ইধু বানা পাচ্চান্ রুটি আর দ্বিবে মাছ বাদে আর কিচ্ছু নেই। বানা আমি যুদি যেইনে এই বেক্ মানুচ্চুনোত্তে হানা কিনি আনি পারিদোং সেক্কে তে তারারে হাবেই পারিদোং।” 14সিয়েনত্ কমেদি পাচ্ আজার্ মরদ মানুচ্ এলাক্।
যীশু তা শিচ্চ্যগুনোরে কলঅ, “পঞ্চাশ জন্যে দলত্ গুরি এক এক দলত্ মানুচ্চুনোরে বোজেই দুয়ো।”
15শিচ্চ্যগুনে সেবাবোত্যেগুরি বেক্ মানুচ্চুনোরে বোজেই দিলাক্। 16সেক্কে যীশু সেই পাচ্চান্ রুটি আর দ্বিবে মাছ লোইনে স্বর্গ ইন্দি রিনি চেলঅ আর সিয়েনিত্তে গোজেনরে ভালেদি জানানার্ পরেদি কট্টা কট্টা গুরিলো। সে পরেদি তে মানুচ্চুনোরে দিবাত্তে সিয়েনি শিচ্চ্যগুনো আঢত্ দিলো। 17তারা বেক্কুনে পেট ভরে সং হেলাক্। যেরেদি যে কট্টানি পড়ি এলঅ সিয়েনি বারবো লেইয়োত্ তুলি নেযা অলঅ।
নিজো মরণ পৌইদ্যেনে প্রভু যীশু
(মথি ১৬:১৩-২৮; মার্ক ৮:২৭-৯:১)
18একদিন্যে যীশু এক্কান্ নিরিবিলি জাগাত্ গায় গায় তবনা গরের্। তা সমারে বানা তা শিচ্চ্যগুনে এলাক্। তে তারারে পুযোর্ গুরিলো, “মুই কন্না, এ পৌইদ্যেনে মানুচ্চুনে কি কন্?”
19শিচ্চ্যগুনে কলাক্, “কেঅ কেঅ কন্ তুই বাপ্তিস্মদিয়্যে যোহন; কেঅ কেঅ কন্ এলিয়; আরঅ কেঅ কেঅ কন্ ভালোক্ দিন আগে এক্কো ভাববাদী জেই উঠ্যে।”
20তে তারারে কলঅ, “মাত্তর্ তুমি কি কঅ, মুই কন্না?”
পিতরে কলঅ, “তুই গোজেনর্ সেই মশীহ।”
21পরেদি যীশু তারারে কড়া উগুম গুরিলো যেন তারা কাররে এ কধাগান্ ন-কন্। 22তে তারারে আরঅ কলঅ, মান্জ্য পুয়োবোত্তুন্ বোউত্ দুঘ্ ভুগো পড়িবো। বুড়ো নেতাগুন, আজল্ ধর্মগুরুগুন আর ধর্ম-মাষ্টরুনে তারে এলাফেলা গুরিবাক্। তারে মারে ফেলা অবঅ আর তিন দিনোত্ তারে মরণত্তুন্ জেঈ উদো পড়িবো। 23সে পরেদি তে বেক্কুনোরে কলঅ, “যুনি কেঅ মঅ পধেদি এবাত্তে চায়, সালে তে নিজো আয়োচ্ মজিম্ ন-চোলোক্; পত্তিদিন নিজো ক্রুশ্চান্ বুয়োইনে তে মঅ পিজেদি এজোক্। 24যে কেঅ তা নিজোত্তে বাঁজি থেদঅ চায় তে তার জিংকানিগান্ ঘেচ্চেক্গুরি আরেব; মাত্তর্ যে মত্তে তা পরাণান্ আরায় তে তার জিংকানিগান্ ঘেচ্চেক্গুরি রোক্ষ্যে পেবঅ। 25তুই যুনি পুরো পিত্থিমীগান জিদিনে সিয়েনর্ বদলে তঅ জিংকানিগান্ ঘেচ্চেক্গুরি আরাস্ সালে সিয়েনর্ কি লাভ্ অলঅ? নিশ্চয় নয়! 26যুনি কেঅ মরে নিইনে আর মঅ কধালোই লাজান্, সালে মান্জ্য পুয়োবো যেক্কে নিজোর্ মহিমালোই, বাপর্ আর পবিত্র স্বর্গদূত্তুনোর্ মহিমালোই এবঅ সেক্কে তেয়ো সেই মানুচ্চো পৌইদ্যেনে লাজেব। 27মুই তমারে ঘেচ্চেক্গুরি কঙর্, ইয়েনত্ এমন কয়েক্কো আগন্ যিগুনো ইধু গোজেন রেজ্যগান্ দেগা ন-দেনা সং তারা কনমতে মুরি ন-যেবাক্।”
