Kumsada 19
19
Lo risibi dus anju na si kasa
1Ki dus anju#Kap 18.22 ciga na Sodoma di tardi. Lo sintaba na porton di prasa. I oja elis, i lanta, i bai kontra ku elis, i mpina ku rostu na con, 2i fala elis: “Siñoris, N pidi bos, bo yentra na kasa di bo servu, bo laba pe antis di bo durmi. Mandrugada, bo ta lanta, bo bai bo kamiñu.” E falal: “Nau; na rua ku no na durmi nel.”
3Ma i purfia ku elis ciu. E bai ku el, e yentra na si kasa. I ranja sia pa elis, i kumpu pon sin fermentu; e kume. 4Antis de dita, tudu omis di tudu ladu di ki prasa di Sodoma, desdi rapasis te bejus, e taja kasa, 5e coma Lo, e puntal: “Nunde ki omis ku bin nunde bo e di noti? Tisinu elis pa fora, pa no pudi dita#Sir 18.22; Lei 23.17; Ŝef 19.22; 1 Re 14.24; 2 Re 23.7; Rom 1.26-27; 1 Kor 6.9 ku elis.”
6Lo sai pa elis, i fica porta si tras, 7i fala elis: “Ña ermons, N na pidi bos, ka bo fasi e kusa mau. 8Jubi, N tene dus fiju femia ku ka kunsi inda omi. Pera N tisi elis fora pa bos, pa bo fasi elis manera ku bo misti, ma ka bo fasi e omis nada, pabia e bin bas di sombra di ña ntuju.”
9Ma e falal: “Sai li!” E torna fala mas: “E omi bin suma ospri pa mora li. Gosi i misti fasi justisa di tudu kusa! No na fasiu mal gosi, mas di ki elis.” E kai tudu riba di Lo, e mistiba romba porta.
10Ki omis dentru di kasa e distindi se mon, e yentranda Lo, e fica porta. 11E pui ki omis ku staba na porta pa e bida#2 Re 6.18; At 13.11 segu, desdi mininu te garandi, di manera ke kansa pa oja nunde ku porta sta nel.
12Ki dus omi punta Lo: “Bu tene algin mas li? Si bu tene fijus macu o femia, o kin ku na kasa ku bu fijus, o kualker utru algin na prasa, tira elis#Num 16.26; Apok 18.4 pa fora, 13pabia no na kaba ku e kau. Jinti na grita dimas pa SIÑOR ku keŝas kontra jinti de prasa. Pabia di kila SIÑOR mandanu pa no kaba ku el.”
14Asin Lo sai, i papia ku omis ku staba pa kasa ku si fijus, i fala elis: “Bo janti, bo sai ne kau. SIÑOR sta pruntu pa kaba ku e prasa.” Ma ki omis tomal na brinkadera.
15Oca sol na mansi, anjus pinca Lo, e falal: “Janti! Toma bu minjer ku bu dus fiju ku sta li, pa bu ka pirdi na kastigu de prasa.”
16Suma Lo na tardaba, ki omis pegal na mon, ku mon di si minjer, ku mon di si dus fiju, e leba elis fora di prasa, pabia SIÑOR tenba pena del. 17Oca ke tira elis pa fora, un delis fala: “Kapli ku bu vida; ka bu jubi pa#Luk 9.62; Fil 3.13-14; Eb 10.38 tras, nin ka bu para na tudu e bulañas. Kapli pa montis, pa ka bu pirdi.”
18Lo falal: “Nau Siñor! 19Bu servu i oja fabur na bu uju. Bu mostran garandi bondadi manera ku bu guardan ku vida, ma N ka pudi kuri pa montis. N medi pa ka ki mal bin pañan, N ta muri. 20Jubi ki prasa pikininu ku sta pertu; N pudi kuri pa el. Disan N kapli pa la, pa ña vida pudi salba. Bu ka oja kuma i pikininu?”
21I falal: “I sta bon. N seta bu pididu. N ka na kaba ku ki prasa ku bu falan del, 22ma janti, bu kapli pa el, pabia nada N ka pudi fasi tementi bu ka kapli pa la.” Pabia di kila, ki prasa ta comadu Zoar, ku signifika pikininu.
23Lo yentra na Zoar kontra sol na mansi.
Sodoma ku Gomora danadu
24SIÑOR manda cuba di nŝofri ku fugu#Lei 29.23; Jo 18.15; Sal 11.6; Is 34.9; Jer 49.18; Am 4.11; Luk 17.29; Apok 19.20; 21.8 di seu riba di Sodoma ku Gomora. 25Asin i kaba ku ki prasas#Jer 49.18; 50.40; Sof 2.9; 2 Ped 2.6; Jud 7 ku tudu bulañas, ku tudu jinti ku moraba na ki prasas, ku tudu planta ku nasi na tera. 26Ma minjer di Lo jubi#Luk 17.31-32; Eb 11.38 pa tras, i bida statua di sal.
