فيلبي 3
3
لا تتكل على حاجات الجسد
1و كمان، ياخوان، افرحوا بالرب. انا ما بتضايق لما اكتب لكم الاشياء نفسها، ذا بيخليكم في آمان. 2انتبهو! من «الكلاب»، اللي يعملوا شر، اللي يقطعوا الجسد. 3احنا اهل الختان الحقيقيين، عشاننا نعبد بروح الله و بنفختر بالمسيح يسوع، و ما نِتكَل على الجسد، 4مع انو من حقي انا كمان أتكل على جسدي. و اذا جا على بال واحد فيكم انو يِتّكِل على حاجات الجسد، أنا ليا حق اكثر منو: 5من ناحية الختان، أنا مختون من ثامن يوم في عمري؛ وأنا من شعب اسرائيل، من فرع بنيامين، عبراني من العبرانين؛ ومن ناحية الشريعه، أنا فريسي؛ 6و من ناحية الحماس، أنا كنت أضطهد الكنيسة؛ و من ناحية البر المطلوب في الشريعة، كنت من غير لوم. 7بس، ماكان ِليَّا مكسب، واعتبرتو خساره، عشان المسيح. 8و انا بعتبر كل حاجة خسارة، عشان مكسب إني أعرف المسيح يسوع ربي؛ و عشانو أتحملت خسارة كل حاجة، واعتبر كل حاجة نفايه، عشان أكسب المسيح 9و يكون ليَّا فيه مقام، و ماعندي البر حقي اللي على اساس الشريعة، بس من البر اللي جاي من ايماني بالمسيح، البر اللي من عند الله على أساس الايمان. 10وانا ابغى اعرف المسيح و قوة قيامتو واتشارك معاه في أوجاعو؛ وأصير زيو في موتو، 11على أمل إني أقوم من بين الأموات!
12انا ما بقول اني اخذت زي الجايزة او اني وصلت لكل الايمان. و إلين دحين احاول إني آخدها، زي ما المسيح اتمَّلكني. 13يا اخوان، انا ما اعتبر نفسي اخدت الجايزة ، بس انا اسوي شيْ واحدا: بنسى اللي ورايا و امشي بإتجاه اللي هو قدام، 14و بشتغل عشان الهدف، عشان آخذ الجايزة اللي بيدعينا الله ليها دعوة كبيرة في المسيح يسوع.
المشي على ممشى بولس
15كل اللي بالغين مننا، لازم يكون عندهم ذا الفكر. و اذا كان فيكم غير ذا الفكر، فعشان كذا الله رح يبينو ليكم. 16عشان نكمل المسيرة من مكان ما وصلنا، على نفس الطريق.
17كلكم يا اخوان، امشوا على ممشاي؛ و طالعوا على اللي يمشو على نفس الطريق اللي بتشوفونا في. 18و كثير من اللي يمشو بينكم، اذكرهم كثير و بذكرهم دحين كمان و ابكي، وهم أعداء لصليب المسيح. 19اللي مصيرهم الهلاك، و بيعْبدو بطنهم، و ويشوفوا نفسهم بالشيْ اللي يِكْسِف ومُخْزي، و تفكيرهم بس دنياوي. 20بس احنا، مكاننا في السموات اللي منها بنستنى رجعة اللي يخَّلصنا هوَّالرب يسوع المسيح، 21اللي راح يخلي جسمنا الوضيع يصيرصوره مطابقه بجسدو المجيد، وذا بقدرتو على اخضاع كل حاجة لنفسو.
Trenutno izabrano:
فيلبي 3: HNAV
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Hijazi New Arabic Version © 2024 Strategic Resource Group