প্রভু যীশুর্ জোল্জোল্যে চেঙারা
(মথি ১৭:১-১৩; মার্ক ৯:২-১৩)
28এই বেক্ কধানি কনার্ এক সাপ্তা পরেদি যীশু তবনা গুরিবাত্তে পিতর, যোহন আর যাকোবরে লোইনে এক্কো মুড়োত্ গেলঅ। 29তবনা গুরিবার্ অক্তত্ যীশুর মুয়ো চেঙারাগান্ বুদুলী গেলঅ আর তা কাবড়-চুগোড়ানি অমকদ ধুব্ ওই গেলঅ, 30অঢাদত্ দ্বিজন্ মান্জ্যরে তা লগে কধা কধে দেগা গেলঅ। সেই দ্বিজন্ অলাক্ মোশি আর এলিয়। 31তারা মহিমার্ লগে দেগা দিলাক্। যিরূশালেমত্ যে মরণ মুজুঙোত্ যীশু আজির্ অবাত্তে যার্ তারা সে পৌইদ্যেনে কধাবাত্তা কদন্।
32পিতর আর তা সমাজ্যেগুনে সে অক্তত্ অমকদ ঘুম্ যাদন্। তারা জাগি উদিনে যীশুর মহিমাগান্ দেগিলাক্ আর তা সমারে থিয়্যেইয়্যে সেই দ্বিজন্ মান্জ্যরেয়ো দেগিলাক্। 33সেই দ্বিজনে যেক্কে যীশু কায়কুরেত্তুন্ যাদন্ সেক্কে পিতর যীশুরে কলঅ, “প্রভু, গম্ ওইয়্যে, আমি ইয়েনত্ আগিই। আমি ইয়েনত্ তিনেন্ তাম্বুল-ঘর্ বানেই-এক্কান্ তর্, এক্কান্ মোশির আর এক্কান্ এলিয়ত্তে।” তে আজলে নয়ো বুঝে তে কি কোইয়্যে।
34পিতরে যেক্কে কধা কর্ সেক্কে এক্কান্ মেঘ এইনে তারারে ছাবালোই নাঢি ফেলেল। তারা সেই মেঘ ভিদিরে নাঢা পল্লে পরেদি শিচ্চ্যগুনে দোরেলাক্। 35সেই মেঘ্কানত্তুন্ এ কধাগান্ শুনো গেলঅ, “ইবেই মর্ পুয়ো যিবেরে মুই বেঈ লোইয়োং; তুমি ইবে কধা শুনো।”
36যেক্কে কধা থামেল সেক্কে দেগা গেলঅ যীশু গায় গায় আঘে। শিচ্চ্যগুনে যিয়েন্ দেখ্যন্ সে পৌইদ্যেনে সেই সময়োত্ কাররে কিচ্চু ন-কোইনে তারা জুরো গুরি রলাক্।
ভান্ন্যেই আত্মায় পেইয়্যে পুয়োবো গম্ অলঅ
(মথি ১৭:১৪-২১; মার্ক ৯:১৪-২৯)
37তার্কেল্যে যীশু আর সেই তিনজন শিচ্চ্য মুড়োত্তুন্ লামানার্ পরেদি সয়সাগোজ্যে মানুচ্ যীশু লগে দেগা গুরিবাত্তে এলাক্। 38সেক্কে ঝাগ ভিদিরেত্তুন্ এক্কো মানুচ্ রঅ ছাড়িনে যীশুরে কলঅ, “মাষ্টরবাবু, দোয়্যে গুরিনে মঅ পুয়োবোরে চাহ্। তে মর্ বানা এক্কোগুরি পুয়ো। 39তারে এক্কো ভান্ন্যেই আত্মায় ধোজ্যে আর তে আদিক্ক্যেগুরি রঅ ছাড়ি উদে। সেই আত্মাবো তারে যেক্কে মুযুরি ধরে সেক্কে তা মুয়োত্তুন্ ফেনা নিগিলে; সে পরেদি তে তারে অমকদ দুঘ্ দিইনে ঘা ঘা গুরিনে ইরি দে। 40মুই তঅ শিচ্চ্যগুনো ইধু কোজোলী গোজ্যং যেন তারা সেই আত্মাবোরে ধাবেই দুয়োন্, মাত্তর্ তারা ন-পারিলাক্।”
