أفسس 4
4
الوحدة والخدمة في جسد المسيح
1اذاً، انا السجين عشان الرب، اطلب منكم إنكم تتصرفوا بطريقه تناسب الدعوة اللي اندعيتوا ليها، 2وبكل تواضع وصبر وطولة بال، متحملين بعضكم في الحب، 3وبكل اجتهاد تحافظو على روح وحده وإنتو متوافقين. لأنو في جسد واحد و روح واحدة، 4زي ما أندعيتوا كلكم، بدعوة ليها رجاء واحد. 5ليكم رب واحد، و ايمان واحد، و معمودية واحدة، 6و إله وأب واحد للكل، فوق الكل والكل بالكل وفي الكل. 7وكل واحد فينا اخد نعمة قد اللي بيديه المسيح. 8عشان كذا يقول الوحي: « لما طلع لأعلى شي، سبى أسرى، و أدى للناس المواهب!» 9بما إنو «طلع» ، فذا معناه انو نزل كمان للأماكن اللي تحت في الارض؟. 10واللي نزَل هوا نفسو اللي طِلع إلين الي فوق كل السماوات علشان يملي كل شي۔ 11وهوا قَبِل كِذه اذا شويه انهم يكونو رسُل، وشويه أنبياء، وثانيين مُبَشِّرين و ثانيين رعاه وأساتذه، 12علشان يأهل القديسين من ناحية عَمَلَ الخِدمة، عشان يبنو جسد المسيح، 13علشان نوصل كُلَّنا لِوِحْدَة الإيمان ووحدة المعرِفَة لابن الله، إلى إنسان كامل البلوغ، بِنَفس قَدِر وقد المسيح۔ 14وكذا علشان ما نكون بعدين أطفال تاخدنا وتودينا أي ريح تعاليم تْغُشَ الناس بتِضْحَك عليهم و بِتجُرهم أنهم يضلوا بالخرش بالمنمك، 15لكن بِنِتمَسَّك بالحق في المحبة، ونِكبَر في كلِّ شيْ يوصلنا للراس، اللي هوا المسيح۔ 16ومنو ياخد الجسد كلُّو تماسكو وترابطو ويساعدو كل مَفصَل بالقدر حقه لِكُل عَمَل بيَتخصص لِكُل جزء، علشان يصير بنيان جسد محبتو منو نفسه في المحبة.
وصايا للحياة المسيحية
17أقول ذا، وأشهد في الرب، وأتمنى وكلي رجا إنكم ما تمشو بعدين زي ما مِشيو الأمم قَبْلَكُم في عقولهم المحدودة، 18لأنهم بصيرَتهم مطفية ومِتغرَّبين عن حياة الله بِسَبَبَ اللي فيهم من جَهِل وقساوة قَلبْ. 19ذولا، اذا سابو الاحاسيس على جنب، استسلمو للإباحة علشان يسو كُل نجاسه بشهوة و فَجعَنه ما تِخلَص. 20أماَّ انتو، ما تعلّمتو عن المسيح كذا، 21اذا كنتو سمِعتوه فعلا من قَبِل وأتعَّلَّمتو فيه التعليم اللي بيمشي مع الحق اللي في يسوع! 22وهوا انكم تتركوا أي شي لوه علاقة بسيِرَتكم اللي فاتت: الإنسانَ القديم يخرب بالشهوات اللي تخدع؛ 23وبتِتجَدَّدوُ في روح عقولكم، 24وتِلبسو الإنسانَ الجَديد المخلوق على أخلاقَ الله في البر والقداسة بالحق.
25علشان كذا شيلو عن نَفْسَكُم الكذب، وإتكلَّمو بالحقيقة كل واحد مع قريبو، لأننا أعضاء لِبَعْضَنا۔ 26اذا عصَّبتو، ما تغلطو؛ لا تخلو الشمس تِغيب وانتو معصبين، 27ولا تسيبوا فرصة لإبليس! 28واللي كان حرامي، ما يسرق بعد كذا، الأحسن انو يِكرف ويشتغل بيدينو في مهنة شريفة علشان يكون عندو اللي يشارك فيه المحتاجين. 29ما يِخْرُج منَّكم كلام فاسد، بِالعكس يِخرج منكم الكلام الصالح للبنيان اللي السامعين محتاجين يسمعوه، ويديهم النِعمة۔ 30وما تحزِّنو روح الله، الروح القُدُس اللي تَمَّم نِعمَتو عَليكم لِيومَ الفِدا. 31شيلو من نَفسَكُم كل حقد وحسد وغضب وتعصيب وشتِم وكُلِّ شر. 32وكونو لُطاف مَع بَعضَكُم، تشفقوعلى بعض، مسامحين بعْضَكُم بعض زي ما سَامَحْكُم الله في المَسيح۔
Trenutno izabrano:
أفسس 4: HNAV
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Hijazi New Arabic Version © 2024 Strategic Resource Group