27Abraon lanta mandrugada, i bai pa ki kau nunde ki staba#Kap 18.22 dianti di SIÑOR. 28I jubi pa ladu di Sodoma ku Gomora, ku tudu bulañas di ki tera, i oja fumu ku na subi pa riba suma fumu di un furnu. 29Oca ku Deus kaba ku prasas di bulaña, i lembra di Abraon, i tira Lo na metadi di ki danu, oca i na kaba ku ki prasas nunde ku Lo moraba.
Lo ku si fijus
30Lo ku si dus fiju e sai na Zoar, e bai mora na monti, pabia i tenba medu di mora na Zoar. El ku si dus fiju e bai mora na un kuartu kobadu na monti. 31Un dia purmeru fiju fala si sugundu: “No pape i beju ja. I ka ten nin un omi ne ladu pa dita ku nos, suma ki kustumu na tudu mundu. 32Bin, no da no pape biñu pa i bibi, pa no pudi dita#Sir 18.6-7; Dit 20.1; Ab 2.15 ku el, pa no pudi guarda jorson di no pape.”
33Ki di noti e da se pape biñu; i bibi. Si purmeru fiju dita ku el. Nin i ka sinti kontra i dita, nin kontra i lanta.
34Utru dia ki purmeru fiju fala ki sugundu: “Jubi de! Aonti di noti N dita ku ña pape. No torna dal biñu pa i bibi e di noti; bu ta yentra bu dita ku el, pa no guarda jorson di no pape.” 35E da se pape biñu pa i bibi ki di noti. Asin, ki fiju mas pikininu lanta, i bai dita ku el. Lo ka sinti kontra i dita, nin kontra i lanta.
36Asin tudu dus fiju di Lo preña ku se pape. 37Ki purmeru fiju padi un fiju, i coma si nomi#Lei 2.9; 23.3; Ŝef 3.12; Rut 1.1 Moab.#19.37 Moab parsi ku palabra ebraiku pa “di ña pape”. Es i pape di moabitas di aos. 38Ki sugundu fiju tambi padi un fiju, i coma si nomi Benami.#19.38 Benami signifika fiju di ña pobu. Es i pape di amonitas#Lei 2.19; Jos 13.25; 2 Sam 10.1; Ne 4.3,7; 13.1; Sof 2.8-9 di aos.
Trenutno izabrano:
Kumsada 19: povB
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 1993-2020, Instituto de Tradução e Alfabetização
Kumsada 19
19
Lo risibi dus anju na si kasa
1Ki dus anju#Kap 18.22 ciga na Sodoma di tardi. Lo sintaba na porton di prasa. I oja elis, i lanta, i bai kontra ku elis, i mpina ku rostu na con, 2i fala elis: “Siñoris, N pidi bos, bo yentra na kasa di bo servu, bo laba pe antis di bo durmi. Mandrugada, bo ta lanta, bo bai bo kamiñu.” E falal: “Nau; na rua ku no na durmi nel.”
3Ma i purfia ku elis ciu. E bai ku el, e yentra na si kasa. I ranja sia pa elis, i kumpu pon sin fermentu; e kume. 4Antis de dita, tudu omis di tudu ladu di ki prasa di Sodoma, desdi rapasis te bejus, e taja kasa, 5e coma Lo, e puntal: “Nunde ki omis ku bin nunde bo e di noti? Tisinu elis pa fora, pa no pudi dita#Sir 18.22; Lei 23.17; Ŝef 19.22; 1 Re 14.24; 2 Re 23.7; Rom 1.26-27; 1 Kor 6.9 ku elis.”
6Lo sai pa elis, i fica porta si tras, 7i fala elis: “Ña ermons, N na pidi bos, ka bo fasi e kusa mau. 8Jubi, N tene dus fiju femia ku ka kunsi inda omi. Pera N tisi elis fora pa bos, pa bo fasi elis manera ku bo misti, ma ka bo fasi e omis nada, pabia e bin bas di sombra di ña ntuju.”
9Ma e falal: “Sai li!” E torna fala mas: “E omi bin suma ospri pa mora li. Gosi i misti fasi justisa di tudu kusa! No na fasiu mal gosi, mas di ki elis.” E kai tudu riba di Lo, e mistiba romba porta.
10Ki omis dentru di kasa e distindi se mon, e yentranda Lo, e fica porta. 11E pui ki omis ku staba na porta pa e bida#2 Re 6.18; At 13.11 segu, desdi mininu te garandi, di manera ke kansa pa oja nunde ku porta sta nel.
12Ki dus omi punta Lo: “Bu tene algin mas li? Si bu tene fijus macu o femia, o kin ku na kasa ku bu fijus, o kualker utru algin na prasa, tira elis#Num 16.26; Apok 18.4 pa fora, 13pabia no na kaba ku e kau. Jinti na grita dimas pa SIÑOR ku keŝas kontra jinti de prasa. Pabia di kila SIÑOR mandanu pa no kaba ku el.”