41সেক্কে যীশু কলঅ, “অবিশ্বেজি আর পাজি মানুচ্চুন্! আর কয়দিন মুই তমা লগে থেইম্ আর তমারে সোজ্য গুরিম্? তঅ পুয়োবোরে ইধু আন্।” 42পুয়োবো যেক্কে এজের্ সেক্কে সেই ভান্ন্যেই আত্মাবো তারে আছাড়্ মারিনে মুযুরি ধুরিলো। সেক্কে যীশু সেই ভান্ন্যেই আত্মাবোরে ধমক্ দিলো আর পুয়োবোরে গম্ গুরিনে তা বাব ইধু ফিরেই দিলো। 43গোজেনে যে কত্তমান্ দাঙর্ সিয়েন দেগিনে বেক্কুনে আমক্ অলাক্।
নানান্ বাবোত্যে উপদেজ্ আর যিরূশালেমত্ যানা
(মথি ৮:১৯-২২; ১৭:২২,২৩; ১৮:১-৫; ১৯-২২; মার্ক ৯:৩০-৪০)
যীশু যিয়েনি গোজ্যে সে পৌইদ্যেনে বেক্কুনে যেক্কে আমক্ ওইনে ভাবদন্ সেক্কে তে তা শিচ্চ্যগুনোরে কলঅ, 44“মুই কি কোইয়োং এ কধাগান্ ভুলি ন-যেইয়ো, মান্জ্য পুয়োবোরে খেমতাবলা মানুচ্চুনো আঢত্ ধুরি দিয়্যে অবঅ।”
45মাত্তর্ শিচ্চ্যগুনে সে কধাগান্ বুঝি ন-পারিলাক্। গোজেনে তারাত্তুন্ সিয়েনি গুমুরোত্ রাগেয়্যে যেন তারা বুঝি ন-পারন্। ইয়েন্দোই কনঅ কধা যীশুরে পুযোর্ গুরিবাত্তেয়ো শিচ্চ্যগুনে দোরেলাক্।
46শিচ্চ্যগুনো ভিদিরে কন্না বেগত্তুন্ দাঙর্ সে পৌইদ্যেনে তারা ভিদিরে তর্ক অর্। 47যীশু হবর্ পেদঅ তারা কি চিন্তে গরদন্, সেনত্যে এক্কো চিগোন্ গুড়োরে নেযেইনে তা কায়কুরে থিয়্যেই রাগেল। 48সে পরেদি তে তারারে কলঅ, “যে কেঅ মঅ নাঙে এ চিগোন্ চিজিবোরে ভালেদি জানায় তে মরে ভালেদি জানায়। যে মরে ভালেদি জানায়, যিবে মরে পাধেয়্যে তে তারেয়ো ভালেদি জানায়। তমা ভিদিরে বেগত্তুন্ যে চিগোন্, তেয়ই দাঙর্।”
49যোহনে কলঅ, “মাষ্টরবাবু, তঅ নাঙে আমি একজনরে ভান্ন্যেই আত্মা ধাবাদে দেখ্যেই। তে আমা দলর্ মানুচ্ নয় বিলি আমি তারে মানা গোজ্যেই।”
50যীশু তারে কলঅ, “আর মানা ন-গুরিচ্, কিয়া যে তমা বিপক্ষে ন-থায় তে দঅ তমা পক্ষে আঘে।”
51যেক্কে যীশুর স্বর্গত্ যেবার্ অক্ত ওই এলঅ সেক্কে তে যিরূশালেমত্ যেবাত্তে মনান্ থির্ গুরিলো। 52তে আগে ধুরি সিধু মানুচ্চুনোরে পাধেই দিলো। তারা যীশুত্তে বেক্ বেবস্থাগানি গুরিবাত্তে শমরিয়গুনোর এক্কান্ আদামত্ সোমেলাক্, 53মাত্তর্ যীশু যিরূশালেমত্ যার্ বিলি সে আদাম মানুচ্চুনে তারে মানি ন-ললাক্। 54সিয়েন্ দেগিনে তা শিচ্চ্য যাকোব আর যোহনে কলাক্, “প্রভু, তুই কি চাজ্ যে, এলিয় ধোক্ক্যেন্ আমি ইগুনোরে ভস্ত গুরিবাত্তে স্বর্গত্তুন্ আগুন লামি এবাত্তে কবং?”
55যীশু তারা ইন্দি ফিরিনে তারারে ধমক্ দিলো। 56সে পরেদি তারা অন্য আদামত্ গেলাক্।
57তারা পধেদি যাদন্ এমন সময় এক্কো মানুচ্ যীশুরে কলঅ, “তুই যিধু যেবে মুইয়ো তঅ লগে সিধু যেইম্।”
58যীশু তারে কলঅ, “শিয়েলর্ গাঢ্ আঘে আর পেগোর্ পেগোবা আঘে, মাত্তর্ মান্জ্য পুয়োবোর্ মাঢা থবার্ জাগা কনমিক্ক্যে নেই।”
59যেরেদি তে অন্য আর একজনরে কলঅ, “মঅ লগে যেই।”
মাত্তর্ সে মানুচ্চো কলঅ, “মাষ্টরবাবু, আগে মঅ বাব্পোরে কবর্ দি এবাত্তে দে।”
60যীশু তারে কলঅ, “মরাগুনে তারার্ মরাগুনোরে কবর্ দেদোক্, মাত্তর্ তুই এইনে গোজেন রেজ্য পৌইদ্যেনে ফগদাং গর্।”
61আর একজনে কলঅ, “মাষ্টরবাবু, মুই তঅ লগে যেইম্, মাত্তর্ আগে মঅ ঘরত্তুন্ মরে বিদেয় লোইনে এবাত্তে দে।”
62যীশু তারে কলঅ, “নাঙলত্ আঢ্ বাজেইনে যে পিজেদি রিনি চায় তে গোজেন রেজ্যর্ যগাজ্যে নয়।”
Trenutno izabrano:
লূক 9: CBT
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Copyright © 2021 Bangladesh Bible Society
লূক 9
9
শিচ্চ্যগুনোর্ প্রচারত্-যানা
(মথি ১০:৫-১৫; ১৮:১-১২; মার্ক ৬:৭-২৯)
1ইয়েনর্ পরেদি যীশু সেই বারজন শিচ্চ্যরে ডাগিনে এগত্তর্ গুরিলো আর বেক্ ভান্ন্যেই আত্মা উগুরে খেমতা আর অধিকার্ দান গুরিলো। তে তারারে পীড়ে গম্ গুরিবার্ খেমতায়ো দিলো। 2সে পরেদি তে তারারে গোজেন রেজ্য পৌইদ্যেনে ফগদাং গুরিবাত্তে আর পীড়েল্যেগুনোরে গম্ গুরিবাত্তে পাধেই দিলো।
3যীশু তারারে কলঅ, “তুমি পধত্তে লুদিক্, থৈল্যে, রুটি বা টেঙা কিচ্ছু ন-নেযেয়ো, রুটি বা টেঙা কিচ্ছু ন-নেযেয়ো, এমন কি, দ্বিবেত্ দরে সিলুম্অ নয়। 4যে ঘরত্ তুমি সোমেবা সেই শঅরান্ ন-ছাড়ানা সং সেই ঘরানত্ থেয়ো। 5যুনি মান্জ্যে তমারে মানি ন-লন্ সালে তারা আদামান্ ফেলে যেবার্ অক্তত্ তমা টেঙর্ ধূল্যেগানি ঝাড়ি ফেলঅ, যেন সিয়েন্ তারার্ বিরুদ্ধে সাক্ষ্য ওই থায়।”
6সেক্কে শিচ্চ্যগুনে আদামে আদামে যেইনে গোজেন রেজ্যর্ গম্ হবর্ ফগদাং গরানা আর পীড়ে গম্ গরা ধুরিলাক্। 7যীশু যিয়েনি গোজ্যে সিয়েনি বেক্কানি শুনিনে গালীল শাসনগুরিয়্যে হেরোদে আমক্ অলঅ, কিত্যে কয়েকজন মান্জ্যে কদন্ বাপ্তিস্মদিয়্যে যোহনে মরণত্তুন্ জেই উঠ্যে; 8কেঅ কেঅ কোইয়োন এলিয় দেগা দিয়্যে; আরঅ কেঅ কেঅ কোইয়োন ভালোক্ দিনো আগর্ এক্কো ভাববাদী জেই উঠ্যে।