14Asin Lo sai, i papia ku omis ku staba pa kasa ku si fijus, i fala elis: “Bo janti, bo sai ne kau. SIÑOR sta pruntu pa kaba ku e prasa.” Ma ki omis tomal na brinkadera.
15Oca sol na mansi, anjus pinca Lo, e falal: “Janti! Toma bu minjer ku bu dus fiju ku sta li, pa bu ka pirdi na kastigu de prasa.”
16Suma Lo na tardaba, ki omis pegal na mon, ku mon di si minjer, ku mon di si dus fiju, e leba elis fora di prasa, pabia SIÑOR tenba pena del. 17Oca ke tira elis pa fora, un delis fala: “Kapli ku bu vida; ka bu jubi pa#Luk 9.62; Fil 3.13-14; Eb 10.38 tras, nin ka bu para na tudu e bulañas. Kapli pa montis, pa ka bu pirdi.”
18Lo falal: “Nau Siñor! 19Bu servu i oja fabur na bu uju. Bu mostran garandi bondadi manera ku bu guardan ku vida, ma N ka pudi kuri pa montis. N medi pa ka ki mal bin pañan, N ta muri. 20Jubi ki prasa pikininu ku sta pertu; N pudi kuri pa el. Disan N kapli pa la, pa ña vida pudi salba. Bu ka oja kuma i pikininu?”
21I falal: “I sta bon. N seta bu pididu. N ka na kaba ku ki prasa ku bu falan del, 22ma janti, bu kapli pa el, pabia nada N ka pudi fasi tementi bu ka kapli pa la.” Pabia di kila, ki prasa ta comadu Zoar, ku signifika pikininu.
23Lo yentra na Zoar kontra sol na mansi.
Sodoma ku Gomora danadu
24SIÑOR manda cuba di nŝofri ku fugu#Lei 29.23; Jo 18.15; Sal 11.6; Is 34.9; Jer 49.18; Am 4.11; Luk 17.29; Apok 19.20; 21.8 di seu riba di Sodoma ku Gomora. 25Asin i kaba ku ki prasas#Jer 49.18; 50.40; Sof 2.9; 2 Ped 2.6; Jud 7 ku tudu bulañas, ku tudu jinti ku moraba na ki prasas, ku tudu planta ku nasi na tera. 26Ma minjer di Lo jubi#Luk 17.31-32; Eb 11.38 pa tras, i bida statua di sal.
27Abraon lanta mandrugada, i bai pa ki kau nunde ki staba#Kap 18.22 dianti di SIÑOR. 28I jubi pa ladu di Sodoma ku Gomora, ku tudu bulañas di ki tera, i oja fumu ku na subi pa riba suma fumu di un furnu. 29Oca ku Deus kaba ku prasas di bulaña, i lembra di Abraon, i tira Lo na metadi di ki danu, oca i na kaba ku ki prasas nunde ku Lo moraba.
Lo ku si fijus
30Lo ku si dus fiju e sai na Zoar, e bai mora na monti, pabia i tenba medu di mora na Zoar. El ku si dus fiju e bai mora na un kuartu kobadu na monti. 31Un dia purmeru fiju fala si sugundu: “No pape i beju ja. I ka ten nin un omi ne ladu pa dita ku nos, suma ki kustumu na tudu mundu. 32Bin, no da no pape biñu pa i bibi, pa no pudi dita#Sir 18.6-7; Dit 20.1; Ab 2.15 ku el, pa no pudi guarda jorson di no pape.”
33Ki di noti e da se pape biñu; i bibi. Si purmeru fiju dita ku el. Nin i ka sinti kontra i dita, nin kontra i lanta.
34Utru dia ki purmeru fiju fala ki sugundu: “Jubi de! Aonti di noti N dita ku ña pape. No torna dal biñu pa i bibi e di noti; bu ta yentra bu dita ku el, pa no guarda jorson di no pape.” 35E da se pape biñu pa i bibi ki di noti. Asin, ki fiju mas pikininu lanta, i bai dita ku el. Lo ka sinti kontra i dita, nin kontra i lanta.
36Asin tudu dus fiju di Lo preña ku se pape. 37Ki purmeru fiju padi un fiju, i coma si nomi#Lei 2.9; 23.3; Ŝef 3.12; Rut 1.1 Moab.#19.37 Moab parsi ku palabra ebraiku pa “di ña pape”. Es i pape di moabitas di aos. 38Ki sugundu fiju tambi padi un fiju, i coma si nomi Benami.#19.38 Benami signifika fiju di ña pobu. Es i pape di amonitas#Lei 2.19; Jos 13.25; 2 Sam 10.1; Ne 4.3,7; 13.1; Sof 2.8-9 di aos.
Trenutno izabrano:
:
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 1993-2020, Instituto de Tradução e Alfabetização