9হেরোদে কোইয়্যেদে, “মুই দঅ যোহন মাঢাবো কাবি ফেলেয়োং। সালে যিবে পৌইদ্যেনে মুই ইয়েনি শুন্ন্যং, তে কন্না?” হেরোদে যীশুরে চেবাত্তে চেরেস্টা গরা ধুরিলো।
পাচ্ আজার মান্জ্যরে হাবানা
(মথি ১৮:১৩-২১; মার্ক ৬:৩০-৪৪; যোহন ৬:১-১৪)
10যীশু যে শিচ্চ্যগুনোরে পাধেয়্যে তারা ফিরি এলাক্ আর কি কি গোজ্যন্ বেক্কানি তারা যীশুরে কলাক্। সেক্কে যীশু তারারে লোইনে বৈৎসৈদা আদাম কায় এক্কান্ মানুচ্ নেইয়্যে জাগাত্ গেলঅ। 11সেই হবরান্ হবর্ পেইনে বোউত্ মানুচ্ যীশু পিজে পিজে গেলাক্। তে সেই মানুচ্চুনোরে মানি ললঅ আর তারা ইধু গোজেন রেজ্যর্ কধা কলঅ। ইয়েনি বাদেয়ো যিগুনোর্ গম্ অবার্ দরকার এলঅ তে তারারে গম্ গুরিলো।
12যেক্কে বেলান্ ডুবেল্লোই সেক্কে সেই বারজন শিচ্চ্য এইনে যীশুরে কলাক্, যীশু তারারে কলঅ, “আমি যিয়েনত্ আগিই সিয়েন্ এক্কান্ নিরিবিলি জাগা। সেনত্তে এ মানুচ্চুনোরে পাধেই দে যেন তারা কায়কুরে অাদামত্ আর খামার ঘরত্ যেইনে হানা আর থেবার্ জাগা তোগেই নেযেই পারন্।”
13যীশু তারারে কলঅ, “তুমি নিজেই তারারে কিজু হেবাত্তে দুয়ো।”
তারা কলাক্, “মাত্তর্ আমা ইধু বানা পাচ্চান্ রুটি আর দ্বিবে মাছ বাদে আর কিচ্ছু নেই। বানা আমি যুদি যেইনে এই বেক্ মানুচ্চুনোত্তে হানা কিনি আনি পারিদোং সেক্কে তে তারারে হাবেই পারিদোং।” 14সিয়েনত্ কমেদি পাচ্ আজার্ মরদ মানুচ্ এলাক্।
যীশু তা শিচ্চ্যগুনোরে কলঅ, “পঞ্চাশ জন্যে দলত্ গুরি এক এক দলত্ মানুচ্চুনোরে বোজেই দুয়ো।”
15শিচ্চ্যগুনে সেবাবোত্যেগুরি বেক্ মানুচ্চুনোরে বোজেই দিলাক্। 16সেক্কে যীশু সেই পাচ্চান্ রুটি আর দ্বিবে মাছ লোইনে স্বর্গ ইন্দি রিনি চেলঅ আর সিয়েনিত্তে গোজেনরে ভালেদি জানানার্ পরেদি কট্টা কট্টা গুরিলো। সে পরেদি তে মানুচ্চুনোরে দিবাত্তে সিয়েনি শিচ্চ্যগুনো আঢত্ দিলো। 17তারা বেক্কুনে পেট ভরে সং হেলাক্। যেরেদি যে কট্টানি পড়ি এলঅ সিয়েনি বারবো লেইয়োত্ তুলি নেযা অলঅ।
নিজো মরণ পৌইদ্যেনে প্রভু যীশু
(মথি ১৬:১৩-২৮; মার্ক ৮:২৭-৯:১)
18একদিন্যে যীশু এক্কান্ নিরিবিলি জাগাত্ গায় গায় তবনা গরের্। তা সমারে বানা তা শিচ্চ্যগুনে এলাক্। তে তারারে পুযোর্ গুরিলো, “মুই কন্না, এ পৌইদ্যেনে মানুচ্চুনে কি কন্?”
19শিচ্চ্যগুনে কলাক্, “কেঅ কেঅ কন্ তুই বাপ্তিস্মদিয়্যে যোহন; কেঅ কেঅ কন্ এলিয়; আরঅ কেঅ কেঅ কন্ ভালোক্ দিন আগে এক্কো ভাববাদী জেই উঠ্যে।”
20তে তারারে কলঅ, “মাত্তর্ তুমি কি কঅ, মুই কন্না?”
পিতরে কলঅ, “তুই গোজেনর্ সেই মশীহ।”
21পরেদি যীশু তারারে কড়া উগুম গুরিলো যেন তারা কাররে এ কধাগান্ ন-কন্। 22তে তারারে আরঅ কলঅ, মান্জ্য পুয়োবোত্তুন্ বোউত্ দুঘ্ ভুগো পড়িবো। বুড়ো নেতাগুন, আজল্ ধর্মগুরুগুন আর ধর্ম-মাষ্টরুনে তারে এলাফেলা গুরিবাক্। তারে মারে ফেলা অবঅ আর তিন দিনোত্ তারে মরণত্তুন্ জেঈ উদো পড়িবো। 23সে পরেদি তে বেক্কুনোরে কলঅ, “যুনি কেঅ মঅ পধেদি এবাত্তে চায়, সালে তে নিজো আয়োচ্ মজিম্ ন-চোলোক্; পত্তিদিন নিজো ক্রুশ্চান্ বুয়োইনে তে মঅ পিজেদি এজোক্। 24যে কেঅ তা নিজোত্তে বাঁজি থেদঅ চায় তে তার জিংকানিগান্ ঘেচ্চেক্গুরি আরেব; মাত্তর্ যে মত্তে তা পরাণান্ আরায় তে তার জিংকানিগান্ ঘেচ্চেক্গুরি রোক্ষ্যে পেবঅ। 25তুই যুনি পুরো পিত্থিমীগান জিদিনে সিয়েনর্ বদলে তঅ জিংকানিগান্ ঘেচ্চেক্গুরি আরাস্ সালে সিয়েনর্ কি লাভ্ অলঅ? নিশ্চয় নয়! 26যুনি কেঅ মরে নিইনে আর মঅ কধালোই লাজান্, সালে মান্জ্য পুয়োবো যেক্কে নিজোর্ মহিমালোই, বাপর্ আর পবিত্র স্বর্গদূত্তুনোর্ মহিমালোই এবঅ সেক্কে তেয়ো সেই মানুচ্চো পৌইদ্যেনে লাজেব। 27মুই তমারে ঘেচ্চেক্গুরি কঙর্, ইয়েনত্ এমন কয়েক্কো আগন্ যিগুনো ইধু গোজেন রেজ্যগান্ দেগা ন-দেনা সং তারা কনমতে মুরি ন-যেবাক্।”
প্রভু যীশুর্ জোল্জোল্যে চেঙারা
(মথি ১৭:১-১৩; মার্ক ৯:২-১৩)
28এই বেক্ কধানি কনার্ এক সাপ্তা পরেদি যীশু তবনা গুরিবাত্তে পিতর, যোহন আর যাকোবরে লোইনে এক্কো মুড়োত্ গেলঅ। 29তবনা গুরিবার্ অক্তত্ যীশুর মুয়ো চেঙারাগান্ বুদুলী গেলঅ আর তা কাবড়-চুগোড়ানি অমকদ ধুব্ ওই গেলঅ, 30অঢাদত্ দ্বিজন্ মান্জ্যরে তা লগে কধা কধে দেগা গেলঅ। সেই দ্বিজন্ অলাক্ মোশি আর এলিয়। 31তারা মহিমার্ লগে দেগা দিলাক্। যিরূশালেমত্ যে মরণ মুজুঙোত্ যীশু আজির্ অবাত্তে যার্ তারা সে পৌইদ্যেনে কধাবাত্তা কদন্।
32পিতর আর তা সমাজ্যেগুনে সে অক্তত্ অমকদ ঘুম্ যাদন্। তারা জাগি উদিনে যীশুর মহিমাগান্ দেগিলাক্ আর তা সমারে থিয়্যেইয়্যে সেই দ্বিজন্ মান্জ্যরেয়ো দেগিলাক্। 33সেই দ্বিজনে যেক্কে যীশু কায়কুরেত্তুন্ যাদন্ সেক্কে পিতর যীশুরে কলঅ, “প্রভু, গম্ ওইয়্যে, আমি ইয়েনত্ আগিই। আমি ইয়েনত্ তিনেন্ তাম্বুল-ঘর্ বানেই-এক্কান্ তর্, এক্কান্ মোশির আর এক্কান্ এলিয়ত্তে।” তে আজলে নয়ো বুঝে তে কি কোইয়্যে।
34পিতরে যেক্কে কধা কর্ সেক্কে এক্কান্ মেঘ এইনে তারারে ছাবালোই নাঢি ফেলেল। তারা সেই মেঘ ভিদিরে নাঢা পল্লে পরেদি শিচ্চ্যগুনে দোরেলাক্। 35সেই মেঘ্কানত্তুন্ এ কধাগান্ শুনো গেলঅ, “ইবেই মর্ পুয়ো যিবেরে মুই বেঈ লোইয়োং; তুমি ইবে কধা শুনো।”
36যেক্কে কধা থামেল সেক্কে দেগা গেলঅ যীশু গায় গায় আঘে। শিচ্চ্যগুনে যিয়েন্ দেখ্যন্ সে পৌইদ্যেনে সেই সময়োত্ কাররে কিচ্চু ন-কোইনে তারা জুরো গুরি রলাক্।
ভান্ন্যেই আত্মায় পেইয়্যে পুয়োবো গম্ অলঅ
(মথি ১৭:১৪-২১; মার্ক ৯:১৪-২৯)
37তার্কেল্যে যীশু আর সেই তিনজন শিচ্চ্য মুড়োত্তুন্ লামানার্ পরেদি সয়সাগোজ্যে মানুচ্ যীশু লগে দেগা গুরিবাত্তে এলাক্। 38সেক্কে ঝাগ ভিদিরেত্তুন্ এক্কো মানুচ্ রঅ ছাড়িনে যীশুরে কলঅ, “মাষ্টরবাবু, দোয়্যে গুরিনে মঅ পুয়োবোরে চাহ্। তে মর্ বানা এক্কোগুরি পুয়ো। 39তারে এক্কো ভান্ন্যেই আত্মায় ধোজ্যে আর তে আদিক্ক্যেগুরি রঅ ছাড়ি উদে। সেই আত্মাবো তারে যেক্কে মুযুরি ধরে সেক্কে তা মুয়োত্তুন্ ফেনা নিগিলে; সে পরেদি তে তারে অমকদ দুঘ্ দিইনে ঘা ঘা গুরিনে ইরি দে। 40মুই তঅ শিচ্চ্যগুনো ইধু কোজোলী গোজ্যং যেন তারা সেই আত্মাবোরে ধাবেই দুয়োন্, মাত্তর্ তারা ন-পারিলাক্।”
41সেক্কে যীশু কলঅ, “অবিশ্বেজি আর পাজি মানুচ্চুন্! আর কয়দিন মুই তমা লগে থেইম্ আর তমারে সোজ্য গুরিম্? তঅ পুয়োবোরে ইধু আন্।” 42পুয়োবো যেক্কে এজের্ সেক্কে সেই ভান্ন্যেই আত্মাবো তারে আছাড়্ মারিনে মুযুরি ধুরিলো। সেক্কে যীশু সেই ভান্ন্যেই আত্মাবোরে ধমক্ দিলো আর পুয়োবোরে গম্ গুরিনে তা বাব ইধু ফিরেই দিলো। 43গোজেনে যে কত্তমান্ দাঙর্ সিয়েন দেগিনে বেক্কুনে আমক্ অলাক্।
নানান্ বাবোত্যে উপদেজ্ আর যিরূশালেমত্ যানা
(মথি ৮:১৯-২২; ১৭:২২,২৩; ১৮:১-৫; ১৯-২২; মার্ক ৯:৩০-৪০)
যীশু যিয়েনি গোজ্যে সে পৌইদ্যেনে বেক্কুনে যেক্কে আমক্ ওইনে ভাবদন্ সেক্কে তে তা শিচ্চ্যগুনোরে কলঅ, 44“মুই কি কোইয়োং এ কধাগান্ ভুলি ন-যেইয়ো, মান্জ্য পুয়োবোরে খেমতাবলা মানুচ্চুনো আঢত্ ধুরি দিয়্যে অবঅ।”
45মাত্তর্ শিচ্চ্যগুনে সে কধাগান্ বুঝি ন-পারিলাক্। গোজেনে তারাত্তুন্ সিয়েনি গুমুরোত্ রাগেয়্যে যেন তারা বুঝি ন-পারন্। ইয়েন্দোই কনঅ কধা যীশুরে পুযোর্ গুরিবাত্তেয়ো শিচ্চ্যগুনে দোরেলাক্।
46শিচ্চ্যগুনো ভিদিরে কন্না বেগত্তুন্ দাঙর্ সে পৌইদ্যেনে তারা ভিদিরে তর্ক অর্। 47যীশু হবর্ পেদঅ তারা কি চিন্তে গরদন্, সেনত্যে এক্কো চিগোন্ গুড়োরে নেযেইনে তা কায়কুরে থিয়্যেই রাগেল। 48সে পরেদি তে তারারে কলঅ, “যে কেঅ মঅ নাঙে এ চিগোন্ চিজিবোরে ভালেদি জানায় তে মরে ভালেদি জানায়। যে মরে ভালেদি জানায়, যিবে মরে পাধেয়্যে তে তারেয়ো ভালেদি জানায়। তমা ভিদিরে বেগত্তুন্ যে চিগোন্, তেয়ই দাঙর্।”
49যোহনে কলঅ, “মাষ্টরবাবু, তঅ নাঙে আমি একজনরে ভান্ন্যেই আত্মা ধাবাদে দেখ্যেই। তে আমা দলর্ মানুচ্ নয় বিলি আমি তারে মানা গোজ্যেই।”
50যীশু তারে কলঅ, “আর মানা ন-গুরিচ্, কিয়া যে তমা বিপক্ষে ন-থায় তে দঅ তমা পক্ষে আঘে।”
51যেক্কে যীশুর স্বর্গত্ যেবার্ অক্ত ওই এলঅ সেক্কে তে যিরূশালেমত্ যেবাত্তে মনান্ থির্ গুরিলো। 52তে আগে ধুরি সিধু মানুচ্চুনোরে পাধেই দিলো। তারা যীশুত্তে বেক্ বেবস্থাগানি গুরিবাত্তে শমরিয়গুনোর এক্কান্ আদামত্ সোমেলাক্, 53মাত্তর্ যীশু যিরূশালেমত্ যার্ বিলি সে আদাম মানুচ্চুনে তারে মানি ন-ললাক্। 54সিয়েন্ দেগিনে তা শিচ্চ্য যাকোব আর যোহনে কলাক্, “প্রভু, তুই কি চাজ্ যে, এলিয় ধোক্ক্যেন্ আমি ইগুনোরে ভস্ত গুরিবাত্তে স্বর্গত্তুন্ আগুন লামি এবাত্তে কবং?”
55যীশু তারা ইন্দি ফিরিনে তারারে ধমক্ দিলো। 56সে পরেদি তারা অন্য আদামত্ গেলাক্।
57তারা পধেদি যাদন্ এমন সময় এক্কো মানুচ্ যীশুরে কলঅ, “তুই যিধু যেবে মুইয়ো তঅ লগে সিধু যেইম্।”
58যীশু তারে কলঅ, “শিয়েলর্ গাঢ্ আঘে আর পেগোর্ পেগোবা আঘে, মাত্তর্ মান্জ্য পুয়োবোর্ মাঢা থবার্ জাগা কনমিক্ক্যে নেই।”
59যেরেদি তে অন্য আর একজনরে কলঅ, “মঅ লগে যেই।”
মাত্তর্ সে মানুচ্চো কলঅ, “মাষ্টরবাবু, আগে মঅ বাব্পোরে কবর্ দি এবাত্তে দে।”
60যীশু তারে কলঅ, “মরাগুনে তারার্ মরাগুনোরে কবর্ দেদোক্, মাত্তর্ তুই এইনে গোজেন রেজ্য পৌইদ্যেনে ফগদাং গর্।”
61আর একজনে কলঅ, “মাষ্টরবাবু, মুই তঅ লগে যেইম্, মাত্তর্ আগে মঅ ঘরত্তুন্ মরে বিদেয় লোইনে এবাত্তে দে।”
62যীশু তারে কলঅ, “নাঙলত্ আঢ্ বাজেইনে যে পিজেদি রিনি চায় তে গোজেন রেজ্যর্ যগাজ্যে নয়।”
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Copyright © 2021 Bangladesh Bible Society